كيف احتفظ بالجلبانة

[منال 22]

السلام عليكم اخواتي
ان شاء الله نلقى منكم مساعدة و هي

كيف احتفظ بالجلبانة لمدة في congélateur كاينين لي يقولولي فوريها و خبيها و كاينين لي يقولولي خبيها كيما راهي
لي عندها طريقة تخلي جلبانة تحتفظ بالذوق تاعها و ما تفسدش تقولي عليها وربي يجازيها

وشكرا لكم

[YAKMISSOU]

اختي انا نحطها في قارورة ماء السعيدة

[حب الله لا يعادله حب]

اختي انا نحطها في قارورة ماء السعيدة
اختي احنا جربناها العام اللي فات بصح دارتنا الريحة:confused::confused::confused::confused::

[ام نسمة]

الجلبانة نقيها وشليها بماء ومن بعد خليها تنشف في جفنة او ملاءة ثم عبيها في صاشيات الكونجيلاتور تاكدي انو الصاشية جديدة ما فيها حتى ثقوب وعمري وخرجي الهوا واغلقي ومن الافضل دوبلي الصاشيات وهذه طريقتي منذ سنين والجلبانة تبقى كما هي وخطراتش نخبيها بلاما نشللها تاني كيف كيف انا اليو بالذات نقيت صندوق فيه 10كغ قطعلي حوالي 5 كغ وانا غسلتها على خاطر كانت متربة شوية وعمرتها ودورك راها في المجمد مخبيتها لرمضان ان شاء الله

[راجية عفو العفو]

غسليها ونشفيها وعمليها في بلاستيك ميخلش ليها الهوا وعمليها في المجمد وكي تحبي طيبي بها مبارة للماء مغلي او للطنجرة الاكل تكون تتغلي متخليهاش تحل راها تعمل الريحة ومتجيش مليحة وتفسد الاكل

[sellilou]

ماء مغلى بعيد عن النار ضعي فيه الجلبان 2او3 دقائق وصفيه وخليه ينشف وعمريه في ساشي بلاستيك او قارورة هده ناجحة حنا درناه رايحة تشوفي اللون كيفاش يولي اخضر :1::1::1::1::1:

[*بيتي مملكتي*]

عزيزتي أنا نقيها و نغسلها ونشفها و نديرها في كيس بلاستيكي نظيف و نحطها في الكونجيلاتور
و كي نحب نطيبها نجبد الكمية اللي بغيتها نشللها بالماء باش يتنحالها الجليد و نلوحها مباشرة في المرق يعني ما نخليهاش تذوب

[marwa.asma]

صباح الخير شوفي اختي انا نفيها ونشللها ونخليها تنشف ومن بعد ندسها فا الساشيات ودسيها فل الكونجيلاتور وشكراا انا مجربتها ومتخسرش

[منال 22]

يعطيكم الصحة حبيباتي افدتوني كثيرا ربي يعطيكم ما تتمناو وان شاء الله الاخوات الاخريات يستفادو معانا

[ميرال هبة الرحمان]

السلام عليكم انا نحطها في الساشي عادي طبعا بعد ما نقيها و نشللها و تجيني مليحة

[محمد نسومة]

السلام عليكم
الجلبانة تتباع congelé في ساشيات علاه تقلقوا في رواحكم

[Mima Imene]

انا ماما تنقيها و تغسلها و تنشفها و ديرها في القرع تا ع اللبن خاتش الفم تاعهم واسع شوية و تسهل عليك ياش تخرج فيسع

[bluewater007]

شكرا لكم وبارك الله فيكم

[zaki282]

http://www.4shared.com/file/TL7pZnSN/mrfox.html

[سوسو الطموحة]

عن تجربةالجلبانة خبيها كيما حبيتي تنجح المهم ماتطوليش وانت مخبيتها مثلا خبيها من ضرك للعيد لكبير خلاص
لانه باي طريقة رايح الذوق تاعها يتبدل اذا طولت

[naiilia]

ضعيها في ماء ساخن فوق النار 2 دقائق ثم في ماء بارد 2 دقائق نشفيها مليح مليح من الماء وضعيها ساشي او قاروراة القازوزاو علب المهم تحكمي الاغلاق

وضعيها في الثلاجة

[imad.imo]

hna ndiroha fi 9ra3 ta3 maa s3ayda

[kamili1]

بارك الله فيكم

[tong2]

الجلبان في المجمد عمره ما يفسد مشكــــــل انقطاع

الكهرباء هـــــويفسده راني ملاحظتــــــها

[crystale49]

الجلبانة عادي تتغسل و تتنشف و تتحط في ساشيات نيلون و تتحط في الكونجيلاتور و عند الحاجة نجبدها و نطيب منها نورماال ماكانش مشكل

[ام ايمان16]

السلام عليكم
الجلبانة تتباع congelé في ساشيات علاه تقلقوا في رواحكم

وعليكم السلام

نهار لي تجي تشري الجلبانة الكونجلي تشريها ضعف سعرها