هل كرهي لوالدي عيب ام حرام.....

[wiza19]

ااااه من سارق ايامي وفرحتي و شبابي و سعادتي.....انا بابا سرقلي كاااامل ايامي الباهية....خوفني بلا حنية فالصغر...زيرني بلا لطف في المراهقة...حرمني من الخروج بلا سبب....ماخلانيش نروح للجامعة مع اني تحصلت على الباكالوريا غير زكاااارة....ذلني قدام خاوتي اللي خلاهم يقراو....حرمني من اي منبع للسعادة...( لا زيارة للاقارب و لا حضور افراح.....))) ورغم هذا سامحتو و ما درتش في بالي....واخر حاجة دارهالي.... انو حرمني من اني افرح بفترة خطوبتي ما خلانيش نخرج نشري حوايجي احبسني فالبيت بحجة اني امانة مع انو خطيبي قلو خليها تخرج تشري حوايجها... انا نقول هذا بابا لازم نستاحملو مي ....شكون يرجعلي شبابي شكون يرجعلي عيد ميلادي 18 اللي فات عليا و انا محبوسة فالدار شكون يرجعلي فرحة العروس اللي ضيعهالي شكون يرجعلي فترة الخطوبة اللي لبنات كامل يستناوها.......اسمحول اسمحول طولت عليكم مي والله قلبي راه معمر و منحبش نحكي لعائلتي باه منحيرهمش عليا....وانتم راكم كي عايلتي و اعز

[madoucha]

ااااااااااااه يا ويزا راني نحس بيك لاني جربت مما جربتي راكي تعرفي ابي انا ايضا واعر اكثر من باباك و افهم معنى انك جيبي الباك وما تقرايش في الجامعة
انا عانيت ايضا من بعض ما عانيت لكني تحديت وقريت وجبت ديبلوم وراني استاذة و الكل يقدرني لا تحزني مابقاش و تتزوجي تتهناي مع زوجك الي سيعوضك و يخرجك تحوسي ان شاء الله
نزيد نقلك انا ايضا ابي ما يخلينيش نخرج نشري بصح مزية ندير السبة بالخدمة ونشري حوايجي درقة والتقي بخطيبي درقة تاني وحد المرة شافني معاه دار لي شرع مزية هدر معاه خطيبي و قال له جبتلها حوايج
ما تتقلقيش كاين لي كيما انت عندي بنت خالتي ايضا ما يخليهاش ابوها تخرج واختها هي لي جهزلها

احمدي ربي لانه بعث لك هذا الرجل الي ممكن تلقاي فيه الزوج و الحبيب و الاب و الاخ وسامحيه فلاب يبقى اب

[wiza19]

والله كنت علابالي تفهميني لانك تعرفي الحقيقة المره اللي رانا نعيشو فيها....شكرا بزاف والله خففتي عليا....والله راني نتقلق ونولي نقول الحمد لله كي جابلنا ربي مكتوب نروحو لديارنا نتهناو.....والحمد لله كي لقيت خواتاتي اللي راهم يشريولي...يا طفلة والله طلعتيلي المورال بكلامك...شكرا بزااااف
ربي يهنينا ان شاء الله

[النجمة القطبية]

شوفى يا اختى الاب نعمة
وعلكيى ان تلتمسى له الاعذار صحيح ربما لم يحسن تقدير بعض الامور وربما اخطا فى حقك فى بعض الامور لكن يا اختى تبقى وجهة نظره واجتهاده وتقديره للامور هذا هو قالك انتى امانة كلمة لها ثقلها
ربما والدك تفكيره محدود او يخاف عليك اكثر من الازم قدرى وتفهمى
توصل بيك تكرهى باباك كبيرة والله تذكرى قدر الله وماشاء فعل
والدراسة واى شئ يتعوض والعمر قدامك لكن ابوك شكون يعوضو يا طفلة
ولا تعقدى مقارنة ظالمة بين زوجك وابوك على اساس ان زوجك سيكون جنة الخلد وابوك ذاك الرجل اللى رباك وحافظ عليك اصبح القاسى
شكون كبرك شكون لبسك شكون وصلك تكونى مرا وخلاك امانة يفتخر بيها زوجك
شكون قدرك شكون صانك
افطنى لنفسك زوجك هذا بسم الله مزال متعرفى عليه والوا اسال الله ان يكون نعم الزوج
بصح مكانة الاب ميعوضها حتى مخلوق
مكانة الوالدين
فكرى مليح وسامحيه وبوسى راس باباك واسمحى خلى قلبك طيب ومليح
راح تتفكرى كلامى نهار تفارقى باباك وتعرفى قيمتو
معليش اعذرينى ان شفتى فى كلامى قسوة شوية لكن صدقينى الاب مهما كان نعمة
حابة تقدريها الان قبل فوات الاوان ومازالك صغيرة بسم الله واش من عمر اللى راح
وربى يوفقك فى الجاى

