عاجل عاجل يا بنات الرجاء الدخول: وصفة للحروق [الأرشيف] - منتديات الجلفة لكل الجزائريين و العرب

الوهرانية 1

2013-04-17, 13:58

السلام عليكم حبيباتي الغاليات واسمحولي قلقتكم
راني محتاجة وصفة مجربة للحروق من غير العسل الحر
ارجوكم راني مصابة في دراعي وفي رقبتي وراح يحرق فيا ويوجعني
وشكرا مسبقا

أم ماجد

2013-04-17, 14:06

عزيزتي ادهني بزبدة البقر مسوس وايضا بالطماطم حب واذا عندك زيت الضرو ضربة ضربة
هاذي عين صابتك عزيزتي

طمنيني عليك

الوهرانية 1

2013-04-17, 14:13

عزيزتي ادهني بزبدة البقر مسوس وايضا بالطماطم حب واذا عندك زيت الضرو ضربة ضربة
هاذي عين صابتك عزيزتي

طمنيني عليك

الحمد لله حبيبتي جات سلامات وكلو من الغش الله يحفظ ويستر
شريت مول غرتان من اخر موديل هادوك الملونين باشكال مربعة
المهم طيبت فيه اليوم غراتان فواكه البحر وغي فتحت باش نجبدو نرابي الجبن بمجرد ما حطيت القفازات عليه اترطق
جزء اصاب دراعي والفتات في صدري تقريبا
الحمد لله قدر الله وماشاء فعل
شكرا على اهتمامك يا الغالية
حقا واش هي هاد الزيت قاتلي عليها الحبيبة ام كوثر

أم ماجد

2013-04-17, 14:16

ايقولولها زيت الضرو شوية غالية لكن فعالة جدا جدا

kokotg

2013-04-17, 14:25

ربي يحفظك
زيت الضرو

الوهرانية 1

2013-04-17, 14:33

ايقولولها زيت الضرو شوية غالية لكن فعالة جدا جدا

وين نلقاها حبيبتي مش مهم الثمن
قوليلي شحال الاصلية نخاف مغشوشة
ويبيعوها لي

أم ماجد

2013-04-17, 15:04

احنا نشريوه معريفة من عند واحد من جيجل اظن

انروح لامي ونسالها

أم محمد تاج

2013-04-17, 15:13

حبيبتي الوهرانية لا شر عليك ربي يشفيك نشالله وكيما قالت أم ماجد زيت الضرو والله سحرية ماتتخيليش كيفاش ربي يشفيك آمين

أم محمد تاج

2013-04-17, 15:13

وكاين بوماد ديما نحطها عندي على جال ولادي وراهي فعالة وتحبس ألم الحريق إسمها فلامازول عن تجربة حنونة

أريج هبة الرحمن

2013-04-17, 15:15

سلام عليكم اختي ربي يشفيك ان شاء الله ويطمنا عليك

rimaas

2013-04-17, 15:17

لاباس عليك اختي حتى انا ننصحك بزيت الضرو

الوهرانية 1

2013-04-17, 15:18

سلام عليكم اختي ربي يشفيك ان شاء الله ويطمنا عليك

وكاين بوماد ديما نحطها عندي على جال ولادي وراهي فعالة وتحبس ألم الحريق إسمها فلامازول عن تجربة حنونة

حبيبتي الوهرانية لا شر عليك ربي يشفيك نشالله وكيما قالت أم ماجد زيت الضرو والله سحرية ماتتخيليش كيفاش ربي يشفيك آمين

احنا نشريوه معريفة من عند واحد من جيجل اظن

انروح لامي ونسالها

شكرا على اهتمامكن حبيباتي
ربي يخليكم

silindz

2013-04-17, 15:22

ربي يحفضك ويشافيك اد مزال الحريق جديد اغسلي الجرح ديريلوا شوية جفال وابزيس ودريلوا زيت الضزو وانشاء الله تبراي

فرح.

2013-04-17, 15:53

استعملي هاد البوماطا
ان شاء الله تفيدك
scarwed

ساندي 28

2013-04-17, 16:12

علا سلامتك اختي الوهرانيه انا متعوده ندي ندير الماء مع الملح وندهن بيهم يحرق شويه لكن مفعولو اكيد وميخليش السيكاتغيز تطلع وتاني لاقلاص احكمي مكعب ومرريه على مكان الاصابه وتاني معجون الاسنان وربي يشافيك اختيييييييييي

Nadjwa270

2013-04-17, 16:28

bchfa 3alik ya okhti
ma 3andak char
w nchallah zakat nafss

Nadjwa270

2013-04-17, 16:29

je te conseille tachri ma3ine français
c'est sure had plat chinoi
rabi satrak

Nadjwa270

2013-04-17, 16:30

ballak les gents li kallabti bihoum le plat kanou bardine 3ala dak tartak?

