للمطلقات و المطلقون فقط

[azhars]

السلام عليكم
بما انني مقبلة على الطلاق اريد ان اعرف ما شعورك وانت مطلقة والرجل ايضا
اوجدتم راحتكم النفسية بعد الطلاق
كيف كانت ردة فعل الاهل اذا لم يكونو السبب في ذلك ......
ما ردة فعل المجتمع الذي لا يهمني رايه
هل غيرتم من انفسكم ومشيتم قدما

[نواار]

انا اقول ان ابغض الحلال هو الطلاق يعني انه حلال

[نواار]

والحلال لا يغضب الله رابما بقاء زوجين من دون تفاهم يتسبب في كوارث

[azhars]

شكرا على المرور

[nibrasse76]

ربما يكون صلاح الاحوال في الطلاق ...وليس في البقاء

[azhars]

ربما يكون صلاح الاحوال في الطلاق ...وليس في البقاء


هذا ما اراه وهذا هو الصواب بالنسبة لي

حابا نعيش حياة أفضل وصح

[احرار]

ربي يكون معاك يا اختي نتفكر العام الي فات كنتي توريلنا في جهازك و للاسف اليوم راكي تتكلمي على الطلاق .

[azhars]

ربي يكون معاك يا اختي نتفكر العام الي فات كنتي توريلنا في جهازك و للاسف اليوم راكي تتكلمي على الطلاق .


الدنيا مكاتيب منت فرحانة كأي عروس لكن ربي مكتبليش باه تكمل فرحتي واش ندير
مرانيش فخورة أني نحمل لقب مطلقة ,,,,,,,,,,,,,,,,

[احرار]

لازم تكوني فخورة بنفسك في كل الحالات اكيد الغلط مكانش منك اكيد انك صبرتي و كافحتي و لكن شاء القدر ان يكون الطلاق حاولي انك تستفيدي منه و ان تنظري له نظرة ايجابية عسى فيه خير و الله اعلم

[* الحلم سكر *]

السلام عليكم
اختي انا نقلك نصيحة لوجه الله اذا رحتي عندو و اذا لي مقلقك ماشي حوايج كبيرة و قادرة تتغير مع الوقت فوتيها و اصبري الطلاق فعلا ماشي ساهل
لكن ادا حوايج كبار و اكتشفتيهم و انتي عندو ما يهمكش الناش و شوفي لي يخرج عليك
يعني انا صاحبتي تخدعت فيه و لقات حتى حوايج تغضب ربي و خافت من كلمة مطلقة و نظرة الناس و الله قريب هبلت معاه و دار فيها الباطل صح كل يوم اكثر من اللي قبلو
حتى طلقت و لات كلي ادات الاستقلال و راهي تحمد في ربي و تعاود
*** لـــكـــن *** نــعاود نقلك ادا امــور صغيرة فوتيها بالاك مازال ما تعودتيش الوضع
انتي ادرى و ربي يهديك و ييوفقك للي فيه الخير ليك دنيا و ىخرة يا رب

[سفير الهضاب]

السلام عليكم
اختي انا نقلك نصيحة لوجه الله اذا رحتي عندو و اذا لي مقلقك ماشي حوايج كبيرة و قادرة تتغير مع الوقت فوتيها و اصبري الطلاق فعلا ماشي ساهل
لكن ادا حوايج كبار و اكتشفتيهم و انتي عندو ما يهمكش الناش و شوفي لي يخرج عليك
يعني انا صاحبتي تخدعت فيه و لقات حتى حوايج تغضب ربي و خافت من كلمة مطلقة و نظرة الناس و الله قريب هبلت معاه و دار فيها الباطل صح كل يوم اكثر من اللي قبلو
حتى طلقت و لات كلي ادات الاستقلال و راهي تحمد في ربي و تعاود
*** لـــكـــن *** نــعاود نقلك ادا امــور صغيرة فوتيها بالاك مازال ما تعودتيش الوضع
انتي ادرى و ربي يهديك و ييوفقك للي فيه الخير ليك دنيا و ىخرة يا رب

عين العقل,لكن هناك أمور كثيرة لانعلمها أنت أدرى بها منا

[ام نسمة]

