ساعدوني هل هذا صرع او انهيار عصبي

[سيليا22]

ارجوكم ساعدوني انا اعاني من مشكلة عائلية واليوم في الصباح بعد ان كبرت هذه المشكلة بدات بالصراخ الشديد ثم سقطت في الارض و بدا جسمي كله بالارتجاف الشديد ونصرخ ونبكي حتى امي بدات تقرء عليا ايات حتى هديت و صبو عليا الماء وبدات استغفر مع العلم كنت احس واسمع كل شيء كان يحصل لي وهذه اول مرة يحصل معي هذا الشيء وراني خائفة جدا انه يتكرر معي خارج البيت انا الان هادئة ولكني احس بالارتعاش في جسمي خايفة ان يكون هذا بداية الصرع عاونوني اخواني

[سيليا22]

جاوبوني ولو بكلمة

[رقيوع]

السلام اختي
اولا ما تخافي ما والو ما بيك حتى حاجة انا صراتلي خطرة كيما حكايتك بدات يعني كيما حكيتي والله كي قولتي نرعش وخايفة ضحكت ما بيك والو
كاين شئ برك لازم تعرفيه كاين ناس تتحمل النقاش والصراخ وكاين شئ الناس ما تتحملش هدا الشئ بكل بساطة
ثانيا انتي قلتي خايفة تصرالي في الخارج او الشارع مستحيييييييييييييييييييييييييييييييييييييييييييييي ل اطمني وحطي رجل على رجل والله ههههههههههههههههههههههههه.
اتمنى انو الخوف راح املا نحكيو في الصح ممكن ولا ممكنش اعتقد انو قلتي ممكن جيد جدا ههههههههههههههههههههه
شوفي كل انسان يمر بفترة من الفترات يقوى عليه التخمام تعرفي المشاكل العائلية الزواج الخدمة المستقبل الغامض (ندكر في حالتي الليل ما نرقدوش من كثرة التخمام حتى حسيت الاعصاب رايحين ينجرو ربي ستر شوي وهبلت هههههههههههههه) هدا الشئ يخلي الاعصاب دايما مضغوطين وتحت ضغط رهيب جدا ويصير الانسان يحوس برك على الهدوء وما ناقش مشاكل وعياط واي شئ من هدا القبيل تصبح الاعصاب لا تحتمل مما يؤدي للي صرالك لكن السؤال المطروح هو هل انتي مريضة....
الجواب قطعا لا. فرحتي( علابالي فرحتي) وهدا هو الصحيحانت ما بيك والو .علابالي كثرت عليك وانتي تقولي والحل كيفاش ندير الحل كالتالي
اولا تجنبي ان تدخلي في نقاشات عقيمة لا طائل من ورائها.ما تجيب غير تكسار الراس ههههههههههههههههههه
ثانيا حاولي خلق جو يساعدك انت مثلا عودي نفسك قراي كتابات طالعي مجلات وانا من الخبرة نتاعي ما عرف ادا تخرج عليك حاولي كتابت القران الكريم وتقليد خطه مفيدة جدا في هدوء الاعصاب وحفضه كدالك وبداي بالشوي برك
ثالثا ادا نسيت على روحك ودخلتي في نقاش وبدات حدت النقاش تزيد اسكتي وانسحبي وخدي نفس عميق واياكي والانغماس في التفكير فيما قيل لان دلك يحرق الاعصاب دون جدوى
رابعا ياو كلش بيد ربي والله ما تقلقي صفي قلبك وعيشي بالدين واستمتعي بالحياة واخلقي الوانا لحياتك ولا تعيشيها بالاسود والابيض فقط
طولت نهضر بزاف ههههههههههههههه.
خامسا اياكي ومراجعت طبيب الاعصاب لان دلك سوف يدخلك في متاهات اخرى انت في غنى عنها
اتمنى انني افدتك واقنعتك ما تقلقيش واش راحت الرعشة هههههههههههههههههههههههههه
ربي يبارك فيك ويعطيك ما تتمناي والله

[ل..ب..ن..ى]

السلام اختي
خامسا اياكي ومراجعت طبيب الاعصاب لان دلك سوف يدخلك في متاهات اخرى انت في غنى عنها
ربي يبارك فيك ويعطيك ما تتمناي والله


السلام عليكم
عجبتني النصيحة ال5 دخلت نعلّق
هههههه

او بالاحرى دخلت نضحك

طبيب الاعصاب يعني مايفهمش يا صديقي باش يضيعها في متاهات ؟!!!

