هااام الى كل بنات و فتيات هااام

[ضابط كبير]

السلام عليكم ورحمة الله وشراكم خاتي ان شاء الله تكونوا بخير
https://fbcdn-sphotos-h-a.akamaihd.net/hphotos-ak-prn1/922805_377728219009573_884539553_n.jpg
ليامات هاذو لي فاتو عيطلي واحد صاحبي قالي راني محتاجك في امر ولازم نتلاقاو فحددنا موعد وتلاقينا.
حكينا قصرنا ضحكنا حتى من بعد قالي راني عيطلك باش نسقسيك على وحدة!!!!!!!
قلتلو خير ان شاء الله قالي فلانة تعرفها؟؟؟
قلتلو ايه قرات معايا في الترمينال وفي الجامعة
قالي راني باغي نتقدملها وشرايك فيها؟؟؟
واكره حاجة عندي هاذ الامور تاع الزواج والمسؤوليات لي قادريين يوصلونا لامور مايش مليحة
قتلو يا خويا وش شافت عيني ووش نعرف عليها بلي ناس ملاح وتبان عاقلة قلتلو راني جامي هدرت معاها ولا هدرت معايا بصح تبان جابدة روحها ومايش تاع تخلاط
المهم حكينا في الامر مليح حتى يرجع ويسقسيني على نفس السؤال
الي هو مشات مع واحد ولا جامي؟؟؟؟
قلتلو انا جامي شفتها مع واحد والعلم عند ربي قلتلو راني نهدرلك وش شافت عيني زدنا حكينا زاد سقساني على عام تاع الترمينال يعني حكيا عندها سنوات
زاد قالي وفي اليسي كانت تمشي ولا لا؟؟
قلتلو يا خويا الله اعلم بصح انا ماشفتهاش
فاستغربت انا لهاذ الاسئلة
ومن بعد قالي مستحيل ندي وحدة مشات مع واحد.......!!!!!

اخواني راني حطيت الموضوع هذا منها حكاية ومنها نصيحة لخواتاتي لبنات باش يعرفو الناس على واش راهي تحوس وشكون يخيرو للزواج...
باش ياخذو حذرهم ويعرفو بلي الطفلة اذا خرجت مع واحد راهي راح دير امر قادر ياثر في مستقبلها...
الباقي نكملوه ان شاء الله في الردود
ربي يسترنا ويستر اخواتنا وبناتنا ونساء المؤمنين

[souzie]

صح هادي كاينة مي دوكا راهم يتزوجو كلي خرجت مع واحد كلي لمخرجتش و كيما يقولو الصالحون للصالحات و ربي يجيب لكل واحد على حساب قلبي

[حميدة2012]

ايه عندك حق ممكن غلطة قديمة تاثر في مستقبل البنت موضوع مليح نتمنى لبنات يستفادو منو

[عبد الرؤوف24]

السلام عليكم
لكن رانا نشوفو احيانا العكس واحدة نية مسكين مايعرف والو يطيح فى وحدة ...عندها سصوابق..
او العكس واحد ثعلب وما ادراك ماالثعلب وافعاله فى سرقة واكل الدجاج .....فى الاخير يقوم بالبحث عن مراة بريئة ليس لديها ادنى
سوابق لانو كما يقال سفيه قارى النقص
شكرا

[sali-sali]

ايه هدي حاجة باينة يسال عليا....ولكن مش تفاصيل حياتها من لي زادت..تارمينال.جامعة..بعد الجامعة
يسال اكييييييييد..لكن مش لدرجة يبين انو شاك فيها وهو اصلا مايعرف والو

يسال عليها....على اهلها
يخطب...واثناء لقاء شرعي يحاول يحدد بعض المفاهيم

[ضابط كبير]

كاينة صح مبصح ثاني لازم على بنات تسأل على راجل لي راح يخطبها ماشي تغمض عينيها برك

[عبد الرؤوف24]

