رفضت الحرام

[مشكلتي]

السلام عليكم و رحمة الله و بركاته

نكتب و انا مصدومة حقيقة

المهم بدون اطالة كنت تعرفت على شاب في مقر عملي قال ناوي الحلال و فعلا تقدملي لكن قبل ذلك قال حاب نخرج معاك رفضت و بشدة رفضا قاطعا قال نحكو بالهاتف نتعارف قلنا مش مشكل كنا قليلا وين نتكلمو قتلو مش حابة نروح بعيد فالكلام لكن في يوم من الايام اتصل بيا هدر كلام غير معقول كان حاب يفتح موضوع لا ديني ، لا اخلاقي ، و لا عقلي يتقبلوه انا اللي قلتها ربي يهديك و قطعت المكالمة بعدها بعثلي رسالة مفادها كل واحد يروح لحالو ما تصلحيليش و رقمي انسيه.........و فعلا بطلت الخطبة ......................

انا هنا لا اطلب حلول او اراء لكن فقط انقل اليكم حذري مما يجري اليوم و لأي مستوى وصل اليه شبابنا اليوم ... ربي يستر نشالله

فقط اطلب ان تدعو لي برجل يخاف الله.............تمنياتي لكم بالتوفيق

[AMOLAS45]

ايه اختى هذه هى الحقيقة للاسف الاغلبية يسلكون هذه الطريق و لا تجدين الا اقلية تستحق كلمة راجل و اقول لك اختى حدث لى نفس الحكاية ديالك و اوقفت كل شئء و لم اندم على قرارى لانه لا يصلح اتمنى ان يرزقنا الله الازواج الصالحين بكل ما تحمل الكلمة من معنى

[semayaalg]

ربي يوفقك واحد مثله ما يستاهلش واحد يفخره وعذرا على الكلمة

[123boutheina]

الغالية وربي لا تحزني وصدق من قال "الي هذا اوله ينعاف تاليه"
وفقكِ الله ورزقكِ بالزوج الصالح

[mahdi-19]

حسبي الله و نعم الوكيل

[أم رمزي]

راكي بنت فاميليا عندك الحق هاد راجل ماصالحش الف من يتمناك انشاء الله أختي اطيحك ربي في ولد الحلال عن قر يب

[مومي23]

اين المشكلة
انت تصرفت تصرفا يليق بفتاة يتمناها كل انسان شريف
انسي الموضوع حافظي على تصرفاتك الصحيحة مثل ما تصرفك مع هذا الشاب وسيرزقك الله ابن الحلال

[مسلمة انا]

ربي يعوضك بخاطب فيه كل الصفات اللي تسعدك

للاسف اخلاقيات المجتمع اصبحت في الحضيض

[faty05]

الواحد لازم يكون فايق و متمسك بدينه و أخلاقه و مبادئه
أحييك أختي على صرامتك و حسمك في الأمر من البداية
أختي ربي يرزقك بالزوج الصالح لي يجيك من باب الدار ماش من أسلاك الهاتف

[salma s]

ما دمتي تودين حلالا فلن يضيعك من قال الطيبون للطيبات
فقط احتسبي و اكثري من الدعاء و الله الموفق

[djfr]

ماتعرفيش الخيرة فين

[تصفية وتربية]

ربي يعوضك خير أختي .. للأسف شباب اليوم أصبحت الشهوات هي التي تُسيّرهم
ويارب تكون هذه التجربـة رادِع لكِ في المرّات القادمة حتى لا تنجري وراء العاطفة وتُكلمي رجل أجنبي عنكِ في الهاتف ..
ربي يوفقك ..

[Hamza touazi05521763]

سمحولي بنات هادو الايام اصبحن قمة فالانحطاط وهنا انا لا اعمم ولاو هما يتبلاونا مش حنا ونتي ختي الله يبارك كوني مرتاحة عند ربي باسكو قليل ليكيفك ودارها نستعرف بيك واصلا الخوف من ربي ليلازم يتفكروه كامل الناس

[soha1987]

انتي مرا ونص وبنت فامليا وناس ملاح وهو وليد حرام موالف يسمع ووذنيه والفو لحرام هادو هوما شبابنا والفو البنت الطايشة وكي يطيحو في بنت حلال ماتعجبهمش لكن الطيبون للطيبات والخبيثون للخبيثات وطريق السد لاترد ربي يرزقط زرج صالح اختي تستاهلي اختي نديعلك من كل قلبي

[rosa allia]

ماعندك علاه تندمي ولا تحزني بالعكس درتي عين الصواب ما عندك ما ديري بهاد qualité يروح خير ما يقعد ما عندك ما ديري بيه
وأنت ربي يعوضك إن شاء الله بواحد خير منو ألف مرة ثقي بربي سبحانو

[**د لا ل**]

اتركيه اختي

ومن ترك شيئا لوجه الله عوضه الله خيراااااا

ربي يعوضك بالزوج الصالح التقي

[رحمة من المولى]

ربي يعوضككككككككككككككككككككك

[jomana jiham]

مزية لي بان على حقيقته

[المحب للجزائر]

الاصل يبتهج و يفرح و يكمل نص دينه مش يعمل لي عمله
و اعذرني الخطأ فيك لو نسبيا أنك فتحتي له الباب ليكلمك
اسال الله ان يرزقك بزوج صالح

[TOKYO]

انت تاني غلطتي كيفاه من خطبة برك تقبلو تهدرو في تلفون
واش هدا تلفون صار الزامي ا الشيطان يخرب البيوت و يقتل النار بين الزوجين و يحطم الشوق و كلام بعد الزواج
علاه جدودنا و والدينا استعملو تلفون و حكو و قصرو مع بعضهم
انتم تروح بيديكم للنار ومن بعد تقولو كيفاه حرقتنا
الله يهدي ما خلق

[منهاج]

السلام عليكم

ربي يعوضك خير

[بني بلعيد]

أختاه الفاضلة
السلام موصول لك
هذا درس لك ولبقية الفتيات اللواتي يفتحن باب الشيطان للرجال بمجرد أن يقوم بالخطبة ، لأن الخطبة هي وعد بالزواج ، وليس من أركانه
مرةأخرى أنصحك بالإبتعاد عن همزات الشيطان .
اللهم ارزق هذه الفتاة بالزوج الصالح، آمين
والسلام