فقدت ثقة في نفسي

[مشكلتي]

انا فتاة عمري 16 سنة لست جميلة انا قصيرة 1.59 نحيفة 43 وجهي طويل شعري مجعد ..... المهم اصبحت دائما افكر في شكلي و فقط صديقاتي جميعهم طوال عليا وليت نحشم نوقف معاه فلهدا وليت منخرجش املاكلاس وليت منحبش نهدر امعا ناس او حتى الاساتدة روماركاوني فمادا افعل ،؟؟

[مشطوب]

أولا:

لازم تعرفي حاجة مهمة هذي حاجة أنتاع ربي ولا دخل لك في الموضوع

وهو مادام خلقك بهذا الشكل فهو يمتحنك إذا لا تنزعجي

ثانيا:

هناك الكثيرات من الفتيات قصيرات وليس جميلات ولكن أستطاعن أن يثبتن أنفسهن

في الواقع وأصبحت طبيبات ومهندسات ومعلمات

ثالثا : حتى في الزواج الآن أغلب الرجال يفضلون بنت الفاميليا حتى ولو غير جميلة ..................

إذن حتى في الزواج تستطيعين أن يرزقك الله بزوج طيب

المهم حرري نفسك من هذه العقدة وعيشي حياتك طبيعية وحتى ولو أزعجتعك الفتيات بكلامهن فلا تنزعجي

إطلاقا

[nouna l maghbouna]

الجمال جمال الروح

[sali-sali]

انا فتاة عمري 16 سنة لست جميلة انا قصيرة 1.59 نحيفة 43 وجهي طويل شعري مجعد ..... المهم اصبحت دائما افكر في شكلي و فقط صديقاتي جميعهم طوال عليا وليت نحشم نوقف معاه فلهدا وليت منخرجش املاكلاس وليت منحبش نهدر امعا ناس او حتى الاساتدة روماركاوني فمادا افعل ،؟؟

الصح في الاخلاق و طيبة القلب و الدراسة

اما الشكل ماتخميش فيه بزاف
يا خي كاين حفافة روحي وامشطي شعرك
قصيرة البسي طالون
ولكن لما تتزيني كاااامل هدا الشي وعلاه؟؟؟

يلزم تكون واعية و كبيرة في العقل

احمدي ربي على نعمة الصحة و العقل

[yousra14]

يا حبيبتي انت من خلق المشكل لنفسه حتى ولو كنت مثل ما تقولين تجاهلي الامر انت من لفت الانتباه لك حاولي



انك تقو ي الاجابيات التي لديك وظهريها وانظري فعين من تكلميه وكلك ثقة في النفس وكم من هن مثلك تخرجن طبيبات


..........قوي الجانب الروحي لديك وسيحبك الجميع لان انسان روح قبل ان يكون جسدا ام الزواج فهو نصيب ولاتهتمي به


الان السلام

[المحب للجزائر]

اسمح لي اٌقول تفكير مراهقة فقط ، لما تنضجي تظهر ليك معالم أخرى
لمقياس الناس لبعضهم البعض، اعلمي أن الله خلقك هكذا و يعلم ماذا خلق؟
ام تريدين أن تماري الله في خلقه ؟
اسأل الله أن يذهب عنك هذا الوسواس و يبين طريقك للصلاح
فالله ما نزع شئ من عبد الا عوضه أحسن منه

[طيبة نفس]

تامني راني كبيرة عليك بصح نفس مقايييسك حتى انني ابدو اصغر من سني وجميع من يعرفني يقولون لي الصغيرة وحتى زوجي يقولي مرتي الصغيرة ولم اتضايق من الامر وا تعامل مع الامر بالعكس يسرني ذلك فانا دائما صغيرة مدللة عادي في سنوات المراهقة تمر بنا افكار وهواجس لكن عندما نجتازها ينضج تفكيرنا مازلت صغيرة قد يزداد نموك لكن لا تعط الامر اكثر من اهميته مادمت تتمتعين بصحة جيدة والاهم من ذلك كله الاخلاق والطيبة تذكري دائما انه ليس لنا دخل في شكلنا فالله يصورنا كيف يشاء اثبتي ذاتك باخلاقك ونجاحك في دراستك فالعقلية اهم بكثيييييييييييييييييييييييير

