مساعدة حول المدرسة العسكرية شرشال

[yussuf222]

السلام عليكم
هل يستطيع طالب متحصل علي شهادة ليسانس الانخراط في شرشال فكيف يتم ذلك , مدة التربص شروط الانخراط و شكراااااااااااا

[yussuf222]

والوو ماجابوش ايا اوكي

[mechakou]

يستطيع الإنخراط في تكوين الخاص fs يفتحو نورمالمون في جويلية في الموقع الإلكتروني
تبع في التلفزيون راهم يديرو ومضات إشهارية كيما كل عام
مدة التربص عامين
نفس الشروط المطبقة على كل قوات وزارة الدفاع ماعدا السن 23 و كل واحد واش يقول

[djalloul-88]

إذا اقل من 23 سنة تقدر تدخل للتكوين الخاص fs ـ عادة الشرط نتاعهم تكونو اقل من 22 سنة بالنسبة ليسانس ال ام دي واقل من 23 ليسانس كلاسيك
هذا الى طاحت لك علابال صعيبة بصح مليحة
التكوين الخاص 9 اشهر من سبتمبر حتى جوان ومبعد يدير التطبيق مع اللي قراو 4 سنين
كيما نقولو اللي داروه هوما في 4 سنين يديرو هو في 9 اشهر
ويزيد عام تطبيق معاهم ويتخرج ملازم اول وهوما يتخرجو ملازم نجمة وحدة بعد 5 سنوات دراسة
كلام صحيح 100 بالمئة يا اخــــــــــــــــــــــــــــــي
وربي يسهل لينا وليكم

[mechakou]

ما هي الأشياء الصعبة في هاد التكوين

[djalloul-88]

عادي نورمال ما فيه والو صعيب ، اصلا هو خاص بحملة الشهادات ليسانس ومهندسين ، لذلك صعيب تحصل عليه هذا مكان
ديجا في العسكر يقولو لهم .......السيفيل civil علابال ما يتعسكروش مليح
9 أشهر غير كافية

[mechakou]

إذا عندك معلومات أخرى على هاد التكوين فيدنا و ربي يحفظك خويا

[djalloul-88]

والله والا معلومة ........يعني الشيء اللي سامعو عليه برك كي كنت نفوت لارمي يا خويا :)