محتاجتكم

[مشكلتي]

السلام عليكم اخوتي انا فتاة 24 سنة علابالي حالتي رايحين توصفوها بلمرضية ولا تلوموني ويمكن تنتقدوني بصح لازم نخبركم وهكدا نستفاد من اي شي تقولوهولي وراني متاكدة نلقى عندكم الحل الشافي يارب
انا منحبش نتزوج براجل نورمال ايه كيما سمعتو نحب الرجال لي يلبسو الزي الرسمي مشي الكلاسيك زي الخدمة نحب لابوليس نحب لي جوندارم منين نشوفهم يحكمني البكا كل ما يجو يخطبوني ناس لاباس بيهم نرفض راني حابة واحد يلبس زي الخدمة منتصورش روحي متزوجة بمواطن بلا منشوفو بزي امن وطني ولا بوليسي ولا
اخواني هاد الحالة وصلتلي لحد الهوس صدقوني منين نفوت عليهم تحكمني الحما والبكا منعرف بصح نحب ازياء العمل الرسمية منين تجي حصة في التلفاز على العسكر صدقوني غير نصورهم بلبورطابل ولا نسجل الحصة بفلاش ديسك
ولا سمعت وحدة خطبها بوليسي ولا دركي ناكل روحي مع انو الخطابة عليا بزاف حمد لله انا مقبولة الشكل ودارنا عارفين هاد الهوس لي فيا الله غالب وليت نتفادى نفوت من جهتهم وش نقولكم نحبهم بزاف علبالي رايحين تقولولي مهبولة مجنونة ماعليش ليصونصيال انا نحبهم
اعطوني حل مستعدة حتى نروح لطبيب نفسي ونفتك من هاد الحالة ونتزوج براجل نورمال قصدي عادي مواطن

[أم أسيل الاثرية]

بيك بصح اختي باين عليك مريضة لازم تروحي لبسيكولوق وراكي تريحي فليزوكازيو اعليك

[محمد...عبد النور]

السلام عليكم و رحمة الله و بركاته اختي الكريمة
لا ادري هل مشكلتك واقعية ام طرحتي المشكلة للتسلية فقط
اقول لك اشتري لك قماش و اصنعي بدلة و البسيها و ستصيبحين مثلهم ههههههههههههه
اسأل الله ان يوفقك للزوج من رجل تقي نقي في القريب العاجل اما ان يكون موظف نظامي فذلك امر اخر
المهم مشكلتك على حسب عقليتك و هوسك هذا ان كان حقيقة فهو هم لك و فقط ...........ليس لي ما اقول فقط ...........الله يوفقك
ســــــــــــــــــــــــــــــــلام

[فاطمة1418]

ساهلة مين يجو يخطبوك اشرطي على زوجك يلبس كل يوم جمعة و سبت زي رسمي ............

[isyami]

السلام عليكم


لست مريضة أبدا ، أنت فقط وضعتي لنفسك صورة لزوج المستقبل و تريدين تحقيقها باي شكل.
صحيح أن اللباس الرسمي جميل و جذاب، و لكن...هل سالتي أحدهم عن حياته الخاصة؟هل تعرفين أنهم يقضون حياتهم في الثكنة؟ وأنهم يستدعون ليلا حتى و هم نيام في بيوتهم ؟ هل سالتهم عن خوفهم الدائم عن زوجاتهم و ابنائهم؟هل تعرفين أنهم دائموا الترتنقل من مدينة للأخرى؟ هل فكرتي أنك ستقومين بكل أعباء البيت و خاصة التربية أكثر منه ؟

و إذا كان الزي الرسمي يعجبك لحد الجنون لماذا لا تكونين مكانهم يعني شرطية لتجربي معنى الحياة في الزي الرسمي.

أنا افضل أن أخيفك قليلا حتى لا تصدمي بعد ذلك، و لست أقلل من شأن هؤلاء الرجال الذين كرسوا حياتهم لأجل حماية البلاد و العباد.

فكري قليلا فقط، و بعدها، و إذا كان هناك نصيب أطلبي من زوجك لبس البدلة الرسمية يوم زفافه ، هكذا ستكون الصورة أجمل و لست أمزح .

موفقة يا أختي.

