مشكل راه في لبنات وحاب نفهم

[khalil31]

السلام عليكم. حبيت نطرح الموضوع ونتمنى نلقى اجابة منكم
انتشرت بزاف في وقتنا الحالي العلاقات الكثيرة بين الشباب والفتيات وهدا بحد داتو مشكل لكن انا راني على العلاقة الي نقولو الصادقة من طرف الشاب ( وخلينا بما يعرفو بالذئاب الله يهدينا ويهديهم ).راني نسمع من الاصدقاء المقربين انو دخل في علاقة جادة ونيته الزواج لكن البنت درك هي لرجعت تقول استنى حثى نكمل قراتي و الاخرى لازم نلقى خدمة قبل. والاخرى تقول مانلبش لباش شرعي وزيد وزيد ومعظم لبنات درك تحب تخدم وتفضل الخدمة على الرجل الا مارحم ربي.......وين رانا راحين بهده العقلية.ياك الكل رانا نشوفو المجتمع كيفاه صار العلاقات المحرمة والزنا ونقص الحياء.لكن الحلال راه صعيب بزاف!!!!!.
وأخر شيئ نتمنى الاخوات يجاوبوني كيفاه البنت تبقى مع علاقة بشخص عام وعامين او اكثر وغير يتقدم واحد عندو المال او احسن منو تبدلو مع العلم انوكانت تربطهم علاقة حب صادقة ونية تاع الزواج الا الظروف كلنا نعلموها للشاب من عمل وتوفير المال للتقدم للفتاة. سبحان الله الراجل درك تقدرت عليه وحب وحدة بنية الزواج ويقول غير هي ولا مكانش والبنت تقول عمري ولانسمح فيك وغير نتى راجلي و تبقى غير تبكي وحابك تخطبني وغير يتقدم واحد واجد تقولو المكتوب ماكتبش وتتبدل 180% وعادي !!!!!!!!!!!! تعيش مع راجل غيرو والشاب هو رجع يتعقد ويقول مانتزوجش حبيت وحدة وخدعتني والبنت تخرج مع 10 ومن بعد تتزوج وعااااااااااااااااااااااااادي. لكن الحمد لله مازال كاين بناتوولاد الفاميلا ولو القليل.

[sali-sali]

السلام عليك

المشكل مش غير في الفتيات حتى الاولاد ولهم دخل

عن نفسي واحد يحب وحدة يروح يخطبها مايبقاش يطول في الوقت..ادا قبلت وكانت من مكتوبه ربي يبارك...ماقبلتش ولامارضاش بشروطها خلاص من لول كل واحد يروح في حالو ...خير من لي الوقت يضيع بلا فايدة

[نيل المنى]

و أنا واحد اللي يعرف أصلي و فصلي و يقول لي حبيت نخرج معاك عامين و من بعد نخطبك،ما عندي ما ندير بيه لأنه يعرفني و يعرف أهلي جيدا و لما يضيع لي وقتي في الشبهات و الخرجات اللي ما عندها معنى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ام سارة 285]

يا اخي المشكل في كلش في البنات في الرجال في الوالدين في المجتمع في العادات و التقاليد في التلفزيون في الانترنت في الدولة في كلش ربي يستر و يهدي ما خلق

[nibrasse76]

خليهم يشبعوا من رايهم ...وعندما يستفيقوا ...سيجدون انفسهم لوحدهم يصارعون الهلاك ؟؟ هذا هو ما يسمى ب " عمى القلوب " خلي يغرقو

[ريم الفلى]

أسفة اخي لكن المشكل ماهوش في البنات برك المشكل تاني راهو في الولاد
انا نعرف بزاف بنات خرجو مع ولاد بنية صافية ورفضو شحال من راجل على جالو لكن هو ولا علابالو كل مرة يدير سبة مرة معنديش السوارد مرة معنديش خدمة مسقمة مرة معنديش دااااااار ومرة ومرة زهكذا والطفلة غير تستنى وتكبر تولي تقبل بواحد وخلاص المهم تنستر مي الراجل يكون مزال عندو الوقت وحتى قادر يجيبها بنت 16 سنة ومطفرة غير في الطفلة
المهم هذي نتيجة العلاقة المحرمة كون من اللول عجباتك وحدة بين روحك واذا كانت مكوتبك تديها تديها حتى واذا كانت كل الضروف ضدك واذا راك عاجز باش تبين روحك خليها في حال سبيلها متضيعش الوقت وتذكر باللي كيما راك تدير في حريم الناس ربي يخلفهالك في حريمك

[mamia20]

