مشكلتي بنت عمتي

[مشكلتي]

بسم الله نبدا


يأجماعة قصة قصة بكي وضحك في نس الوقت ولي هي بنت عمتي وفي نفس سني


والله يا جماعة الخير غير راهي محيرتني مشكلتي معاه أنو أي حاجة نديرها أنا لازم ديرها هي تاني سواء في شراء الملابس أو أي حاجة أخرى

تحكي كيما تلبس كيما أنا وغير لي ماشفتني درتها تروح طول ديرها هي تاني حتى لوكان نشري مشوار تقلهم أنا نشري كيفو وتروح تحوس في الحوانت لازم غير لي تلقى كيفو وزيد مثلا لو كان نلقاها كيما اليوم ونقلها أنا راني كل يوم نقرا القرآن ونقعد وسمانة ونعاود نلقاها تقولي من نهار قولتلي راني كل يوم نقرا القرأن وأنا تاني نقرا

زيد شراء حذاء شرات كيفو بدلت منغوشي بدلت هي تاني
شريت بيجاما شرات كيفهم والله يا جماعة حتى في الزواج وحابة ديري كيفي مع العلم في 2 ماناش مخطوبات بصح لوكان أنا نقول لازم نتزوج مع واحد خدام هي تاني تقول نفس الكلام

أي حاجة في أبسط الأشياء



ولي زادت صحكتني وخرجت القرون كي درت رنتي دين دارت هي دين درت أنا وحدة راي درت هي نفسها

صحيحة متعرف لا حرام ولا حلال المهم دير كيفي


أنا بديت نتقلق ودارنا تاني ويما قاتلي هذا حقد وحسد ماشي معاندة أنا في الأول قلتلها يا يما قالك عاند ولا تحسد بصح درك كرهت عندها فايت عامين وليت نشك بلي حسد صح




قولولي كيفاش ندير معاها دبروا عليا الله يحفظكم

[mitrochka]

بالعكس خممي أنك تكسبي أجرها
يعني قوليلها على أشياء إيجابية و خليها تديرهم
بعد مدة رايحة بدون شعور منها تتحسن شخصيتها إن شاء الله و تكوني ساعدتيها في التخلص من المشكل الذي تعانيه

[ناصرالدين الجزائري]

من علامات الحب اتباع المحبوب ...
إبنة عمتك تحبك و تراك قدوة لها ... فلا تجرحيها بفعل أو قول يجعلها تنظر إليك من فوق و باحتقار بعد أن كانت تنظر إليك من تحت و بمودة ....

البنت شخصيتها ضعيفة نوعا ما و هذا ليس سبب لظلمها ... حاولي فقط مساعدتها بالتحدث معها عن أحلامها و مشاريعها في الحياة و اغرسي في نفسها الثقة بالنفس و في خياراتها ...

[imene12]

هذا دليل على أنها تقتدي بك... لا أرى أبدا أن هناك حسد أو غيرة ... لو كانت تغار منكي لما قلدتك بعفوية لتصبح مثلك بل لكانت تسعى كي تكون أفضل منكي ...

[ام مريومة]

عادي ختي هادي بنت عمك و تحبك و بلاك هي متعرفش راهي تتعلم عليك مافيها والو
انا كنت انا وبنتي هكا كي التوام بصح عمرنا الا خممنا بلي حسد و غيرة انت راكي تكبري في الموضوع برك

[yebda]

من علامات الحب اتباع المحبوب ...
إبنة عمتك تحبك و تراك قدوة لها ... فلا تجرحيها بفعل أو قول يجعلها تنظر إليك من فوق و باحتقار بعد أن كانت تنظر إليك من تحت و بمودة ....

البنت شخصيتها ضعيفة نوعا ما و هذا ليس سبب لظلمها ... حاولي فقط مساعدتها بالتحدث معها عن أحلامها و مشاريعها في الحياة و اغرسي في نفسها الثقة بالنفس و في خياراتها ...



