لكل من هو مقبل على شراء تويوتا هيليكس المميزات والعيوب

[Kob-Tiarti]

انا طبعا بعد امتلاكي لهذه السيارة القوية فعلا حبيت نفيد خاوتي بمميزات وعيوب هاذي السيارة.
بسم الله نبداو ف المميزات:
1- اللي تتميز بيه الهيليكس عن باقي سيارات البيك اب هو الاعتمادية في اقسى الظروف.
2- سهولة تصليحها ،
3- السعر بعد البيع.
4- نغمة المحرك الهادية بسبب التوربو.
5- واللي تتميز بيه اغلب سيارات تويوتا تبريد المكيف وحرارة المحرك اللي ماتطلعش .
6-القدرة على التحميل الغير العادي وقوة الجر اللي فيها.
7-وسع المقعد الخلفي.
8-عدم سماع اصوات تخرج من الطابلوت بور عند الحفريات والمرتفعات.
ثانيا العيوب؛
1- عدم الراحة بسبب الحديد نتاع التحميل خصوصا في الخلف.
2-ان شركة تويوتا بامر من الدرك دارت فصلة للسيارة يعني السيارة ما تقدرش تمشي فوق ال 160 وهذا لاسباب امنية كيما كانو يديرو. للستايشن بصح ليه حل مانقدرش نقولو.
3- تنقص السيارة كماليات. بسبب الوكيل لان هناك هيليكسات ف الخارج بمواصفات خرافية.
4- عدم توفر محرك 3.0 الجبار .
وهذا اللي لاحظتو واللي عندو ملاحظات تانية بفبدنا بيها

[youcef26300]

لم أفهم العيب الثاني بخصوص السرعة 160
بالنسبة لعيوب اللهيليكس أزيدك أن
1 - السيارة لما تكون فارغة تكون خفيفة و ثصعب التحكم فيها
2 هي من الأسفل متينة لكن الجزء العلوي فراجيل و هذا يجعلها في الحوادث خطيرة

[Kob-Tiarti]

اي ان وكيل تويوتا مبرمج محرك السيارة على سرعة لاتزيد عن 160 كيلومتر في الساعة
واذا تكون فارغة تكون خفيفة. هذا ف الهيليكس نتاع الخظارة بصح 4*4. شادة روحها مليح بصح تنقز اذا كانت فارغة وانا جربتها في فيراج خطير جدا ف ثنية الحد دخلت الفيراج بسرعة 110 وهذا سرعة كبيرة على سيارة عالية. ف فيراج بصح ما زلجتش بيا بالعكس كانت شادة روحها وعندك الحق في كلمة فراجيل من الفوق. بصح هاذي ميزة ف اغلب السيارات الجديدة وهاذي مليحة بزاف ف الحوادث لا قدر الله لان السيارة تكون عندها مرونة بحيث ان السيارة تتكسر بصح اللي فيها يخرج سلامات. وهذا من مميزات السلامة ف السيارات الحديثة والمهم هو الشاصي