[عبد الرؤوف24]

السلام عليكى اختى
اختى الدنيا فانية تخيلى نفسك انك مريت وتمتعتى بشابك ....ومن الاشياء التى حرمتى منها ....يعنى نفس الشىء الحضات الحلوةتمر ونفس الشىء اللحضات
السيئة تمر ...افتحى صفحة جديدة بزواجك وانسى الدى فات لانو هدى حكمة رب العالمين ان يكون اباك من هدا النوع رب الاعالمين كان قادر ان يضعك فى اسرة
اخرى واب اخر هدهو قسمك فى الدنيا وهو ابتلاء من رب العالمين اليس احسن لو انك تصبرين ولك الاجر والنعم فى الاخرة فكم من مراة ابوها صالح جدا و
يعاملها بلحسنى ولكنها فاجرة مصييرها النار ..ارجو ان لاتستمر فى العتاب وان تفوضى امرك لله وتسالى الله ان يعوضك وفقط فهناك من هم اسواء منكى ابوهم
ابوهم يعمل فواحش ولا ينفق عليهم ويوجد حتى الذى لايعترف حتى بابنائه..

[* الحلم سكر *]

السلام عليكم
اختي دون مقدمات راح نقلك اطوي صفحة الماضي و ما تبقايش تتحسري و تقولي لوكان و لوكان ..... اللي صرا صرا اذا استمريت هكذا عمرك ما راح تتهناي راح اي مرحلة مليحة تمزجيها بماضي سيئ
قولي ربي يهدي والدي و ربي يعوضني خير من اللي فات و احمدي ربي انت خير من ناس اخرى
ان شاء الله ربي يكتبلك حياة افضل من اللي متمنية و متوقعة
و ربي معاك اختي

[مسلمة انا]

ابوك من خوفه الزائد عليك فعل ذلك كالذي لديه جوهرة غالية يريد ان يحفظها

قد يكون اخطا الطريقة في الخوف عليك هكذا هم الجيل السابق لم يتربو على الحنان والعاطفة ليس كلهم لكن اكثرهم
لكن يبقى ابوك هو سندك في الدنيا وما تقوليش يجي راجلي يسلكني منو من معيشتو يجب نهار تحسي ولا واحد في الدنيا هاذي يحبك قد امك وابوك وان كان زوجك محب وعاشق وحنون

[wiza19]

والله يا خاوتي انا عمري 25 سنة و تحبست فالدار حوالي 5 سنين مي والله بابا عمرو ما سمع مني كلمة ماش مليحه انا دايما حاصرة في قلبي و ساكتة و راضية بقسمة ربي مي والله اني حابه نفرح بمرحلة الخطوبة ونحس روحي عروس و والواحد كي يتقلق يتفكر لحوايج اللي مش ملاح كاااامل...حبيت نفرغ قلبي و نتقاسم غضبي و ذيقتي معاكم و الحمد لله والله خففتو عليا جزاكم الله خيرا.....شكرا بزاف على الردود و رايحه نحاول ندير بنصيحتكم و ننسى مع اني حاولت و كان كل مرة يديرلي حاجة تزيد تبعدني عليك....مي ربي يجيب الخير ان شاء الله....شكرا بزاااااااف عالردود

[nebbacheanis]

ما يلفظ من قول إلا لديه رقيب عتيد

[ام نسمة]

