نصيحة

[sam32]

نصحوني كيفاش نقنع اختي باش تنحي l'angagement من راسها للعلم هي حابة تدخل في الدرك الوطني انصحوني

[sam32]

من فرج كربه عن اخيه المسلم فرج الله عنه كربه من كربات يوم القيامه

[dridi laid]

يا اخي نصيحة لوجه الله غير كلها مدتخلش لهدا الكور راه واعر ياسر خاصة لببنات انا دخلت الكور هادا باش نعقب العامين راه جحيم بكلو وهدا اعتقادي ان البنات خطيهم العسكر وهدا واش تربينا عليها اما علي الناس الاخري ربي يسهل عليهم هدا في اعتقادي اما بالنسبة للنصيحة الاخيرة انو الدرك الوطني مافيهش التمسخر امر طبق الحنان والرحمة مكانش واغلب الي شوفتهم في المدرسة تاع الدرك الوطني عجايز ماشهم مزوجين خلاص

[sam32]

شكرا اخي
اريد نصائح لمنعها
حاب نعرف واش ايدور في السكتورا لدرك الوطني خاصة للبنات ,حاب نعرف واش الي مليح,واش الي ماشي مليح في الدرك .
مع العلم ان اختي تدير الحجاب او هاذ العام تجوز الbac

[SRAOUI]

salem ya sahbi el dgedarmia pour les filles raha ghir fosk et taharoch, la majorité ta3 les filles f djadarmia ida makhademouch f 3iyada yakhdemouhom des plontos ya3ni yarfado kahwa o thé el kiyada roh cheraga o chofhom, na3tik nassiha ahdar m3aha et puis 3ayat 3aliha wida mabghatach el darb yajouz, saha

[SRAOUI]

el hijab lazem atnahih et en plus sortié ta3 la bnat en mini_jup, et atlab rabi matadich el bac psq les fielles yahtajohom officier et sous officier

[riadh génie civil]

الديوث لا يدخل الجنة ...
علبالي بلي نتا ما تحكمش فيها مي وينو باباك وإذا نتا المسؤول عنها كسرلها راسها
وين راهم الرجال ياااااااااااااا

نورمالمو هاد الحاجة تحشم حتى ديكلاريها مي واش نقول
ما بقاوش رجال

[sam32]

يا اخي هذه البنت ليست اختا لي من ابي وامي, في الحقيقة هي بنت نعرفها كنت نعاونها في قرايتها بالنسبة لي هي اختي في الله
الان كي قاتلي بلي راهي ناويا l'angagement زعفت عليها او بعدت عليها بصح كي نتلقاو في الطريق تغيضني بزاف
كي نهدر معاها تقولي "l'angagement c mon réve"و تقولي حابة نعاون la famille تاعها
راني خممت نهدر معاها او نسيي نقنعها و نوريلها واش لي ما تعرفش علا l'angagement
pour les filles
راني حاب من خواتي ايعاونوني
يعطيكم الصحة

[riadh génie civil]

يا أخي الحلال بين والحرام بين

المرأة إذا راحت ل engagement راهي تعرف مصيرها يعني إذا راهو حلمها راهي تعرف جميع أبعاد هاذ الخدمة ولا الحلم كيما راها تقول إذا هي راضية تولي أرخص حاجة زعما نتا راح تبدللها رايها
راهي ماهيش مطولة ان شاء الله يبداو يظهرو جماعة اللحي ويخلطوها غيييير هوما اللي مازال عندهم النخوة وقلوبهم حارين.
طحنتونا ياااااااااااااا طحنتونا

[dridi laid]

غير الدرك الوطني مقبرة النساء

[!?زين الدين?!]

الله يهديها

[رؤوف 1990]

khouya matkhafech 3liha khlas bac ay matekdarch todkhel bih l jendarmerie més lazem tfahemha tna7ih men balha khlas walah khatiha mahma tkoun 9awya w tosber w.............
walah matakder khou w rah tet3eb bzef
khedmethom f idara

[sam32]

اليوم قصرت معاها او قلتها لكلام الي كتبوه خواتي او كي هدرتلها على الحجاب حارت واش تقول
من بعد قاتلي (علاش راكم تهبطولي في المورال )
يا خاوتي و الله راني نسيي معاها باي وسيلة او مدبيا تعاونوني
حفظكم الله

[سفيان31]

حكم تجنيد المـــــــرأة في الجيش (للفوزان ) ... والتعليق والتوضيح على ذلك من أحد طلبته ...

تجنيد المرأة في الجيش

السؤال: ما حكم تجنيد المرأة في الجيش، وهل هو تشبه باليهود والنصارى؟

الجواب: لا يجوز تجنيد المرأة في الجيش؛

♦ المرأة ليست من أهل الجهاد،

♦ وهذا تكليف لها ما لا تستطيع،

♦ وتعريض لها للفتنة والشر،

♦ وإخراج لها عن أنوثتها.

