المكان الأنسب للغسالة [الأرشيف] - منتديات الجلفة لكل الجزائريين و العرب

مشاهدة النسخة كاملة : المكان الأنسب للغسالة

maiar

2013-04-16, 10:54

السلام عليكم و رحمة الله تاعلى و بركاته

من فضلكن كل وحدة تقولي وين حاطة غسالة الملابس و تذكرلي نوعها اذا بلاستيك او اوتوماتيكية تعها لاني حابة نشري وحدة و حصلت وين نحطها
ان شاء الله نلقى تجاوب

درة بيتي

2013-04-16, 11:06

وعلیکم السلام انا حاطتها فی المطبخ

sali-sali

2013-04-16, 11:10

ana hatetha f douche psq kbir bzf w kayen plaset'ha

meme ta9adri diriha fcouzina

mazolafifi

2013-04-16, 11:16

حنا عندها بلاصة حدا دوش

maiar

2013-04-16, 11:25

وعلیکم السلام انا حاطتها فی المطبخ

اختي هل هي اتوماتيكية

maiar

2013-04-16, 11:27

ana hatetha f douche psq kbir bzf w kayen plaset'ha

meme ta9adri diriha fcouzina

الكوزينة ماعنديش وين نحطها شوية صغيرة لانو الشلاجة كبيرة و عريضة داية البلاصة و الدوش ممكن بصح نخاف تصدد من الماء و الرطوبة

حنا عندها بلاصة حدا دوش

شكرا اختي

mazolafifi

2013-04-16, 11:48

حاطتها في لابيوندري

meriama13

2013-04-16, 12:25

حاطتها في الكوزينة هي نتاع بلاستيك ماتخافيش منها من الصدا

❣سڪڕ❣

2013-04-16, 14:19

أنا حاطتها في الدوش هي تاع بلاستيك
نظن الدوش أنسب مكان ليها وتعمليلها الستلاسيون كامل
وهكدا ما تتعبيش
هدا رأيي

السَّحابة البيضاءْ

2013-04-16, 14:24

السلام عليكم

نحن نملك واحدة بلاستيكية ،، لها مكانْ مُخصص في أحذ زوايا الحمّام سهلة التناول مثلاً تستخدمي الدوش وثيابك تُُغسل ريثما تنتهين تكون قد أنهت الغسالة عملية التجفيف يبقى لكِ فقط نشر الملابس لتجف :):)

maiar

2013-04-16, 17:06

شكرا اخواتي الكريمات على الرد بصح انا رايحة نشري الاتوماتيكية والا في رايكم نشري تع الباستيك خير ؟

لبرايجية

2013-04-16, 22:52

شكرا اخواتي الكريمات على الرد بصح انا رايحة نشري الاتوماتيكية والا في رايكم نشري تع الباستيك خير ؟
ننصحك اختي بشراء الاتوماتيكيةarture martin
روعة وديريلها غطاء بلاستيكي وحطيها في الدوش او الكوزينة لك الاختيار

dahby83

2013-04-16, 22:52

أكيد الاتوماتيكية احسن وخصوصا انها تخلي الملابس مسرحة ماشي كيما انتاع البلاستيك ترجعهم كيما المصارين داخلين بعضهم ومايتسرحو الا بالحديدة عن تجربة لانها عندي وحاطتها في المطبخ بماانه واسع بصح نتمنى نبيعها ونشتري الاتوماتيكية مووووووفقة

درة بيتي

2013-04-16, 23:05

اختي هل هي اتوماتيكية

:dj_17:نعم أتوماتيكية إذا حبيتي نصورهالك تشوفيها لان النصف اتوماتيكية ماتستحسنيهاش في الكوزينة ديرونجيك

ام البنتين

2013-04-16, 23:39

واش جاب لجاب اذا عندك امكانيات احسن لك اشري اوتوماتكية تنحي لغبينة ابرونشيها و ارجعيلها بعد مدة غير انشري الغسيل و ما تحناجي الحديد غير في قليل من الملابس اعرفي برك كيفاه تبرمجيها اعطيها الامر و قوليلها اغسلي لمدة كذا و تحت درجة حرارة كذا و هي تنفذ و اختاري ماركة مليحة انا عنديlG اختي ننصحك اذا كانت بلاستيك ممكن دحطيها في ا لحمام اما اذا كانت اونوماتيك من الاحسن في مكان اخر المطبخ او مكان اخر .يعني هل عندك ابارتومو او دار ارضي .....اكي فهمتي قصدي.

maiar

2013-04-17, 09:21

بارك الله فيكن على المساعدة مالانشري الاتوماتيكية و بالنسبة للاخت لي سقسات على المنزل راني نسكن فالباطيمات يعني في قولك نحططها فالبالكون تع الكوزينة ؟

الأمنيات

2013-04-17, 09:37

انا حاطتها في دوش مع الستالاسيو نتاعها نوعها اوتوماتيك

maiar

2013-04-17, 09:41

انا حاطتها في دوش مع الستالاسيو نتاعها نوعها اوتوماتيك

بارك الله فيك وهل عندها مدة و هي هندك يعني قصدي ماقاصهاش الصديد؟

الأمنيات

2013-04-17, 09:45

بارك الله فيك وهل عندها مدة و هي هندك يعني قصدي ماقاصهاش الصديد؟
راها في عامين ونصف اختي ما تصدتش ديري لها غلاف بلاستيكي راهم يتباعوا حسب النوع
مكانها اما الدوش او المطبخ لتسهيل عملية ربط الانابيب وتفريغ المياه

أم أولادي*

2013-04-17, 09:47

انا حاطتها في البلكون عندها لانستالاسيون التماك وعندي بلاستيكية ديجيتال روعة سامسونج تاع 7.5كغ

h_hakima08

2013-04-17, 09:57

اختي من الاحسن اشري وحدة اتوماتييكية خير تنحي عليك الغبينة
يالنسبة للبلاصة انا نفضل الدوش سيرتو كي يكون والواحد ساكن في بطيمة لاني علابالي الكوزينة تكون صيقة في البطيمات
بالنسبة للصديد ماتخافيش كيما قالولك البنات اشري غطاء بلاستيكي برك واستحفظي بيها مايصرالها والو
ماما لاماشين نتاعها عندها 20 سنة مازالت تبرق للآن ، حاطتها في عينيها ماتخلي حتى واحد يمسها ههههههههه
كي تكمل الغسيل تمسحها مليح من برا ومن داخل تشيحها من الماء وتخليها محلولة مدة باش تنشف مليح ومن بعد تغطيها
ماراحت ماجات . انا كانت عندي في داري وحدة نتاع بلاستيك تقلق شوية انا لي لازم نعسها كي تعمر والما ونفرغلها الما .... تتعب
من عام شريت وحدة اتوماتيكية lg حطيتها في الدوش درت لها انستلاسيون راني في رحمة ربي كي تكمل تدير موسيقى نروح نحي القش ونقول لها يعطيك الصحة ياحبيتي هههههههههههههههههه

maiar

2013-04-17, 10:53

مشكورات حبيباتي بارك الله فيكن راني خذيت فكرة

ذكرى أبي

2013-04-18, 18:31

السلام عليكم
أنا عندي أوتوماتيكية ماركة LG روعة ، فيها حتى التنشاف ، أنا حاطتها في الدوش و دايرتلها support تاع الحطب من التحت ، الضيق في الدوش بالصح هاذاك وين صبتلها بلاصة