صنع الحلويات

[milka40]

السلام عليكم

انشالله تكونو ملاح حابة تعاونوني حالتي المادية مزرية جدا حابة نخدم حلويات للناس مالقيتش حاجة اخرى هاذا واش نعرف لكن ما عندي حتى فكرة على الاسعار شحال الحبة مثل الصابلي الغريبية العرايش يعني اي حلوة شحال كيما نعرفوو كامل الحلويات اتعب و انا الحمد لله خدمتي متقونة و ثاني مقرشات الطاجين شحال و السلعة من عندي ولا يشرويلي مثال اذا ب5 الاف الحبة حقي برك ولا مع السلعة

[حب الله لا يعادله حب]

ربي يعينك اختي ويرزقك من خيره .اسمحيلي مانعرفش يفيدوك الاخوات ان شاء الله

[ام مهدي2010]

ربي يكون في عونك حبيبتي اسفة ما عنديش فكرة

[منى ابراهيم]

اختي كل حبة وشحال مثلا انا شريت الحبة ب3.5 الانواع هي مقروط اللوز البقلاوة والكيعكعات وقلوب الجلجلان والمخبز والسلعة من عندها

[فرح.]

ختي ان شاء الله ربي يوفقك ويفتحلك بيبان الخير

[سماح أم أنس]

ربي يوفقك حنونةشوفي أولا الأسعار تختلف حسب المناطق معروف انه في العاصمة الأسعار أغلى من المنالطق الأخرى و ثانيا شوفي اذا الحلوى مخدومة باللوز و لا الكاوكاومثلا بقلاوة اللوز راها ب 4 الاف للحبو و الدزيريات 4 و 500 بصح اذا بالكاوكاو راه توصل بين الفين و 500 او 3000 للحبة و كل شيء من عندهم .. نقولك روحي للحوانت و شوفي الأسعارانتي نقصي علحوانت 500 .. و ان شاء الله الأخوات يفيدوك أكثر ..و ربي يكون معاك و يرزقك الرزق الحلال

[رباب08]

ربي يعاونــــــــــــــك اختي

[ايلول20]

حنا غير كيما عرسنا السابلي ب3000 د وخدمنا للمحضر كلش باللوز 6000 من عندها القش وخلصناها دربة واحدة صنعنا 200 ستقامنا 3ملايين و600 الف دينار

[zineb_saib]

شوفي اختي نقلك ياراسمين عندها خبرة في هدا الامر راهي فاتحة محل حلويات ودايما تجيها اسئلة كيماهادي
وساعات تسقام الحبة الوحدة كي تكون بالمكسرات ب 40 دج
وغير كيف شريت من حانوت حلويات حبة عادية جدا ب 3500 دج مافيها لامكسرات لاوالو
علابالك يشوفو بالميزان يلزم تشوفي متخصص يبيعهم وسقسيه