كلمة بخصوص التصويت في المسابقة [الأرشيف] - منتديات الجلفة لكل الجزائريين و العرب

مشاهدة النسخة كاملة : كلمة بخصوص التصويت في المسابقة

إلهام07

2013-04-15, 09:34

السلام1

أخواتي أردت فقط أن أقول كلمة حق في قسم المسابقة

أولا :
* لما تصوتو شوفو المواضيع بتمعن باش ما تظلموش المتسابقات لما تصوتو لأحسن طبق ، العضوات راهم تعبو بزاف في إعداد الأطباق و كتابة المواضيع

ثانيا :
* أيضا صوتو بشكل موضوعي ، يعني حكمو عقلكم وليس مشاعركم في التصويت
صوتو لأحسن طبق شفتو فيه إبداع ، ماشي للأخت للي تحبوها أكثر أو تربطكم بها صداقة
أنا مثلا في الطبعة الثانية و الأولى ماصوتش في كل المراحل لأم رامي مع أنها مبدعة وكامل نحبوها ولكن في مراحل شفت أخوات أبدعو أكثر وتفننو وتعبو أكثر فصوت عليهم .
لازم النتيجة تكون لاحسن الأطباق وللشاف المتميز واللي تعب وأبدع أكثر ماشي للعضوة الأكثر شعبية في المنتدى وإلا لازم نبدلو عنوان المسابقة.

أم ماجد نبهتني ل2 نقاط مهمة ، لازم تذكر :
1- إذا كان الشخص اللي نصوتو عليه صديقنا وفي نفس الوقت عجبنا الطبق وشايفينو يستاهل التصويت طبعا هذا مفروغ منو لانو هنا راهي حرية تصويت وكل واحد ورأيو في الموضوع
2- إذا كان شخص صوت على عضو من باب الصداقة فالعضو لا ذنب له

بصح ثاني :
واش ذنب الاعضاء الجدد اللي ماعندهمش شعبية كبيرة :confused: ، هذا المشكل ممكن يأثر عليهم ويخليهم مايزيدوش يشاركو في المسابقة ومن هنا المسابقة رايحة تفقد المصداقية نتاعها

أخواتي تقبلو مروري و اعلموا أن الهدف الوحيد من هذا الموضوع هو الارتقاء بمنتدانا للأحسن

قبلاتي للجميع

أم ماجد

2013-04-15, 09:58

أم ماجد

2013-04-15, 10:16

حتى انا نضحك معاك حبيبتي وادا كنت ضايقتك بكلمة برلمانية نسحب كلامي والله نحس روحي اختكم ونتكلم معاكم بدون سوء نية
ربي يدوم المحبة انشاء الله
لالا ما قلقتنيش عارفة نية السليمة وطيبة قلبك
وعندي روح رياضية عالية جدا زعمة زعمة نامن بالديمقراطية والله حابة نخلق جو فكاهي فقط
احبك شاف الوهرانية صدقيني تستحقين شاف دون مسابقة وجه لخروف معروف :19:

هدفنا وغايتنا واحدة هي الافادة والاستفادة

ماهي الا مسابقة فقط عادية انا حسب رأيي المتواضع
الذوق هو الفاصل الحقيقي بين الاطباق واش رايك يا لحبيبة ؟:confused:

إلهام07

2013-04-15, 10:34

راني هنا ، بغير الجلفة وين نروح ههههه

إلهام07

2013-04-15, 10:35

بصح تعرفو حاجة ، ام ماجد عندها الحق ،
لازم عدد الأطباق يكون محدد ، لازم المشرفة تفهمنا في هذا الصدد

nina**

2013-04-15, 11:30

يعطيك الصحة الهام علي الكلام الرائع
عني رائي بما يخص الاطباق لاحضت البعض يقوم بعدة اطباق صح فيها تعب لاكن بدون معني واسفة من المشتركات علي كلامي
انا من راي تتقيدو بطبق واحد ويكون مميز

إلهام07

2013-04-15, 11:37

يعطيك الصحة الهام علي الكلام الرائع
عني رائي بما يخص الاطباق لاحضت البعض يقوم بعدة اطباق صح فيها تعب لاكن بدون معني واسفة من المشتركات علي كلامي
انا من راي تتقيدو بطبق واحد ويكون مميز