[amiramirna]

يا حبيبة ربي اللي يخلق و له شؤون في ذلك
و انت ما عليك الا تنشغلي بدراستك و تتفوقي فيها و تتثقفي و تستري روحك و تحشمي هاذاك هو الزين اللي يحبو ربي
و في الاخير االبنات الطويلات و الجميلات و ووووو ما يبانوش امامك .
عندي صديقة نفس الكلام اللي تقولي ينطبق عليها و الان الله يبارك مصلية محتشمة اكملت دراستها في الجامعة و تزوجت و عندها بنت

[houcine17000]

أغلب الرجال يفضلون بنت الفاميليا حتى ولو غير جميلة
الجمال جمال الروح

[nadine0159]

الله خلقك بهذا الشكل و هل ستعترضين على خلق الله سبحانه و تعالى فهو اعلم ربما يمتحنك و ربما اذا اعطاك الجمال سوف تستغلينه اسوا استغلال ادرسي اثبتي وجودك و تحجبي اخفي شعرك حتى تجاعيد الشعر توجد له حلول كثيرة و احمدي الله على صحتك فهناك جميلات يعانين و هناك جميلات لكن فيهن امراض لا تعد والرجل قبل ان ينظر لشكلك سينظر لاخلاقك انا شخصيا كانت لي صديقة تقريبا بمواصفاتك و اظن اسوا تزوجت و هي تعمل و لديها ولدان و عندما كنا ندرس في الجامعة صراحة كنت اغار منها فالرجال ينظرون اليها اكثر مني و كنت انصحها و اقول يريدون اللهو واسغلالك لكن كانوا يريدونها زوجة و بالفعل تزوجت قبلنا كلنا و هاذي حال الدنيا ان الله خلقنا و احسن خلقنا لا اعتراض حبيبتي و انظري حولك ستجدين نعم كثيرة ولا تشغلي نفسك بهذه الامور التافهة يجب ان تثقي بالله

[محمد جديدي التبسي]

الطول تاعك عادي لمن هم في مثل سنك
الوزن تقدري تزيديه بسهولة كثري من التخمام والأكل برك
شعرك مجعد الكثير مثلك وغالبية الجزائريات هكذا :)
إذا أعطيت قيمة لنفسك فسيعطيك الناس قيمة
"وين تحطي روحك تلقي روحك"
أكثري من الاستغفار وبسطي الأمور ولا تعقديها ولا تهتمي لتعليقات الحمقى
تفائلي وانظري للحياة فهي أمامك ودراستك ومستقبلك ربي يوفقك ويفتح عليك

[*نآدرة~]

قرأت مرة عبارة لفتت انتباهي تقول"القصيرات هن الجميلات":) فليتك تعلمين كم انت جميلة،وان لم تحبي شكلك كذلك فالبسي كعبا عالي سيحل المشكلة ربما
أما شعرك فأغلب الفتيات شعرهن مجعد،والحل اذهبي للحلاقة وستغير من شكله أكيد
وجهك طويل،عادي جداأنت في سن صغيرة ستكبرين ويمتلا وجهك ويختفي طوله
صدقيني اذا بقينا ننظر الى وجوهنا الساعات الطوال امام المرآة ونقارنها بصديقاتنا والفنانات فاننا سنحتقر أنفسنا لاننا لن نرضى على شكلنا،الله سبحانه وتعالى خلقنا في احسن صورة فلنحمده ولنشكره تخيلي لو خلقت مشوهة لا قدر الله أو بدون أنف أو اذن ماذا سيكون رد فعلك
أحبي نفسك أختي وسيحبك الناس كما أنت واعلمي أن جمالنا الداخلي كثيرا ما يضيف لجمالنا الخارجي جمالا مختلفا
وساوس مراهقة ستتغير نظرتك لاحقا
ربي يكون معاك أختي

[abdelmalekmhdf]

صدقيني انا كرجل اقولها لك. الرجل يفتتن بالمراة قوية الشخصية و الناجحة في حياتها اكثر من المراة الجميلة الا ترين امثلة في الحياة هناك من هن لسن جميلات و ترين لهن ازواجا يعشقنهن بجنون. لا تلتفتي لهذه الاشياء و ثقي في نفسك اختي

