نصائح وافكار للاعراس

[hous_sam12]

السلام عليكم بما انو قرب موسم الافراح وان راني نوجد في عرس لخويا حبيت تتفاعلو معايا وكل وحدة تقلنا على نصيحة او فكرة تفيدنا بخصوص الحلويات وكيفية تقديمها في الحنة الماكولات اتحضيرات ما قبل العرس وغيرها

[marwa.asma]

وعليك السلام ورحمة الله وبركاته شوفي اختي انا نقلك علا هاذه النصيحه الى هيا نذي النصيحه الى هيا مثلي العلى. مجبتها قداش منخطره في عرس اخوتي شوفي ارفدي يدك وحطيها علا الحلويات نتاع العرس قصدي ليابط اقراي صوره. القريش ....هاذي الصوره تزكي الحلويات مش برك فل حلويات ثاني فوق الطعام واللحم ولاماكولات صدقيني والله قتزكي الاكل جربيها ورديلي الخبر اختكي مروه

[hous_sam12]

مشكورة اختي مروة والله غير نجربها

[وداد100]

والله يا اختي حتى حنا رانا نحضروا في عرس خويا وهدا اول عرس في الدار لقيتيني من ضرك خايفة وماعرفتش باش نبدا انشاء الله يفيدونا الاخوات بالنصائح

[bibarr05]

مشكوووووووووووووووووووووووووورة يا اختي الكريمة







http://im40.gulfup.com/iwxmI.jpg

[اكرام1998]

مشكوريننننننننننننننننننن

[hous_sam12]

يا اخواتي كل وحدة تقلنا على فكرة ولو بسيطة
حنا راح نديرو بقلاوة ومقروط ونوعين قاطو
وراح نطيبو كسكسي ودوارة وجاري ومرقة حلوة مع السلاطة والديسار واش رايكم

[kawthar1983]

النصيحة الي أنا انطبق في وقت الأعراس
1-لازم تكتبي مستلزمات العرس مثلا واش يخصك أواني ولا كنت راح تسلفي من عند من ولازم تكوني متأكده من كل شيء ولا كان العرس في صالة تأكدي أن كل شيء موجود حتى لا تقعي في ورطة آخر لحظة و يكون بالك مرتاح
2-أكتبي أي شيء تتذكريه من الآن حتى يكون لك متسع من الوقت ولا تنسي شيء
3- قرري ماذا ستفعلين من حلويات بالمقارنة مع الميزانية المخصصة لذلك , هل مثلا ديري حلوياتك بالكاوكاو ولابالوز لأنه كل واحد و إمكانيته أنت أدرى
4- إذا قررتي ديري بالوز أشريه مقبل وقشريه أنت أحسن ملي يجي مقشر لأنه يكون جديد عليه وخليه ينشف مليح في الشمس لانه كي ترحيه يولي زاكي و الحلويات تاعو يطولو مايغملوش عكس إلي تشريه مقشر يكون فيه نسبة من الماء باه كي بيعوه يوزن هذه عن تجربة لأني كنت أندير حلويات للعراس قبل الزواج وأعرف ذلك
5- إذا قررتي ديري بالكاوكاو حضريه من قبل أيضا كنت قد رأيت موضوع رائع في المنتدى عن كيفية نزع رائحة الكاوكاو شوفيها وسيها من قبل إذا عجباتك النتيجة و أكيد تعجبك إعتمديها
و أخيرا يجب إعتماد كيفيات الحلويات المضمونة لا تعتمدي كيفيات تعمليها للمرة الأولى في العرس باه تكوني دقيقة و تبتعدي عن التبذير و إهدار الوقت لأنه في الأعراس يكون الوقت ثمين جدا و إذا أخفقت لا قدر الله راح تتقلقي أكثر
إن شاء الله مانكونش طولت عليك و أتمنى أن تفيدك هذه النصائح

[رتاج علي]

