ملف الكفالة .. حسبي الله ونعم الوكيل

[DAHO_MATRIX]

السلام عليكم اخواني

هل تتخيلون أنني الوحيد عند الوالدين

غير انا والوالد والوالدة

الوالد متقاعد و عندو مرض صدري مزمن والوالدة بطالة و عندها مرض الكلى

متخرج من الجامعة عام 2011 + كابا 2012

عندي تاجيل انتهى في 31/12/2012

أنا أعمل ومسجل في الضمان الإجتماعي

لم تاتيني اللوردبال أبدا


ذهبت عدة مرات لكي ادفع ملف الكفالة ولكن لم يقبل بسبب عدم اجتياز الفحص الطبي


هل هناك حل خاص واستثنائي لانني الوحيد عند العائلة

[abbes21]

lazmak l ma7kma

[rah0000]

رانا كثار كيما انت
هما يفحلو غير فينا حنا الله يخرج في أولادهم ان شاء الله

[Cayote]

ما تروحلهمش حتان يقبضود عاصي - انسومي - من بعد يدوك للمحكمة العسكرية وتما فمهم واعطيهم الدوسي نتاع الكفالة
نعرف بزاف دارو هاكا والحمد لله تهناو
...

[nad 17]

ربي يكون معاك خونا و كيما قالولك لجماعة هادك هوا حلك النهائي خليها تروح للمحكمة العسكرية و تماك كي يقولولك علاه ما درتش الفحص الطبي قلهم اني الكفيل تاع العائلة و عطيلهم الدوسي بزاف دارو كيما هاك

[saladin2]

اخي انا مثلك تماما
لكني جوزت الافيزيت لكن خرجلي اوردبال قالولي ماتقدرش تدفع الملف
حسبنا الله ونعم الوكيل فيهم وربي يفرج عليك وعلينا

[sofi_dx]

سلام انا كنت كيما انت كان عندي سورسي تاع عام و مقبلوش يشدو عليا دوسي كفيل عائلة انا وحيد عائلة رحت للمركز الخدمة الوطنية طاولي رسالة للمحكمة دفعتها تم سقساوني علاه مرحتش قلتلهم كفيل عائلة شدو عليا الكفالة و بطاقة العائلية موراها طاولي رسالة ديتها للمركز الخدمة الوطنية دفعت دوسي كفيل عائلة دوكا راح عندي سورسي تاع عام انا نوصيك تروح للمحكمة العسكرية ماتخافش هادو اجراءات قانونية لازم تفوت عليهم

[nacerbba]

ربي يفرج عليك و علينا

[saladin2]

سلام انا كنت كيما انت كان عندي سورسي تاع عام و مقبلوش يشدو عليا دوسي كفيل عائلة انا وحيد عائلة رحت للمركز الخدمة الوطنية طاولي رسالة للمحكمة دفعتها تم سقساوني علاه مرحتش قلتلهم كفيل عائلة شدو عليا الكفالة و بطاقة العائلية موراها طاولي رسالة ديتها للمركز الخدمة الوطنية دفعت دوسي كفيل عائلة دوكا راح عندي سورسي تاع عام انا نوصيك تروح للمحكمة العسكرية ماتخافش هادو اجراءات قانونية لازم تفوت عليهم

هل يجب ان اكون عاصي للاجيئ للمحكمة اخي
لاني دفعت الكفالة محبوش يشدوا عليا لانه خرجلي اوردبال اخي وجوزت لافيزيت

[amine eco]

اذا جاك الاستدعاء روح للكزيرنة واديه معاك ملف بصح روح روتار شوية يكون عندك حظوظ .....فكرة فيها مغامرة بصح الله غالب هذه هي بلادنا

[صالح القسنطيني]

السلام عليكم

اذا كان وصفك حقا كما قلت فاياك ثم اياك ان تذهب للمدرسة العسكرية لأن في المدارس العسكرية ملفات الكفالة ليست كالملفات الطبية فالملفات الطبية يفصل فيها مباشرة في اجل اقصاه شهرين و اما ملفات الكفالة فيفصل فيها بعد 6 اشهر الى 9 اشهر اي انك ستقضي 6 اشهر للتربص ثم بعد تحويلك يفصل في ملفك اي بعد اجراء كل التحقيقات المتعلقة بملف الكفالة و يدخل فيها المجالس المنتخبة و الولاية و الدرك

لهذا حلك الوحيد هو المحكمة العسكرية .................. و نسال الله الحي القيوم باسمائه الحسنى و صفاته العليا ان يعجل لك يفتح قريب من عنده انه ولي ذلك و القادر

[sofi_dx]

هل يجب ان اكون عاصي للاجيئ للمحكمة اخي
لاني دفعت الكفالة محبوش يشدوا عليا لانه خرجلي اوردبال اخي وجوزت لافيزيت

اذا جوزت لافيزيت تقدر تدفع و اذا ما جوزت لافيزيت حلك الوحيد هو المحكمة العسكرية استنى حتي تخرجك انسومي كيا قالك الاخ صالح القسنطيني

[صالح مباركي]

السلام عليكم اخواني

هل تتخيلون أنني الوحيد عند الوالدين

غير انا والوالد والوالدة

الوالد متقاعد و عندو مرض صدري مزمن والوالدة بطالة و عندها مرض الكلى

متخرج من الجامعة عام 2011 + كابا 2012

عندي تاجيل انتهى في 31/12/2012

أنا أعمل ومسجل في الضمان الإجتماعي

لم تاتيني اللوردبال أبدا


ذهبت عدة مرات لكي ادفع ملف الكفالة ولكن لم يقبل بسبب عدم اجتياز الفحص الطبي


هل هناك حل خاص واستثنائي لانني الوحيد عند العائلة



أخي ممكن تقولنا على وثائق ملف الكفالة وجزاك الله خيرا

[h4ni]

أخي ممكن تقولنا على وثائق ملف الكفالة وجزاك الله خيرا

انضر الى توقيعي

[صالح مباركي]

انضر الى توقيعي


يا أخي لم أستطع استخراج شهادة العجز للوالد
هل أستطيع استخراجها من عهند طبيب عام يخدم في مؤسسة متعددة الخدمات
هل تقبل أم لا
ممكن أن توافيني بطلب خطي جاهز للتحميل
وجزاك الله خيرا