[nouna l maghbouna]

اختي روحي لطبيب نفسي

[soha1987]

هههههههههه قتلتيني بالضحك علاه راكي تمرضي في روحك روحي شوفي واحد ونتي تهنيتي هههههههههه البنات كامل مهابل
ماعندي مانقولك
ربي يفتح عليك بكاش بوليسي ولا جدارمي وتفرحي

[ASKme]

اضنك اختي تحبين الرجل قوي البنية ؟ اليس هذا مقصودك ؟
ولاكن تذكري
رقدة في الحشيش ولا نجمة في الجيش

[يوسف برياني]

البسي كلاسيك وزي شرطة وشوفي الحل

[sali-sali]

يا اختي شتا نقولك

ان شاء الله يجي يخطبك واحد منهم ...باش ترضاي

[مريم الصابرة]

السلام عليكم اختي
الويم الللي في سلك الأامن كامل يباتو فرحانيين
اختي ربي يشفيك لأانو فعلا إنت مريضة ومحتاجة طبيب نفسي لو ربي يحققلك حلمك وتتزوجي مع واحد فالحكومة بزي رسمي
من راي شوفي طبيب ربي معاك

[فرح.]

نقولك اختي لعشاء راه يؤذن ان شاءالله يناولي ربي مرادي وناولك ربي مرادك امييييييييييييييييييييييييييييييين

[محمد جديدي التبسي]

عليها الشبيبة كل حابين يروحو للعسكر والشرطة!!
أنت محتاجة ترجعي لعقلك برك
يعني لو قبلت بواحد من اللي تقدمولك واش كان راح يصرالك؟!!
أبعدي عنك هاته الهواجس واقبلي بالكفء الذي يتقدم لك وربي يرزقك بكل خير

[wafa16]

ايه حالتك ماشي طبيعية
لانو اغلبية البنات بما فيهم انا هههههه ما نتمناش نتزوج بصاحب البدلة
لاسباب الكثير من الناس يعرفوها
المهم ربي يناولك اللي في بالك

[اميرة الجزائر2010]

السلام عليكم
اختي انت لست مريضة مي انت متعلقة بهذه الشخصية لا اكثر ولا اقل انت كاي شخص يتمنى شيء و يبكي عليها شيء جد عادي
ربي يوفقك اختي و تنالي صاحب الزي

[مواطنة جزائرية]

مافيها والوا أختي الكريمة

أنا أيضا حطيت شرط أنو زوج المستقبل لازم يكون جامعي و ضك راني نرفض في أي واحد لم يدخل الجامعة يعني رانا قاع كيفكيف و يكذب عليك اللي يقلك راكي مريضة راهو كل واحد منا حاط حلم في بالو سواء بموضوع الزواج أو موضوع اخر إنما أنت فقط لم تعرفي التعبير عن ما بداخلك

ربي ينولك اللي في بالك متقلقيش روحك

[مواطنة جزائرية]

مافيها والوا أختي الكريمة

أنا أيضا حطيت شرط أنو زوج المستقبل لازم يكون جامعي و ضك راني نرفض في أي واحد لم يدخل الجامعة يعني رانا قاع كيفكيف و يكذب عليك اللي يقلك راكي مريضة راهو كل واحد منا حاط حلم في بالو سواء بموضوع الزواج أو موضوع اخر إنما أنت فقط لم تعرفي التعبير عن ما بداخلك

ربي ينولك اللي في بالك متقلقيش روحك

[TOKYO]

راني نشوف اغلب اعضاء يحكم على هده فئة وكانها فئة محرمة عليها الزواج او فئة غير منتسب للوطن مع انه في كل مكان فيه مليح او دوني
فيه الناس ابناء عايلة و اولاد الحلال بسبب ظروف اجبرته للدخول الي هدا العمل للمساعدة عائلته و يخاف ربي و صاحب مستوي الدراسي عالي فقط ظروف و الزمن كان غير مناسب
الناس نسات انه هده فئة هيا من كانت تحمي البلاد في ايام الجمر وهدو ابنائنا و خاوتنا و جيرانا و مش بعيد انه اي واحد فينا ابنه لما يكبر يدخل للنظام
اختي ربي يرزقك بالزوج حلال

[بنت الرّحّل]

15 جمادى الثانية1434 من الهجرة النبوية

وعليكم السلام ورحمة الله وبركاته

حقا مشكلتك لطيفة جدا وطريفة أرجو منك المعذرة

لا يظهر لي أنك مريضة ..لأنه في الغالب لكل فتاة مواصفات خاصة بالزوج الذي تريده لذلك تجدين بعض الفتيات يعجبن في وقت مبكر بشخصية من الشخصيات حتى وإن كانت خيالية تجتمع فيها أو تظهر عليها نسبة من تلك المواصفات التي تتمناها : الوسامة ، العاطفية ، المال ، ..إلخ