ايه هدي حاجة باينة يسال عليا....ولكن مش تفاصيل حياتها من لي زادت..تارمينال.جامعة..بعد الجامعة
يسال اكييييييييد..لكن مش لدرجة يبين انو شاك فيها وهو اصلا مايعرف والو

يسال عليها....على اهلها
يخطب...واثناء لقاء شرعي يحاول يحدد بعض المفاهيم

نعم انا معكى فى الراي لا يجب ان يسال فى فترة المراهقة مثلا ايام الثانوية على الاقل من 17 18 سنة فما فوق
لانو سوف يتحول الامر الى **توسويس وشك وفقط***

[sali-sali]

كاينة صح مبصح ثاني لازم على بنات تسأل على راجل لي راح يخطبها ماشي تغمض عينيها برك

اكييييييييد
ولكن مش هيا لي تسال
اهلها هوما لي يسالو عليه
ويعرف لمن يعطو بنتهم

[مريم الصابرة]

السلام عليكم أخي
هو من حقو اكيد هذي زوجة المستقبل ولازم يعرفها لكن يسقسي من الليسي وما ينساش من كانت فالروضة والله مرات نشوفو عباد نبقاو حايرين يعني هذا داخل على شك ومش واثق فيها وسقساك إنت وجاوبتو عادي لو طاح في واحد ما يخافش ربي يحط فيها الحط يامنو ويخليها عادي ربي يهدينا
من رأي اللي حاب يسقسي يروح لناس كبار وتخاف ربي ويسقسي على اهلها قبل ومن بعد عليها وهنا يهني راسو مادام الثقة راحت

[هجيرة رغد]

معك حق اخي هادا هو الصح راهي هادي افة منتشرة بكثرة
وكي تقلهم وعلاه يقولو هاد هو الحب

[عبد الرؤوف24]

السلام عليكم أخي
هو من حقو اكيد هذي زوجة المستقبل ولازم يعرفها لكن يسقسي من الليسي وما ينساش من كانت فالروضة والله مرات نشوفو عباد نبقاو حايرين يعني هذا داخل على شك ومش واثق فيها وسقساك إنت وجاوبتو عادي لو طاح في واحد ما يخافش ربي يحط فيها الحط يامنو ويخليها عادي ربي يهدينا
من رأي اللي حاب يسقسي يروح لناس كبار وتخاف ربي ويسقسي على اهلها قبل ومن بعد عليها وهنا يهني راسو مادام الثقة راحت


اختى وكاين ناس والله نعرفهم تعرفو على الاسرة على البنت واقتنعو .......ولم يقوم بابحاث ولا تحريات ... وووفقوا فى اختيارهم

[sarah1424]

salam
wallah klamk shih 100% whadi l nkhaf menha
ana tani andi hkaya ala sahebti hya zina rabbi ybarek wkanet tehki maa wahed par telephone
dukka kol mayji wahed wyokhtobha yrohlou y9ollou voila les msg l kanet tab3athom whak wech naaref aliha
rahi hyatha habssa malgré zina w9aria mais ghaltet wrahi tssalak

[sarah1424]

السلام عليكم أخي
هو من حقو اكيد هذي زوجة المستقبل ولازم يعرفها لكن يسقسي من الليسي وما ينساش من كانت فالروضة والله مرات نشوفو عباد نبقاو حايرين يعني هذا داخل على شك ومش واثق فيها وسقساك إنت وجاوبتو عادي لو طاح في واحد ما يخافش ربي يحط فيها الحط يامنو ويخليها عادي ربي يهدينا
من رأي اللي حاب يسقسي يروح لناس كبار وتخاف ربي ويسقسي على اهلها قبل ومن بعد عليها وهنا يهني راسو مادام الثقة راحت


andek lha9 meriem
psk had lyam wallaw nass mayetamnouch wy9olou hwayj makanch
whoua tani malazemch ysa9ssi shabou l kanou yaarfouha kaml ysa9ssi ala sa famille :19:

[ZORRO__DZ]