الوهرانية 1

2013-04-17, 16:34

ربي يحفضك ويشافيك اد مزال الحريق جديد اغسلي الجرح ديريلوا شوية جفال وابزيس ودريلوا زيت الضزو وانشاء الله تبراي

استعملي هاد البوماطا
ان شاء الله تفيدك
scarwed

علا سلامتك اختي الوهرانيه انا متعوده ندي ندير الماء مع الملح وندهن بيهم يحرق شويه لكن مفعولو اكيد وميخليش السيكاتغيز تطلع وتاني لاقلاص احكمي مكعب ومرريه على مكان الاصابه وتاني معجون الاسنان وربي يشافيك اختيييييييييي

bchfa 3alik ya okhti
ma 3andak char
w nchallah zakat nafss

شكرا حبيباتي الغاليات ربي يخليكم

الوهرانية 1

2013-04-17, 16:37

ballak les gents li kallabti bihoum le plat kanou bardine 3ala dak tartak?

je te conseille tachri ma3ine français
c'est sure had plat chinoi
rabi satrak

حبيبتي لالا والله العلبة تاعو مكتوب عليها اسبانيا
وزيد خلصتو 1350دج
مابانش ليا ابدا بلي طايوان وميصلحش

ام نسمة

2013-04-17, 16:52

على سلامتك هادا وين سفت الموضوع صراحة انا نعرف غير بوماد فلامازين يحرق بزاف لكن عندو نتيجة وزيدي تاني ماديكاصول باش تروحلك السيكاتريس رب يشفيك عاجلا ان شاء الله

حواء الجزائر

2013-04-17, 17:06

الحمد لله على سلامتك اختى وربى يشافيك والحمد لله ماجاتش فى الوجه

الوهرانية 1

2013-04-17, 17:08

على سلامتك هادا وين سفت الموضوع صراحة انا نعرف غير بوماد فلامازين يحرق بزاف لكن عندو نتيجة وزيدي تاني ماديكاصول باش تروحلك السيكاتريس رب يشفيك عاجلا ان شاء الله

الحمد لله على سلامتك اختى وربى يشافيك والحمد لله ماجاتش فى الوجه

شكرا لكما حبيباتي والله راني صح موجوعة الصهد يخرج منها

ام ساجد

2013-04-17, 18:19

اللطف عليك اختي الوهرانية من الاحسن تروحي لطبيب
هو يعرف وش يعطيك
وزيت الضرو يتباع عند العطار ربي يشافيك ان شاء الله

امنة محمد

2013-04-17, 18:36

ننصحك بزيت الضرو ولا زبدة البقر المسوسه

منى ابراهيم

2013-04-17, 18:37

ديري هذي الوصفة تبراي بلا ماديرلك المارة القهوة المطحونة مع زيت الطبخ

أم ياسين الزهراء

2013-04-17, 18:56

على سلامتك حنونة الحمد لله منعو عينيك والله غير هدا وين شفت الموضوع مايكون غير الخير والله غير عندو الحق زوجي كيقلي كلش يجينا مترافيكي سلامات

miri_27

2013-04-17, 19:33

يايما على أختي لعزيزة ربي يشفيك إستعملي مرهم بيافين هذا هو http://www10.0zz0.com/2013/04/17/18/172910973.jpg
صدقيني فعالة بزاف تستعمليها ثلاث مرات في اليوم و نظفي بماء الأكسجين مرة ثانية ربي يشفيك ياغالية

tong2

2013-04-17, 19:50

الله يـــــشافيــــــك يا الحبيـــبة

الوهرانية 1

2013-04-17, 20:05

الله يـــــشافيــــــك يا الحبيـــبة

شكرا لكن على الاهتمام حبيباتي اسمحولي تعبتكم معايا
ربي يجازي كل وحدة فيكم دخلت وردت عليا والحمد لله على كل شي

