الكسرة نتاع منطقتنا تشبه للخبز العربي نوعا ما

[طاعة زوجي ..]

السّلام عليكم أحبتي كيف حالكن
الحقيقة هادي أوّل مرة نشارك بموضوع في قسم الطبخ والسبب أني ماقدرتش نطلع الصور للميكرو وموضوع بلا صور يجيني لاعلاقة ، لكن اليوم تشجعت وقلت ماعليش نحطو وأمري لله
الشي اللي لاحظتو أنوّ كسرتنا ماشي مشهورة بزّاف ماشي كيما المطلوع هي تشبه للخبز العربي بصّح أحسن منّو من وجهة نظري طبعا ، على هاديك قلت نعرفكم شوية بيها ونستعين بصور من موضوع الأخ العضو المحترم من قسم الثقافة المحلية
نبداو بالمقادير بسيطة وتختلف من دار لأخرى في المنطقة اللي نسكن فيها ، بومرداس
حنا نديرو كيلة سميد رطب بزوج كيلات فرينة مع خميرة الكسرة عينك ميزانك على حساب الكمية والفصل والخميرة إذا جديدة ولاّ عندها مدّة ، نلمّو العجين بماء دافي ماشي يابس وماشي طري يعني وسط ونعجنوه ، أنا في الأوّل كنت نعجنو بزّاف ممبعد ولّيت نديرو في كيس مشمّخ نخلّيه يريّح شوية كي نرجع ليه نلقاه ولاّ هايل والفضل طبعا للأخت الوهرانية ربي يجازيها خيرا ، المهم بعد مانعجنوه نديرولو الملح أنا نحّي قرصات مسوسين قبل وإيدا ماعندكمش اللي ياكل المسوس ديرو الملح ديراكت زيدو أعجنوه شوية وممبعد خلّوه يريّح قيس ماتفرشو منديل كبير نتاع الكسرة ونسيرو فوقو سميد رطب ونبداو نقرصو الخبزات ونحطّوهم فوق المنديل حتى نكملو العجين كامل ، وممبعد نقرصو بالزوج قرصات نحطّو قرصة ونديرو فوقها السميد بزّاف باش ماتلصقش مع أختها ونزيدو وحدة فوقها ونقرصوهم مع بعض ونكونو فرشنالهم فوق طاولة ورشّينا فوق قطعة القماش شوية سميد ونحطوهم بجنب بعضاهم شوية بعاد باش مايلصقوش وممبعد نغطوهم ونخلّوهم يخمرو حتى نشوفوهم طلعو ورفدو غطاهم ونطيبوهم ، زمان كنا نطيبوهم في كوشة نتاع التراب بصّح صعيبة سيرتو في الشتا مي دكّا ولّينا نطيبو في نتاع الحديد وبغاز المدينة للأسف ماقدرتش نصورهالكم نخدموها عند الحدّادين وهي عمليّة نطيبو فيها بالزوج خبزات بالخف نكملوه
http://www11.0zz0.com/2012/03/16/20/237052781.jpg وهاهي صورة الكوشة نتاع التراب http://www10.0zz0.com/2012/03/16/20/724879761.jpgوهاهو الرابطwww.djelfa.info/vb نتاع الموضوع اللي جبت منو الصور وهي نفس كسرتنا وتشبهها تماما في الشكل الوصفة لاأعلم /showthread.php?t=900002 (http://www.djelfa.info/vb/showthread.php?t=900002)

[sali-sali]

merciiiiiiiiiiiiiii

[oum rahma]

يعطيك الصحة ، باين يهبل

ماكنتش نعرف باللي كاين مناطق في بلادنا يعملو هذا النوع

تعودنا غير على الرخسيس والمطلوعة

سخفتييييني ، ابعثيلي 20 وحدة هههههه

تسلم الايادي

[عروبة2003]

باينة روعة جزاك الله خيرا

[hanane220]

باركة الله فيك خبز و عليه لكلام

[dr.omahmed]

رائع وحابة نجربو درك مي راح الحال

[lamis.imen]

شكراااااااااااا
اختي باين هايل و شكرا على الوصفة

[ام مريومة]

بارك الله فيك تع صح يشبه الخبز العربي شكرا لك

[ام بسومة]

