مشكلتي عائلة امي

[مشكلتي]

السلام عليكمورحمة الله

مشكلتي ان عائلتي لامي كلهم حاقدين عليا

السبب

انا عندي صديقة في عمر 23 جميلة ومتدينة ومتخلقة وبنت ناس يعني اروع الصفات موجودة فيها
وهي معي عندنا 5 سنين والله وا شهدت لها الا بالمواقف الجميلة الي عكست رقيها
وحتى علاقات مع الشباب معندهاش ممكن كانت بغات واحد يقرى معاها في ثالث ابتدائي
يعني الفتاة والله لا تعوض ابدا ومكانش كيفها تساعد هذا وتمد لهذا بدون مقابل وتقوم الليل وتقرى القران وحجابها شرعي ونوت النقاب لكن والدها منعها
وكانت سبب توبتي واشكر الله ليل نهار عليها
طبعا الفتاة تجي عندنا ونروح عندهم وكانت عندنا مناسبة طهور عرضناها وجات كي شافت الدعوة فينا الغنا ولات قلقت وراحت لامي وهدرت معاها ويما تقول بغيت نبكي قالت الرزانة والرقه تهبط نورمال وراحت يما وطفات البوست
ايا خالتي كانت معاها وشهدت الاحداث هاذي كلها وعجبتها الطفلة وقالت نخطبها لولدي وبالفعل هدرت معاه وهو رحب بالفكرة وراحوا لباباها وقالهم حتى نشوف الطفلة ونسقسي على الطفل
كي سقسى لقاه من انعم الناس يصلي وملتحي وكلش ،،،،، وهنا عايلة يما كامل بغاوني يا نمدحه حتى تعود الاخلاق والدين يهبطوا منو ولا نسكت ومنهدرش مع صديقتي ونقولها على وحقيقة ولد خالتي لانه وبكل اسف برستيج وفرات توصل بيه الحال انه يروح حتى للدجالين وكان هو وخوه تاع مخدرات لتحت التحت ووووو،،،،،، ومن افظ الناس مع عايلته لا يتحرم لا الكبير وﻻ الصغير وانا بنت خالته ونعرفه مليح حتى انه تاع تليفونات
وجات صاحبتي وسقساتني عليه بحكم ولد خالتي
يا ناس منقدرش نخدها والله اني نحبها واتمنالها الخير اكثر من نفسي ومستحيل نكون سبب في حياتها متتصوروش كم كانت كريمة والله انها تستاهل خير وخير منه وبحكم انه قريبي اعطاتلوا الاولوية
جات صاحبتي وسالتني عليه
قلتلها استخيري ومبعد يفرج ربي
قالت استخرت وبعد سمانة رجعت عاودلتي نفس السؤاال
قلتلها وش موصافات الزوج الي راكي باغيتها
ما شرطت غير الدين والخلق
قلتلها مالا شوفي غيره والسلام
هنا انصدمت وقالت بصح ووووو
قلتلها انا منيش راح نفضحه ولكن انتي تستاهلي الافضل وهذا مش
ابتسمت وقالت ربي يجيب لنا الخير والصلاح
وبعد 15 يوم ردوا ع خالتي بالرفض

وهنا العايلة كلها لصقت فيا ويا الفتانة ويا ال،،،،،،،،،، حتى يما ضدي
وجا حتى هو سبني وكان راح يضربني حتى حكماتوا يما ووصل لخبر لبابا وخاوتي الدراري وبدات الفتنه
القصه عندها شهر وللوقت هدا الفتنه مازلت والي يشوفني من عايلة يما قالوا فتانه يعني ماندور عليهم ما بدوروا على دارنا غير يما وراهي تهدر معايا بالبسيف
اما صاحبتي انقطعت عليها وهي غير حايرة وش بيا انا مقلتلهاش بصح نحمد ربي انه خلصها وفكها منه ومنهم
وقلتلها غير اعذريني هاد الايام واني نعيطلك
وضرك يا خاوتي وش الحل معاهم وهل غلطت انا وظلمت ولد خالتي ومكانش لازم نقولها مع اني مفضحتوش بواش دار حقيقة

[تصفية وتربية]

