الآلات الكهرومنزلية الضرورية بكل بيت [الأرشيف] - منتديات الجلفة لكل الجزائريين و العرب

❣سڪڕ❣

2013-04-14, 14:19

أخواتي أريد من كل وحدة تمدلنا الآلات (لي روبو) اللي عندها ونافعينها
واللي لايمكن لها الاستغناء عنهم
وإذا ممكن صور

ام نسمة

2013-04-14, 17:30

ايه اختي عندي روبو مولينيكس وما نستعملوش بزاف وعندي رحاية ساب صغيرة ونستعملها بزاف شريتها ب 380الف وعندي باتور زائد مكسور مولينكس فرونسي خلصتهم ب 600 الف ومولينكس رحاية لحم وفيها اكسسوارات السلطة والكبة شريتها بمليون وعندي كافيتيار تاع قهوة ومانستعملهاش تخرجلي القهوة خفيفة بزاف وتدي بزاف البودر ونتمنى الاعضاء الاخرين يفيدوك اكثر

Daylight

2013-04-14, 18:58

موضوع مهم نرجو من الاخوات الافادة

shincus

2013-04-14, 22:11

السلام عليكم، بغرض تأثيث المنزل ، أريدمعرفة آرائكم جول التجهيزات:

1- أفضل آلة للغسيل : LG أو Samsung أو شيء آخر

2- أفضل ثلاجة بسعر معقول : Condor ؟

3- أفضل آلة طبخ: brandt او Ariston أو Condor او شيء آخر ؟

4- أفضل جهاز استقبال معقول السعر: Forever 9520 أو Atlas HD100 أو geant 2500 HD؟ أو شيء آخر

5- أحسن الآسواق لشراء الأثاث المنزلي وخصوصا غرف النوم ؟ وبأفضل الأسعار

ملاحظة: انا من الشرق الجزائري

شكرا وبارك الله فيكم

جسور المحبة

2013-04-14, 22:32

افضل الغسالات Artur martin اما الطباخات Enierm والشي لوخر نتي وزهرك ممكن ماركة الناس كامل تشكر فيها ما تصلحش عندك والعكس صحيح وتاني الاستحفاظ

bibicha

2013-04-15, 12:54

عندي عجانة kenwood موحال نستغنى عنها و ميكسور seb نستعملو هو و الباتور عندي رحاية نتاع لحم نستعملها نادرا و عندي رحاية كهربائية نستعملها بزاف و روبو مولينكس نستعملو بزاف عندي ماكنة قهوة لكن شريتها خصارة ماتعجبنيش قهوتها و عندي yaourtiere sebمليحة ندير بيها ياووغت فالدار

nadia_24

2013-04-15, 15:06

عندي عجانة kenwoodوهي اليد اليمنى ولا يمكن الاستغناء عنها

shincus

2013-04-15, 22:49

السلام عليكم، بغرض تأثيث المنزل ، أريدمعرفة آرائكم جول التجهيزات:

1- أفضل آلة للغسيل : LG أو Samsung أو شيء آخر

2- أفضل ثلاجة بسعر معقول : Condor ؟

3- أفضل آلة طبخ: brandt او Ariston أو Condor او شيء آخر ؟

4- أفضل جهاز استقبال معقول السعر: Forever 9520 أو Atlas HD100 أو geant 2500 HD؟ أو شيء آخر

5- أحسن الآسواق لشراء الأثاث المنزلي وخصوصا غرف النوم ؟ وبأفضل الأسعار

ملاحظة: انا من الشرق الجزائري

شكرا وبارك الله فيكم

❣سڪڕ❣

2013-04-16, 12:42

وشنو لي روبو تاع الكوزينة اللي نحتاجوهم في الطبخ ؟

ما هي الأشياء النافعة والتي ترونها ضرورية ؟

أرجو التفاعل والمشاركة من أجل نفع الغير

sahrawiyapure

2013-04-17, 13:24

اه واش نقول و واش نخلي اولا لكويزينيار والفور عفيفي كيما بقولو وتاني تاع الكعرباء عادي تقدري اساغني عليها بصح الشواؤ فيها روعة العجاااااااااااااانة ام العجااااااااااانة واكون من لي غيهم بزاف العمليات باتور والميكسور وترحي وتخلط وتقطغ كاينين ف كينوود