أوافقك الرأي ، ولكن ماشي أطباق بدون معنى ، بصح يصبح مثل تحايل ، يعني تقديم عدة أطباق يخلي اللي مايعجبوش الأول يصوت على جال 2 أو 3 ، ولكن لازم نفهمو أن العضوات داروها عن حسن نية ولازم حنا ديما نحسن الظن ببعضنا لذا
كان المفروض يكون توضيح لهذه النقطة من قبل المشرفات قبل البدء في المنافسة

serine alger

2013-04-15, 11:54

والله نشكرك بزاف على هذا الموضوع لأنو كان في راسي.وأنا لما نجي نصوت نشوف الطبق الي راني حابة نجربو. شكرا أختي

أم ماجد

2013-04-15, 11:55

أوافقك الرأي ، ولكن ماشي أطباق بدون معنى ، بصح يصبح مثل تحايل ، يعني تقديم عدة أطباق يخلي اللي مايعجبوش الأول يصوت على جال 2 أو 3 ، ولكن لازم نفهمو أن العضوات داروها عن حسن نية ولازم حنا ديما نحسن الظن ببعضنا لذا
كان المفروض يكون توضيح لهذه النقطة من قبل المشرفات قبل البدء في المنافسة
كاين شروط للمسابقة ارجعي ليهم لازم طبق واحد في الموضوع
اسم المنتدي واسم العضو كاين شروط وقريناهم ابحثيلي عليهم حنونتي:sdf:

الحركاتية

2013-04-15, 12:03

وأنا نوافقك إلهام في اقتراحك ونوافقك أنت ثاني أم ماجد

وربي يوفق الجميع

السَّحابة البيضاءْ

2013-04-15, 12:10

السلام عليكم

أكيد يجب أن يكون التصويت بكل موضوعية في الآخير الفائز هنّ العضوات لآنهن كسبن أسرار الطبخ من كل ربوع الجزائر وهذا هو هدف المنتدى ألاول كسب خبرات معارف جديدة

على أن تنتبه القائمات على المسابقة للعضويات التي سجلت بعد طرح المواضيع المُشاركة وحذفها من نسب التصويت هكذا يكون هناك مصداقية

وبالتوفيق للجميع

مرام 1987

2013-04-15, 12:14

Sah klamak hlo ki la3sal ilhamm hanona wana dima yakolni galbi w ngoul hado lah ysawto hakda yhabo ysawto 3la chakhss machi 3la tabak ana ngolak sah f tab3a li fiha om rami masawatch 3liha f ba3d atbak kima golti nti lgit kaynin akhawat abda3o khir manha w talgahom ygolo ana nastana om rami akiiiid raha tabda3 w nsawatalha bassah aki mazal machafti walo kifah tsawti 3la rih
Natmana ywali sahib tabak majhoul hakdali ysawat 3la tabak mala3balouch ta3 man hadak plat

إلهام07

2013-04-15, 13:00

شكرا عسولات على المشاركة ، خايفة جيني أم كوثر تقولي ركي مدايرة انقلاب عسكري هنا ههههه:sdf::sdf::sdf::sdf:
أم ماجد ، هاهي القوانين ، مافيهاش طبق واحد :confused:
http://www.djelfa.info/vb/showthread.php?t=1262755

الأمنيات

2013-04-15, 13:04

بارك الله فيك اختي على التنبيه في محله

أم شيماءْ

2013-04-15, 13:09

كلمة في محلها الهام وانا معاك في الي قو لتيه

أم ياسين الزهراء

2013-04-15, 13:25

انا معك الهام مانحبش الجهوية ومانحبش هذي صديقتي وهدي 0000000000000 خلوها مسابقة مثيرة ونستفادو الكل

وكيما قلتي تعجبني ام رامي ونحترمها فوق الازم بصح ماصوتش لاطباقها عادي المحبة بجيه والمسابقة بجيه

sahima

2013-04-15, 13:35

يعطيك الصحة
ملاحضة في محلها

*رفيقة الدرب*

2013-04-15, 13:38

كلامكما عسل حبيباتي لكن ماذنب اي متسابقة فينا
وليس شرط اذا كانت واحدة تحبيها ما تصوتيلهاش لانها صديقتك

لاحظت وجود عضوات جديدات سجلن امس فقط وبدان في التصويت

ايضا وجود عدة اطباق في موضوع واحد وهذا مخالف لقوانين المسابقة حسب علمي
ارجو من لمشرفات يوضحولنا الامر هذا
هدفنا واحد هو الافادة فقط اذاكان هناك جهوية وصداقة انا شخصيا افضل الانسحاب حالا

انا معاك اختي الوهرانية بتقديم المواضيع مسبقا لانني البارح عانيت من النت والكهرباء كثيرا

اختي الوهرانية انا فقط حبيت نضيف جو من المرح والفكاهة للمسابقة لا برلمانية لا والو ههههههههههه