بعد التحية والسلام
... إلى صاحبة المشكلة لا يوجد أي تحليل و تفسير لمشكلتك سوى ما قاله الأخ الفاضل ناصر الدين و ربنا ينصرك إن شاء الله
و فقك الله أختي صاحبة المشكلة و جزاك خيرا في مساعدة إبنة عمك على تزاوج محنتها و كافئيها على محبتها لك .
و السلام عليكم ورحمة الله وبركاته.

[sali-sali]

المهم تقلدك في حاجة مليحة

امر عادي مايقلقش..يا خي ماهيش ديرلك مشاكل

خليها تقلدك.وبالعكس...علميها معاك الحاجات لي يفيدو..

[سدرةالمنتهى]

شوفي حنا راهم يقلد في الغرب و مازعفوش منا هههههه
عادي ماتتقلقي ماوالي كاين وين صدف و تجي مليحة بلاك عاجبها الذوق نتاعك خليها ماتجرحيهاش

[حبيبها محمد (ص)]

بصراحة هذه ليست مشكله صعبة أبدا .... يبدو أن ابنة عمك تحبك فعلا و تأثرت بك حتى أخذت تقلدك ,, و عليك الآن أن تأخذي هذه النقطة من زاوية ايجابية حاولي أن تقومي بأفعال حسنة حتى تقلدك فيها و قربيها من الله ,,, و بذلك ستكسب شخصيتها و تكسبي أنت أجرا من عند الله سبحانه و تعالى

[saadi-2008]

من علامات الحب اتباع المحبوب ...
إبنة عمتك تحبك و تراك قدوة لها ... فلا تجرحيها بفعل أو قول يجعلها تنظر إليك من فوق و باحتقار بعد أن كانت تنظر إليك من تحت و بمودة ....

البنت شخصيتها ضعيفة نوعا ما و هذا ليس سبب لظلمها ... حاولي فقط مساعدتها بالتحدث معها عن أحلامها و مشاريعها في الحياة و اغرسي في نفسها الثقة بالنفس و في خياراتها ...



الأخ ناصرالدين الجزائري اجاب الجواب الشافي بارك الله فيه

[sstolga]

في الحقيقة هذه ليست مشكلة انت تاخذين ااجرها في القران مثلا

[azhars]

كانت صاريتلي مع مرت خويا تقلدني في كلش وتحبني ندير كيفها راه كل واحد وشخصيتو
بصح كانت تعجبني كي نصلي تصلي وخطرات تصلي قبلي غي باه تكون خير مني كانت تقلقني في هذي وفي قراءة القران نورمالمو هذو الحوايج بالنية
بصح خليها حاولي ديري بزاف حوايج ملاح باه تدي الاجر سيرتو قراءة القران وصلاة الفجر تحياتي

[jomana jiham]

نورمال ما فيها والو اذا قلداتك,انا و صحبتي مين كنا صغار كنا نلبسو كيف كيف حتى في الاعياد و كل شيء نتشاركو فيه بالعكس كنا نفرحو و مرات نتفاهمو باه نلبسو كيف كيف,كانوا يحسبوها اختي حتى بقاو يغيرو منا الصحابات.انا نفرح كون جا عندي بنت عم كيما هادي تشاركني في كل شيء و خاصة العبادات.كان جات ما تبغيكش قاع الحاجة لي تديريها انتي ما تديرهاش هي بصح على حساب هدرتك باينة تبغيك بزاف,تهلي فيها و ما تجرحيهاش..

[*أمة الله*]

فرصة...بما أنها تقلدكي في كل صغيرة و كبيرة فلتنصحيها و تسيرها الى الطريق الصحيح فلتساعديها على دالك ....كوني صديقتها و تعاونو على فعل الخيرلربما تكسبي الأجر و الثواب

[lilou f lilou a]

ربي يجيب الخير وخليها دير واش تحب

[kouadri seghir]

fبالا انت الي تحبي الناس مايكونوش كيفك تحبي التميز المبالغ فيه

[omkadi amina]

هادي مهي غيارة ولاحسادة المسكينه نيه مع هبال هدا مكان خليها في صفك