السلام عليكم، الموضوع جميل وكل واحدة مقبلة على العرس تحتاج لبعض النصائح، شاركت في عدة تحضيرات لأعراس اخوتي ، نقلكم على شيء راني قررت منزيدش نحضر لحتا واحد ، اتعاب وتكصار الراس، المهم:
كما قالت لك الأخوات عليك بوضع برنامج و التخطيط مسبقا، خاصة الحلويات في جهتنا المقروذ و البقلاوة لازمة ثم نوعين أو ثلاثة من حلويات تكون زاكية يعني الخلطة تعطيك حبات بزاف، ولازم تبعدي على الحلويات الي متفزدش بسرعة، اما يوم العرس نطيبو الشربة فريك و الطاجين الحلو و الكفتة و الكسكس، اما الدوارة مانطيبوهاش للضياف بل نخليوها لأهل البيت، ما تنساوش شراء كل الستلزمات مسبقا، بصراحة انا كرهت العرس كيما نقولوا بالعامية '' العريس اعرس و المشوم يتهرس''

[ام عبد السميع]

يعطيك الصحة اختي على هذ الفكرة جات في وقتها انا راني نوجد لحفل ختان طفلي الاول وراني مستريسيا ومذابيه نستفاد من افكاركم الرائعة

[hous_sam12]

مشكورين على المرور بارك الله فيكن

[أم أنس الشامية]

السلام عليكم أخواتي الله المستعان على الأعراس الجزائرية أديش بتكلف وتعب والله يا أخواتي احضرت أعراس شامية والله أحسن منا أما نصيحتي ليكم كمجربة أول شي النظام كي لا تتعبو فمثلا في العشاء تحضير الطاولات قبل إحضار النساء إليها باش ما تتفرفشوش أما تنساو ولا شي اتحطوه ولا تكثرو ا الأيدي العاملة مثلا إثنان أو ثلاث يرتبو الطاولات وإثنان يغسلو الأواني هكذا بإذن الله يجوز امرتب صدقوني مكاش كما النظام
أما النصيحة الثانية بالنسبة للطبخ أعرف ماكاش كما الطعام ولاكن من حيث التكلفة ماكاش كما المثوم والشوربة ما اتكلفش كما الطعام والله أعلم

[وردة حياتي]

السلام عليكم أخواتي الله المستعان على الأعراس الجزائرية أديش بتكلف وتعب والله يا أخواتي احضرت أعراس شامية والله أحسن منا أما نصيحتي ليكم كمجربة أول شي النظام كي لا تتعبو فمثلا في العشاء تحضير الطاولات قبل إحضار النساء إليها باش ما تتفرفشوش أما تنساو ولا شي اتحطوه ولا تكثرو ا الأيدي العاملة مثلا إثنان أو ثلاث يرتبو الطاولات وإثنان يغسلو الأواني هكذا بإذن الله يجوز امرتب صدقوني مكاش كما النظام
أما النصيحة الثانية بالنسبة للطبخ أعرف ماكاش كما الطعام ولاكن من حيث التكلفة ماكاش كما المثوم والشوربة ما اتكلفش كما الطعام والله أعلم
يا اختي صراتلك كي لغراب اللي جرب يمشي كي الحمامة ما عرفش يصلح مشيتها و زاد ودر مشيتو انتي جزائرية ولا سورية لانو هدرتك مخربطة مابانت منا ولا منا جات كلش غالط هههههههههههكلمة سورية كلمة جزايرية مافهمنا والو

[angel_forever]

مساء الخير
انا تاني حبيت نفيدك بشوي نصائح ان شاء الله يعاونوك
كيما قالو لبنات جيبي ورقة واكتبي فيها اللشي اللي لازمك
بالنسبة للماكلة قبل كلشي اشري اللازم الفريك التوابل تحبي مرحية والا ارحيها في الدار وتاني لازملكم الرافيطايمة الخاصة للطياب نتاع العرس كيما الزيت والطماطم الهريسة الخل الملح
وهو احسن شي ديرو شربة فريك ودولمة ومرقة حلوة وكسكي وسلاطة خضرة بالطماطم والزتون لكحل وسلاطة مشوية والا في مقدوركم زيدي سلاطة الروز الكل يديرو فيها مع قازوز وحاجة ديسير
وتاني سجي المغارف والفراشط والسرافيت نتاهم في الاكياس البلاستيكة تلقايها عند اللي يبعو في حوايج القاطو ولازم يكونو بكمية معتبرة باش وقت تعودو توكلو في الغاشي ما تظالوش تغسلو وتشيحو وحاصلين
وبالنسبة للحلوى انا نشوف ربعة انواع يكونو ملاح فيها الف براكة مثلا حاجة معسلة وحاجة مغبرة بالسكر وقاطو ما يطيبش وكاش نوع اخر وخلاص الفايدة يكونو شوي كبار باش يبانو ويعمرو الباطة ولازملكم تعمرو لباطات 3 ايام قبل العرس باش ما تحصلوش وتاني يبقى القاطو جديد
والاتحبي افكار اخرى قوليلنا العرس وين راح ديروه في داركم والا في قاعة الحفلات وانا نزيد نوريلك افكار اخرين