ياريت لو كان غير جا عندي اب مثل ابوك لوكان نحكيلك انا تهبلي من راسك عشت طفولة لاباس بها وكان مقلشني ويموت عليا ويصرف عليا بالملايين واقصد جدا ما اقول وقراني ويدافع عليا من خوتي والريح مايقيسش شعرة من راسي ونهار اللي حبيت نتزوج بكى عليا بالدموع وترجاني مانتزوجش والله على ما القول شهيد بابا لوكان مايكلش معايا ماتجيهش المكالة خلاص خاصة العشا لانو كان يظل طول النهار خدام كل افراد عائلتي على طابلة وحدة وانا وياه على طابلة وحدنا واش نقولك راني نكتبلك ونبكي ........على بالي دوركا راكي اتقولي كامل هاد القلاش وراها تبكي لانو يا اختي بابا كان خاطي الطريق واخذته منا ومني بالاخص فتاة شارع راني نبقى بالشهور ما نشوفوش وقلبي محروق ويتقطع ونبات نبكي خطراتش وصورتي معاه تحت مخدتي وهو نساني ورجعت يتيمة بالرغم من انو ابي عايش حي يرزق شحال من خطرة تمنيت لو انه مات وماصراش هكذا لذا اختار اب متشدد ونبقى معاه دائما خير من اب موجود وهو غير موجود اللي موالفة الحرمان من بكري بمجرد انها تتزوج تنسى اللي فات وتعيش حياتها واللي مثلي انا عذاب مابعده عذاب احبه بجنون لكن لا استطيع مكالمته ورؤ يته متى شئت ابوك عزك وراه خايف عليك انا كنت حاقدة على ماما للي حبستني الدراسة من خوفها عليا لكن بعد ما تزوجت طلبت منها السماح وعرفت شعورها اكثر بعد ما صرت ام ربي يهديك

[bibicha]

يا اختي حابة نسقسيك زعمة كون تمرضي ولا كاش ما يسرالك باباك يسمح فيك؟راكي كبدتو و خوفو عليك هو لي خلاه يكون هكا و زيد يا حبيبتي فالوقت لي رانا فيه لازم تنوضي صباح تبوسيلو راسو لانو شافك انسانة نية و خاف عليك من تاثير الناس و زيد ما خلاكش تعيشي فترة خطوبتك من جيهة ما غلطش شبان اليوم يديرو علاقات مع بنات الفاميليا و يحكي معاها و و و و فالاخير ينسحب و تبقى الهدرة عليك اللهم تروحي ليه صح صفحة بيضاء و تتأقلمي مع الوضع لي تكوني فيه ننصحك بحاجة انساي هاذ الصوالح و احمدي ربي

[سَـآجدة]

اختي خليه لربي

خاطراه وصانا بطاعة الوالدين

ووصانا بحقوق الابناء فقد كان رسول الله صلى الله عليه وسلم خير خلق الله يداعب اولاده ويحبهم المهم انت قريب تتزوجي وتتهناي ان شاء الله

ممكن مالقيتيش الحنان عندك باباك راح تلقايه عندك زوجك الصبر مفتاح الفرج
ممكن زوجك ايعوضلك كلش

[الناسكة المتعبدة]

لوكان عاشلي بابا و هاد الدنيا منحتاجهاش، احمدي ربي يا أختي.

[wiza19]

الله يرحم جميع الوالدين اللي ماتو ام او اب....و انا اني حكيت غير شوي اللي يخصني لانو ابي هكذا تقريبا معنا كاااامل صح درجة تعاملو معايا زايدة شوي مي الاخت اللي قالت باباها داتو بنت شوارع(((ربي يرجعولكم و تحل عليه هاذ المراة ان شاء الله و يرجع كي بكري و زمان)))انا بابا راه ثاني قاسي مع خواتاتي و مع خويا و خاصة امي اللي مايخليهاش تشوف الهوا ما يخليهاش تتهنى لا بفرح و لا بقرح...و شحال من مره و هو يهددها قدامنا بزواج ثاني ووصل حتى لدرجة الطلاق الرجعي.....ان شاء الله ليامات الجايين يكونو خير علينا كامل لانو اللي والدها متوفي الله يرحمو و اللي غايب ربي يرجعو و اللي مغرور بيه من طرف نساء او رفاق سوء ربي يهديه ان شاء الله....

