مشكلتي

[مشكلتي]

السلام عليكم ورحمة الله وبركاته

أنا عندي أحد الأقارب يسكن في أحد ولايات الوسط وكنت نزورهم مرة على مرة وعجبتني المدينة وحتى أهلها ولقيت فيها راحتي حتى تمنيت نسكن فيها أو نتزوج بوحدة من عندهم حتى جايوم تعرفت على وحدة وبغيتها وكانت نيتي تاع زواج لكن كانت عندي ظروف مادية لكن رغم دلك حاولت نخطبها لكنهم رفضوني بحجة مايعرفونيش وانا نسكن بولاية بعيدة عنهم وسمعوني كلام !!! والصدمة الكبيرة هي الطفلة لكانت عاملة روحا متعلقة بيا وتبغيني نقلبت في رايها ورفضتني هي تانيك.انا تقلقت وكرهت حياتي وقلت عمري ولا نرجع لهاديك المدينة وراني قريب العام ماروحتش لكن درك راني نخمم نتزوج ومازالت الفكرة أنو نتزوج بطفلة من هاديك المدينة لعجبتني وقلت لأقاربي يحوسولي.
المشكل درك مازلت مانسيتش الطفلة لخطبتها لاني تعلقت بيها بزاف ورفضوني اهلها ونخاف تتكرر لاني سمعت ناس ناس تلك المدينة مايبغوش البراني مع علمي أناس ماشي كيف كيف .كيفاش ندير قلبي باغي يدي من ديك الولاية وعقلي يقولي راح تتفكر الطفلة الأخرى وأهلها وواش عملوفياأنصحوني خوتي بارك الله فيكم

[مشطوب]

ما هي مشكلتك لم أفهم ؟؟؟؟؟؟؟

[bina]

اخي شحال في عمرك باه تخمم كما حك فيق شوية مع روحك راهي رافضتك و زيد ما تستاهلش قلبك ولا حبك ليها الي تستاهل لمرا الي راح تقيم هاد الحب و تتهناو مع بعض خمم في روحك و في حياتك قبل كلشي هاديك قصة تعلم منها و في الدنيا هادي كاين لمليح و كاين العكس و اقول ربي عسى ان تحبوا شيئا و هو شر لكم لوكان جات خير ليك كان ربي كتبهالك و سهلك فيها بصح باينة العكس لانو ربي سبحانه برحمتو لعبادو وعلى خاطر ما يحبش لينا الشر ديما ما يسهلناش فيها باه ما يصيبناش الضر بصح حنا شغول نحبو الضر لرواحنا تخلى عليها و ظقا ترووووح و خمم في وحدة تحبها مهما كانت من نفس لبلاصة الي تسكن فيها هي علاه مي الملكة نتاعها لالا ان شاء الله تلقا الي تقيم كل حاجة مليحة فيك

[lilou f lilou a]

ههههههههههه ربي يهديك واش بيك نتا
ربي يسهلك

[ايمان نور الجزائر]

اهلا اخي
لا ادري هل اعجبتك ....المدينة فعلا ام انك تحاول استفزاز اهل البنت الذين رفضوك
المهم....اذا بحث ووجدت بنت تعجبك وعائلة تعجبك من تلك المدينة
فاستشر واستخر وتوكل على الله
واذا كان في الامر تعب ومشقة كبيرة وتطول وانت تبحث
فبنت مدينتك أولى
وفقك الله

[yousra14]

لاااااا تستعجل الان في الزواج انتظر حتى تشفى من الاولى وعندما يدق قلبك لاخرى تقدم الى اهلها ورب يعملك الي فيها الخير

[رحمة من المولى]

ربي معااااااااااااااك دير ي بالك انت راجل ألف وحدة تتمناك خاصة اذا كانت نيتك صاااااافية ربي يعوضك ان شا الله

[صالح القسنطيني]

السلام عليكم

ربما السبب انك لست اجتماعيا لهذا حصرت زواجك في جهة معينة و لكن اعلم ايها الفاضل ان المراة تنكح لدينها و مالها و جمالها و حسبها فاي امراة جمعت هذه الصفات فهي لك خير و لا يهمك بعد ان كانت في ولاية كذا او كذا المهم صفاتها و قد يكون الخير قريب من انفك و انت تبحث عنه في بلاد اخرى