قضية سجن

[مشكلتي]

اهلين كيفكم المهم عندي مشكلة ان شا الله عندها حل انا حبيت نبعث رسالة لواحد راهو مسجون ماعرفتش كيفاش ندير والقاتل شحال يحكمولو؟عاونوني راني هبلللت
............

نص المشكلة

خطيبي كان مخدّر وقتل واحد وهو الان في الحبس ماعرفتش واش ندير كاين لي قالولي 10 كاين 15 كاين الاعدام

[ريمة07]

واش رايحة تستناي من واحد مخدر و قاتل روحي يا اختي عيشي حياتك ربي هناك منو

شوفي واحد يخاف ربي و خاطيه المشاكل ، شوفي واحد تقدري تعيشي معاه عمرك كامل و يقدر يربي ولادك

تخيلي مثلا تزوجتو و جاك مخدر و قتلك ( بعيد الشر عليك ) ربي هناك منو روحي خرجي صدقة ، لأنو المولى دفع عليك البلاء

يا اختي ربي يفرج عليك و تنسايه لأنو مجرم ما تزعفيش بصح هذا الواقع ما نهربوش منو

بالتوفيق يا اختي و كثري من الدعاء و ربي يسهلك في حياتك ان شاء الله

سلام

[*أم كوثر*]

اختي الكريمة
الحكم يكون حسب حيثيات الجريمة
وايضا نية الجاني المسبقة في القتل
وان كان لديه سوابق
نسال الله السلامة

[lilou f lilou a]

يا لطيف يا لطيف ربي يهنيك منو

[wafamida]

خليه و روحي شوفي حياتك الانسان المتعاطي ممكن تتوقعي منو كل شيء ممكن تكوني الضحية المرة القادمة
و اعلم انني خرجت على الموضوع و الصراحة و الحقيقة احيانا تجرح و تكون قاسية لكن الله اعطاك فرصة للنجاة فاستغليها
اما بخصوص الرسالة الله اعلم الحاجة اللي نعرفها باللي ادارة السجن رايحة تقرأ رسالتك

[nouna l maghbouna]

اهلين كيفكم المهم عندي مشكلة ان شا الله عندها حل انا حبيت نبعث رسالة لواحد راهو مسجون ماعرفتش كيفاش ندير والقاتل شحال يحكمولو؟عاونوني راني هبلللت
............

نص المشكلة

خطيبي كان مخدّر وقتل واحد وهو الان في الحبس ماعرفتش واش ندير كاين لي قالولي 10 كاين 15 كاين الاعدام
اختي راكي في كامل قواك العقلية ???
تهبلي على واحد قاتل??
ربي يهدي ما خلق روحي عيشي حياتك خليك من هاذ السوق
ربي هناك
روحي صلي و احمدي ربي

[اريج06]

ياأختي ربي سلكك منو واش تستناي من واحد قاتل روح سواء مخذر ولا فايق يبقى 15 ولا 20 سنة فالحبس تضيعي حياتك .

[salsila]

هو عندو 2 عقوبات عقوبة المخدرات وعقوبة القتل

يااختي انصحك ان تبتعدي عنه واليوم قدام غدوة واش تسنايه 20 سنة روحي عيشي حياتك وتقدري تعيشي مع واحد قاتل الروح ربي يسترنا احمدي ربي جات هكدا ولا كتر لن تموتي بابتعادك عنه ستستمر الحياة بيه ولا بلابيه

ربي يهدينا ويهديك

[غربة أهل السنّة]

لا حول ولا قوة إلا بالله

[ذكرى أبي]

نفس رأي الأخوات أخطيك منو و ما كاش مجال باش تكتبيلو رسالة ، أنسايه هذا ما كان

[ايمان نور الجزائر]

لا حول ولا قوة الا بالله
اللهم ثبت علينا العقل والدين

[sstolga]

ربي ينيك منو وش تحوسي من واحد مخدر قاتل انا نضن 20 سنة او اكثر لانه قاتل روحي عيشي حياتك افضل لكي هل تضنين انه سيسعدك

[سلاف26]

صراحة لم أجد ما أقول

[سلسبيل.]

لااله الا الله محمد رسول الله
قضية مخدرات و قتل ومع ذلك لازلت متمسكة به.....لهم عقول لايعقلون بها اللهم ثبتنا
بكل صراحة لوكان غير يطبقو عليه الاعدام .تطبيق الشريعة الاسلامية من جهة و تتهناي منو من جهة ثانية

[نورة مروان]

ربي يكون معاك اختي

[بني بلعيد]

اختاه الفاضلة
السلام عليكم ورحمة الله
اقطعي العلاقة معه من الآن ، لاعيش مع قاتل مهما كانت الأسباب
اللع يرزقك بما هو أصلح وأنسب
والسلام

[الملتزمة بالدين]

لا حول ولا قوة الا بالله
اللهم ثبت علينا العقل والدين

[imene12]

ربي تسترنا ياااااااارب.. الزيارة ما تقدريش تزوريه لأنك ماكش من الأقارب نتاعو .. و الرسالة ما تفوتش ليه ممنوع ... و الحكم الجنائي قد يتراوح بين المؤبد و الإعدام إذا كانت ثابتة في حقو جناية القتل العمدي مع سبق الاصرار و الترصد ... و إذا أفاده القضاة بظروف التخفيف لن تقل العقوبة عن 20 سنة سجن

[abdellah36]

المهم صبت راجل ...........

[bibicha]

صراحة لم أجد ما أقول الله يستر عليك و يجيبلك لي فيه الخير

[lachiche]

العقوبة نتاع واحد مخدر تكون اكبر من واحد صاحي
ربما 10 سنوات

[nesrine16]

عيب والله الردود كاااانت قاسية هو صاح مدنب لكن ادا كان رب العيباد يسامح فلبشر ماداااااا

[wafa16]

واش بيك راكي مليحة في عقلك
تزيدي تبعثيلو براوات و تخمي شحال يحكمولو
اعدام بادن الله مخدر و يزيد قاتل روح
اجبدي روحك منو و اخطيك
راني على مصلحتك ما عندهاش بزاف سمعنا بواحد مخدر و مدمن قتل مرتو و دوك الاولاد مساكن راهم مشردين و ضايعين
الله لا تردو و انت شوفي المستقبل ديالك و شوفي كاش وليد فاميليو و ناس تبني معاه دار و جيبو دراري صالحين