عندك اولاد ولا لالا اذا ماعندكش وشفتي حياتك معاه ما تنفعكش يلا انفذي بجلدك قبل فوات الاوان واذا كان عندك منو طفل او اطفال فاقول لك اصبري على كلشي انا تاني قريب هبلت من راسي وطلقت شحال من مرة وكنت حابة الطلاق لكن رجت حللتو قعدت على ولادي وتنزلت على بزف حوايج كانو يبانولي من المستحيل نتخلى عنهم لكن والفت عادي دائما نخزر لمستقبل اولادي وباش مادامني حية ان شاء الله وابوهم حي مانشوف نظرة الانكسار تاع اليتم في عيونهم ابدا امس كنت عايشة من اجل نفسي واليوم اعيش من اجلهم فقط حتى اني صلحت الكثير من علاقتنا التي كانت منهارة تماما ربي يهديك اختي لطريق الصواب وقولي لي هو راه حاب الطلاق ولا انتي طلبتي

[حمودية]

الصبر خير من الطلاق

[رزان حياة]

من الاحسن انزعي فكرة الطلاق من راسك. زعما في بالك كامل الي راهم متزوجين راهم هانيين مستحيل .ولكن ميخموش في الطلاق .ارضاي بمكتوبك وخاصة ادا عندك أولاد.صح مانيش عارفين الاسباب الي وصلاتك الى الطلاق ولكن متخليش الشيطان يرسملك حياة رائعة بعد الطلاق
وربي ينورلك طريقك

[bibicha]

انا حبيت نعتذر ليك على واش قتلك في موضوع اخر لانكي كنتي هدرتي سطحي و ما فهمتش مليح الحكاية و قتلك ماعليش اصبري و ما فيها والو كولي الخبز و الماء المهم تتهناي مع زوجك
بعد ما قريت التفاصيل في الردود نتاوعك خابة نقولك الحمدلله انك خرجتي من عندهم بعقلك و المرأة المطلقة ماشي عيب ربي دار الطلاق و عارف علاش و نتي عادي ابداي صفحة جديدة من حياتك و المشاكل لي نلقاوها في حياتنا تقوينا اكثر و ماراكي خاسرة والو و اذا باش ترجعيلو اشرطي دارك وحدك لانو زوجك لاباس بيه
نتي خمي في حيات جديدة و روحي اقراي كوني روحك و الف وحدة طلقة و راهي لاباس بيها و دارت خياتها حابة نقولك ان شا الله ربي يرزقك لي فيه الخير و نتمنى تسامحيني

[عاشقة الأوراس]

اوجدتم راحتكم النفسية بعد الطلاق
كيف كانت ردة فعل الاهل اذا لم يكونو السبب في ذلك ......
ما ردة فعل المجتمع الذي لا يهمني رايه
هل غيرتم من انفسكم ومشيتم قدما

لم اجد اي راحة صدقيني
مطلقة منذ 8 سنوات لكن...
قولي ردة فعلك و ليس ردة فعل الاهل...الصراحة كي نتفكر نبكي بزااااااااااااف
ردة فعل المجتمع لا تهمني انا ايضا
لا ارى اي تغيير انا محتاجة للتغيير حقا
شكرا صديقتي على الموضوع

[abdelmalekmhdf]

هذا قرارك وحدك اختي انا لا اهتم لكلام الناس ربما والداك سيحسان بقليل من الاسى لكنهما سيتفهمان في الاخير انا اعرف مطلقة تعمل معي و هي بنت فاميليا الله يبارك و معاملتنا لها كمعاملتنا لجميع زملائنا حتى اننا نقول لها سلام انسة. لاننا نراها انسة و ليست سيدة حتى ان احد اصدقاءنا تقدم لخطبتها كل شئ مكتوب.
الله يعوضك اختي بمن تقر به عيناك

[azhars]