بارك الله فيك اختي على الموضوع الرائع
احنا ثاني هاذي طريقتنا
يعطيك الصحة

[طاعة زوجي ..]

merciiiii
[QUOTE=oum rahma;1052311671]يعطيك الصحة ، باين يهبل

ماكنتش نعرف باللي كاين مناطق في بلادنا يعملو هذا النوع

تعودنا غير على الرخسيس والمطلوعة

سخفتييييني ، ابعثيلي 20 وحدة هههههه

تسلم الايادي

باينة روعة جزاك الله خيرا
شكرا على المرور حبيباتي ،ومشكورين على الدّعاء
أم رحمة ماشي خسارة فيك حنونة لوكان جيتي قريبة نطيّب ونمدّلك لكن للأسف كي دارك في فرنسا كي داركم في جزائر بين زوج بعاد

[miri_27]

قبل مانقول راي فيه نتمنى اتكوني بخير هذي غيبة إن شاء الله تكونين بخير و عافية ؟ الخبز رائع بارك الله فيك

[أم شيماءْ]

يعطيك الصحة حبيبتي:19:

[طاعة زوجي ..]

رائع وحابة نجربو درك مي راح الحال
يعيشك أختي مشكورة على المرور ، عندك الكوشة وين طيّبيه لاخاطرش مانطيبوهش في الكويزينيار ماجربتش كيفاه يجي ومانظنش يجي كيما في الصورة
شكراااااااااااا
اختي باين هايل و شكرا على الوصفة
لا شكر على واجب أختي ، نورتي موضوعي
بارك الله فيك تع صح يشبه الخبز العربي شكرا لك
صحّ يشبهلو في الشكل بصّح كسرتنا تجي خشينة شويّة ، وفيك بارك الله مشكورة على المرور
بارك الله فيك اختي على الموضوع الرائع
احنا ثاني هاذي طريقتنا
يعطيك الصحة
يعطيك الصحة حنونة ، راني لقيت وحدة دير كسرتنا ، طيبوه في كوشة نتاع التراب ولاّكوشة نتاع الحديد ، إن أمكن صوريها باش يشوفوها الأعضاء

[طاعة زوجي ..]

قبل مانقول راي فيه نتمنى اتكوني بخير هذي غيبة إن شاء الله تكونين بخير و عافية ؟ الخبز رائع بارك الله فيك
أهلا حنونة الله لايغيبك رانا ملاح الحمد لله لوكان رحتي لغرفة الدردشة نتاع المتزوجات تلقايني من تمّ مانخرجش :1:، وانتي واش حوالك سيرتو مع حياتك الجديدة ربي يسترك ويهنيك ، مرورك الأروع عزيزتي أسعدني ردك

[طاعة زوجي ..]

يعطيك الصحة حبيبتي:19:
الله يسلمك حنونة مشكورة على الردّ

[/زهرة عصفور الجنة/]

ما شاء الله بارك الله فيك

[طاعة زوجي ..]

وفيك بارك الله حنونة واش احوالك أنتي والعايلة توحشناك

[/زهرة عصفور الجنة/]

الحمد لله اختي

[جوهر دعوة]

أنا ثاني بانتلي مشهور غير المطلوع والكسرة اليابسة مشكورة حبيبتي

[طاعة زوجي ..]

أنا ثاني بانتلي مشهور غير المطلوع والكسرة اليابسة مشكورة حبيبتي

الشكر لك أختي على المرور ، حنا الكسرة اليابسة نقولولها الفطير ونديروها مع الحليب ماشي مع الوجبة الرئيسية

[ام ايمان16]

يعطيك الصحة اختي

[نسائم الصباح]

رائع رائع رائع أم يوسف .تسلم أياديكم .نموت على أي حاجة تقليدية .نتمنى كل جزائري يرجع ليعادات أبائه وأجداده

أنا زوجي قتلوا ديرلي واحد تاع الطين في الحوش .قالي تمسخري بيا ومنين نجبلك لحطب ههههههههههه

حولي حنونة كيفاش تتعلمي تحطي صور وحطيلي هذا الفرن الحديدي .بش نخدم كيفوا

ربي يجازيك ويبارك فيك وفي يديك

[الأمنيات]