استر ما ستر الله

شجرة بدون ظل مثلاََ

[ضابط كبير]

ياجماعة باه نتفاهمو هذي هي عقلية شاب الجزائري و فلسفته تقول مانقدرش نزوج طفلة ماشت معايا لخاطر كيما مشات معايا مشات مع غيري
و بزيادة راهي طفلة كي تمشي ماشي هدرة برك راه كاين صوالح وخدوخرين ولله تقول راك في ماريكان

[مريم الصابرة]

اختى وكاين ناس والله نعرفهم تعرفو على الاسرة على البنت واقتنعو .......ولم يقوم بابحاث ولا تحريات ... وووفقوا فى اختيارهم
السلام عليكم اخي
اكيد السوال على الزوجة واجب ولازم ومن بعد تجي عقلية المرأة فالدار مرات اهلها روعة وهي تبان ماشاء الله ولما يدخلها للدار تشعل النار فالدار يعني يبقى الحرص فالإختيار ربي يوفق الجميع شكرا

[مريم الصابرة]

[QUOTE=sarah1424;1052414170]andek lha9 meriem
psk had lyam wallaw nass mayetamnouch wy9olou hwayj makanch
whoua tani malazemch ysa9ssi shabou l kanou yaarfouha kaml ysa9ssi ala sa famille :19:[/QUOTE
السلام عليكم اختي سارة
على هذي انا قلت لازم يسقو ناس كبار لأانو الناس رجعت ما تخافش ربي وظلمو بنات بزاف ويبدا من اهلها لأانو الشجرة الطيبة تعطي الثمار الطيبة ومن بعد على الطفلة ومن بعد تتوالم العقليات هنا يكون اساي الزواج السليم وربي يلاقي الطيبون بالطيبات شكرا

[مريم الصابرة]

ياجماعة باه نتفاهمو هذي هي عقلية شاب الجزائري و فلسفته تقول مانقدرش نزوج طفلة ماشت معايا لخاطر كيما مشات معايا مشات مع غيري
و بزيادة راهي طفلة كي تمشي ماشي هدرة برك راه كاين صوالح وخدوخرين ولله تقول راك في ماريكان
السلام عليكم
خويا رانا فاهمينك وبارك الله فيك
ولازم الطفلة ما تمد فرصة لحتى راجل اللي عينو فيها يورح لدارهم ما تمشي ما تحبي ما طير ماكانش قد قيمتها راسها يكون مرفوع لأنو كلو لعب والوقت هذا صعابو الناس بزاف ربي ينور طريق بناتنا كلهم وينور شبابنا أيضا ويبعدهم على الحرام بارك الله فيك وعلى حرصك على بنات مجتمعك بارك الله فيك

[touha @]

كيما قلت خويا الطيبون للطيبات و الخابثون للخابثات الى الأخر ركم تعرفوا السورة مايجيش واحد داير رايح و يزعق على البنات و مبعد يقول ان ندي وحدة جامي خرجت ربي ما يظلمش باش وحدة جامي خرجت يعطيها واحد داير رايه الا تاب الى الله و الطفلة تاني الا تابت التائب من الذنب كما لا ذنب له كي الطفلة كي الطفل حتى واحد ما خير من واحد عند ربي و مدبينا الإخوان تاني يتقوا الله في البنات المراة معروفة بالحنانة و بلخف تروح فالعب و رجال يستغلوا الفرصة خصوصا البنات الصغار كاين لوالدها معتواش لحنانة و يجي واحد يبدى يطمع فيها و هي تحلم تروح معاه

[ضابط كبير]

مشكل راه في توعية تع والدين خاصة ام نورمالمو ام تخبر بنتها بهذو صوالح باه ما توقعش في غلط و تعطيها امثلة واقعية و توعيهاا ماشي كي تطفر

و بنسبة للاولاد ولله غي كاين دراري عمرهم مامشاو وانا واحد منهم هههههههههههه ماشي لخاطر مانقدرش مبصح علابلي كن نمشي مع وحدة راح نفسدلها سمعتها و تولي على كل لسان و يولو يشوفو فيها حاجة وخدوخرا