على فكــــــرة ...
جامي نعالجوا مريضين ( عندهم نفس الاعراض ) بنفس الطريقة
كل شخص يُعتبر (حالة خاصة)

مارانيش نخوّف في الاخت
يعني انا راني نحكي بصفة عامة
اي مرض مهما كان مالازمش الواحد يقول
جاري كانوا عندو نفس الاعراض شرب الدواء الفلاني ايا رجع كيما العود ( الحصان)

لسلامة اي مريض
مادابيه ينحّي الشك والتوسويس
ماشي مع جارو ولا صاحبوا وانما عند الطبيب
خاطر هو اعلم بماقد يكون لدى فلان (والله اعلم اكيد )

بالنسبة للاخت
نصيحة حاولي قد المستطاع ماتنارفيش روحك
بالنسبة لواش صرالك ( حاجة طبيعية )
لانّوا الجسم تاعنا صاريلوا كيما مؤسسة
فيها خدامين
اذا زاد عليهم الشغل وزاد الضغط راح يخرجوا يديروا اضراب

يعني ردّة فعل طبيعية من جسمك انو ينفجر

مادابيك ماتنارفيش روحك وكيما قال الاخ ايّ حاجة تعرفيها راح تضغط عليك انسحبي منها
والنصيحة موجّهة الَيّ والى كل واحد
يعني ماراكيش المعنية فقط خاطر جسمك ردّ الضغط

الاعصاب شبكة جدّ معقّدة
مادابينا نحافظوا عليها

التوتر والقلق هما العدوّ الكبير لهذه الشبكة
وممكن بعيد الشر يمدّوا امراض عفانا الله واياكم

اذا عاودتي نفس لاكريز بدون اعراض ( يعني بلاما تقلقي ولا ) ماتتردديش تشوفي طبيب اعصاب

لانو المرض كلما اكتشفناه في بدايتوا كلما كان علاجه اسهل
وزيد تنحي التوسويس

خاطر برك التوسويس اللي يبقى فيك
واش عندي ؟ ممكن صرع ( epilepsie ) وممكن ووووو
راح يتعب نفسيتك
وبفعل نفسي ممكن تبروفوكي امراض ماراهيش باينة ضركا

يعني اجتنبي القلق الماكسيموم

وحتى حاجة في الدنيا ماتستاهل تقلقي راسك على جالها
الدنيا فانية
والمشاكل ماشي دايمة
وتفاءلي بالخير يجيك ان شاء الله

ماتقلقيش راسك ختيتي ;)

سلااام

[كلتومة01]

حبيبتي لقد اجبتكي في هدا الرابط

http://www.djelfa.info/vb/showthread.php?p=1052545850#post1052545850

[saim_n]

أختي الامر بسيط بسبب الضغط جاءتك ما نسميه نحن الاطباء dnv
امر بسيط وعادي بعض المهدءات فقط لا تخافي انت افضل مني



recette crepe (http://www.recetted.com/2013/04/recette-gateau-de-pate-de-crepes-aux.html) creps (http://www.recetted.com/2013/04/recette-gateau-de-pate-de-crepes-aux.html) comment faire des crepes (http://www.recetted.com/2013/04/recette-gateau-de-pate-de-crepes-aux.html) pate a crepe recette (http://www.recetted.com/2013/04/recette-gateau-de-pate-de-crepes-aux.html) crepes (http://www.recetted.com/2013/04/recette-gateau-de-pate-de-crepes-aux.html) creperie (http://www.recetted.com/2013/04/recette-gateau-de-pate-de-crepes-aux.html) recette crepe facile (http://www.recetted.com/2013/04/recette-gateau-de-pate-de-crepes-aux.html) recette pate à crepes (http://www.recetted.com/2013/04/recette-gateau-de-pate-de-crepes-aux.html) pate a crepe (http://www.recetted.com/2013/04/recette-gateau-de-pate-de-crepes-aux.html) crepes suzette (http://www.recetted.com/2013/04/recette-gateau-de-pate-de-crepes-aux.html) les crepes (http://www.recetted.com/2013/04/recette-gateau-de-pate-de-crepes-aux.html) pate a crepes (http://www.recetted.com/2013/04/recette-gateau-de-pate-de-crepes-aux.html) recette pate a crepes recette des crepes (http://www.recetted.com/2013/04/recette-gateau-de-pate-de-crepes-aux.html)
pate a crepe rapide (http://www.recetted.com/2013/04/recette-gateau-de-pate-de-crepes-aux.html) pates a crepes (http://www.recetted.com/2013/04/recette-gateau-de-pate-de-crepes-aux.html) recette pate a crepe (http://www.recetted.com/2013/04/recette-gateau-de-pate-de-crepes-aux.html) pate a crepe facile (http://www.recetted.com/2013/04/recette-gateau-de-pate-de-crepes-aux.html) recette crepes (http://www.recetted.com/2013/04/recette-gateau-de-pate-de-crepes-aux.html) crepe suzette crepes recette (http://www.recetted.com/2013/04/recette-gateau-de-pate-de-crepes-aux.html)