السلام عليكم
اختي انا نقلك نصيحة لوجه الله اذا رحتي عندو و اذا لي مقلقك ماشي حوايج كبيرة و قادرة تتغير مع الوقت فوتيها و اصبري الطلاق فعلا ماشي ساهل
لكن ادا حوايج كبار و اكتشفتيهم و انتي عندو ما يهمكش الناش و شوفي لي يخرج عليك
يعني انا صاحبتي تخدعت فيه و لقات حتى حوايج تغضب ربي و خافت من كلمة مطلقة و نظرة الناس و الله قريب هبلت معاه و دار فيها الباطل صح كل يوم اكثر من اللي قبلو
حتى طلقت و لات كلي ادات الاستقلال و راهي تحمد في ربي و تعاود
*** لـــكـــن *** نــعاود نقلك ادا امــور صغيرة فوتيها بالاك مازال ما تعودتيش الوضع
انتي ادرى و ربي يهديك و ييوفقك للي فيه الخير ليك دنيا و ىخرة يا رب


واش نقولك انا كي قبلت بيه كنت دايراتو يخاف ربي
وما يديرش الحرام لكن من بعد عرفت انو الحرام عندو كي صباح الخير
زيد على هذا يسب الرب بزاف هو وعايلتو كي المرأة كي الراجل انا محملتش


قتلو انا حسبت روحي تزوجت براجل بصح كنت غالطة
وقاع هذ الشي وقلت معليش ربي يفرج

لكن دون ما نحس لقيت روحي نحوس نرجع للدار بلاصتي ماهيش تم
ناس ميستعرفوش بلي خلق الكون
انا نقعت نخمم ولادي كيفاه ربيهم في وسط هكذا ناس .......
مهما درت رح يتأثرو
واذا بقيت نحكي راني منسكتش

[azhars]

هذا قرارك وحدك اختي انا لا اهتم لكلام الناس ربما والداك سيحسان بقليل من الاسى لكنهما سيتفهمان في الاخير انا اعرف مطلقة تعمل معي و هي بنت فاميليا الله يبارك و معاملتنا لها كمعاملتنا لجميع زملائنا حتى اننا نقول لها سلام انسة. لاننا نراها انسة و ليست سيدة حتى ان احد اصدقاءنا تقدم لخطبتها كل شئ مكتوب.
الله يعوضك اختي بمن تقر به عيناك
انا وكامل واش صرالي عندهم كي جيت للدار وانا راني في الصحراء
قلت منرجعش وانا بابا متوفي واخي الكبير متكفل بينا
قالي لازم يجي هنا ميحكيش معايا في التيليفون ولازم يديرلك دارك وحدك باه ترجعي
لكن السي راجلي راه عندي قريب 4 اشهر
ماجا ماحوس عليا
كي جيت كان يعيط لخويا وعيطو كامل دلرهم
لكن خويا محبش يهدر معاهم قال اذا راه باغي مرتو يجي لتندوف
واهلي على ما استعجبو وحارو كيفاه كنت عايشة
قالولى متوليش
لكن قلبي راه يحن خطرات ونقول راجلي قالي خويا متحكيش معاه قعت شهرين وما صبرتش
وعيطتلو قالي واش خصك علاخ راكي تحوسي ...............................
واش نزيد نفرض روحي عليه
هو غي كلمة وزوج كان يقولي اذا معجبكش الحال روحي للداركم
وكان داير في بالو تندوف بعيدة ودارنا يسمحو فيا
وبلا مايجيبو لخبر صبحو خاوتي عند الباب فرحت كي جاوني
قلت جابتلي ماما سبوعة ..............
كنت في جحيم
لا دين لا تربية لااخلاق ..........
كي ميكونوش هدو علاه رانا عايشين

[azhars]

اوجدتم راحتكم النفسية بعد الطلاق
كيف كانت ردة فعل الاهل اذا لم يكونو السبب في ذلك ......
ما ردة فعل المجتمع الذي لا يهمني رايه
هل غيرتم من انفسكم ومشيتم قدما

لم اجد اي راحة صدقيني
مطلقة منذ 8 سنوات لكن...
قولي ردة فعلك و ليس ردة فعل الاهل...الصراحة كي نتفكر نبكي بزااااااااااااف
ردة فعل المجتمع لا تهمني انا ايضا
لا ارى اي تغيير انا محتاجة للتغيير حقا
شكرا صديقتي على الموضوع