[jackin]

بارك الله فـــــيــك

[MAYA86]

Salam alikom ana tani rani nhadar l3eressi nchallah mais hadi awal mara fi 3ayela nduro f la salle w ma3anedi hata fikra arejoom fidoni rani hayra ta3 sah allah yewafakkom jami3en

[wala]

السلام عليكم العرس وما ادراك من العرس لازملوا الحمية والله يجوز كلشى لاباس لازم ديرى قائمة الاكل تشرى الفريك والطماطم علب من نوع الجيد التوابل منها راس الحانوت البسكرى والقرفة اعراد وفلفل اسود هدا للشربة كدلك المثوم هو زاكى كدلك سلاطة اورداف او استعمال الفلفل المقلى ومقطع رقيق بالطول اخدميه وخبيه فى المجمد حسب التكلفة طاجين الحلو وخبز المطلوع من عند الخباز اكموندى خبزات صغار الحلويات حلوى ساك لى صابلى والغريبية اوحلوى شيكولا تقدم مع المشروبات ثم حلوى العلب 3 انواع يكفوا عرايش الكفتة ومقروط اللوز والمقروط المعسل والمعارك لتاى وماتنسايش القاطو لى تجيبو العروسة تانى عاونو بيه رواحكم ادا كان العرس فى الصالة هدا يساعدكم بزاف اما ادا كان فى الدار لازم يكون واحد يدبر اعتمدو على الرجال راهم يعرفو هما يسالو الطباخين على الكمية لانها كلش بالحساب ارجو رانى افدت حاجة قليلة سلام

[الجواهر]

يا اختي صراتلك كي لغراب اللي جرب يمشي كي الحمامة ما عرفش يصلح مشيتها و زاد ودر مشيتو انتي جزائرية ولا سورية لانو هدرتك مخربطة مابانت منا ولا منا جات كلش غالط هههههههههههكلمة سورية كلمة جزايرية مافهمنا والو

و الله ضحكتيني .........و معذرة للاخت الشامية

[wala]

كدلك استعملو البغرير عوض طاجين الحلو مع الاكل او استعماله مع مشوبات كدلك استعمال المحاجب او كوكا او لى مونشوا او سربوا لاكرام وحدو لى ماعندوش والواحد مايكلفش روحوا المهم معروف وصلاة على النبي لانك مهما نوعتم لاتوفوا بالغرض لان ارضاء الناس غاية لاتدرك

[لقمان12]

شكرا علي الموضوع
وكان بالامكان تساعدونا اكثر لانو العرس تاعي بعد رمضان طول حايرة كيفاه ندير

[انتصار فاطنة]

ما نوع المساعدة التي ترغبين بها وانا جاهزة

[أم هبة الرحمن]

سلام لبنات حنا عندنا عرس اختي انشاء الله ونحوسو نفاجؤها فالعرس ونفرحوها تقدرو تنوروني اخواتي ببعض الأفكار

[imaneima]

44444444444444444444444444

[chekkat]

فكرة رائعة وممتزة شكرا لك

[HALIMA TLM]

:dj_17: راه قريب عرس خويا وهو اول عرس عندنا فالدار معليش تعاونوني ببعض النصائح والتحضيرات اللازمة باش يفوت مليح وشباب وكل التفاصيل تع التقديم ..الخ مع العلم انو حنا غاديين نديروه فالدار
et merci d'avance

[**ملاك**]

مشكوورة اختي

[knovel]

شكرررررررررررررررررررررررررررررررررا لـــــــــــــــــــــــــــــــــــــــــك