وكاين صحابي لي مشاو و دارو صوالح ربي يغفرلهم مع بنات و كي نحكو على زواج يقولك راني حاب وحدة جامي مشات ههههههههههه ياو فيق روحك كما تدين تدان

المهم نصيحة للبنات ماتنساقيش وراء هذه جياحة تع نمشي وحب الخ لخاطر ماتجيبلك غي مشاكل ماتخلطيش بزاف باه تبقاي ثمينة لخاطر عن سياغ <لي يبيع ذهب> حاجا غالية مايخليش ناس تشوفها و تمسها غي لي حاب يكسبها

وفي اخير يارب ارزقنا ببنت الحلال و بنت حلال ما يديها غي وليد لحلال و حديث قياس

[touha @]

كما قلت اخي الطيبون للطيبات و الخابثون للخابثات الى اخر السورة راكم تعرفوها بصح ما بجيش واحد داير رايه و يقولك انا ندي وحدة جامي خرجت ربي ما يظلمش باش وحدة طاهرة يعطيها واحد العكس تعها الا اذا تاب الى الله التائب من الذنب كما لا ذنب له و هاد الهدرة تنطبق على الجنسين حتى الطفلة تاني تبغي راجل نقي مشي اي واحد تزوج بيه و اخوانا تاني مادابيهم يتقوا الله في البنات علاش يطمعوهم و يديروا وحد صواله تقول هدا ماندي و فصح 0 المراة معروفة بالحنانة و خصوصا البنات الصغار جايين الدنيا يامنوا كلش و يكون عندهم فضول باه يجربوا خاصة الى متلرباوش على الدين و لا والديهم هملوهم و معتاوهمش ليحتاجوه يجي راجل عفريت فالقوالب و يبدا نبغيك و مانسمحش فيك ياك ركم تعرفوا طفلو بلخف تروح معاه في اللعب و الله غالب كالوحدة و كيفاه المهم كما تدين تدان و ربي يهدينا

[لجين93]

صح عندك الحق اخي الكريم
حتى لو تزوجت راح تبقى دايما مشاكل و عدم الثقة بين الزوجين
و الحاجة لمحيرتني علاه يوصلو رواحهم لهاديك الحالة لانو مكانش سبب مقنع يخليهم يروحو لهديك الطريق
على العموم ربي يهديهم

[الإدريسي العلوي]

كل فتاة صاحبت أجنبيا عنها
تكون قد بذرت في قلبها
بذور الخيانة
فيستحيل أن يجدد أحد فيها الثقة

[bibicha]

الشباب رجع هاك لانو نحكيو الصح في وقتنا قريب نلقاو وحدة في الحضانة عندها واحد كثر الفساد و كثرت العقليات الدخيلة و مع الوقت الناس بداو يشوفو العيوب نتاع البنات لي بعد الزواج ترتبط بالشخص لي عرفاتو قبل الزواج و ما اكثرها هذه الحكايات الله يصلح احوالنا و يحفظ بناتنا

[wafa16]

ادا كان هو شريف و عمرو ما مشى و لا خلط عندو الحق يحلم و يبحث عن امراة كيما هو و يدير تحقيق شامل
لانو يستاهل
لكن اللي كان يلعب ببنات الناس ما عندوش الحق و ادا ما خرجتش في مرتو تخرج في بناتو و الدنيا دوارة
الطيبون للطيبات و الخبيثون للخبيثات
و ما تنساوش الزاني لا ينكح الا زانية
لوكان غير كل لبنات يسمعو هاد لحكاية لانهم يكدبو و يحبو يعيشو الوهم و اللي تخالفهم تولي مريضة و الا متخلفة
ربي يهدينا

[ضابط كبير]