thawizat

2013-04-17, 20:12

لا حول ولا قوة إلى بالله
ربي يجيبلك شفا إن شاء الله

الأمنيات

2013-04-17, 20:16

سلامات اختي الوهرانية على سلامت راسك اختي
الحمد لله خرجي صدقه

lydia 84

2013-04-17, 20:29

ربي يشفيك اختي انا ننصحك بطماطم مصبرة كي تتحرقي لازم اديريها مباشر ة على الجرح

الوهرانية 1

2013-04-17, 20:33

لا حول ولا قوة إلى بالله
ربي يجيبلك شفا إن شاء الله

سلامات اختي الوهرانية على سلامت راسك اختي
الحمد لله خرجي صدقه

ربي يشفيك اختي انا ننصحك بطماطم مصبرة كي تتحرقي لازم اديريها مباشر ة على الجرح

ربي يباركلي فيكم اخواتي ويستركم ويعطيكم واش تتمناو

ام مريومة

2013-04-17, 20:50

ربي يشافيك اختي طهور انشاء الله ولكن من الافضل تروحي للطبيب و طمنينا عليك

ام مهدي2010

2013-04-17, 21:37

بيافين pomad

aya0906

2013-04-17, 22:05

يا اختى ابنت خويا تحرقت فى رمضا ن طرطقت عليها الكوكوطة مانحكيلكش وعملولها او زيت مشينة الخياطة واوراق التوت البرى ديرية فى الكوشة حتى يبس ومبعد ارحية والطريقة هى ديرى زيت المشينة فوق البلايس المحروقة ومبعد درى االتوت البرى من الفوق وكلما طيرلك القشرة ريدى ديرى ورايحة تشوفى النتيجة سيها ومتخافيش

ome dadi

2013-04-17, 22:40

الحمد الله على سلامتك يا اختي انا نعرف دواء تع لعرب اسم برهم وتخدم عجوز اختي ومكش لدير

اميبرش امجربينها تخدمها بشحم تع معيز بعد ما ذوبها ضيف كفور وزيت زيتون وتخله يبرد شويا

وتحطه في مكان الحروق لكان ركي قدمي اعطتلك هذا البرهم راه عندي في دار وبشفى عليك

المستغفرة

2013-04-17, 22:42

يا لغالية راكي خوفتيني ان شاء الله سلمات
هاذي غير لعين ربي يحفظك و يخليك لاهلك و ربي
يسترك من العين
انا ننصحك بوماد فلامازين هايلة و تنحي الحروق
طمنيني عليك و تهلاي في روحك

ليلى اماني

2013-04-18, 00:34

الحمد لله على سلامتك اخت الوهرانية

*بيتي مملكتي*

2013-04-18, 00:38

الحمد لله على سلامتك عزيزتي

زيت الضرو يباع في الصيدليات و عند العطارين اللي يبيعو التوابل و كذلك عند المحلات اللي تبيع عطور المسك

لكن إذا أردت نصيحتي استعملي biafineمليحة حتى لles cicatrices

بالشفا ليك عزيزتي ربي سترك

أم ماجد

2013-04-18, 04:49

طمنيني اختي الوهرانية راني تقلقت عليك

يا رب يشفيك

أم ياسين الزهراء

2013-04-18, 08:05

اختي سقسيتلك زوجي على زيت الضرو شراه ب 260 للتر وقالي ادا لقاتو اقل من هدا السومة راهو خاطي بالشفا عليك

شلال فرح

2013-04-18, 08:25

اختي انا من عامين تحرقت من يدي بالزيت و كان الزيت ساخن جدااااااااااااااااااااااااااااااا

الحرق كان كبير و غزير من الدرجة الثالثة

رحت للمستشفى مسحلي الحرق بشاش فيه سيروم سالي

قعد يحك فيه الصراحة الروح نتاعي خرجت حتى يدي طرطقت بالدم

داري الكومبراس نتاع لحريق و قالي اشري بوماد بيافين

و الله الغد غسلت بيدي القش عادي دارت قشرة بعد ما كانت الطبقات الداخلية تاع الجلد باينة حمراء و استعملت البوماد

و بعد يومين غسلت لحيوط كان قريب العيد

و الله بعد شهر تكذبي لكان يدي كانت محروقة لا جرح لا آثار

لازم تروحي للاستعجالات ينحولك الجلد الميت حتى ما تبقاش المنطقة داكنة و مختلفة عن باقي الجسم و استعملي الدواء لي عطاهولك

و لو شفتي انو كاين آثار استعملي بوماد سيكاتريل لازالة الاآثار و ربي يشفيك

zineb hanifa

2013-04-18, 09:43

ربي يشفيك ويحفظك.

