أنا بالحاجة إليكم [الأرشيف] - منتديات الجلفة لكل الجزائريين و العرب

ameura

2013-04-19, 12:16

حاب نجيب معدل 15 أو 16 في الباك بصح مواد الحفظ ما راني حافظ والو
أما بالنسبة لمواد الفهم ما عنديش فيهم مشكل أريد نصيحة من فضلكم
ان شاء الله تكونو من الناجحين..................’

mayssa zayna

2013-04-19, 12:36

ربي ينجحنا كامل احفظ من الملخصات تجيب 15 احسن من 000
فبل ما تبدا الحفظ اقرا الدرس و افهموا با الدارجة و ابدا تقرا و تعاود حتى تحفظ
و با التوفيق

lachiche

2013-04-20, 21:55

والله يا خويا ربي يهديك حاب تجيب 15 و ماك حافظ والو
علابالك لازم تبدا تحفظ
أنا نعطيك برنامج مليح شوف عود كل يوم أكتب 2 دروس في ورقة بيضاء و استيكيهم مليح بالالوال و خط مليح راك تعرف و نوض على 4 نتاع الصباح احفضهم و كي تعود 1 بعد الغداء عاود راجعهم و زيد اكتب 2 دروس في ورق بيض مستيكيين و العشوة حل تمارين الرياضيات و المحاسبة و روح ارقد و 4 نتاع الصباح احفظ وهكذا تستمر الحياة الأليمة
وشوف صحابك يعيطولك في التيليفون إذا شفت روحك متقدرش تنوض يعني كسول
هاكذا رانا نديرو احنا و الحمد لله راني واصل لميزان المدفوعات في الإقتصا و كملت التاريخ والقانون ومازال التربية إسلامة والجغرافيا وكاش مقالات فلسفة

abdouking

2013-04-20, 23:40

سلام عليكم انا عندي فكره وياربي نتعاونو باش نحفضو الحاجات الي ممكن اديروها في الباك وهي عفص ياربي تنجح مثال
في مادة القانون الاسالة تاع الفرض والاختبار تاع كل واحد ونشوفو الدروس الي جات منها الاسائله بزاف ونحفضوها

manel souf

2013-04-21, 06:19

والله من ناحية الحفظ الناس كامل تاعبة اولهم انا عندي مشكله مهما نحفظ ننسا فينهارين لاكن نحاول ديما نتخطا هاد المشكل راني نوض من 5 نحفظ الحمد الله كملت الاقتصاد و بديت في القانون حاااول يا خويا فرحة الوالدين بنجاحك تستاهل تعب وش مزال غير هاد شهر حاول تركز وتحفظ وربي يوفقنا كامل

belarbi

2013-04-21, 06:57

:mad::mad::mad: يلا طبق واش قالولك خيانك

والله يا خويا ربي يهديك حاب تجيب 15 و ماك حافظ والو
علابالك لازم تبدا تحفظ
أنا نعطيك برنامج مليح شوف عود كل يوم أكتب 2 دروس في ورقة بيضاء و استيكيهم مليح بالالوال و خط مليح راك تعرف و نوض على 4 نتاع الصباح احفضهم و كي تعود 1 بعد الغداء عاود راجعهم و زيد اكتب 2 دروس في ورق بيض مستيكيين و العشوة حل تمارين الرياضيات و المحاسبة و روح ارقد و 4 نتاع الصباح احفظ وهكذا تستمر الحياة الأليمة
وشوف صحابك يعيطولك في التيليفون إذا شفت روحك متقدرش تنوض يعني كسول
هاكذا رانا نديرو احنا و الحمد لله راني واصل لميزان المدفوعات في الإقتصا و كملت التاريخ والقانون ومازال التربية إسلامة والجغرافيا وكاش مقالات فلسفة

houssine 27

2013-04-21, 16:34

نجحت في بكالوريا 2007/2008 أول دفعة من النظام الجديد .وعليه فيجب التركيز على المواد التالية لأنها متشابهة في بعض المفاهيم ,وهي القانون والاقتصاد . وأنصحك ألا تراجع مادتي التاريخ والجغراقيا معا حتى لاتختلط عليك التواريخ كما حصل معي.
وبتوفيق انشاء الله وعقبال للجامعة.

abdouking

2013-04-21, 17:39

شكرااا عل النصيحه