مشكلتي عويصة 2

[مشكلتي]

انا صاحبة المشكلة http://www.djelfa.info/vb/showthread.php?t=1259989 مازال مخبرتش ماما علي الحقيقة نصحتني خالتي باش نقولو يجيب يماه و يجي بلا ما نخبرهم في الدار هكدا باش يقنعهم لاني حاولت معاهم محبوش قتلو قالي ايه ندير واش تحبي و انا راني خايفة يصرا مشكل واحد اخر واش تنصحوني مع اني مواضبة علي الصلاة و صليت صلاة الحاجة و كل يوم استغفر ربي يغفرلي و تحل المشكل التاعي ارجو النصيحة في اسرع وقت جزاكم الله خيرا

[أم معاذ أم معاذ]

روحي قولي لأمك
تعطيك طريحة و بعدها راح توافق بالسيف عليها
هذا هو الحل

الله يهديك

[hicham16]

طلبت منكم النصيحة يا الخاوة ربي يفتح عليك اختي

[ميمنة الجزائر]

روحي ليماك وقوليلها يماك تعضك ما تسرطكش هي صح لاعادت مريضة غير جيبيهالها بالعقل برك

وتاني حاجة ادعي ربي يكملك بالخير قوليلها راح يستر عليا وربي يهدي بناتنا يارب وييسترهم

[nouna l maghbouna]

ماتقولي ليماك ما والو حتان يجي هو و ماتقبلش وامبعد قوليلها احكيلها كلش
تقبل سيف عليها

[حياتي باستغفاري]

اختي اولا لازم التوبة و ثانيا صدقيني جربي و الله ما تندمي الاستغفار لازم ما يخطيش فمك خلاص و الله كلش يكون بيدك و ادعي باسم الله الستير قولي يا ستير استر علي يا جبار اجبر كسرييا ملين القلوب الن قلب اهلي و اهله كما النت الحديد لداوودو قومي قبل الفجر ركعتين على الاقل و ناجي ربك و الله ابواب التوبة مفتوحة و ربي مجيب الدعاء تصدقي كل يوم و لو بدينار و خصوصا الاستغفار و الله و الله راح احسن حل بادن الله ادا طبقتي خصوصا ناكدلك الاستغفار على الاقل 2000 مرة باليوم بمسبحة او باليد و انت تخدمي او تعملي اي شئ و شوفي السحر اللي راح يعملو ادا قدرتي قولي استغفر الله الدي لا الاه الا هو الحي القيوم و اتوب اليه او استغفر الله العظيم و اتوب اليه و الله طبقي بيقين و الله راح يلين قلب والديك و يا رب يسترك و جميع بنات المسلمين

[TOKYO]

يعني الموضوع مازال معلق او بالاصح اهلك مازال ما عندهم الخبر عندك طريقتين يا اما
تقولي هدا شاب يجيب امه و يجي يخطب او تقولي خالتك تفتح الموضوع مع امك باش تقول لوالدك
لعلمك ادا لم يصل الخبر للوالدة الصعب قبول فكرة الخطبة و العودة يلزم تخبر خالتك اختها بالموضوع
ربي يهديك يلزم تكثري من الصلاة و استغفار و الصدقة خصوصا الصدقة تطفئ غضب الله تعالي و يفتحلك ابواب الرزق

[soumsouma]

راكي مليحة لي ما خلاكش و راهو شاد فيك
اهدري مع داركم و قولي لخالتك تقول ليماك معندكش حل اخر و الا ما يوافقوش
ربي يستر عليك

[ام سارة 285]

كنت حابة نرد عليك المرة اللي فاتت لكن ربي ماكتبش انا نقولك نصيحة بما انني أم اياك ان تقولي لامك الحقيقة لانها رايحة تروح فيها و خممي للقدام نهار تعودي زوجته و هو زوجك صدقيني ماهيش رايحة تسامحكم و تبقي طول عمرها وهي تلوم فيكم
الحل الامثل انك تقولي لخالتك تضغط عليها و تقولها الطفلة رايحة تدير حاجة في روحها لوكان ما تديهش يعني تضخم الامور و تخوفها وخطيبك قوليلو يطلب السماح من والديك ويحاول معاهم حتى يكرهلهم حياتهم و اذا قدر يقنع والديه باش يطلبو السماح يكون احسن
والاهم والاهم ما تقولو لحتى واحد على الحقيقة لا اهلك و لا اهلو وحاولو بكل الطرق وربي يسهللكم ان شاء الله

[dada82]

أختي عليك بقول الحقيقة لأمك و أنتظري ريثما يفرغ البيت و تبقاي أنت و أمك و قوليلها لازم تكوني أنت و أمك فقط لكي تمتص الصدمة
أختي الصراحة راحة لازم تعرف باش تسهلك الأمور و يتنازلوا على شروط و يقبلوا داركم بيه هذا إن كانت أمك قوية أما إذا كانت أمك ضعيفة يعني شفتي نتي بلي ما هيش راح تمتص الصدمة فلازم تكون معاك خالتك وباش كشما يصرا طاريء تكون معاك

[ليليا17]

بما انك في هذه الحالة انصحك بشيء واحد فقط الليل قيام الليل
وصلي ولا تملي وصلي
والله فكري في امك وابوك

