كيفاش ندير معاه 2

[مشكلتي]

السلام عليكم
أنا صاحبة مشكلة كيفاش ندير معاه؟؟ (http://www.djelfa.info/vb/showthread.php?t=1275977)

شكرا جزيلا على كل النصائح والارشادات الي قدمتوهالي،ربي يحفظكم ويسدد خطاكم،الحل وحيد في نظري هو اني نحكي لابي ولا واحد من اخوتي صح كيما قلتولي
بالصح انا ابي يخدم في منطقة أخرى واخوتي صغار يعني انا الكبيرة فيهم،وبخصوص لي قالولي على الجحاب انا والحمد لله متحجبة وحجاب كامل ساترني والحمد لله وعينيا ما نرفدهمش في الطريق بالصح للاسف هذي ولات نقمة الي نفوت عليه يقولي طلعي راسك شوية خلينا نشوفوك وهذاك قلتلكم من الي زاد لقاني هكذاك ولا يتمادى واحيانا يجي قدام دارنا يدور بسيارته رغم بعد المسافة بين سكنه وبين دارنا،انا صدقوني قبل ما نتوجه ليكم وكلت عليه ربي ودعيت ربي يهديه ويبعد و على طريقي ومن بعد قلت نستشيركم كاش ما تدبروا عليا،حتى وكاين لي جرحوني بهدرتهم بالصح معليش انا لي طلبت النصيحة
ربي يفتح عليكم وصحيتو بزاف

[فافا مينوشة]

ماعليش ختي بخصوص الردود الجارحة مديريش عليهم رانا نشوفوهم ميحس بلجمرة غير لي كواتو
حنونة اهدري مع كاش واحد من لافامي رزين يهدر ويتفاهم معاه بلا مشاكل
ولا ارميه في ثقيل يفهم روحو التجاهل هو احسن دواء للجاهل وربي يوفقك

[اولادي حياتي]

ربي يكون معاك حنونة .

[nouna l maghbouna]

احكي لواحد كبير و متفهم في العائلة
و نقصي من لخروج او بدلي اوقات خروجك اللي يعرفهم هو
صمطيه و اصبري
ربي معاك

[HAKIM HA]

يا اختي انا مشفتش مشكلتك واش هي لكن على حساب ما فهت راهي ازعاج

مناش في غابة اختي القوي يأكل الضعيف

اي مقر للامن قريب منك ولا تريدي الفضيحة تكلمي مع القائد للفرقة مع طلب السترة سوف تتصرف الشرطة بدون ان يسمع اي شخص

و الله يهدي ما خلق كلاونا جماعة لونساج

[amine eco]

الله يهدي من خلق وربي يفرج عليك انشاء الله

[غربة أهل السنّة]

و عليكم السّلام و رحمة الله و بركاته

حتّى ولو كان ابوك يعمل في مكان بعيد
لكن يجب عليك على الأقل إخباره لا تنسيي أن مكانة الأب عظيمة و هو المسؤول الأول عن الأسرة
و حافظي على حجابك و غض بصرك فأنت جوهرة
ربّي يحفظك أختي

[ام سارة 285]

تكلمي اختي مع والدتك وهي بدورها تتكلم مع احد الاقرباء يروح يوقفو عند حدو

[libanarim]

توجهي الى مقر الأمن
وقدمي شكوى رسمية .
رايحين يرفدوه في الحين

[محمد جديدي التبسي]

أتمنى ان لا أكون ممّن قسى عليك في الرد
الأحسن لك أن تغير طريقك من العمل إلى البيت
ان لا تمشي وحدك
حاولي أن تمشي في طرق مكتظة بالناس
تجنبي الشوارع الفارغة من المارة
وإذا وجدت عمل أقرب إلى بيتك فهو أفضل
ربي يبعد عنك ما يسوؤك

[سِدْرَةِ الْمُنْتَهَى~]

اخبري شخص من رجال العائلة لايقافه عند حده والله المستعان.

[amine eco]

اخبري شخص من رجال العائلة لايقافه عند حده والله المستعان.


هذا تحريض على الفتنة ماذا لو ارتكب اخيها جريمة في حق هذا الشخص هل تذهبين الى منتدى التعازي لتعزيتها .........لا ياختي لا تعالجي الخطأ بالخطأ .............بالامكانك تغير الطريق او اقتناء سيارة اجرة كما قال الاخ الكريم

[يوسف برياني]

افضل شيء ان تخبري اخاك او والدك بأنه يقلق فيك

هم يشفو معاه الحل

+

راني هنا اختي والله العظيم نسيه في اليوم اللي زاد فيه
خبري برك

[المحب للجزائر]

الله يهديه و لا يديه هذا ما نقولوا
و اسف إن كان كلامي جارج او قد تقصدي أني
انا من لي جرحوك ..
أتمنى يولي عقله ـ صراحة أتعجب من هيك تصرفات
درجة الانحطاط الكبيرة لبعض الشباب،حتى لي يعمله
انتقاص من قدره إن عنده قدر

أختي اشتكي لربي
فدعوة المظلوم مستجابة ليس بينها و بين الله حجاب
تحية لك

[ميمنة الجزائر]

اخبري باباك حتى وراهو يخدم بعيد عليكم

وانا انصحك انك لا تكترثي له يعني تافه يما هذا وكلي ربي وكملي بالدعاء صباح وعشية

وربي يهدي اللي جرحك لانو ساعات نجرحو الناس خافو شوية لانو راهم عباد كيما حنا يعني

قبل ما تقولو حاجة تجرح انصحوها بالتي هي احسن وحتى ان اخطا العبد لانو ماناش ملايكوة رانا كامل

كل واحد عندو اللي يكفيه

واقول لكي واعيد وكلي ربي واطقيها صباح وعشية وان شاء الله ربي ما يخيبش ضنك لانو دعوة المظلوم مستاجبة

[bibicha]

نقولك حاجة اختي لعزيزة اولا كي تمشي فالزنقة كثري من الاستغفار والله ربي يبعدو عليك و ديري ايكوتور في ودنيك و ديري قرأن و امشي فالطريق ما تسمعيه ما توجعي قلبك بيه و اطلبي ربي يبعدو عليك و شوفي طريق اخرى بدليها يعني منين ما يزيدش يشوفك و ماتعمريش راسك بيه و بالاكي تقيميه ولا تجاوبيه اختي لانو باين نيتو ماشي صافية

[سعاذ]

السلام عليكم
اختي تشجعي وخبري باباك كي يروح
ولاحشمتي من باباك قولي يماك تقلوا
خاطر مع الوقت تخافي تتحول هذي المطاردات الى حوايج واحد اخرين
انت في غنى عنها خاطر اذا استمر حال هكذا ريحا تكرهي حياتك
وتعيشي في خوف مستمر و انت كنتي قدرا تجنبيه
ربي يكون معاك
دمتم في رعاية الله و حفظه

[رميساء خولة]

ربي يهديه اجياح المخلوق هذا نتع الصح
بدلي طريقك وامشي قدقد واخطيك منوا

[Aboumakmen]

ربي يكون معاك

[abdellah36]

انا شخصيا لو ارى رجلا يعاكس فتاة متجلببة و بظهر عليها الدين و الحياء في الشارع فساضربه .و لا ابالي بما سيحصل لي ..................