علموني كيفاه نطيب

[samasem 2]

السلام عليكم عليكم أنا مزوجة جديدة وما نيش راضية على روحي فالطياب وديما نقرا المواضيع تاعكم وديما نحب نجرب ونخاف أنصحوني واش ندير

[منى ابراهيم]

اذا كنتي بدارك وحدك جربي ومتخافيش الي صلحت وعجبتك في الذوق خرجيها واذا مصلحتش لا قدر الله خبيها وان شاء الله تجربي كامل الوصفات ويصلحولك وجربي بكميات قليلة

[lamiak1]

كل ما تطيبي تتعلمي ولازم ماتهابيش ولا ما صلحش هذيالمرةالمرةالجاية تصلح

[ام تينة]

ربي يهنيكاختي ويدخلك الجنة معليش جربي بلا مديري في راسك بلي ماتعرفيش اطيبي

[شموخ امرأة]

جربي كميات قليل وما تخافيش يقولو خصارت صو الح و لاخصارت اليدين

[samasem 2]

ربي يعيشكم كامل لي غديتولي والله شجعتوني الليلة درت روز لوصفة هزيتها من لمنتدى مع دجاج محمر وغدوى نشاء الله قررت ندير دوبارة بسكرية وحبيت تنصحوني واش نزيد معاها وزيد حبيت نديرلو حاجة حلوة راني حابة نبين روحي تعيشوا عاونوني

[narmine nor]

ههههههه انا ثاني متزوجة جديدة و طبت في الكوزينة وحدي اليوم درت 10 خبزات تع الدار و الرفيس القسنطيني عارضين دار شيخي الناس بزاف هدا وين قعدت شوي
وصيتي ليك انك جربي بكميات قليلة حتى توصلي لمبتغاك و الطياب راهو سهل انت فقط متخميلوش بزاف

[أم شيماءْ]

حبيبتي جربي ومتخافيش هنا معظم الوصفات ناجحة خاصة تاع ام رامي الهام ام كوثر ام ماجد وكثيرات متخافيش
واما بالنسبة لحاجة حلوة ديري كيكة الدانييت لام اماني هايلة وساهلة

[غزة في عيوني]

حنونة الله يهانيك راكي كيما انا كنت نخاف مي نقصلي شوية بصح كيفاش نقصلي درت القلب و الفضل يعود لماما تقولي خسارت الصوالح ولا خسارت اليدين وعندك الوصفات تاع الفحلات نتاوعنا كامل ناجحين الله يعطيهم الصحة جربيهم وما تخافيش

[hanane220]

جربي و ما تندميش أنا راني دايما نجرب و النتيجة دائما جيدة الحمد لله باش تتعلمي خصك تريييييييسكي حبيبة

[oum ayyoub]

اختي العزيزة غير جربي مادامك وحدك و جربي بالكميات الصغيرة و وصفات المنتدى ماشاء الله ناجحة راني جربت شحال من وصفة وجدتهم ناجحين غير توكلي علي الله و بداي من دروك قبل ما يبدو الضياف يجو يتعشو ههههه

[مريومة21]

ربي يعينك راني نهاب كيفك

[fati_mohamed]

أنا تاني حابة نولي مبدعة كيما نتوما
نغير كي نشوف هاد الاطباق
و نحير منين نبدا
راهم ماشاء الله معمريين اطباق
نبقى غير نتشها فيهم امممممممم

[sali-sali]

وانا حسبت روحي غير انا هكداك
جربي عادي اختي المهم عسي طيابك هو يتحرق

[بيلسان11]

اذا بقيتي خايفة ما تتعلمي والو .كي تجربي حاجة اعطي لروحك الوقت قبل العشاء بوقت شوية اذا خسرتلك تقدري تديري حاجة ثانية. المنتدى راه مليان بالوصفات الله يبارك و مجربين و بلوازم كاينة في الجزائر. ديري الكوراج كل شيء يجي ساهل باذن الله.

[أم عيشوش]

راكي تكسبي خبرة من التكرار و التجربة وبالنسبة لي تحسنت ياسر كي انضممت الى هذه الباقة الله يعطيهم الصحة

[ام ضياء83]

انا تاني كي تزوجت مانعرف الا نقلي البطاط بصح زدمت عليها ودرت القلب و ليت نطيب كلش و الي نشفو في المنتدى نجرب و الله يبارك المنتدى وفا وكفا

[panpouna]

نصيحتي ليك ما تكثريش الملح و الطماطيش كونسارف والتوابل دايما ديري بناقص و كي تطيب الماكلة دوقي و زيدي ادا جات ناقصة وتاني ماكانسش خير من الماكلة البسيطة ما تديريش المواكل لي معقدين مبعد تحصلي وان شاء الله تتعلمي و تولي خير من حورية المطبخ