تكليف لها بعمل الرجال هذا لا يجوز، وهذا من عمل الكفار ما هو من عمل المسلمين، المسلمون لا يجندون النساء، لا يجندون النساء، إنما هذا من عمل الكفار أو من عمل العرب الذين هم على طريق الكفار من الشيوعيين والبعثيين وغيرهم لا يحتج بهم . نعم

[سفيان31]

صراحة اخي احنا فى الصحراء المراة الى تبات برا ماتخممش ترجع للدار

ربي يهديها ويهدينا

[the gave]

ممكن ظروفها العائلية جعلتها تلجأ لهذا الحل لكنه بالطبع هو الحل الخطأ
حتى لا ندخل في التفاصيل عليها أن تعلم أن البنت إذا ذخلت في هذا المجال ستخسر الكثييير لتفوز بالقليل واللبيب بالإشارة يفهم
حاول أن تقنعها ولك الأجر ان شاء الله

[gestion2009]

partagez au maximum les amis https://fbcdn-sphotos-a-a.akamaihd.net/hphotos-ak-ash3/536931_10201003564036994_241444703_n.jpg

[sam32]

راني نسيي معاها والله ولي التوفيق

[mechakou]

سلام عليكم
ياأخي هادي راهي مازالت في مرحلة المراهقة و ماراهيش فاهمة الدنيا مليح
يوجد حلين حسب رأي المتواضع
تفهمها حول الحكم الشرعي لهاته المسألة و تبين لها الموضوع من كل جوانبه
و إذا غلقت راسها و هي الحالة المتوقعة استعمال الأساليب الردعية
و شكرا

[hiktuor]

الي حابا تدخل للدرك انا نقله غير ادفعي الملف راهم بداو من الاثنين 08 افريل امالا ازربو ادفعو الملف ومبع انتضرو 08 باه تفوت لافزيت عند الطبيب وانا شايف انو الدرك مليح للبنات اكثر من الامن العمومي هم يدخلو غير ضباط فما فوق ودرك راهم يدفعو تع الرجات بنسبا للرجال المستوى البكالوريا/اما الي باقيلها عام وتتخرج انا نقولها ادفعي الملف فالمجموعة الولائية التا بعة لها ثم انتضري هم يعيطولك بعد06 شهر تكوني ادتي ليسانس تفوت لافيزيت ومنبعد تنتضري شهرين و حتى تنتهي مدة التحقيق وتدخلي نبشان وملاحضة الضابطاة يخدم غير الدا خل ما همش كما البوليسيات تع الطريق يعني عندهم قيمة ودرك الجا معيات يدفع شهادة مدرسية نتاع الثلثة جامعي او الثانيةاذا كانا نضام ا ل م د ي/ومن بعد في فيفري القادم يدو ليسانس معهم كيستدعهم للفحص

[sam32]

يا اخي راني نستنا مساعدة باش انحي هاذ الفكرة تاع l'angagement من راس الطفلة وانت تقولي
الدرك مليح للبنات
راني نستنا في رايكم يا اخوتي

[sam32]

وين راكم يالي خدمو في الدرك احكيولي قولولي انصحوني باش نقنع البنت تبدل رايها على l'angagement
الله يرحمكم والديكم

[nounou-19]

لهذا السبب ضااااااااعت الجزائر
الرجال ما كانش

[nounou-19]

وين راكم يالي خدمو في الدرك احكيولي قولولي انصحوني باش نقنع البنت تبدل رايها على l'angagement
الله يرحمكم والديكم

يا خو أنت راك في عقلك ؟؟؟ أحشم على روحك ، راك بخست بالرجال .
اذا كانت اختك صح ماتخليهاش تخدم لوكان تخلى واذا كانت اختك في الله فانصحها بأنها مهنة للرجال وفيه تخلاط مع الرجال وفيها تعاب بزاف واذا ماسمعتلكش خليها ادير واش تحب مادام عندها أهلها

[Buffalo]

.و راك مصحح وجهك؟

عطيها بكف تشوف ادا زادت خممت فالجيش .. الجيش راه الرجال و ماقدرولوش , تحوس مرا .. و الكومندو يطمع فيها و الجنرال يحوس عليها .. و الكابيتان يعس فيها .. ايا خلينا من دالهدرة و كونك راجل و امنعها ديراكت و استرها فالدار حتى يجي مكتوبها .. خير ملي تخرج و تتبرج تبرج الجاهلية الاولى

[SRAOUI]

kho rak tka3ad bina hada machi sujet tajabdo fi wast erajal, madametek raha tliquidi fik imala afham rohak, raha karhat wila tba3ad 3alih balak t'annuler

[yassine.inf]

الله يهديها

[sam32]

.....................????

[ala_mobile]

ربي يهدينا......

[sam32]

ما هو الحكم الشرعي للمرأة المجندة في جميع أسلاك الأمن