[/زهرة عصفور الجنة/]

موضوعك ذكرني بجدتي رحمة الله عليها كانت قصيرة القامة ومعتدلة الجمال وكانت نساء العائلة تحتقرنها لذلك لكنها كانت قوية الشخصية والعزيمة وكانت محبوبة من طرف جميع اهالي القرية لطيبتها وكثرة حبها لفعل الخير . وكانت دائما تردد وتقول الشغل راه في القاعة لي ما يلحقش يجبد كرسي وجيب الفعايل ماشي الطوايل وفعلا كانت ربة بيت متميزة رحمة الله عليها.لذا اختي لا تركزي على نقائصك وانما احمدي الله على الخلقة التامة وتعلمي كيف تحبي نفسكي كما انت الحمد لله مشكلة الشعر راه كاين الالاف الحلول لحلها مشكلة القصر كيما قالت جدتي الشغالات راهم فالارض ماشي فالسما.تذكري اختي الحياة جميلة ما دمنا نراها بعين الجمال

[assnet]

اختي استغفري ربك هدي خلقتوا
مدري والوا في بالك عيشي حياتك الدنيا متستهلش زعافك انت اتبتي جدارتك ومتبينش هدا الشيء فيك
وجمال جمال الروح وشوفي للي اكتر منك والي ناقص في الخلق ,,,,,و الكتير
وكيد ريحة تحمد ربي وتشكره علي نعمتوا عليك

[lachiche]

اشري البوماد نتاع البشرة و حافظي على نظافتك و يوجد شمبوان نتاع الشعر يرجعو رطب
و كولي مليح باه تسماني 4 وجبات على الاقل في اليوم مع الراحة التامة راح ترتفع السعرات في جسمك و عدم استهلاكها يؤدي الى زيادة الوزن


و شدي في ربي طيعيه

[lilou f lilou a]

مانعرفوش خير من ربي

[Hamza touazi05521763]

ختي كما قالو الاخوة كوني قوية الشخصية هناك اناس مشوهي الاوجه ومبتوري الاجزاء ليدو مقطعة لرجلو مقطع وهكداك عايشين والحمد لله احمدي ربي دوكا شعرك راهو كاين مواد يرجعو رطب ويتحسن بنات عمي شعرهم حرش مي معلاباليش واش دارولو ولا يهبل وزيد نتي قصيرة الرجال يحبو القصيرات وكدلك البسي الطالون مكاش حاجة معندهاش حل

[Napia]

تامني راني كبيرة عليك بصح نفس مقايييسك حتى انني ابدو اصغر من سني وجميع من يعرفني يقولون لي الصغيرة وحتى زوجي يقولي مرتي الصغيرة ولم اتضايق من الامر وا تعامل مع الامر بالعكس يسرني ذلك فانا دائما صغيرة مدللة عادي في سنوات المراهقة تمر بنا افكار وهواجس لكن عندما نجتازها ينضج تفكيرنا مازلت صغيرة قد يزداد نموك لكن لا تعط الامر اكثر من اهميته مادمت تتمتعين بصحة جيدة والاهم من ذلك كله الاخلاق والطيبة تذكري دائما انه ليس لنا دخل في شكلنا فالله يصورنا كيف يشاء اثبتي ذاتك باخلاقك ونجاحك في دراستك فالعقلية اهم بكثيييييييييييييييييييييييير
yakhti kima ana wrani 3andi bebe walhamdou lilleh
majatech fi etoul

[samar89]

اول حاجة......انتي مراكيش قصيرة خلااااااااااااااص ....بالنسبة للعمر تاعك هداك هو الطول وحتى زايد شوية....

صحاباتك هوما اللي طوال زيادة ..


ثاني حاجة.... لوكان تسماني شوية مايبانش الطول تاع وجهك...لانو خدودك رح يتعمرو

ثالث حاجة.........الشعر ماشي مشكل خلاااااااص كاين مليار طريقة باش يتعدل....