ادا كان هو شريف و عمرو ما مشى و لا خلط عندو الحق يحلم و يبحث عن امراة كيما هو و يدير تحقيق شامل
لانو يستاهل
لكن اللي كان يلعب ببنات الناس ما عندوش الحق و ادا ما خرجتش في مرتو تخرج في بناتو و الدنيا دوارة
الطيبون للطيبات و الخبيثون للخبيثات
و ما تنساوش الزاني لا ينكح الا زانية
لوكان غير كل لبنات يسمعو هاد لحكاية لانهم يكدبو و يحبو يعيشو الوهم و اللي تخالفهم تولي مريضة و الا متخلفة
ربي يهدينا
ههههههههه ولله كاين منو كلامك يشوفو طفلة ماتحب تمشي ولا تخلط يقولك معقدة متخلفة ناقصة صراتلها عفسة الخ الخ

وسؤال مطروح وين هو دور جمعيات و دور اولياء و دور مدارس و مربين و اكثر حاجة وين راه دور اائمة

[BAROUD]

تلفونا كامل الخيوط

لازم نعاود نحسب من اول

[touha @]

مافيها والو واحد كيتعجبوا طفلة اخلاقا و دينا ينجم يهدر معاها على نية تاعوا منجهتها الا قبلت به يتفاهم معاها على الخطبة رسميا الحب ماشي حرام و مكاش كيما الحلال علابالي اى واحد كان يقرى و لا عاطل يبدى يعكس فيها روحو ماشي هاك هو يكون قادر يخرج معا النسا بصح لوكان في وجه ربي ميديرش الحرام و يقول يا ربي انا ننجم باه ندير الحرام و في وجهك منديرهش بصح راني ناوي الحلال ربي غادي يسهله بزاف و يعطيه لي مكانش بلاك يحلم به ربي يقول من ترك شيئا لله عوضه خيرا منه و مكاش كيما الحلال و راحت البال و رضا الله قادر الانسان يعيش مهموم طول حياته بلا مشاكل بصح الهم تاعو هو التخمام و الوساس يخاف شي لداره يولي عليه يسموه الوسواس القهري ربي يحفظنا

[المنديل الابيض]

اعتقد ان الزواج مكتوب و كل هذي الامور مجرد شروط وهمية لان وقت الصح واحد كي يبغي وحدة حتى ويلا مشات يسمحلها و يفتح ورقة بيضة والعكس اذا ما بغاهاش وتكون جات من الجنة ما يديهاش
كاين مثل راهو شايع عندنا يقولولو' المرى كي التمرة امسح وكول' نهار لي سمعتو حبس راسي :sdf:
لكن كي شت الواقع فهمت ...
بنات الفاميلاراهم في دار باباهم و بنات الشارع راهم في ديار رجالتهم
واسمحولي على كل حال

التربية ليست من اجل الزواج فقط بل هي مبدأ يغرس في روح كل انسان حتى يستطيع ان يعيش حياته بطريقة صحيحه
وعلى كل بنت ان تكون طاهرة امام الله و ليس من اجل ان تحصل على زوج جيد

[ضابط كبير]

اعتقد ان الزواج مكتوب و كل هذي الامور مجرد شروط وهمية لان وقت الصح واحد كي يبغي وحدة حتى ويلا مشات يسمحلها و يفتح ورقة بيضة والعكس اذا ما بغاهاش وتكون جات من الجنة ما يديهاش
كاين مثل راهو شايع عندنا يقولولو' المرى كي التمرة امسح وكول' نهار لي سمعتو حبس راسي :sdf:
لكن كي شت الواقع فهمت ...
بنات الفاميلاراهم في دار باباهم و بنات الشارع راهم في ديار رجالتهم
واسمحولي على كل حال

التربية ليست من اجل الزواج فقط بل هي مبدأ يغرس في روح كل انسان حتى يستطيع ان يعيش حياته بطريقة صحيحه
وعلى كل بنت ان تكون طاهرة امام الله و ليس من اجل ان تحصل على زوج جيد
ياودي كاين وكاين