اخي المشكل راه في الشباب و البنات و الوحد كي يبغي بنت يروح لدارهم للان العلاقة كي طول تول فيه المشاكل و الفساد الله يهدينا برك و رجل الصلح يدي بنت صالحة

[soha1987]

المشكل فالرجال اي بنت تحب الحلال حتى ولو كانت ماش مليحة تحب تستر روحها مي الراجل كرشو كبيرة قبلت بيا هادي مالا نشوف وحدا وهكدا والمسكينة يروح عمرها ويطفرها فيها نقولك الرجال مايحبوش وحدا لي تضحي يحبو وحدا لي طحتو فالامر الواقع وتشبعو مرار اذن مرة ليكم مرة لينا وقصص الغدر منتشرة بكثرة بين الرجال والواقع يحكي
ليس كل النساء متشابهات

[fatimabo]

انا انشوف بلي الرجال هم الي بدلوا في لبنات ويخدعو فيهم ، ايشوف هدي وايقلها نحبك ، وكي اتبان اخرى ايبدلها ويهملها لانها احسن منها في شيء او اكثر وينسى بلي قال لاولى نحبك .الله يهدي شبابنا ، كاين الى طامع في وحدة خدامة واخرى عندهم المال وغيرها .

[لجين93]

انا في رايي اي شاب يحب وحدة يروح لدارهم و يطلب ايدها بطريقة الشرعية

[moslihe29]

الله يستر على لبنات مسلسلات الاتراك دارو فينا حالة انا الحمد لله ما تتبعهمش باش بناتى ما يعملوش كبفى ويفسدو البنت عندهم تحب راجل عادى تخرج معاه عادى تقيم علاقة عير شرعية عادى تنجب من الحرام عادى تربى ابنها وحدها عادى كل المشاكل الى يعانى منها الشباب والبنات سببه المسلسلات ربى يجيب الخير برك ويستر على لبنات

[samer khalifa]

نتيجة العلاقات المحرمة علاه ديرو فيها من الاول

[jiji_"]

المشكل ماشي فالبنات و لا فالشباب المشكل راهو فالانسان الي مايديرش نية صافية و القلب الي موالف يخدع يجي النهار و ينخدع و الله يحفظنا من هاذ العباد

[أحبك يا الله]

علاه متقولوش الطفل هو اللي يلعب ببنات الناس؟؟ .........ذركوفي هاذا الوقت متلقاش طفل صح ناوي يحب يعمر نهاراتو باللعب ببنات الناس ..... وقللليل متلقا واحد صح ناوي ......

[khalil31]

المشكل ماشي فالبنات و لا فالشباب المشكل راهو فالانسان الي مايديرش نية صافية و القلب الي موالف يخدع يجي النهار و ينخدع و الله يحفظنا من هاذ العباد

يعطيك الصحة غير هدي قالت كلمة تاع حق

[khalil31]

أسفة اخي لكن المشكل ماهوش في البنات برك المشكل تاني راهو في الولاد
انا نعرف بزاف بنات خرجو مع ولاد بنية صافية ورفضو شحال من راجل على جالو لكن هو ولا علابالو كل مرة يدير سبة مرة معنديش السوارد مرة معنديش خدمة مسقمة مرة معنديش دااااااار ومرة ومرة زهكذا والطفلة غير تستنى وتكبر تولي تقبل بواحد وخلاص المهم تنستر مي الراجل يكون مزال عندو الوقت وحتى قادر يجيبها بنت 16 سنة ومطفرة غير في الطفلة
المهم هذي نتيجة العلاقة المحرمة كون من اللول عجباتك وحدة بين روحك واذا كانت مكوتبك تديها تديها حتى واذا كانت كل الضروف ضدك واذا راك عاجز باش تبين روحك خليها في حال سبيلها متضيعش الوقت وتذكر باللي كيما راك تدير في حريم الناس ربي يخلفهالك في حريمك

الاه يهديك ختي قري الموضوع مليح وقولي رايك راني نشوف الكل حكم على الراجل هو الغالط وهو السبب في المشكل ياك الكل رانا عايشين في المجتمع الجزايري ورانا شايفين المرأة كيفاه رجعت (ها حتى واذا كانت كل الضروف ضدك واذا راك عاجز باش تبين روحك خليها في حال سبيلها متضيعش الوقت وتذكر باللي كيما راك تدير في حريم الناس ربي يخلفهالك في حريمك) اما بخصوص هدا الكلام للأخت ريم .....الحمد لله عمري ولا تمسخرت بوحدة لأني مانرضاهاش لختي ولا لبنت في المستقبل والله على ماأقول شهيد لانو ماشي قاع الرجال كيف كيف