تهلاي في روحك (في حدود المعقول..) لانو مزالكي صغيرة

لكن اهم حااااااااااااااجة.....هي لازم تكون عندك ثقة في روحك حبيبتي...ديري في بالك كيما راكي تشوفي في روحك رح يشوفوك الناس ........ لازم تشوفي للايجابيات اللي عندك وتقنعي روحك بلي راكي شابة واحسن من 1000 وحدة...جامي تحتقري روحك

صدقيني هنايا رح تحسي بالفرق.........

[مريم الصابرة]

السلام عليكم اختي
والله ضحكتيني يا بنتي رانا كيفكيف طولي طيما طولك وروعة واحد الإحساس قوليلي الطوال واش دارو وشعرك عادي راهم كاين وسائل والله تشوفي شي نسا تقولي شعرهم هيدورة وعادي يضحكو ويقسرو نقولك ما تكونيش سطحية إنت عندك عقل عندك قلب تحسي تصلي تدعي ربي اللي خلق الشابة والطويلة خلق القصيرة والمزعوقة كوني قوية إيمان انا والله ما على بالي شوفي رئيسنا روعة أقصر رئيس ويحكم في رجال طوال كالبوطو يا ربي تقراي ردي وتتبسمي ارمي عليك كاين هموم فالدنيا أكبر تشوفي الناس تنساي همك شكرا

[عُبيد الله]

ليترك ثقته بنفسه وليتوكل على خالقه فإنه إذا وثق بنفسه وغفل عن التوكل على خالقه خُذل
فثق بماعند الله قال تعالى: ((والله خلقكم وما تعملون))
والتوكل شرط الايمان قال تعالى: ((وعلى الله فتوكلوا ان كنتم مؤمنين))
ولايثق في نفسه ويغفل عن التوكل فالامر كله بيد الله قال تعالى: ((قل من بيده ملكوت كل شيء ))

[ميمنة الجزائر]

الطول كاين التالو راهو كومبوسي يزيدك عشرة سم بصح لازم البلا احسن لك

الشعر كاين الدفريساج تولي شعرك حرير حير من اللي شعرهم رطب

نحيلة مليحة دكا لازملي لتتاي باه تعيشي حياتك مليحة ديري حلبة وتشوفي واش تزيدي

وجهك عادي يعني كل وحدة وخليقتها كل وحدة وكيفاه تعرف تسقم روحها لكن اضن كل هذه الاطروحة اللي قلتيها انما هي انغلاق

في سن محرج لا غير ديري صحبة وحدة فقط وكوني شخصية قوية ما يهمكش العجب المهم كوني صلبة ما يهزكش ريح

وربي يوفقك حبيبتي والحل في يدك يعني كوني قوية واستخرجي من عندك حاجة اللي تخليك احسن من كل وحدة وتشوفي روحك احسن وحدة في العالم

[ريمة07]

شوفي يا أختي عندي حلول مليحة

أولا الطول : طولك مليح مع سنك و مازالك تطوالي باذن الله ، يحبس الطول في سن 25 ، و انت مازلت صغيرة يعني مازالك تطوالي ألعبي الرياضة برك تطوالي

ثانيا النحافة : كولي مليح و نامي مليح و ما تخميش تسمني حتى تولي تديري في ريجيم

ثالثا الوجه الطويل : مادام راكي نحيفة أكيد وجهك ثاني راهو نحيف و كيما الوجه يكون نحيف يبان راهو طويل ، يعني اذا سمنتي يسمن وجهك و بالتالي يبان عادي ماشي طويل

رابعا الشعر الخشن : اعتني بيه برك و كاين كل وسائل التجميل ما تخافيش كاين سيشوار ، ليسور ،.......

و أهم حاجة نقولهالك لازم تسترجعي الثقة بنفسك و تحبي نفسك و شكلك كيما راهو ، و اهتمي بقرايتك الان و كيما تكبري و توصلي سن العشرينات صدقيني رايحة تكوني شابة بزاف على دوك ، لأنو في هذا السن 16 الجسم مازال ينمو و الوجه يكون فيه حب الشباب و غيرها ، لكن توصلي 20 فما فوق ان شاء الله تولي شابة و قولي ريمة قاتلي

سلام اختي الصغيرة و اي مشكل رانا هنا نعاونوك