ايه اختي حنا تاني كاين مازال يستعملوا هاد النوع من الفرن نقولو له الفران بفتح الفاء
وخبزه يجي هايل
ربي يعينك ويعطيك صحتك اختي خبز يشهي

[zahra30]

امممم .... ما شاء الله ... بارك الله فيك

[oum ayyoub]

ممممممم وصلتي رائحة الحطب ههه الله يبارك الله يعطيك الصحة اختي

[الاء هبة الرحمان]

اول مرة نشوف الكسرة هاذى يعطيك الصحة والمليح فيها طيبى زوج واكثر فى فرد مرة ياريت تقدرى توريلنا الفرن كفاه مداير بارك الله فيكى عزيزتى على الموضوع

[خربشة ناعمة]

روعة كيما انتاع الوسط و الفرن هادا انتاع الطين نسميوه كوشة عرب وقليل اللي راهوا يخدموا
اما الكوشة انتاع الحديد احنا ثاني في دارنا عندنا وحدة والحديد انتاعها ثقيل.و عندنا بلاك 14 سنة ملي شريناها على واحد يخدمهم و مازالها صحيحة.لو كان راني في دارنا راني نصورها لكم ونحط لكم الصورة.

[karina.]

الله يخليك رجعتيني لايام لن تعود و الله لما شفت موضوعك نزلت الدموع موضوع رائع

[طاعة زوجي ..]

يعطيك الصحة اختي
بلامزية حنونة مشكورة على المرور
رائع رائع رائع أم يوسف .تسلم أياديكم .نموت على أي حاجة تقليدية .نتمنى كل جزائري يرجع ليعادات أبائه وأجداده

أنا زوجي قتلوا ديرلي واحد تاع الطين في الحوش .قالي تمسخري بيا ومنين نجبلك لحطب ههههههههههه

حولي حنونة كيفاش تتعلمي تحطي صور وحطيلي هذا الفرن الحديدي .بش نخدم كيفوا

ربي يجازيك ويبارك فيك وفي يديك
مرورك الأروع نسومتي الله يسلمك ويحفظك راني نحاول وان شاء الله نقدر نحطلك صورتها نتاعنا قديمة بصّح مابدلناهاش لاخاطر مازالت مليحة ودكّا ولاّو يخدموهم ماشي ملاح ماشي متينة حديدتها ، أما نتاع التراب والله صعيبة حنونة سيرتو في الشتا ماتجي راه تسخنيها بالسيف سيرتو مع الحطب كي يكون شامخ ، حنا في دارنا ودار عجوزتي خلاص نحّاوها نطيبو بنتاع الحديد برك
ايه اختي حنا تاني كاين مازال يستعملوا هاد النوع من الفرن نقولو له الفران بفتح الفاء
وخبزه يجي هايل
ربي يعينك ويعطيك صحتك اختي خبز يشهي
مشكورة حنونة على الدعوة الزينة ولك بالمثل وأكثر ربي يحفظلك كل غالي على قلبك ، حنا نقولولها الكوشة نتاع التراب ، بصّح قليل وين مازال يطيبو فيها دكا يطيبو في نتاع الحديد أسهل ومافيهاش بزّاف مشقة ، وكاين وين يبيعوها النسا كمصروف إضافي فيها دخل مليح يعجنوها فرينة وحدها ، تباع 30 دج للخبزة

[طاعة زوجي ..]

امممم .... ما شاء الله ... بارك الله فيك
وفيك بارك الله أختي مشكورة على المرور
ممممممم وصلتي رائحة الحطب ههه الله يبارك الله يعطيك الصحة اختي
الله يسلمك أختي نورتي الموضوع
اول مرة نشوف الكسرة هاذى يعطيك الصحة والمليح فيها طيبى زوج واكثر فى فرد مرة ياريت تقدرى توريلنا الفرن كفاه مداير بارك الله فيكى عزيزتى على الموضوع
وفيك بارك الله حنونة ، نحاول إن شاء الله نحط صورتها إن إستطعت ، نتاعنا نطيبو فيها بالزوج وكاين نتاع خبزة بصّح يشروها اللي عندهم الضيق ساكنين في باطيمة وماعندهمش العيال ، حنا نطيبو 20 خبزة وأكثر على عشر دفعات أسهل من مطلوع الطاجين
روعة كيما انتاع الوسط و الفرن هادا انتاع الطين نسميوه كوشة عرب وقليل اللي راهوا يخدموا
اما الكوشة انتاع الحديد احنا ثاني في دارنا عندنا وحدة والحديد انتاعها ثقيل.و عندنا بلاك 14 سنة ملي شريناها على واحد يخدمهم و مازالها صحيحة.لو كان راني في دارنا راني نصورها لكم ونحط لكم الصورة.