وعليكم السّلام ورحمة الله وبركاته
أختي إن كان ما قلته عن اِبن خالتكِ صحيح فأنتِ فعلتِ عيْن الصواب -بإذن الله-
فقد قرر أهل العلم أن اِسداء النصيحة في هذا الباب وتبيين حال الخاطب لا يُعتبر غيْبة ولا نميمة
وسأنقل لكِ هذا الكلام الطيِّب للشيخ السحيمي -حفظه الله-:
(لو أن مسلما استنصحك بأن زيدا يريد أن يتزوج ابنته فبيّن له حاله بشرط أن يكون ما قلته صحيحا وأن يكون قصدك ماذا؟ هو حماية هذا المسكين لئلا ينخدع به وأن يكون عيبا بالفعل لا يكون من باب التشفي ولا من باب أنك تريد أن تنتقم من ذلك الشخص.
جاءت امرأة إلى النبي صلى الله عليه وسلم وقالت "يا رسول الله إن معاوية وأبي جهم يخطبانني"، فقال "أما معاوية فصعلوك لا مال له، وأما أبو جهم فإنه لا يضع العصا عن عاتقه"، إما لكثرة أسفاره وإما لأنه يضرب النساء.
فإذا كان المقصود بيانَ حاله للسائل، فلا بأس بالشرط الذي ذكرته
أن يكون القصد هو التنبيه لا التشفي ولا تزد على أن تبيّن له الأمر الذي سُئلت عنه)
والله أعلم والله الموفق

[~أمة الله~]

وعليكِ السلام ورحمة الله وبركاته
ثبتك الله أخيتي وصديقتك أيضا التي كانت لك نِعمة الأخت في الله
وما قمتِ به هو من باب اخلاص النصح لأختك في الله والله أعلم.
وقد قال رسول الله صلى الله عليه وسلم : حق المسلم على المسلم ست إذا لقيته فسلم عليه وإذا دعاك فأجبه وإذا استنصحك فانصح له وإذا عطس فحمد الله فشمته وإذا مرض فعده وإذا مات فاتبعه .

تحقيق الألباني : (صحيح) انظر حديث رقم: 3151 في صحيح الجامع.
بالنسبة لكيفية تعاملك مع العائلة ، فهي زوبعة وستمر ، فبمجرد أن يجد ابن خالتك فتاة أخرى بنية خطبتها سينسون القصة مع الأيام بإذن الله ، وكل ماعليك فعله هو الصبر والاحتساب لله في هذا الأمر.
حفظكِ الله ورعاكِ وثبتكِ.

[hansali_33]

انت المخطئة ربما ادا قبلت صديقتك به جعلته يتوب ربي و يقبل التوبة حرام عليك

[yousra14]

يعطيك الصحة يا اختي كنت نعم الصديقة نعم الاخت انت لم تكوني لآيمة مع صديقتك وما اعجبني اكثر هو انك


لم تفضحي ابن خالتك وتركت لها الاختيار وما انت فيه الان هو ابتلاء من الله وسيفرج همك اثبتي و ما يصح غير الصحيح


لااا تزعزعي ثقتك في نفسك وحافظي على تلك الصديقة النادرة هذه الايام سلام

[sstolga]

اذا كنت مالته صحيح مئة بامئة فانت على صواب فقد انقذت صديقتك اما بالنسبة لعائلة مماك حاولي انك تتحدثي مع يماك اولا قولايهلا لكان جت انا لي خطبوني تقبلي اني نتزوج تاجر مخدرات فانت لن تقبلي ولذالك كما تحب لنفسك لزم تحبي لغرك

[soso sirin]

الشي الي درتيه هو الصح و راكي اصلا ماقلتيلهاش واش فيه نيشان معنتها مافضحتيهش و صحبتك هاذي اذا كيما قلتي ماتستاهلش واحد يعذبها و يكرهلها حياتها و باه ترتاحي من تانيب الضمير صحبتك مكانتش لهذا الراجل لانو كون كان مكتوبها كانت راح تديه حتا و هي تقول لالا معنتها عايلة امك خليهم يهدرو حتى يكرهو.و حاجة وخدخرا رفض الطفلة ماشي في جالك برك يكونو كاش ماسمعو عليه لانو باه يجي راجل يخطب و يكونو فيه كامل المواصفات المليحة و في جال بنت خالتو قالت عليه اخطيك ترفض هاذي ماشي سبة .انتي صحبتك ماتقاطعيهاش اهدري معاها لانو طفلة كيما هاذي ماتتعوضش ايفيتي برك تجي عندكم للدار باه تايفيتي الهدرة من يماك.