بصح تعرفو حاجة ، ام ماجد عندها الحق ،
لازم عدد الأطباق يكون محدد ، لازم المشرفة تفهمنا في هذا الصدد

يعطيك الصحة الهام علي الكلام الرائع
عني رائي بما يخص الاطباق لاحضت البعض يقوم بعدة اطباق صح فيها تعب لاكن بدون معني واسفة من المشتركات علي كلامي
انا من راي تتقيدو بطبق واحد ويكون مميز

أوافقك الرأي ، ولكن ماشي أطباق بدون معنى ، بصح يصبح مثل تحايل ، يعني تقديم عدة أطباق يخلي اللي مايعجبوش الأول يصوت على جال 2 أو 3 ، ولكن لازم نفهمو أن العضوات داروها عن حسن نية ولازم حنا ديما نحسن الظن ببعضنا لذا
كان المفروض يكون توضيح لهذه النقطة من قبل المشرفات قبل البدء في المنافسة

كاين شروط للمسابقة ارجعي ليهم لازم طبق واحد في الموضوع
اسم المنتدي واسم العضو كاين شروط وقريناهم ابحثيلي عليهم حنونتي:sdf:

شوفو حبيباتي نفهمكم حاجة واحدة على هدي تاع تعدد الاطباق
مثلا الاخت zhoor او بسملة فرح ماشي عيب كي دارت شحال من فكرة في مرة واحدة ما هو لا عيب لا حرام يعني ضربت عصفورين بحجر اولا شاركت في المسابقة و حبت تربح
ثانيا ابدعت و وفقت يعني حاولت قدر المستطاع تخرج كل امكانياتها و ابداعاتها و تحطهم في منتدانا من اجل الرقي انا شخصيا تعلمت من موضوها بزاف يعني انا مبتدئة و بموضوعها تعلمت شحال من فكرة في ما يخص الابداع بالمعجنات
انا ما دابيا مادام طرحت مسابقة الطبق الرئيسي ب ليبات كل المشتركات يحطولنا كامل افكارهم باه ندو le maximam منهم من الافكار و ابداعاتهم خاطرش ماغاديش يعاود يطرحو الطبق الرئيسي ب ليبات مادا بينا نوعو في الافكار و هدا كله لاجل الرقي بالمنتدى
انا نفرح كي نلقى وحدة حطت شحال من فكرة باه تعلمنا و تفهمنا العيب هو في اللي تحتكر الافكار و تخليهم ليها وحدها لصح كيما زهور و بسملة الله يعطيهم الصحة و العافية حتي الوهرانية يعني نوعو و علمونا بزااااااف
حتى الاخت ام ماجد دارت فكرتين الله يبارك
قارنو بين هده المسابقة لي فيها عدة افكار للرقي و التعلم
و بين مسابقة بنفس عدد الاشخاص و كل شخص بفكرة واحدة
قارنو كم عدد الافكار بين المسابقتين شوفو الرقي وين غادي يولي و شحال غادي نتعلمو من فكرة
اشير ايضا لحاجة مهمة الاخت بسملة راهي قالت في موضوعها بلي بنتها غبنتها و كانت مريضة يعني قسمت افكارها و كانت كل يوم تخدم حاجة اه تكون قد المقام باه تنافس ام ماجد و الوهرانية و ...........
لي يبغي يدير الحرب هههه يعني المسابقة يوجد روحه بكامل طاقته و كل امكانيته مايدخلش للمعركة غي بالحجرة يدي الحجر ة و الرصاص و السكيييين ........وو........و....و باه يربح ههههههههههههههه سامحوني هدا غي باه تفهمو كلامي
يعني في كرة القدم مايليقش تسجل هدف واحد باه تربح خصك تحاول تسجل اكبر عدد ممكن من الاهداف هدا ما يطابق مسابقتنا .............. هههههههه نتمنى تفهموني
ما تزعفوش منيييييييييي رانا خواتات و ماعليش اسيدي نحن المبتدئات رانا نقولولكم حطولنا كامل الافكار باه نتعلموووووووووو رانا داخلين المنتدى باااااه نتعلمو منكم
سلااااااااااامي لحبيباتي المشتركااااااات اتحفوووووووناااااااااااا بالورقااااااااااز

*رفيقة الدرب*

2013-04-15, 13:41

حبيباتي ،
ام ماجد : الوهرانية ماتقصدش ، خلاص رانا نعرفو عقلية بعضانا ضرك ، راهي غير تضحك ماديري في بالك والو
بالعكس ، الحملة نتاعك أضفت جو غير عادي من المرح على المسابقة اللي عادة تكون فيها الأعصاب مشدودة