[azhars]

كامل مرينا بهذا الشي وانا حسبت روحي راني وحدي انا دايما نقول كن الاب تاعي دارلي هكا معليش بابا معندي ماندير نسمحلو
بالصح انا حقرني خويا ومنسمحلوش ونتيربييهنيك وديري واش كان فيخاطرك عند راجلك

[سدرةالمنتهى]

يا اختي ماكيش وحدك كامل رانا في نفس الدائرة نتع التزيار انا بابا الحمد لله لو نحكيلك عقليتو ماتفهميش هو صح مزير يعني مايخليناش نزنقو بزاف عندي صوالح خاصيني نروح نشريهم مع خاوتي الذكورة و نرجع يضيق خاطري يخليني نروح لدار عمامي نورمال شاهي ماعندوش عقلية نتع تروحي لحبيبتك و تفرحي معاها و لا تعزيها في ماليها و لا تحوسي عندها ثاني مايخليناش نروح لاعراس الجيران او اولاد اعمومو هو يعني ماشي قراب ليا بزاف او نروحو نعزوهم يعني عدنا غير الكبير يدير الواجب
بالنسبة للقرايا الحمد لله خلانا نقراو جبت الباك و و خلاني نقرا في الجزائر تخيلي عندي خوالي في البليدة كي نقلو ندهميهم يقلي ماتروحيش ماتتعلميش مشي البيوت و الناس تحط عليك العين و يقولو مطرحة ماعندهاش الوالي شوفي عندي من الدار للاقامة للجامعة و العكس صحيح و ملي خرجت و انا في الدار حمد لله حسيت تزيارو عطلنا رهبة و حرمة و حتى الخطابة اللي جاوني يقولولي حنا مانعرفوكش انت ححنا جينا قاصدين ابوك عجبنا عندو النيف و حاكم في بناتو
غير هذه واش تسوى عندك فخر ليك و لباباك
غير خليك مزيرة كيماهاك ز ماتكونيش مطرحة و شابعين منك قع الشوارع و صحاب الكارتي يقولو شوفو بنت فلات ظال تزنق ........... بلعكس راكي درة في داركم احمدي ربي راكي مخطوبة و كي تروحي افتخري بتربيتك و ماتقوليش كنت مدفونة و مزيرة قولي بابانا يحبنا و يخاف علينا من الذئاب البشرية نتع برا
و الله غير يحبك بصح ماهوش عارف كيفاش يعبر على حبو و خوفو عليكم بحكم واش راه يشوف برا و اش راه صاري في الجامعات و في الاسواق
اعذريه هذيك فهامتو اضحكي في وجهو و بوسي راسو و قلي ربي يخليك لينا يا احلى اب في الدنيا

[wiza19]

والله يا اختي انا حكيت حكايتي كي كنت مقلقة مي سبحان الله ربي دايما يحط الرحمة و المحبة في قلوب الابناء اتجاه اباءهم و العكس....يعني كي تمر اي حاجة يديرهالي ننسى ونقول كامل الديار هكذا....مي والله صعيبة تحسي روحك معزولة على العالم الخارجي....تحسي الدنيا كااااامل تمشي و انت حابسه في بلاصتك....الحمد لله على كل شي رانا خير من ناس و عر من ناس.....

[ام ظافر]

سبق وان مررت بقصة مثل هذه القصة تماما لصديقتي وخطر ببالي ان قلت لها فاقد الشيء لا يعطيه وربما ابوك يملكه ولكن لا يعرف كيف يعطيه
جربي قولي لابوك بدون سابق انذار احبك يا ابي كثيرا وافتخر بانك ابي ولا اتمنى ابا غيرك لي وربي يطولي في عمرك ويبارك فيك جربي هدية .....وهنا صديقتي ضحكت ورفضت الامر بشدة وقالت لي انك تتابعين الافلام المصرية كثيرا .....قلت لها ليس لدي حل غيره والايام بيننا استجمعي قوتك لدقائق وسينتهي الامر

غابت لمدة طويلة جدا وبعدها وجدتها تتصل بي وتقول فكرت كثيرا في كلامك وفي احد الايام وضعت قهوة المساء لابي وكنت اضعها واجري لاختفي من امام نظره ولكن تلك المرة جلست امامه وقد اندهش ابي ونظر لي نظرة لن انساها وكانه يقول لي هل جننتي حتى تجلسي امامي وانا لا تسالي عن حالي وكانني كنت مخدرة قلت بضع كلمات وكدت اسقط مغشيا عليا بعدها
قلت له ابي عندي ليك كلام لازم تسمعو .....قدمت له قميص رجالي مغلف .....وقلت له
نحبك فوق ما تتخيل ونتمنالك الخير لانك اعز شيء ليا في هذه الدنيا ربي يعطيلك طولت العمر ياتاج راسي
وبعدها ركضت وبقيت اتلصص النظرات خلف الباب
رايت وجها لم اره من قبل ابي يعتدل في جلسته ويفتح الهدية وتعلو وجهه ابتسامة رائعة ثم يضعه القميص ويصرخ باعلى صوته فلانة تعالي ينادي على امي ويقول لها اجمعي كل بناتك واولادك وتعالي هنا