[رقيوع]

نستعرف بيك امراة ونصف
هكدا الطيبون للطيبات
بارك الله فيك
نعاود مر ة اخرى احتراماتي الخالصة
وبلغي تلك الفتاة انه شر قد ازاحه الله عنها بسببك
والله هكدا النساء ولا طيش احتراماتي لكما وما فعلته هو الصواب

[ميمنة الجزائر]

ماشي غير نستعرف بيك نعمة الاخت حبيبتي

ربي يكملك بالعقل وتستاهلي خير

ما تخافيش راح ينساو واش درتي وربي يجازيك خير انو نقذتي طفلة من يدين واحد كيما هذا

يعني كما تدين تدان يعني ما تخافيش من حتى حاجة لانو اللي درتيه هو الخير

وربي يعطيك ويرضيك اخية يارب ويكملك بعقلك يااارب وصحبتك امشيها ومواليك فهميمهم انو صحبتك كي ختك

يعني كون يجي يخطبك نتي ما تقبليش وهي راهي كي اختك

[ريان برهوم]

الله يهديك ممكن بعثها ربي ليه باش تجعلو يتوب وكلش بلمكتوب

[TOKYO]

الصح عملت اشياء مليحة بمانه ما فضحتي ابن خالتك بالصح
كنت تتريثي شوي ممكن هيا بالثقة و رزانه تاعها تساعد شاب علي الصلاة ووووو كاين بزاف النساء هكدا و عرفو كيفاه يساعدو رجالهم من جديد و بعدوهم عن طريق فحشاء ووووو و نجحت حياتهم و رزقهم ربي باولاد و راه مستمر زواجهم لحد ساعه
كل شئ فات و بالمكتوب تاع ربي خلاص و ما تقطعيش صلة بينك و بين صحبتك خارج منزل او روحي ليها للدارهم المهم ممنوع عليها باش جي ليك للداركم
وربي يجب الخير ان شاء الله

[ميمنة الجزائر]

او اخطيكم من هذه الهدرة انا عندي بنت عمي مسكينة كانت تصلي وتقوم الليل طاحت في واحد ربي عالم كيفاه

واش ات مسكينةالا انها تطلقت في شهرين شربلها المرار علاه عليكم كي يحب ربي يهديه يهديه اولا ماشي تغبن وحدة تعرفها تولي تدعي عليها صباح وعشية

وانا معاها الف في المية لانو كون نتوما والله ما تقبلوها لخواتاتكم يعني يكون انسان ماشي مليح ياخي تنصحو اقرابائكم ومالا وش معنتها انو يسقسو اهل لعريس وربي هو اللي عالم اللي خل الامور هكذا ب ركاو ما انبتو الطفلة وهي في الحقيقة يا زين ما عملت

[شاملة لينة]

بارك الله فيك............. عمل طيب قمت به

[lilou f lilou a]

من الأحسن أن تخبيرها هي الصديقة المقربة لك
وربي يكون معاكم ويعطيكم الزوج الصالح

[YASMINE SILA]

بارك الله فيك و يجازيك خير ان شاء الله اختي
تحية احترام و تقدير ليك و الله قلال النسا الطيبات كيما انتي
ربي يجازيك يااااااااارب

[loup blanc]

الأمر بالمعروف والنهي عن المنكر واجبان كفائيان ، قال تعالى: (ولتكن منكم أمة يدعون إلى الخير ويأمرون بالمعروف وينهون عن المنكر أولئك هم المفلحون).

اختاه انت عملت الحق واظهرت الباطل والفساد فلا خوف على نفسك والاية تبين كل شيئ

وصلي انت الاتخارة على يصلح الله امرهم

[sali-sali]

راكي مافضحتيهش وماقلتيلها والو
غير هدي حاجة كبيرة
والزواج بالمكتوب
يحوسوله طفلة من غيرها

[☆★ أَمِيـرَة ★☆]

صحبتك طلبت رايك قلتيلها و اصلا ذريقتك في كلامها جيدة فانت لم تؤديه و لم تؤذيها
انتي المهم ضميرك مرتاح كي منعتي صحبتك
كان من الممكن انها تديه و تعيش في ظلم و تندمي انك ماقلتيلهاش
المهم نتي درتي الخير و ربي اهلم بنيتك ماكيش نحتاجة تفسريلهم مقصدك كي قلتيلها

[ess usmh 19]

khoti nti derti hadja mliha ki sarhtiha
rebi m3ak matkhfich

[**د لا ل**]

انتِ على حق

وما لا ترضينه لنفسك فلا ترضيه لغيرك

جزاااكي الله خيرا

فانت بحق نعم الصديقة الوفيه

ومن يقل غير هذا

فلا تهتمي له

بووورك فيكي اختي

فالصديق حقا وقت الضيق

[الملتزمة بالدين]

السلام عليكم
اقول بوركت نعم الاخت انت