أنا حطيت الموضوع هذا لأنني لاحظت أنو كاين أخوات ممكن يكونو ماعندهمش صداقات كثيرة في المنتدى او مواضيع كثيرة ولكن تعبو في الإعداد و أبدعو في الأطباق ، لازم ياخدو فرصتهم
على سبيل المثال : لو تدخل ام رامي المسابقة وتعمل طبق و جي أخت مثلا بسملة فرح تعمل أحسن منو ، كامل يصوتو على ام رامي
هنا ماولاتش تصويت على أحسن طبق :rolleyes: فهمتوني :confused:

أحيانا حتى الشاف المحترف ، كيما قالت الوهرانية أنها ما قدرتش تقدم أحسن ماعندها بسبب ظروف العمل و ..... ، حتى الشافات ممكن أحيانا مايكونوش في أحسن أحوالهم وممكن عضو جديد يتفوق عليهم .

لازم نركزو على الطبق ماشي صاحبة الطبق وعجبتني فكرة أن الطبق يكون مجهول الهوية أختي الوهرانية :19:

تحيااااااااااااااااااااااااا الهاااااااااااام حبيبة الكل
يسلم فمك يسلم فمك يسلم فمك يسلمم فمك

صوتو على الاطباق و الافكار الجديدةة لي استفدتو منها ماشي علىى العضو في حد داااته
اشكرك الهاااااااااااااااام حبيبتييييييييييي

souma.f

2013-04-15, 13:59

كلامك صواب الصواب الوحدة منا لازم تكون موضوعية لانو في الاخير المنتدى هو اللي رابح و احنا كامل مستفيدين من الابداعات
ربي يوفق كل المشتركات و يزيدوا يمتعونا أكثر و اللي تستاهل هي اللي تدي اللقب

*رفيقة الدرب*

2013-04-15, 14:04

إلهام07

2013-04-15, 14:11

*رفيقة الدرب*

2013-04-15, 14:18

شكرا عزيزتي dadou
عجبتني وجهة نظرك ، حنا فقط قلنا كان المفروض يكون توضيح فقط في هذا الخصوص ( نتاع طبق واحد أو أطباق متعددة )
بالعكس ، عجبوني بزااااااااف أطباق zhor و basmalah رووووعة وفن :19:

شكرا حبيبتي
المقصود من المسابقة نعينو شاف مطبخنا و في نفس الوقت نتعلمو من المسابقة قدر المستطاع من الافكار الجديدة سواءا في التزيين او الطبخ او التقديم في ان واحد

أم ماجد

2013-04-15, 14:21

شكرا حبيبتي
المقصود من المسابقة نعينو شاف مطبخنا و في نفس الوقت نتعلمو من المسابقة قدر المستطاع من الافكار الجديدة سواءا في التزيين او الطبخ او التقديم في ان واحد
اختي دادو ضرك نروح ندير لك 20 طبق واش قلت :sdf:

أم ماجد

2013-04-15, 14:23

ام ماجد تقدري تقدمي عدة افكار في موضوع واحد وتقدميهم في صحن واحد او صحنين وتكون الافكار منسجمة والمكون السري ظاهر فيها
ونصيحةمني ما تكثروش الافكار بزااف حتى مايفقدش الصحن الشارم نتاعه
يعني فكرة كبيرة هي الاساس معاها افكار صغيرة هي الرتوشات
وبالتوفيق

هذا كلام ام رامي وليس كلامي انتبهوا جيدا

*أم كوثر*

2013-04-15, 14:24

السلام عليكم
من المفروض قوانين المسابقة معروفة وتعودتوا عليها

بمان المكون واحد يفضل طبق واحد
معليش الاخوات دارو اكتر من طبق لكن هدا لا يؤثر
منا وجاي المجال راه مفتوح ليكم
لكن هدا مش سبب يخلي الوحدة تنوع بلافايدة لازم التناسق
وحسب رايي فكرة وحدة في طبق واحد احسن
لانه كي تكتر الاطباق والافكار راح يتشتت تفكير لي رح يصوت على الطبق
حاجة وحدة ومتحوفة تكفي والاختيار لكن

تانيا
بخصوص المسجلات الجدد واللي شاركوا بالتصويت
هناك ملاحظة في الصفحة الاولى من التصويت
تحدف كل اصوات المسجلين الجدد
يغلق الموضوع حتى لا يؤثر على سير المسابقة