انا ردة فعل اهلي هي الصدمة في الزوج واهلو
لكن الله اعلم ماشي ذنبو امو متعرفش ربي ومسيطرة على كامل الدار بالسحور تمشي فيهم كيما تبغي
وحتى انا وليت معاهم بالصح انا مرضيتش بالذل
عشت معززة في دارنا ومقدريني خاوتي بزاف
التغيير اذا مكنتيش تخدمي وسمحتلك الظروف باه تخدمي راح يساعد
الاصدقاء الصالحون لي يخمو عليك
وربي يهنيك ويفرج
تحياتي اختي

[azhars]

لازم تكوني فخورة بنفسك في كل الحالات اكيد الغلط مكانش منك اكيد انك صبرتي و كافحتي و لكن شاء القدر ان يكون الطلاق حاولي انك تستفيدي منه و ان تنظري له نظرة ايجابية عسى فيه خير و الله اعلم

بكيت بزاف اختي احرار كي قلتيلي العام لي فات كنتي توري جهازك

بقيت نحوس على العضوات لي كنت نعرفهم لكن نسيت صدقيني اانا جيت لدارنا فاقدة الذاكرة تقول ماشي انا
والله العظيم وصدقوني غي جيت ناسيا شحال عمري
قلت انا تزوجت على 24 ولا25 درت عملية ذهنية
والله مبغات تتحسب
حرت اوووووووووووو كيفاه مقدرتش نحسبها ذهنيا
حسبتها بصباع يدي ولقيت عمري 26
4 اشهر زواج
شهرين برك وعطاني طريحة ومقلتش للدار لدروك .............
وراني ناويا نبدا حياة جديدة
صدقيني مافاتش عليا نهار وحسيت راني متزوجة
وللان راني نحس روحي مازلت عزبا ء
كي نولي نحكي مع خواتاتي ننس ونقولهم عزبات كيما انا
ومن بعت نضحك يقولولي وعلاه ضحكتي نقولهم قلتلكم عزبات كيما انا .....

[azhars]

عندك اولاد ولا لالا اذا ماعندكش وشفتي حياتك معاه ما تنفعكش يلا انفذي بجلدك قبل فوات الاوان واذا كان عندك منو طفل او اطفال فاقول لك اصبري على كلشي انا تاني قريب هبلت من راسي وطلقت شحال من مرة وكنت حابة الطلاق لكن رجت حللتو قعدت على ولادي وتنزلت على بزف حوايج كانو يبانولي من المستحيل نتخلى عنهم لكن والفت عادي دائما نخزر لمستقبل اولادي وباش مادامني حية ان شاء الله وابوهم حي مانشوف نظرة الانكسار تاع اليتم في عيونهم ابدا امس كنت عايشة من اجل نفسي واليوم اعيش من اجلهم فقط حتى اني صلحت الكثير من علاقتنا التي كانت منهارة تماما ربي يهديك اختي لطريق الصواب وقولي لي هو راه حاب الطلاق ولا انتي طلبتي


انا زواجي دام 4 اشهر والحمد لله ماحملت بالرغم انو امنية حياتي نكون ام لكن بالرغم من هذا
كليت حبوب منع الحمل قلت نشوف الحالة كيفاه
صح نتي شفتي لولادك وعلى جالهم صبرتي لكن انا مقدرتش وحدي نصبر فما بالك كن جا عندي ولاد رح ندمر انا اصلا بقيت نشوف كن
نجيب ولاد كيفاه رح يعيشو
الحياة منعدمة عندهم
المرأة معندها حتى قيمة المهم تجيب ولاد وخلاص
الماكلا وما تكلش
وباه بالاك تقدري تتخيلي كيفاه كنت عايشة
عندي 3 سلفات
2 منهم كل وحدة عندها 4 ولاد
وحدة عندها بنت
عندي خوه 17 عام
اخت مطلقة وولدين والشيخ والعجوز
نعجن حوالي 17 خبزة في الصباح وممكن العشية
اذا معجنتش العشية نفتل الطعام
حنا كامل 23 شخص
وكنت عايشا مع سلافاتي كي خواتات
متفاهمين متأمنيش راسك
المشكل في العجوزة نار بمعنى الكلمة مسيطرة على الكل حتى راجلها
الثلاجة متتحلش
القهوة والسكر لازم هي تمدنا
الزيت والخمارة كيفكيف
ولادها تعطيلهم قهوة بالحليب
واحنا الكناين وبنتها وراجلها تقول قريزيل
عندي سلفتي قاتلي كلمة
عمري مارح ننساها
قاتلي الناس كل واحد وواش يحلم في هذ الدنيا لي باغي يسافر برا لي باغي يركب طيارة ولي ولي
انا في خاطري ناكل طبسي تع فريت
تخيلي تقلي الباطاطا وممنوع تاكل منها
وراه القلب معمر
كن راني صايبا منحبسش كتبة
ومازال ما تكلمنا في الطلاق
هو راه قاعد وانا راني في دارنا
انا مقدرتش نعيش في هذ الجو
وهو قالك انا هاك عجبك صحا معجبكش داركم
وكامل واش حكيتلك كيفاه كنت عايشة عندهم داير في بالو راني متكبرة على دارهم
انا كنت مانفطرش وكي نقولو يقولي واش فيها نهار تفطري ونهار لا
مرة خبز وحليب ومرة ماكانش ومرة اقلي البيض
وهو يخلص 6ملاين في الشهر

