كيفاش ندير معاه؟؟

[مشكلتي]

السلام عليكم ورحمة الله تعالى وبركاته
أنا بنت عمري 22 سنة نخدم في مكان شوية بعيد على دارنا،تقدم لي واحد الراجل رفضو بابا المشكل أنو صامط كل يوم يستناني كي نكمل الخدمة ويولي يتبع فيا حتى وين نركب يروح،المشكلة انو ماشي يسكت لالا يبدا يهدر في واحد الهدرة تضر في القلب(خطبتك بقالي غير الخاتم،ان شاء الله تكوني حلالي،غير انا لي نديك...)وزيد مخبر كامل الغاشي للي يشوفو يولي معاونو في الهدرة عليا هما ،الصح الصح أنا نكرهو ونعيفو ونتقزز منو ما نعرف علاه خاصة كي ما يستحيش ويهدر هذيك الهدرة،أنا والله العظيم ولا مرة التفت ليه ولا هدرت معاه وربي يشهد مانرفدش راسي في الطريق على هكذاك صابها عليا،عييت معاه والله انا ستحيت وهو ما بغاش يستحي خطرات نبغي نهدر معاه نقولو خطيني ومن بعد نحشم،أنا ختكم قولولي واحد كيما هذا واش ندير معاه انا زعما نحترم الناس ومشاعرهم بالصح هذا ما شكيتش لا فهم سكاتي احترام،يحرق فيا نورمال كي يشوفوه لغاشي مورايا واش يقولو يرحم باباكم
راني نستنى في ردودكم وربي يخليكم ويوفقكم

[تصفية وتربية]

وأهلك وين راحو أختي؟؟؟؟
خبري والدك أو أخوتك وهوما يتصرفو معاه

[nouna l maghbouna]

مكانش رجال في الدار!!!!!!!!
قولي لخاوتك و والدك هوما يديرو حل باهي
و ايلا زاد صحح وجهوا و بقا بقلق فيك روحي اشكي
ربي يهدي بعض الشباب

[جسور المحبة]

قولي لاهلك واذا مكانش ارفعي بيه قضية لوكيل الجمهورية تاعكم وبعدها رديلي لخبر
حتى انا قريبتي كان واحد مهبلها في الطريق وبعد ما شكات بيه تربى ولا كي يشوفها يبدل الطريق

[sengra]

السلام عليكم
أختي الكريمة هناك شباب ميسحاوش من ربي و من الناس. و ان شافك الناس وهو يسمط عليك أعرفي بأن الاكثرية منهم يلعنون هذا النوع من البشر أو من الكلاب التي تلهث وراء كل فتاة. نظن أنك توجهيلو كلمة بانك لاتريدينه و تكرهينه و تحشميه أمام الناس ممكن يعرف قيمتو قدام الناس. و اذا منعفتش قوليها لباباك أو خالك او خوك و اذا منفعتش اشكي بيه عند الشرطة.
ربي يحميك من الذئاب الضالة و يحمي جميع الناس.

[libanarim]

هنا يكمن دور والدك وأخوتك
دعيهم يلقنونه درسا

[محمد جديدي التبسي]

أختي إياك أن تتكلمي معه فهذا النوع لا يستحي وإذا تكلمت معه مرة واحدة فقد وقعت في فخه ولن يتركك
أظن أن الأفضل لك هو أن تلبسي حجاب كامل وتغيري شكلك حتى لا يعرفك
كما أنصحك بأن تغيري عملك أو تتوقفي نهائيا وإذا كان ولابد غيري الطريق الذي تسلكينه من البيت إلى العمل أو العكس واتخذي رفيقة صالحة ولا تمشي وحدك فالأمر خطير أذكر مرة قرأت خبرا أن فتاة في مثل عمرك خطفت من طرف شاب وهي عائدة من العمل أو الدراسة لا أدري ووقع ما لا يحمد عقباه فنحن في آخر الزمان فالزمي بيتك خير لك .. ربي يوفقك ويبعد عنك كل الشرور..

[نسمة تفاؤل]

ربي معاك اختي مادابيك تقولي لواحد قريب ليك مليح واتفهميه باه يروح يهدر معاه ياخي باباك رقضو واش راه يحوس هذا وحاولي تبدلي الطريق الله يهديه ويرزقك الرجل الصالح وجميع بنات المسلمين امين يارب العالمين

[دفئ المطر]

أخبري أهلك يا أختي ................أباك و أخاك

[sali-sali]

خبري اهلك احسن
يحكو معاه

[Napia]

Hadda elli yddal ytab3 ma3endou la khadma lagadma w hawwase yazawaje tfouh hla 3bed kima hekka
chabebe ta3 douk wallaw fkamel elinhitate elakhlaki

[حكيمة2013]

حاولي تبدلي الطريق الي تروحي منها في الخدمة و غ>ا حكى معاك ما تردلوش و ما تبينيش بلي راكي خايفة منو راح يمل و يروح وحدو

[مريم الصابرة]

السلام عليكم اختي
وباباك وين وخاوتك هذا علقة ولصقة لو جا يحشم ما يتبعش بنت الناس ويبا يقولها كلام العوج لو طاح معايا هذا نديرلو تدويشة باطل فالشارع يوقول قبيحة خير من نسكتلو ويحرق فيا قدام الغاشي
من ٍاي قولي لباباك او خاوتك ما تسكتيلوش شكرا

[ميمنة الجزائر]

خبري خوك ولا باباك يحطوه عند حدو

[loup blanc]

اولا اخبري والدك او اخوك فان لم يستحي فالدولة الجزائرية وضعت قانون لحماية المراة من مثل هذه الافعال

[رميساء خولة]

للاسف هذا على الاق خطبك ورفضتوه انتم
المشكل فيه شباب كي نوض صباح اقلك نروح نقد كاشما (نكابتي شويا) وهذه طبيعة للاسف سيئة
انا نتمنى منك تخبري باباك او خوك اذا كان عندك
لانوا افسدلك صمعتك في الخارج حتى وين كنتي مربيا
نصيحة من اختك رميسة

[imene12]

ننصحك اختي ما ديريش ليه قيمة و تردي عليه في الشارع... يكفي إنك تقولي لباباك او خوك او اي رجل من العائلة تثقي فيه مثلا عمك او خالك ... و كيما قالو الاخوة اخر حل انك تشكي بيه

[lalib40]

للاسف الاشكال كيما هاذو يعرفو شكون اتبعو.......... الحقيقة

[المحب للجزائر]

و الغواني يغرهن الثناء


حل مشكلتك و اضح تعرفيه أنت وأي شخص من العوام
يعرفه ، هو إخبار أهلكـ الاصل لا نتردد فيمن يخدش
سمعتنا مهما كانت درجة الخجل عالية عندنا

[غريبة الوطن]

ما تحشميش اختي صارحي باباك لان هذا الشخص قد يعتبر سكوتك قبول و بالاضافة الى ذلك راهو يشوهلك في سمعتك الله يهدينا

[lilou f lilou a]

خبلاري أهلك وتهني منو

[abdellah36]

استري روحك ما يزيدش يدنى ليك ..................

بلاك برك من حجابات الطايوان ......