مشكورة حنونة وأنا من الوسط من بومرداس ، حنا نقولولها كوشة نتاع التراب وتاني قليل اللي مازال عندهم ، ويلا قدرتي صوري الكوشة نتاع الحديد نتاع داركم يشوفوها الأخوات باش يستفادو وأكون لك مشكورة بارك الله فيك
الله يخليك رجعتيني لايام لن تعود و الله لما شفت موضوعك نزلت الدموع موضوع رائع
مشكورة حنونة ربي يسترك ، ياحسراه على زمان بنة الصغر وحدها مالقري ماكاش التاويل كيما دك بصّح كانت النية والبراءة ، أسفة لأني نزلتلك دموعك أختي بارك الله فيك ورزقك من الطيبات

[ام كمال]

جزاك الله خيرا اختى

[rym_48]

ya3tiki sa7a 7abibti .......7na fe relizane oma ma zalet ttayab fe hadik lkousha huuuuuum wallah fakartini fe hadouk liyam rani matwa7chatha bezeeeeeef w rahi tchahi

[maiar]

الله الله عليك سمورةقاعدة غير تسخفي فينا انا هذا النوع شفتو اول مرة في حياتي كي رحت لتونس يطيبوه تاني كيماانتم برا في الفرن ترابي يعطيك الصحة و سلامي ليك و لكرومة

[sa-li]

السلام عليكم

واااو صراحة تبان بنيينة تهبل

وكيفاه ح نذوقها انا يسما؟؟ وطريقة طيابها تهبل ههه انا نحب لحاجات تع بكري

يعطيك الصحة ختي على الافادة ومتشرفين بيها

[ميمنة الجزائر]

رووووووووووووووووووووعة عن جد يسلمو حبيبتي كنغير تجربيه في الفور حتى وحدة برك قوليلنا يجي هكذاك ولالا يعني روووعة

[بريق الامل&]

اممممممممممم يعطيك الصحة يشهي صحيتي

[طاعة زوجي ..]

جزاك الله خيرا اختى
مشكورة أختي على الدعاء ، بارك الله فيك
ya3tiki sa7a 7abibti .......7na fe relizane oma ma zalet ttayab fe hadik lkousha huuuuuum wallah fakartini fe hadouk liyam rani matwa7chatha bezeeeeeef w rahi tchahi
ربي يحفظلك الوالدة نتاعك ويطول في عمرها ويخليلها صحتها ، الله يسلمك أختي مشكورة على المرور
الله الله عليك سمورةقاعدة غير تسخفي فينا انا هذا النوع شفتو اول مرة في حياتي كي رحت لتونس يطيبوه تاني كيماانتم برا في الفرن ترابي يعطيك الصحة و سلامي ليك و لكرومة

الله يسلمك ميورتي وسلامك يوصل إن شاء الله ، مشكورة على الرد

[طاعة زوجي ..]

السلام عليكم

واااو صراحة تبان بنيينة تهبل

وكيفاه ح نذوقها انا يسما؟؟ وطريقة طيابها تهبل ههه انا نحب لحاجات تع بكري

يعطيك الصحة ختي على الافادة ومتشرفين بيها


وعليكم السّلام ورحمة الله وبركاته
يعيشك حنونة مشكورة على الرد الجميل ، راكي تشوفي مع الأكلات هادو كامل يليق يخترعولنا جهاز نشوفو ونذوقو في نفس الوقت ، :1:بارك الله فيك ورزقك من الطيبات
رووووووووووووووووووووعة عن جد يسلمو حبيبتي كنغير تجربيه في الفور حتى وحدة برك قوليلنا يجي هكذاك ولالا يعني روووعة
أ نتي الأروع حنونة ، إن شاء الله نجربو في الكويزينيار نشعلو النار من فوق ونقولك كيفاه يخرج
اممممممممممم يعطيك الصحة يشهي صحيتي
الله يسلمك بروقة مشكورة على الرد :)