[zalamite]

رغم كل هده المشاكل التى حدثت لكى لا تتسرعي في طلب الطلاق و اعطي لنفسك و لاهل زوجك الوقت الكافي ليصلحوا تفكيرهم ..و على حسب ما فهمت من حكايتك ان زوجك ليس هو جوهر المشكلة ادا عليه ايجاد الحلول المناسبة ادا اراد ترميم حياته و اعادة لم عائلته... قليل من التعقل فقط يمكن ان يصلح مشكلتك.

[azhars]

انا حبيت نعتذر ليك على واش قتلك في موضوع اخر لانكي كنتي هدرتي سطحي و ما فهمتش مليح الحكاية و قتلك ماعليش اصبري و ما فيها والو كولي الخبز و الماء المهم تتهناي مع زوجك
بعد ما قريت التفاصيل في الردود نتاوعك خابة نقولك الحمدلله انك خرجتي من عندهم بعقلك و المرأة المطلقة ماشي عيب ربي دار الطلاق و عارف علاش و نتي عادي ابداي صفحة جديدة من حياتك و المشاكل لي نلقاوها في حياتنا تقوينا اكثر و ماراكي خاسرة والو و اذا باش ترجعيلو اشرطي دارك وحدك لانو زوجك لاباس بيه
نتي خمي في حيات جديدة و روحي اقراي كوني روحك و الف وحدة طلقة و راهي لاباس بيها و دارت خياتها حابة نقولك ان شا الله ربي يرزقك لي فيه الخير و نتمنى تسامحيني


انا مزعفتش منك صح انا محكيتش التفاصيل على خاطرمايحسش بالجمرة غي لي كواتو
وهذا واش راني ناويا ندير حلمي نتحصلعلى شهدة الباكالوريا
ولاتلي هاجس وراني حابا نخدم في نفس الوقت ويقولو لواحد كي تصرالو حاجة تطيحو ولا تقويه
انا حابا نقوا ونطلع لفوووووووووووووووووووق
وندير كامل واش في خاطري انا مانيش طالبا بزاف حابا نعيش برك

[azhars]

رغم كل هده المشاكل التى حدثت لكى لا تتسرعي في طلب الطلاق و اعطي لنفسك و لاهل زوجك الوقت الكافي ليصلحوا تفكيرهم ..و على حسب ما فهمت من حكايتك ان زوجك ليس هو جوهر المشكلة ادا عليه ايجاد الحلول المناسبة ادا اراد ترميم حياته و اعادة لم عائلته... قليل من التعقل فقط يمكن ان يصلح مشكلتك.
يا اخي هو ماشي حاب يطلق رغم انو كان يقولي عادي
غي ليفري ويتقطع وكل واحد يروح في حالو
وعايلتو او امو بالاحرى من سابع المستحيلات تعقال
طايرا نار تحوس ولادها ليها ميجيبو ولاد مايروحو من عندها ويصرفو عليها هي برك
والكناين خدامات وين صرات هاذي

قتلو نرحو وين راك تخدم لانو يجي كل 15 او20 يوم
وتروح ماما وباباك معانا معنديش مشكل نديرهم فوق راسي

قالي نتي جيتي من تندوف تحوسي تعيشي في تيبازة
شخص كيما هاك واش تقولو

[abdelmalekmhdf]