حنا هدف تاعنا نحو هذه ظاهرة من مجتمع و كل واحد ورائيو

[ام سارة 285]

موضوع صعيب بزاف اخي و ياريت الفتيات يشوفوه و يقراوه و يسمعو الهدرة المشكل انو البنات المراهقات يحبو يديرو رايهم و يعيشو حياتهم و عادت عقلية boyfrend موضة العصر و الذكور ايضا عادو يتباهاو شكون اللي عرف اكبر عدد من الفتيات و لينا في وقت منحط
و كاين فتاة جامي هدرت مع واحد و لمجرد انها تحدثت مع انسان مثلا يسألها عن عنوان او اي شيء الناس كلهم يشوفوها و يقولو راهي مع فلان وكاين اللي دارت العجب وواحد ما يجيب خبرها
و الشباب ايضا فيهم اللي نية منين يشوف وحدة تعجبو يروح يخطبها و كاين اللي يمشي مع الف وحدة و كي تقولو ارواح اخطبني يقولها ما بني على باطل فهو باطل و يروح يقول لامه شوفيلي وحدة جامي خرجت وجامي شافت و في الاخير يطيح في وحدة اسوء من اللي عرفهم
انا الحاجة اللي تغيضني انو الفتيات علابالهم واش راهو صاري في الدنيا و يكن لا يتخذون حذرهم و انا اعقب على كلامك انو يسأل عليها بعد ال18 او 17 حسب ما راني نشوف بنات الثانوية راهم مدايرين حالة .... في فترة غير بعيدة شفت في الفيسبوك صورة تشمئز لها النفس بقيت مريضة بسبتها و الموضوع فتاة و شاب في وضع مخل بالحياء وراء احد الابنية على ما اظن مدرسة او مؤسسة تعليمية و الادهى و الامر انو الفتاة تلبس مئزر ابيض و مدايرة حجاب يعني طالبة في الثانوية و الشاب موقف سيارته على جانب الطريق و شخص مجهول قام بتصويرهما خفية و نشر الصورة و بدأت التعليقات ,,,,,,,,,,,,
و حبيت نضيف معلومة انو الحاجة اللي راهي مقلقتني انو الاساتذة عادو ما يلعبوش دورهم في التربية عادت رسالتهم تعليمية و فقط بكري المعلمين والاساتذة كانو يوعيو التلاميذ وكي يشوفو حاجة ماشي مليحة يستدعيو الاولياء و ضرك يقولو سلامة راسي حتى برنامج التربية الاسلامية لا علاقة له بالاخلاق كنا نقراو الزكاة الميراث وفي الامتحان يمدولك مسألة علي الميراث ويقولك حلها يعني مواضيع لا علاقة لها بالواقع و لا مرة الاستاذ قالنا النمص حرام او كيفاه لازم يكون الحجاب الشرعي و غيرها من المواضيع ممكن تقولولي الاولياء كاين اولياء ما ينتابهوش لهذو المواضيع وما عندهمش معلوملت كافية لكن استاذ تربية اسلامية اظن ان رسالته اسمى بكثير من منصبه

و الله ما لقيت ما نقول اختلط الحابل بالنابل و ربي يستر بناتنا و انا في رأيي و كيما قالوها بكري وجه الخروف معروف

[djihanegirl]

في الحقيقة هاذي الكلمات نسنعها ملي كنتا فالسيام لكن واش تشوف عيني مانكونش متشائمة ولكن الحقيقة أنو 80 بالمية من البنات مشاو وتزوجو حقيقة تحبسلي راسي أكثر انو لما الشاب يسمع بلي لي رايح يخطبها مشات مع فلان و يصر باش يخطبها وواش يشفعلها في هاد الموقف جمالها هل جمال الوجه أو la tailleيغطي جمااال الافعال يا رجااااال وتبقى بنات الفاميليا عازبات

[ضابط كبير]