[Alae38]

يعطيك الصحة غيرتيني و فكرتيني بخبز ماما ربي يحفظها خبز الكوشة تاع العرب اللي يدوقو ما يصبر عليه فيه بنة لا تقوم ينتكل وحدو و خاصة يلا كان سخون يا

[طاعة زوجي ..]

يعطيك الصحة غيرتيني و فكرتيني بخبز ماما ربي يحفظها خبز الكوشة تاع العرب اللي يدوقو ما يصبر عليه فيه بنة لا تقوم ينتكل وحدو و خاصة يلا كان سخون يا

مشكورة حنونة على المرور وصح كسرة فيها بنة وحدها سيرتو سخونة مع زيت الزيتون امممم
ربي يحفظلك ماماك ويخليهالك تاج فوق راسك

[أم أسماء 2]

4444444444444 تبان هايلة
يعطيك الصحة أختي على الوصفة

[سحر الايمان]

يعطيك الصحة معليش تقوليلي هاذ الكوشة تع لحديد نطيبو فيها غير الخبز ولا نقدرو نطيبو فيها كلش على خاطرش راني رايحة نشريها ان شاء الله تجاوبيني و شكرا

[raoufnina]

فكرة مميزة.. مشكورة أختي..

[طاعة زوجي ..]

4444444444444 تبان هايلة
يعطيك الصحة أختي على الوصفة
الله يسلمك حنونة هايلة صح سيرتو كي تكون سخونة اممممم
مشكورة على المرور
يعطيك الصحة معليش تقوليلي هاذ الكوشة تع لحديد نطيبو فيها غير الخبز ولا نقدرو نطيبو فيها كلش على خاطرش راني رايحة نشريها ان شاء الله تجاوبيني و شكرا
حنا نطيبو فيها الكسرة هادي برك وساعات نطيبو فيها الكعيكعةحنا نقولولها هكدا جايا تقريبا كي البريوش ، مي تحمار من الفوق قبل ومن بعد نقلبوها وتزيد تحمار من تحت
ماجربتش نطيب فيها حاجات اخرين ، دارنا بكري كانو يطيبو فيها البيتزا مي أنا كنت صغيرة ودوكا ماجربتهاش
فكرة مميزة.. مشكورة أختي..

الشكر لك على المرور :):):)

[iaman.fr]

يعطيك الصحة

[oum malek]

بارك الله فيك ان شاء الله مأجورة

[omayoub2]

بارك الله فيك اختي على الوصفة

[طاعة زوجي ..]

بارك الله فيكم، مشكورين على المرور

[ام سهام 02]

بارك الله فيك.

[عطرالذهب]

رووووووووووووووعة يسلمممممموووووووووووووو

[LINA 97]

ربي يجازيك كل ما هوخير :mh31:

[مغتربة uk]

4444444444444444444444444

[oume ranime]

lahe ybarake hanouna 444444 bazafe

[طاعة زوجي ..]

بارك الله فيكم اخواتي وشكرا على المرور

[خيط الروح]

مممممممممممممممم ما شاء الله
بارك الله فيك

[طاعة زوجي ..]

شكرا على المرور حبيباتي :):)

[ام كنزة]

شكلو يسخف تحيا ناس بومرداس

[fatisousou]

بارك الله فيك فكرتيني في يمات الزمان كان عندنا كوشة تع الطين ماما ربي يحفضها كانت اطيبنا الكسرة غير فيها شكرا لك اختي

[طاعة زوجي ..]

أم كنزة الله يسلمك حنونة شكراً على المرور

الأخت فاتي سوسو ياحسراه على كوشة الطين. دوكا قليل اللي مازال عندهم من أقاربي. لكن مام الكوشة نتاع الحديد كسرتها تجي مليحة

شكراً على الرد

[manoulamarina]

بنينة بزاف كليتها مرة السر الكل في افرن هذاك شكرا ليك