انا وكامل واش صرالي عندهم كي جيت للدار وانا راني في الصحراء
قلت منرجعش وانا بابا متوفي واخي الكبير متكفل بينا
قالي لازم يجي هنا ميحكيش معايا في التيليفون ولازم يديرلك دارك وحدك باه ترجعي
لكن السي راجلي راه عندي قريب 4 اشهر
ماجا ماحوس عليا
كي جيت كان يعيط لخويا وعيطو كامل دلرهم
لكن خويا محبش يهدر معاهم قال اذا راه باغي مرتو يجي لتندوف
واهلي على ما استعجبو وحارو كيفاه كنت عايشة
قالولى متوليش
لكن قلبي راه يحن خطرات ونقول راجلي قالي خويا متحكيش معاه قعت شهرين وما صبرتش
وعيطتلو قالي واش خصك علاخ راكي تحوسي ...............................
واش نزيد نفرض روحي عليه
هو غي كلمة وزوج كان يقولي اذا معجبكش الحال روحي للداركم
وكان داير في بالو تندوف بعيدة ودارنا يسمحو فيا
وبلا مايجيبو لخبر صبحو خاوتي عند الباب فرحت كي جاوني
قلت جابتلي ماما سبوعة ..............
كنت في جحيم
لا دين لا تربية لااخلاق ..........
كي ميكونوش هدو علاه رانا عايشين
الله يعينك اختي و الله اني لاحس بما تمرين به لانك انت بين قرارين احلاهما مر و لكن من رايي و الله اعلم اذا كان يحبك فانه يعمل المستحيل كي يصل اليك و يعيدك اليه من رايي دعي الامر لله اصبري قليلا من الوقت لا تتصلي به ثم انظري الجديد هناك يبقى القرار لك وحدك اما ان تعودي و تتحملي و في هذه الحالة تاكدي ان اخوتك لن يقفوا بجانبك في المرة المقبلة لانهم سيحسون انك درت عليهم او ان تنسي تمام الماضي و تبدئي حياتك من جديد
القرار لك اختي ادرسي الامر من جميع جوانبه المهم ان لك اسرة و اخوة يدافعون عنك و ما زالوا الى جانبك
ربي يفرج عليك اختي

[bibicha]

انا مزعفتش منك صح انا محكيتش التفاصيل على خاطرمايحسش بالجمرة غي لي كواتو
وهذا واش راني ناويا ندير حلمي نتحصلعلى شهدة الباكالوريا
ولاتلي هاجس وراني حابا نخدم في نفس الوقت ويقولو لواحد كي تصرالو حاجة تطيحو ولا تقويه
انا حابا نقوا ونطلع لفوووووووووووووووووووق
وندير كامل واش في خاطري انا مانيش طالبا بزاف حابا نعيش برك

انا وحدة من الناس رايحة نساعدك و وعد الحر دين عليه خلينا على اتصال ان شاء الله و نساعدك بلي نقدر عليه باش تجتازي هاذ المرحلة و تحققي احلامك

[azhars]

انا وحدة من الناس رايحة نساعدك و وعد الحر دين عليه خلينا على اتصال ان شاء الله و نساعدك بلي نقدر عليه باش تجتازي هاذ المرحلة و تحققي احلامك
والله فرحتيني انا بزاف عليا نلقى ناس تفهمني وتحس بيا
زدتي فيا النص ربي يهنيك

[azhars]

الله يعينك اختي و الله اني لاحس بما تمرين به لانك انت بين قرارين احلاهما مر و لكن من رايي و الله اعلم اذا كان يحبك فانه يعمل المستحيل كي يصل اليك و يعيدك اليه من رايي دعي الامر لله اصبري قليلا من الوقت لا تتصلي به ثم انظري الجديد هناك يبقى القرار لك وحدك اما ان تعودي و تتحملي و في هذه الحالة تاكدي ان اخوتك لن يقفوا بجانبك في المرة المقبلة لانهم سيحسون انك درت عليهم او ان تنسي تمام الماضي و تبدئي حياتك من جديد
القرار لك اختي ادرسي الامر من جميع جوانبه المهم ان لك اسرة و اخوة يدافعون عنك و ما زالوا الى جانبك
ربي يفرج عليك اختي