بنسبة للرسالة استاذة مشكل رسالة تعليمية وماهمش يوصلو فيها سباك تربوية
وبنسبة لبنات فاملية ياو راهم يحوسو عليهم بريق ناشف و يكذب عليك لي يقولك بنت فاملية و ما جاوهاش خطابة الا اذا هي ماحتبتش

[المنديل الابيض]

ياودي كاين وكاين

حنا هدف تاعنا نحو هذه ظاهرة من مجتمع و كل واحد ورائيو

ان شاء الله تتنحى هذ الظاهرة ... حنا نتفاءلو و مادام كاين لي يخمم كيما صاحبك و نتا ما زال كاين الخير :19:

[ضابط كبير]

ان شاء الله تتنحى هذ الظاهرة ... حنا نتفاءلو و مادام كاين لي يخمم كيما صاحبك و نتا ما زال كاين الخير :19:
الحمد لله مازال كاين خير و كاين ولاد فاملية و بنات فاملية يستاهلو كل خير

[sersoura26]

بنسبة للرسالة استاذة مشكل رسالة تعليمية وماهمش يوصلو فيها سباك تربوية
وبنسبة لبنات فاملية ياو راهم يحوسو عليهم بريق ناشف و يكذب عليك لي يقولك بنت فاملية و ما جاوهاش خطابة الا اذا هي ماحتبتش
والله يا اخي ما كان منها بالعكس بنات الفاميليا هوما لي قاعدين والبنات لي خرجو هوما لي يزوجو انا عن نفسي ساعات تغيضني روحي مللي كنت في الليسي وزدت طلعت للجامعة عمري لا خرجت مع واحد ودرك في عمري 28 سنة وراني قاعدة والله ما كاين بزاف لي خطبوني كي يكترو 4 والبنات لي كنت نعرفهم يقراو معايا قعرو الدنيا ما خلاو والو ودرك راهم بديارهم

[منهاج]

السلام عليكم

الله يستر على بنات كامل ويهديهم

[انانيس]

السلام عليكم
بالنسبة للموضوع ربي يهدينا اجمعين كل هذا سببه المسلسلات التركية
المهم حبيت نتحدث في نقطة هامة راهي تدور بزااف شفتها في موضوع لاحدى الاخوات وحتى كانت موضوع مع اخي الاسبوع الماضي لي هي الناس لي راهي تقول راهم يديو غير بنات لي مشاو يااختي ماتشوفيش درك شوفي للعشرة من بعد وربي مافيه غير الخير اكيد كل شيء فيه حكمة ق
د نجهلها نحن ولكن الله يعلمها وهاذ الكلام قد يكون صحيح من نواحي ولكن لاينبغي ان نجعل منه قاعدة كل واحد ربي يسهل عليه مشات وتزوجت ولا قعدت المهم الاخلاق ياناس الاخلاق
وبارك الله فيك اخي

[ريم الفلى]

انا ثاني ما نيش حابة ندي واحد مشى مع وحدة لاه طول حياتي وانا صابرة وغالقة على روحي وحارستها من بعد يجي واحد يسقسي عليا مشات ولا جامي وكي يتاكد بلي جامي تزيد توصل بيه الوقاحة انو يصارحني بلي هو كانت عندو سوابق مع غيري بلاك نرضى ونفوتهالو بصح الامر من هذا هو انو ميقوليش ومعلابالوش بلي الهدرة توصل توصل مالا ربي يعطي لكل واحد على حساب نيتو والحمد لله الذي قال الطيبون للطيبات والخبيثون للخبيثات

[lynoor]

وااله موضوع حساس و جيد ......من بعض فلسفة الشباب و الشابات على حد سواء ومنهم انا.....يقولك نمشي معاها باه نعرف العقلية!!!!!!!!!!!!!!!!!
واش من عقلية !هاكذاك نديرو des testes de personnalité عند البسيكولوغ و فرات
يا سيدي ماعليش راهم يفهمو العقلية شحال من وقت باه تفهم العقلية عام....عامبن ....
المصيبة الكبيرة هاذ المفهوم راه شايع و اللي يخرج عليه يولي يبان معقد
تجي تفهم تحير
سبحان الله

