المساعد الشخصي الرقمي

مشاهدة النسخة كاملة : اريد فتح محل لبيع لوازم الخياطة : اريد المساعدة

السي محمد
2013-04-17, 18:26
السلام عليكم و رحمة الله و بركاته


بما انه قسم خاص بالاخوات المهتمات بالخياطة و التفصيل

انا نويت ان شاء الله ان افتح محل لبيع لوازم الخياطة و غيرها

ولكني عديم الخبرة في هذا المجال و اتمنى مساعدة الاخوات في اعطائي قائمة باكثر الاشياء التي يتم شراؤها من المحلات

الاسم و اللون و الثمن إذا ممكن

اريد ان ابدا باقتناء المواد الضرورية و قليلة الثمن فقط

بسبب صغر رأس المال و قلة التجربة و الخبرة

إلى حين تكبر التجارة و تنجح و اقتنى المستلزمات غالية الثمن و ربما توسع لتجارة الملابس و الاقمشة

إن شاء الله

اتمنى ان اجد تجاوبا من الجميع

و إذا يوجد تُجار يا ريت يعطوني اماكن البيع بالجُملة

و نصائح من فضلكم

بارك الله فيكم مسبقًا
تقية1984
2013-04-17, 18:47
اعانك الله أخي على هاته المبادرة الطيبة
وان شاء الله يفتح الله عليك من بابه الواسع
ليست لدي خبرة لأنني جديدة في هذا المجال
*ثزيري*
2013-04-17, 22:58
بانتظار مساعدتك

بالتوفيق
stayfiya
2013-04-17, 23:34
خويا ربي يعاونك و يفتحها في وجهك نشالله بالنسبة للولزم الحرج و لخياطة راهم يجيبو فيهم من وهرن صقصي في لمدينة الجديدة اما على لحوايج لي تبدى بيهم فاول حاجة الخيط و لحرير بكل الالوان و الابر ولمقص الصغير و لكبير و لاستيك و التول و الفيزلين و الشنطة بالوان و انواع لي تتكسل و النورمال السمسم بالوان و احجام و العدس ثاني و ليستراس بانواع و الوان واحجام لي قالون نتاع لحرير و نتاع السلك الرقيييق و المتوسط و لعريض الدبلة من نصف سم عرض ل 3سم بالوان و انواع نتاع لحرير و الارغانزا و نتاع السلك اخر اصدارات المجلاااات (وكثرلهم منهم ) ههههه و كاين مستلزمات خفاف كيما لي كانات نتاع لماشن العادية و الاندوستريال و ليباري نتاوحم و الزيوت و البيستولي نتاع لاكول و لي توب نتاع لاكول و البابي كال ووو نسيت كي نتفكر نزيد نقولك بصح دير في بالك رايحين يهبلوك النسا و قول ما قالتها السطايفية هههه ربي يعاونك خويا
slatna
2016-07-16, 13:08
ههههههههههههههههه
slatna
2016-07-16, 13:09
السلام عليكم يا أخي نفس المشكل معي أفدني جزاك االله ألف خير ماهي الخطوات التي تقوم بها
ZORRO__DZ
2016-07-16, 14:58
توجد ايضا محلات الجملة وهي كثيرة في بابا حسن بالعاصمة مقابل الطريق المزدوج.

وهناك محلات كثيرة كالحميز والدار البيضاء.
rose de sable s
2016-07-17, 14:22
انت اقصد محلات بيع بالجملة شوف اخر سلعة وصلت و كدلك شوف تجار واش من سلعة يشرو
اشري لوازم الات خياطة
كدلك اشتري ما يسمي قالون لي يزين بيه قتادر حرج و حجر لي يزين بيهم
من احين اقصد محل بيع مستلزمات خياطو لتاحد فكرة
رحيق النحل
2016-07-18, 16:34
يا اخي بما انك قلت ان راس مالك صغير و لا تملك خبرة في هدا المجال فأنصحك بالبدء ب الربيونة '' تسمى ايضا الدبلة او الحاشية''و البيي ''biai" و فيه نوعين العادي ب 5دج للمتر و الساتان ب 10دج للمترعندك تاني لاستيك بين10 و50دج للمترحسب العرض و ايضا الخيط و فيه خيط الخياطة وفيه الوان كثيرة يباع عندنا الكبة ب 15دج وكاين خيط الكروشي و فيه البرسم وهو خيط رقيق و ال azur وهو خيط خشين شوية ب 120دج للكبة وهما انواع عندك تاني اكروشي و هي اداة عمل الكروشي وهو بالارقام حسب خشن الخيط المستعمل و ايضا الابر و الدبابيس و الحلقة "القسطبيلة او القسطبينة" و لي كاناط و زيت ماكنات الخياطة و القفايل و ورق الكالك و فيه الوان عديدة لكن المستعملة بكثرة هي الابيض و الاصفرو الطباشير الخاص بالفصالة و يسمى crai tailleur ايضا العدس و السمسم و لي ستغاس
و ايضا الفيزلين الرقيق و الخشين يباع بالمتر و عندك الدونتال فيه العادي و المطاطي و ايضا القالون و فيه خيارات عديدة و مازال كاين حوايج بزاف
و يمكنك ان تدخل محلات لبيع لوازم الخياطة في مكان اقامتك و ممكن تسأل عن أسعار بعض الاغراض حتى تأخد فكرة بنفسك و تقرر الحوايج اللي يساعدوك باه تبدء حسب رأس مالك موفق اخي و ربي يرزقك من نعيمه.
على فكرة الاسعار لي حطيتها اسعار تجزئة .
Farest12
2022-12-17, 13:39
يمكنك ان تدخل محلات لبيع لوازم الخياطة (https://www.profuti.com/2022/12/the-ultimate-beginners-guide-to-sewing-tools.html)*في مكان اقامتك و ممكن تسأل عن أسعار بعض الاغراض حتى تأخد فكرة بنفسك و تقرر الحوايج اللي يساعدوك باه تبدء حسب رأس مالك موفق اخي و ربي يرزقك من نعيمه.على فكرة الاسعار لي حطيتها اسعار تجزئة .