انا منكذبش عليك الان راني نخمم باه منرجعش
وراني نخطط كيفاه نعيش منا للقدام
حابا نفتح صفحة جديدة في حياتي
نحوس نعيش على جال روحي ماشي على جال الناس
عندي خويا زايد في 85
كي قتلو اشريلي دوا لي عطاهولي بسيكاتر
قالي علاه راكي تمرضي في روحك
متخمي في والو
وديجا نتي راكي حابا تولي لهاذوك القوم
واش راح تعيشي
تحوسي ترجعي يذلوك ويبهدلوك
قتلو لالا
قالي راكي سير
قتلو ايهمنوليش
قالي راكي في داركم ميخصك والو
نديرك على راسي
وخويا الكبير مازال معلاباليش واش راه يخمم
انا كنت جات عليا نرجع بصح شكون يضمنلي
مرحش يمسح بيا الارض كيما قبل
كل منقولو حاجة يقولي راني مخليك عند يما واش تقولك ديري

[غربة أهل السنّة]

أسأل الله أن يعينك على ما فيه الخير
إنه و لي ذلك و القادر عليه

آمين

[ام نسمة]

لاتقبلي الاهانة على نفسك ستندمين يوم لا ينفعك ندم وتكسرين وتتخلي عن كرامتك لاجل الاولاد ممكن نتواصلو على الخاص لو سمحتي راح ارسلك عنوان س ك ا ي ب ي مع مشرفة واتصلي بي

[abdelmalekmhdf]

انا منكذبش عليك الان راني نخمم باه منرجعش
وراني نخطط كيفاه نعيش منا للقدام
حابا نفتح صفحة جديدة في حياتي
نحوس نعيش على جال روحي ماشي على جال الناس
عندي خويا زايد في 85
كي قتلو اشريلي دوا لي عطاهولي بسيكاتر
قالي علاه راكي تمرضي في روحك
متخمي في والو
وديجا نتي راكي حابا تولي لهاذوك القوم
واش راح تعيشي
تحوسي ترجعي يذلوك ويبهدلوك
قتلو لالا
قالي راكي سير
قتلو ايهمنوليش
قالي راكي في داركم ميخصك والو
نديرك على راسي
وخويا الكبير مازال معلاباليش واش راه يخمم
انا كنت جات عليا نرجع بصح شكون يضمنلي
مرحش يمسح بيا الارض كيما قبل
كل منقولو حاجة يقولي راني مخليك عند يما واش تقولك ديري
و الله يا اختي اني لاتعجب عندما اسمع و اقرا هذا. يا اختي تاكدي ان الحياة لا تتوقف عند شخص واحد و انها و الله لقصيرة حتى نفكر في الناس. صراحة اعرف ناسا مروا بتجارب مثل هذه و قد عانوا كثيرا حنى بعد الطلاق كانوا جد مكتئبين و لكن بعد مدة اصبح احدهم يقول لي و الله اني كنت غبيا حتى افسد تلك الايام بالتفكير في امر قد كتبه الله لي.
يا اختي افعلي ما ترينه مناسبا صلي الاستخارة و سالي الله التوفيق و السداد. و لا تندمي ابدا على ما قد كتبه الله لك بل امض قدما في حياتك. قلت لك من قبل رايي و اقول لك ثانية بما اني رجل اعرف تفكير الرجال تاكدي ان اخوتك لن يضيقوا بك ما دمت انسانة ملتزمة و خاطيك المشاكل ولكن اذا عدت الى بيتك فسيحسون انك قد اهنتهم امام زوجك و قد لا يساعدونك في المرة المقبلة لا قدر الله و انسي امر دواء الطبيب لان الانسان قادر على معالجة نفسه بنفسه
تاكدي اختي اننا هنا جميعا لمساعدتك اذا احنجت لاي شئ لاننا اخوتك و عائلتك الثانية
ربي يفرج عليك اختي
سلام

[لؤلؤة الفردوس]

السلام عليكم
نصيحة مني أختاه أخطيك منه اليوم قبل مانجيبي الذراري و تحصلي
و ان شاء الله تكوني مرتاحة نفسيا و ربي يعوضك ان شاء الله