zhor1970

2013-04-18, 09:54

سلامتك الف سلامة حبيبتي كيما قاللو لبنات زيت الضرو بادن الله تشفيك بسرعة والحمدلله علي سلامتك اختي

zhor1970

2013-04-18, 09:58

حبيبتي لازم ايشوفك الطبيب لان ممكن تكون لاقدر الله التهابات وطمنتنا عليك حبيبتي وانشاء اللهتشفاي يارب

نهى21

2013-04-18, 10:06

ربي يشفيك حبيبتي
انا العام لي فات هزيت الماء يغلي جيت شلل شعري ربي سترني فرغتو على فخضي واش نقلك لحمي كامل محروق جات سلفتي تجري قاتلي مترحيش للمستشفى انا عندي لكي الدواء حطت شمع مع زيت الزيتون طيباتو على النار هادئة كي برد حطاتو في علبة حطتولي فوق الجروع في الغد تلقاي قشور عاودي حتي تبراي تماما في الاول حطي زيت الضرو اطفي حروق هذه الشمع اثار الحروق التروح كامل مجرب مئة بالمئة

randy fatima

2013-04-18, 10:50

ختي انا وحد الخطرة لقيت بلي كي تتحرقي تم تم اديري الفرينة على الحرق حتى متبقالكش سيكاتريس
و لا ديري نبتة المصاصة راها تتباع و ارواقها يتقشروا و الله يشافيك

الوهرانية 1

2013-04-18, 11:48

شكرا لكن اخواتي اليوم صبحت شوية مليحة الحمد لله
ربي يباك لي فيكم وفي محبتكم واسمحولي هولتكم وقلقتكم

أم ماجد

2013-04-18, 12:21

لا شكر علي واجب كون جيت قريبة كون زرتك الله غالب وهران بعيدة

sarah1424

2013-04-18, 12:27

Aaaaaah ya lwahrania ya hbibti allah la ywarik char wrabbi yjiblek echfa

YAKMISSOU

2013-04-18, 13:11

على سلامتك اختي طمنينا عليييييييك

hadjira195

2013-04-18, 13:29

أنا غير كيما أتحرقت با الكارامال الجلد طارلي إستعملت زيت الضرو والعسل الحر ضربة با ضربة

ام ساجد

2013-04-18, 14:22

السلام اختي الوهرانية كي راكي غاية هههههه
نسال عليك بالوهراني ان شاء اله تكوني لاباس وطمنينا عليك
لازم هاذ المرة تكملي المسابقة للاخير بالتوفيق مع المرقاز

أم عيشوش

2013-04-18, 14:56

زيت الضرو مليح ياسر للحروق وما تبقاش ليك ليسيكاتريس الف عافية

أنا أمهم

2013-04-18, 16:13

السلام وهرانية , سترك ربي عزيزتي

إن شاء الله تكون خفيفة, و ربي يشفيك

ربي يحفظك

هبة الله 26

2013-04-18, 16:20

الف سلامة اعليك يا الغالية
انا من عندي ان قولك اشري من عند الصيدلي بوماد وسمها بيافين وهي مضمونة يميدو فيها كامل الاطباء وتنفع حتى الحروق من الدرجة 2 داومي اعليها وراهي ارحيسة 200دج فقط
حافظي على نفسك

نورانيات

2013-04-18, 18:08

ربي يشفيك أختي الحمد لله جات سلامات جربي زيت الضرو راه مفيد بزاف ونعرف تاني بلي زيت الحوت اللي يتباع في الصيدلية مفيد للحروق قدر الله وما شاء فعل ربي يجعلها تكفيرة ذنوب وترجعلنا بأطباقك المتميزة والجديدة حبيبتي.

فيفي سكيكدية

2013-04-18, 18:15

ربي يشفيك ويسترك أختي الوهرانية أحنا موالفين نستعملو زيت الضرو

عروبتي

2013-04-18, 19:10

سلامتك عزيزتي ربي يشفيك يالغالية

رباب08

2013-04-18, 20:54

ربي يجيب الشفاء لاباس عليك حنونة والله غير غضتيني باينة عين الحمد لله ليجات على هكذا

kawthar1983

2013-04-18, 20:55

ربي يشفيك و يحفظك من كل سوء ولله كنت انشوف جدتي ربي يحفظها ترابي البطاطا ودرها مكان الحريق تقول أنها تبرد المكان و تنحي إحساس الحريق للأمانة أنا م أجربها لأني لم أُحرق الحمد لله

