استفسار حول تخزين اللوز

[sara87]

اسلام عليكم
عرسي بعد اربع اشهر ونصف و بما ان سعر اللوز راهو في تصاعد مستمر حبيت نشريه من دوك ونخبيه قبل مايلحق عليه الصيف وتشعل فيه النار
تعيشو دبرو عليا اذا نقدر ولا لا وكيفاش الطريقة راني نستنى

[لينا11]

ديريه في بورت مونجي وخبيه فالفريجيدار

[سرسورة85]

ارحيه كيما راكي حابة وديريه في باطة وديريه في لاقلاص ما يروحلو والو باذن الله

[fadilasor]

يمكنك تخزينة كما هو بشرط تشريه كاشتي من عند الحانوت انا شريتو وسقسيتو الا يفسد واصلا الصاشي يجي مكتوب فيها مدة الصلاحية عامين

[walido2011]

ختي أنا في عرس أختي يمى هيا لي دارتلها الحلوة، شرات اللوز 3 أشهر من قبل كان رخيس و شريناه بالقشور لأنو المقشر غالي قشرناه خليناه ينشف و درناه في شكارا تع قماش و خبيناه أسبوعين قبل العرس جبدناه ، مايسرالو والو أختي أشريه بلا ما تخافي

[بنت الطيب]

انا راني شريت منو درك وخبيتوفي الكونجيلاتور كيما راهو وما يروحلو والو باذن الله

[sara87]

السلام عليكم ويكثر خيركم

انا راني شريت منو درك وخبيتوفي الكونجيلاتور كيما راهو وما يروحلو والو باذن الله
ديريه في بورت مونجي وخبيه فالفريجيدار

ارحيه كيما راكي حابة وديريه في باطة وديريه في لاقلاص ما يروحلو والو باذن الله


البرودة تع لفريجيدار و لا الكونجيلاتور زعمة ماتردوش رطب يعني كلي مشمخ كي تنحيه ؟؟

يمكنك تخزينة كما هو بشرط تشريه كاشتي من عند الحانوت انا شريتو وسقسيتو الا يفسد واصلا الصاشي يجي مكتوب فيها مدة الصلاحية عامين

اختي نتيا خليتيه في الساشي ديالو بلا مافتحتيه ؟؟ درتيه في فريجيدار ولا في بيفي ؟؟

ختي أنا في عرس أختي يمى هيا لي دارتلها الحلوة، شرات اللوز 3 أشهر من قبل كان رخيس و شريناه بالقشور لأنو المقشر غالي قشرناه خليناه ينشف و درناه في شكارا تع قماش و خبيناه أسبوعين قبل العرس جبدناه ، مايسرالو والو أختي أشريه بلا ما تخافي
وين خبيتوه ؟؟ وكي خرجتوه عاودتو نشرتوه للشمس ولا لالا ؟؟

[ام اماني77]

مبروك عليك اختي ربي يكملك على خير
اللوز خبيه في المجمد يبقى جديد عن تجربة مالازمش تخليه خارج المجمد خاصة وان الصيف على الابواب

[sara87]

مبروك عليك اختي ربي يكملك على خير
اللوز خبيه في المجمد يبقى جديد عن تجربة مالازمش تخليه خارج المجمد خاصة وان الصيف على الابواب

يبارك فيك اختي مشكورة

تعيشي نخبيه في المجمد وهو حب بقشورو ولا حتى نرحيه
واذا خبيتو حب كي نخرجو ننشرو في الشمس ولا نديكونجليه برك امبعد نرحيه

[walido2011]

أختي حنا خبيناه فالبيفي و يمى دايما كل ما تشري اللوز تقشرو و تخبيه في كيس تع قماش و تخبيه فالبيفي و كي تخرجيه تستعمليه فورا ونشالله نكون أفدتك

[sara87]

أختي حنا خبيناه فالبيفي و يمى دايما كل ما تشري اللوز تقشرو و تخبيه في كيس تع قماش و تخبيه فالبيفي و كي تخرجيه تستعمليه فورا ونشالله نكون أفدتك

شكرا اختي على الافادة