دلال بنت الرجال

2013-04-17, 19:34

شكرا على الموضوع الشيق
فقط بالنسبة للثلاجات ففي بيتنا ثلاجة ماركة brendt و الله روعة خاصة من ناحية التبريد نحطوا فيها شيئ 5 دقايق يولي مثلج
الكويزينيار عندنا اونيام مليحة
الكلبماتيزار عندنا كيوا مش بطال كيما يقولوا ههههههه

اكرام1998

2013-04-17, 22:23

مشكورينننننننننننننننننننن

shincus

2013-04-23, 22:15

مشكورين على الردود، في انتظار مداخلات أخرى

❣سڪڕ❣

2013-04-24, 16:10

عندي عجانة kenwoodوهي اليد اليمنى ولا يمكن الاستغناء عنها

تعيشي ختي لوكان تقوليلي واش تعملي بـ(العجانة) من أعمال المطبخ
يعني اذكريلي فوائدها
أنت أو كل من تحب الافادة والمساعدة
وربي يجازيك بالخير

❣سڪڕ❣

2013-04-24, 16:25

مثلا هل نحتاج للفور الكهربائي في المطبخ
مع وجود فرن الغاز ؟
أرجو من الاخوات الافادة ؟

challenge

2013-04-27, 20:51

http://nsa33.casimages.com/img/2013/04/12/130412093025615517.jpg (http://www.casimages.com/img.php?i=130412093025615517.jpg)

http://nsa33.casimages.com/img/2013/04/12/13041209312341640.jpg (http://www.casimages.com/img.php?i=13041209312341640.jpg)

SAMAH SAMAH

2013-05-14, 12:29

عجانة
ماشينة قهوة تعصر وتاا دوزات
عصارة فواكه
خلاط تاع القاطو
خلاط الحساء
شواية كهربائية
محمصة خبز
غلاية ماء
ماشينة الكراب
ماشينة لي قوفر
ميني اسبيراتور تاع الكوزينة
فريتوز
ماشينة عمل المثلجات
ماشينة راكلات

ام سليمان

2013-05-14, 14:30

انا ما عندي والوا غرفتي راهي قريب تولي ملكهم ......ههههههههههه

كونان الجزائرية

2013-06-24, 18:44

لي عودة للمشاركة ان شاء الله

الموضوع جميل

شوق وحنين الى الجنة

2013-06-26, 11:50

نحتاج للعجانة keenwood وكوشة انيام و غسالة اتوماتيك artur martin ومكيف هوائي كوندور وموقد delongue .

النجمة المتميزة

2013-09-21, 11:55

احنا عندنا روبو قديم لكن مليح جامي خممنا نبدلوه
كليماتيزار condor مليحة راهي منذ 4 سنوات تقريبا شغالة
غسالة الملابس و الميكروهوند sumsung مركتي المفضلة
روبو الخاص بالعصائر و نعمل بيه حتى البغرير روعة harper
ميكسار ciatronic
الكويزينيار عندنا cristor مليحة فيها 5 و حتا الفور و الشواية و اللي تحمر الدجاج روعة
و باتور condot لكن نوعية قديمة عندو زمان
و االغالي على قلبي يدي اليمنى البيتراااا انا نستعملو في كلشي عجن و عمل البيتزا و تضريب البيض يصبح كالثلج و عمل الطورطات و الكريمات و كلش و حتة فيه طحانة كهربائية للحم نستحملها هايلة كيما لي عند البوشري تركبيها و تنحيها و طحانة صغيرة للتوابل والقهوة و حتى الروبو تاع العصير و المركة تاعو ROBUSTE
نظن مانسيت والو كاش متحتاجي فكريني ههه

nina015

2013-09-27, 14:44

نحتاج للعجانة keenwood وكوشة انيام و غسالة اتوماتيك artur martin ومكيف هوائي كوندور وموقد delongue .

je suis du meme avis
a deconseiller cuisiniere ARISTON ,FRIGIDAIR CONDOR ,demo GEANT GN 1010

bouira

2013-09-29, 22:44

بالنسبة للروبو أجتنبي منتوجات الصين المطروحة بكثرة في السوق الجزائرية ،لا يوجد أفضل وأحسن من الفرنسي والألماني على التوالي :

moulinex-seb-philips-braun-kenwood
بالنسبة للثلاجة : ما دمت في الجزائر أنصحك بالعلامة الوطنية eniem نظرا لتوفر قطع غيارها ،أو condor H أو lg ولكن هذه الأخيرة باهظة الثمن
نفس الشيء بالنسبة للمكيف الهوائي أفضل مكيف هوائي : lg-samsung-eniem - codor أفضلهم على الإطلاق eniem لتوفر قطعه هو و كوندور