بنت الجزاير الغالية

2013-04-19, 08:35

ربي يشافيك يا رب أنا نعرف الجافيل و هو مازال جديد و كي يبرد شوي يديرو العسل الحر

*بيتي مملكتي*

2013-04-19, 10:05

الحمد لله على السلامة مرة أخرى عزيزتي

ritadj27

2013-04-19, 11:26

الله يشافيك اختى

أم فاطمة 27

2013-04-19, 12:54

هادا وين شفت الموضوع......لاباس عليك أختي الوهرانية و ما عندك شر
بالنسبة للحروق كلشي يعتمد على السرعة في التعامل معاها و أنا عن نفسي نستعمل الطماطم لحظات بعد الحرق و الحمد لله نفعني كثير و ما يخليش آثار لاباس عليك أختي
و زيت الضرو أول مرة نسمع بيه

سعاد19

2013-04-19, 19:07

الله يحفضك ويشفيك شفاءا عاجلا وعليك بزيت الضرو ممكنتجديه في قالمة عنابةوسكيكدة

نور الهنا

2013-04-19, 19:55

الله ياشافيك اختي عندها الحق الاخت اللي نصحاتك بمرهم بيفان ولما ترتاحي شوية استعملي وصفة الشمع الحر المدوب في زينت الزيتون ةالله لنتي العام الماصي سقطت في بيدون ماء غالي ونحرقت خرق الدرجة الثانية والحمد لله شفيت قالي حمالي طبيب امراص داخلية بوهران كي صغيرة الجلد يتبدل وصح راني نعمل الشمع والزيت راه تشفى الله يشافيك

كوزينة هديل

2013-04-19, 21:57

شوفي أختي مكانش خير من زيت الطوبة راهي جد فعالة شوية ريحتها كريهة لكن ماعليش أتحملي ريحة وماشي لحروق بشفا عليك

it's me

2013-04-20, 09:15

سلامتك استاذتنا الغالية هاذي عين اللي بيك ربي يحفظك و يشفيك

طمنينا عليك

إلهام07

2013-04-20, 11:43

على سلامتك حبيبتي ، يقول غالبا الحريق سببه عين ، والله راكي ماشاء الله فحلة وشاطرة والحروق رانا ديما بيهم انا العام هذا تحرقت 3 مرات بالكاراميل ، والله ستيرة ربي برك
المهم ديما ( قراتها ماما في الإسعافات الأولية ) الحريق كي تتحرقي أجري ديري المكان المحروق تحت ما بااااارد أو ثلج
ثم تشوفي الطبيب ، ماتخلطيش بزاف هذا صابون هذا جافيل هذي زبدة ، شوفي أختي مسكينة راهي بآثار حريق بشعة بسبب الجهل حكولها في يدها الصابون قعدتلها مسكينة سيكاتريس بشعة جدا وكبيرة في يدها ولات متعقدة حتى في الصيف تلبس اللباس بالأكمام
حذاري ديري الزبدة على الحريق ، هذا راهو خطأ شائع شفتها في حصة تلفزيونية مع طبيب ، الزبدة تخلي الحرق يتعفن ومايتنفسش حذاااارييي
أنا أختي صيدلية وقاتلي أن زيت الضرو راهو :19: بصح لازم يكون ماشي مغشوش وراهو يتباع في الصيدليات
جربوه بنات معايا للحريق وراهي السيكاتريس اختفت تماما :19:
ربي يشافيك كثرت عليك الهدرة :o

ميمنة الجزائر

2013-04-20, 15:02

خرجتلك سلامات يا ختي وربي يشفيك ان شاء الله

زيت الضرو عن تجربة وتاني العسل الحر من بعد ما يرتاح الجرح وان شاء الله الشفاء العاجل اختي

أحاسيس مرهفة

2013-04-20, 15:21

ربي يجيبلك الشفا يا رب عندي شهورا ماللي تحرقت من يدي وعلابالي مليح وش هو لحريق
أختي لازم تتقشر المنطقة اللي تحرقت وديريلها بوماد وسمها ميبو مليحة بزاف تلملك الجلدة بعدها تقدري تستعملي بوماد سيكاتريزونت كيما ايبارمين ولا تديري زيت الضرو

hanane220

2013-04-20, 18:01

لاباس عليك اختي الحمد لله على سلامتك هذي عين و كبيرة راه درباتك خموس على اختي المهم كما قالو سوريين انكسر الشر و الحمد لله كل ما كتبه ربي نحمدوه يا حبيبة تاعنا ربي يخليك لينا حسيت روحي انا نحرقت و نتمنى ان شاء الله تكوني ريحتي خصوصا أخواتي الله يبارك راهم مادولك وصفات و ماركات للحروق لكن ننصحك تشوفي طبيب احسن با حبيبة غالية لاباس عليك