[ليليا17]

فكري فيهم
هم يفكرو فيك خايفين على مستقبلك وان خنتيهم
لا كن لا فائدة من ذكر اخطاء الماضي
استخيري ربك

[ليليا17]

ما حدا راح يقدر يحل مشكلتك سوى الله

[soha1987]

خبري امك بكل شيئ ومن شدة خوفها من الفضيحة راح توافق مباشرة
ربي يكون معاك اختي

[نسمة تفاؤل]

انصحك بأن تقولي لامك الحقيقة ولازم تكون خالتك معاكم وحاولي تقوليلها وهي هادئة اكيد رايحة تخاف من الفضيحة وتضغط عل بابك وربي يسهلك اخيتي واكثري من الدعاء وخاصة في الثلث الاخير من الليل ربي يسهلللللللللللللك

[imane-2020]

كنت حابة نرد عليك المرة اللي فاتت لكن ربي ماكتبش انا نقولك نصيحة بما انني أم اياك ان تقولي لامك الحقيقة لانها رايحة تروح فيها و خممي للقدام نهار تعودي زوجته و هو زوجك صدقيني ماهيش رايحة تسامحكم و تبقي طول عمرها وهي تلوم فيكم
الحل الامثل انك تقولي لخالتك تضغط عليها و تقولها الطفلة رايحة تدير حاجة في روحها لوكان ما تديهش يعني تضخم الامور و تخوفها وخطيبك قوليلو يطلب السماح من والديك ويحاول معاهم حتى يكرهلهم حياتهم و اذا قدر يقنع والديه باش يطلبو السماح يكون احسن
والاهم والاهم ما تقولو لحتى واحد على الحقيقة لا اهلك و لا اهلو وحاولو بكل الطرق وربي يسهللكم ان شاء الله

انا مع راي الاخت
امك دارت فيك الثقة وتجي انتي وتقوللها هذا الخبر اكيد ما رحش تتحمل الصدمة
وثانيا ما لزمش تعرف بلي خالتك علبالها لأنو راح يغيظها الحال اكثر
قوليلو يجيب دارهم ويخطبوك ويطلبو السماح عادي ويجي مرة و02 و3 حتى يقتنعو اهلك وهنا يجي دور خالتك في اقناع والدتك بأنو الطفل شاد فيك وانتي شادة فيهم ولوكان ما يقبلوش راح تديرو كاش حاجة في روحكم وهكا لكن من غير ما تعرف بلي راكي غلطتي لأنو هي مريضة كيما قلتي وتزيدها هاذ الخبر
وكيما قاولو لبنات شدي في ربي وبالدعاء والاسغفار والصلاة ربي يفرج عليك وعلى كل وليه

[ملاك الجنة22]

مانيش رايحة نقلك راكي غلطتي بصح حابة نفكرك في داركم و باباك ويماك اختي الحل لازم ديريه بصح ميش بتبهديلة روحي ايماك قوليلها مكانش لي يفهمك قدها ولا هدي مهيش تبهديلة ليك برك بصح راها لداركم كامل يماك باباك خواتك .............فكري مليح قبل مديري حتى تصرف يحطكم في انكار من المجتمع .........راني نهدر بالجمع لانوا الناس ميش راح يقولوا هي غلطت ولا ميش عارفا صلاحا بصح يقولو معرفوش يربيو .....ونتي ورايك ياتقبلي بلمحتوم يا................................................ ................................

[ريمة07]

صارحي امك ذرك توافق و السلام

[oume ranime]

<i><b><font face="Arial Black"><font color="Magenta">ana radi ngoulake rabi ykoune m3ake inchalahe.</font></font></b></i><br>

[sarah1424]

NN mat9olich lyemak wallah matsamhek 3morha kaml
wtafthi ala rohk béb khlaf
id3i rabbi whawli m3a yemmak

[souma9]

روحي ولي ليماك و متقلقيش مهم تغشت رح تقبل بالامر الواقع
ربي يفرج همك اختي

[nassimami]

choufi ya khti star aw mli7
7awli tsatri 3la ro7ak 9ad mat9adri
choufi khaltak thawal waldik w t9oulhom tafla mosh mli7a
w ta9dar dir haja f ro7ha w nti tani baynilhom bali raki mosh mli7a khlass w mrida
w d3i rabi bzzzzzf
w loukan masal7atsh 9oli l mamak
rabi ykhafaf 3lik

[ريان برهوم]

متقولي ليماك موالو والله كشم يصرا بيها شوفي نعطيك حل مدام الطفل لاصق فيك قلو يجيبهم ويجي واذا مرضاوش قلهم نديه هو ولا نقتل روحي او هديديهم باي شيء قلهم ندير حاجة في روحي ولا سكري على روحك في الدار وربي يسهلك والتوبة والصلاة والدعاء

[جسور المحبة]

ما تقوليش ليماك لانو لاقدر الله تصرا لها حاجة تكوني انت الخاسر الاكبر وتكوني خسرتي زوج حوايج غاليين في وقت واحد
حاولي الضغط عليه وعلى اهلك ودخلي اطراف اخرين يساعدوك
وان شاء الله ربي يفرج عليك