* دموع الشوق *

2013-10-26, 23:36

احنا عندنا روبو قديم لكن مليح جامي خممنا نبدلوه
كليماتيزار condor مليحة راهي منذ 4 سنوات تقريبا شغالة
غسالة الملابس و الميكروهوند sumsung مركتي المفضلة
روبو الخاص بالعصائر و نعمل بيه حتى البغرير روعة harper
ميكسار ciatronic
الكويزينيار عندنا cristor مليحة فيها 5 و حتا الفور و الشواية و اللي تحمر الدجاج روعة
و باتور condot لكن نوعية قديمة عندو زمان
و االغالي على قلبي يدي اليمنى البيتراااا انا نستعملو في كلشي عجن و عمل البيتزا و تضريب البيض يصبح كالثلج و عمل الطورطات و الكريمات و كلش و حتة فيه طحانة كهربائية للحم نستحملها هايلة كيما لي عند البوشري تركبيها و تنحيها و طحانة صغيرة للتوابل والقهوة و حتى الروبو تاع العصير و المركة تاعو robuste
نظن مانسيت والو كاش متحتاجي فكريني ههه

هل ممكن تعطينا سعر العجان و إذا ممكن صورة

أنا ما نستعرفش بغير أونيام للطبخ و ما كان علاه فرن كهربائي غير هيا تكفي و توفي
المكيف : سامسونج رووووعة بالتجربة ... و كوروللا 18
و محظرة الطعام : موليناكس دوريجين راها عندنا في في حوالي 13 عام رووووووعة
تكسر الوعاء نتاعها و لقيناه متوفر ب 70 الف عااادي و كل القطع متوفرة

ام يوسف 2737

2013-10-26, 23:59

خلاط متعدد المهام مولينكس
غسالة كهربائية wirpool
طباخة برانت
ثلاجة بيكو
حنفية مبردة fontaine fraiche de marque geant مع قارورة تتفتح من الاعلى
مدفاة ديلونقي
محصر العصير فيليبس
فرن كهربائي ما نستعملوش خلاص
كليماتيزور كاريرا

أم عبود24

2013-11-13, 13:28

السلام عليكم
حبيت نسقسي الاخت زهور الفل
انا شريت رحاية لحم سايونا وقاتلي مرت خويا انها تعمل كبة بصح ما عرفتش نستعملها ادا تقدري تفهميني
وبارك الله فيك

عنابة أبوها

2013-11-16, 18:51

موضوع رائع بالنسبة ليا عندي كليماتيزور براند أرينا.....والروبو كوبرا ....والغسالة كيوا ....اما الكويزينيار مازلت ماشريت عندي للحد الان غير الريشو كي نرحل لداري ان شاء الله ناثثها من جديد .........وبارك الله فيكم على الموضوع الهايل

الامل نور

2013-11-19, 10:06

عجانة : kenwood

ZAHRAH

2013-11-30, 10:47

لالا كي يعود عندك الفور نتاع الغاز معندك مديري بتاع الكهرباء وهدي على تجربة:mh31:

adelvoira

2013-11-30, 12:46

بارك الله فيك

ninacicino

2013-12-12, 00:03

انا عن نفسي كاين 3 حاجات مانقدرش نستغنى عليهم
1 البرا نرحي بيه العجب المعجب حتى المايوناز يديرها
2الميكرو اوند عندي شارب ديفروز اند كووك المشجع الرسمي للتفنيين للنساء ههههههههه
3 بيتران اسمو بومان فيه رحاية تاع اللحم ندير بيها كلش حتى الباطاطا نرحيها فيه
و عندي الفريجيدار اونيام عام دقيوس ههههههه بصح ماحبتش تحبس و لا تقول اي راسي ههههههه خافت نجيبلها الضرة
كويزينيار مسكينة مازالت تجاهد ههههههه
المهم عندي باتور شنوي هههههه روبو مولينكس شنوي تاني ههههه ندير فيه البغرير روعة
كاين ملاحظة حبيت نقولها للاخوات اللي قالو لازم تشري الماركة فرنسي
والله عندي قريب 10 سنوات و انا نستخدم باتور شنوي مانعرفش الماركة تاعو عمرو ماحبس هايل و زيد البرا اللي نرحي بيه البويون تاني شنوي و الحمد لله راهو يخد م فووور حتى البيتران و ماما عندها برا موليناكس فرنسي حبس
حبيت نقول الماركة صح مليحة بصح كاين نسا مايقدروش يشريو الحر كيما البيتران كنوود تاع 3كغ يدير 5ملاين بزاف اما المقلد الشنوي مليون و نص في متناول الجميع بصح لازم الحذر و مايحبش تعدد الايادي يعني على يد وحدة باش يشد
كاين حاجة الماركة كوندور راهي تخدم مليح
نتمنى نكون افدتك

عبداللطيف18

2013-12-14, 21:58

ماشاء الله

faiza-19

2013-12-30, 12:04

بالنسبة للطباخات لا تشتري eniem لديهم مشكل عندما تطهي الحلويات ويسخن الفرن ينطفئ لوحده ولا تستطيعين اشعاله إلا إذا انتظرتيه أن يبرد، لأننا استعملناها في العائلة ووجدنا نفس المشكل في 4 طباخات
وبالنسبة للثلاجة لدينا في المنزل condor ، حقا راااااائعة لم نواجه معها أية مشكلة من أي نوع

ام امجد و انفال

2014-01-04, 11:38

عجانة kenwood
chhal raha dir
ana 3ndi clatronik wach raikom fiha 3ad raha jdida

ام امجد و انفال

2014-01-04, 18:35

uuuuuuuuuuuuuuuuuuuupppp

سولين دودو

2015-10-11, 13:16

السلام عليكم من فضلكم حبيت نستشيركم حبيت نشري مدفئة eniem قولولي واش رايكم فيها واذا ماهيش مليحة قولولي على الماركة لمليحة وربي يجزيكم

souhaalgérie

2015-10-11, 22:10

حبيت نسقسيكم على الفرن الكهربائي واش هي الماركة لمليحة معنديش الفرن نتاع الغاز

❣سڪڕ❣

2016-01-10, 14:52

شكرا
بارك الله فيكم
ردودكم نافعة
يعني الآلات النافعة التي لا يمكن الاستغناء عنها
الثلاجة طبعا
الغسالة
ثم ....؟

hanamohamed

2016-01-10, 15:41

اهلا وسهلا بالجميع اخواتي اريد افادتي اريد شراء مكواة

على المنهج

2016-01-10, 16:49

الى حبت تشري مكواة انصحها ب فيليبس راءعة ومتندميش ان شاء االله

منال100

2016-01-10, 19:08

ماشاء الله والله استفدت كثيرا
يعطيكم الصحة كل الآلات مفيدة ولكن يجب المحافظة خاصة مثل البيترا لازم المحافظة ولقال يرفد 3كغ انت ديري 2 كغ هكذا يشدلك اطول مدة ممكنة مهما كانت الما كة انتاعو

سلاف34

2016-01-12, 14:29

مشكوورريين

nadjibjijel17

2016-01-15, 10:24

مشككككككككككككككككو يا غاااااااااااااااااالي

Sou sousou

2016-01-19, 21:34

غسالة LG بزاف هايلة . اما كويزنيار brandt غير مايما شريتها حمد لله هايلة . ميكسور مولينكس مشاء الله راهو عندي و باتور تاني .

bachire2008

2016-05-27, 11:57

اخوتي اعطوني عرض الكندور الجديد 2016

aruka

2017-07-31, 21:17

شكرا على النصائح

ninaricci

2017-10-22, 09:12

ارجوا اتمام الموضوع لنستفيد جميعا انا اريد شراء غسالة اطباق سعرها مقبول بماذا تنصحونى:1:

ninaricci

2017-10-22, 09:14

واىضا اسبيراتور و بيتران افكر في ماركة كوندور ما رايكم اتمنى ان تتفاعلوا لاننى مستعجلة

ninaricci

2017-11-07, 08:29

راني شريت غسالة اطباق كوندور ارهي مليحة و بيترا بومان عجبوني نحاو عليا الهم ان شاء الله نكمل لاسبيراتور