يبدو لي أن عندك في مخيلتك فكرة معينة عن شخصية صاحب الزي الرسمي ربما هو البطولة ربما القوة، الشجاعة ...أو أشياء قريبة منها لأن الزي الرسمي الذي تتحدثين عنه له هالة مرتبطة بهذه الأمور

فأنت في نظري لست بحاجة لزيارة طبيب نفسي وإنما تحتاجين فهم نفسك ومعرفة سبب انجذابك نحو نوع خاص من الرجال فضلا عن انجذابك للباس خاص بالرجال

فتفكري جيدا فيما ذكرته ربما تجدين أن كلامي صحيحا فالبطولة لا تستلزم زيا معينا ولا هيئة معينة هذا مفهوم ضيق جدا خاصة عند فتاة في هذه السن ومثقفة



للتذكير أنا أخمن فقط ويغلب على ظني ما قلته لك إن وجدت أنها فكرة طاغية عليك فالأحسن لك أن تبحثي عن شخص يعينك لأنه ليس من العقل أن تفوتي فرصا ذهبية من أجل قطعة قماش تعتبر أهميتها بحسب أخلاق لابسها وأفكاره ونيته

ومع ذلك أسأل الله أن يحقق أمنيتك

ولاحظي أن الشرع لم يغفل اختلاف العباد في مواصفات من يكون زوجا لهم سواء رجالا كانوا أو نساء ...وإنما أرشد لما هو أصلح لهم فنصح الرجل باختيار الزوجة الصالحة ونصح المرأة بقبول الرجل الصالح والمتخلق


والصلاح والأخلاق الحسنة لا بد أن تكون هي الصفات الأساسية في الزوج ولا بأس أن تكون هناك صفات ثانوية ليكون النموذج المثالي الذي يحظى بقلبك
فوجهي نفسك إلى التركيز في هذين الصفتين وأهميتهما لأن حاجة المراة لدين الرجل وخلقه أهم بكثير من حاجتها لشكل لباسه أو شكل جسمه أو وظيفته فتفكري في ذلك جيدا!

وحولي اهتمامك إلى الصفات التي تكون في الشرطي وفي غيره من المواطنين العاديين : الشجاعة القوة الصرامة ، الحدة ، يمارس الرياضة ... هذه صفات قد تكون كتعويض عن الوظيفة الرسمية




أتمنى لك التوفيق وأن لا تغضبي مني لأن مشكلتك أدخلت نوعا من البهجة على قلبي لطرافتها

غفر الله لي ...

[l'étoile]

ههههههههههه و الله يا أختي أضحكتني كثيرا و الله العظيم أنا ايضا أعاني من هذه المشكلة
ايه وي و الله و اله أتعذب ليل نهار أنا ايضا ارفض كل من يتقدم لي فقط لاني أريد شرطي او رجل ...............
ما يحس بالجمرة غير لي كواتو و الله نحس بيك و نتعذب كيفك الله يهدينا و يعطينا ما نتمناو ان شاء الله
ايا نضخكك شوية غطبوني قاع الاصناف غير شرطي لاني نتمن نتزوج به
ان شاء الله يفرج و لا تقدري ترسلنس على الخاص باش نواسو بعضانا راني هنا و أخيرا لقيت مهبولة كي حالي

[sarl02]

ها احكم لانوفال جينيراسيون ...الله يجعل الخير.

[HAKIM HA]

السلام عليكم و رحمة الله

التي تتزوج لكل من يلبس البدلة الرسمية شرطي دركي عسكري جمارك اي واحد منهم

يجب ان تضع في حسبانها انها سوف تكون

1- الام و الاب في نفس الوقت

2- 60% من وقتها تقضيه لوحدها

3- دائمة الترحال

4- اذا مرضتي في الليل لن تجدي السند و الدعم لانه بطبيعة العسكري جاهز 24/24 اي في اي لحظة تستدعى

5- قد يصل بك الامر تلدي لوحدك و هذا ما حدث لما كنت في الخدمة الوطنية

يحكني لنا مساعد اول في الجيش بحرقة و يبكي يقول لنا ابني لما ارجع للبيت يهرب مني ولا يعرفني