[نسمة تفاؤل]

حيرتني خويا انا راني نشوف بلي غير اللي عندهم علاقات هوما اللي راهم يتزوجوا اما العاقلة راهي قاعدة تستنى كاش واحد يجي هامل نستعرف بهكذا رجل وربي يسترنا

[AMINA.Z]

هادا السيد باين مجرب علابيها موسوس
اذا كانت بنت فاميليا
مايستاهلهاش

يا سيدي الرجل
قبل ما تسقسي و تحوس على بنت فاميليا
احبس دقيقة
و شوف اذا كنت انت ولد فاميليا و من بعد ربي يسهل

[زهرة القسام]

السلام عليكم و رحمة الله و بركاته
والله صح ,,,, أكثر من 90 بالمية من البنات تاع الليسي و السيام و حتى تاع الابتدائي عندهم بوي فراند هذا اذا كان واحد كاشي أكثر ,,, و المصيبة كي تهدر معاهم و تقوللهم باللي هادو الذكور راهم يتمسخروا بيكم يقولو " إيه علابالي ,,,مام أنا راني نعقب في الوقت برك "
تقعدي توحد في ربي باش تعقبي الوقت بالسمعة تاعك ؟؟؟,,,بالشرف تاعك ؟؟؟
أما اللي يقولو باللي بنات الفاميليا راهم باروا و البنات اللي ,,, راهم متزوجين ,,, أنا اقتناعي انو هدا من التعجيل في الخيرات كيما في الكتاب المحكم أياته( فلما نسوا ما ذكروا به فتحنا عليهم أبواب كل شيء حتى إذا فرحوا بما أوتوا أخذناهم بغتة فإذا هم مبلسون ( 44 ) ( فقطع دابر القوم الذين ظلموا والحمد لله رب العالمين ( 45 ) قل أرأيتم إن أخذ الله سمعكم وأبصاركم وختم على قلوبكم من إله غير الله يأتيكم به انظر كيف نصرف الآيات ثم هم يصدفون ( 46 ) )
ربي يهدينا ويستر علينا و على بنات المسلمين
تقبل مروري

[knives55]

اقعدوا غير اشكروا فيهم

حتي ركبولنا على رسنا

[yacine-08]

.اييييه وين راه وقت الحشمة

نهار غي تشوف فيك البنت في القسم صحابك يديروك الكينج تاع القسم وتحسب راسك وسيم وبوغوص ههههههه

آو دركا راهم بـ آ يفون و الفايسبوك والامسان و لي كوور و لخرجات ماعدنا فهمنا وااالو حتى في المتوسطة و الليسي .

كيييييفاش تلقى وحدة شابة مامشات مع شيئ واحد قبلك .......

[yacine-08]

اعتقد ان الزواج مكتوب و كل هذي الامور مجرد شروط وهمية لان وقت الصح واحد كي يبغي وحدة حتى ويلا مشات يسمحلها و يفتح ورقة بيضة والعكس اذا ما بغاهاش وتكون جات من الجنة ما يديهاش
كاين مثل راهو شايع عندنا يقولولو' المرى كي التمرة امسح وكول' نهار لي سمعتو حبس راسي :sdf:
لكن كي شت الواقع فهمت ...
بنات الفاميلاراهم في دار باباهم و بنات الشارع راهم في ديار رجالتهم
واسمحولي على كل حال

التربية ليست من اجل الزواج فقط بل هي مبدأ يغرس في روح كل انسان حتى يستطيع ان يعيش حياته بطريقة صحيحه
وعلى كل بنت ان تكون طاهرة امام الله و ليس من اجل ان تحصل على زوج جيد

رد راااائع واتفق معك 100/100

[tafethi]

يجب أن لا نغفل دور الوالدين في تربية ومراقبة ابناءهم
موضوع مهم