صديقتي تقول انها كادت تموت ساعتها ولم تتخيل ردت فعله واخذت تدعو عليا وعلى مشورتي لها وتقول هذا ما تحبيلي راهي الدار راح تشعل بسبتي
وبعدما اجتمع كل افراد البيت وكل واحد يقول ربي يستر ........ نطق ابي وهو يشير للقميص الذي لم يتعدى سعره 1000الف
انظروا كم انتظرت هذه اللحظة انها اول اول اول هدية اتلقاها من فلذة كبدي
اول كلمة حب اسمعها من ابنتي
هل فعلا تحبونني يا ابنائي ام ان قسوتي جعلتني اكره مخلوق لكم لطالما احسست انكن تتمنون رحيلي وموتي حتى تعيشون بحرية

ودمعت عين ابي .....نعم بكى ذاك الجبل الصامد وهو يقول اليوم ليس ككل الايام بالنسبة لي اليوم عيد

لم يفهم احد مالذي اصاب ابي الا انا .....كنت ابكي بشدة لما رايت منظر دموعه وكل اسرتي كانت تقول ربي يطولنا في عمرك لا احد يتمنى موتك

تقول ومن ساعتها اصبحت المقربة لابي واصبح يحب الحديث معي بل وحتى مشورتي في بعض الامور وكانه اكتشف اسرته لاول مرة مثلما اكتشفت انا ابي لاول مرة

[sali-sali]

سبق وان مررت بقصة مثل هذه القصة تماما لصديقتي وخطر ببالي ان قلت لها فاقد الشيء لا يعطيه وربما ابوك يملكه ولكن لا يعرف كيف يعطيه
جربي قولي لابوك بدون سابق انذار احبك يا ابي كثيرا وافتخر بانك ابي ولا اتمنى ابا غيرك لي وربي يطولي في عمرك ويبارك فيك جربي هدية .....وهنا صديقتي ضحكت ورفضت الامر بشدة وقالت لي انك تتابعين الافلام المصرية كثيرا .....قلت لها ليس لدي حل غيره والايام بيننا استجمعي قوتك لدقائق وسينتهي الامر

غابت لمدة طويلة جدا وبعدها وجدتها تتصل بي وتقول فكرت كثيرا في كلامك وفي احد الايام وضعت قهوة المساء لابي وكنت اضعها واجري لاختفي من امام نظره ولكن تلك المرة جلست امامه وقد اندهش ابي ونظر لي نظرة لن انساها وكانه يقول لي هل جننتي حتى تجلسي امامي وانا لا تسالي عن حالي وكانني كنت مخدرة قلت بضع كلمات وكدت اسقط مغشيا عليا بعدها
قلت له ابي عندي ليك كلام لازم تسمعو .....قدمت له قميص رجالي مغلف .....وقلت له
نحبك فوق ما تتخيل ونتمنالك الخير لانك اعز شيء ليا في هذه الدنيا ربي يعطيلك طولت العمر ياتاج راسي
وبعدها ركضت وبقيت اتلصص النظرات خلف الباب
رايت وجها لم اره من قبل ابي يعتدل في جلسته ويفتح الهدية وتعلو وجهه ابتسامة رائعة ثم يضعه القميص ويصرخ باعلى صوته فلانة تعالي ينادي على امي ويقول لها اجمعي كل بناتك واولادك وتعالي هنا

صديقتي تقول انها كادت تموت ساعتها ولم تتخيل ردت فعله واخذت تدعو عليا وعلى مشورتي لها وتقول هذا ما تحبيلي راهي الدار راح تشعل بسبتي
وبعدما اجتمع كل افراد البيت وكل واحد يقول ربي يستر ........ نطق ابي وهو يشير للقميص الذي لم يتعدى سعره 1000الف
انظروا كم انتظرت هذه اللحظة انها اول اول اول هدية اتلقاها من فلذة كبدي
اول كلمة حب اسمعها من ابنتي
هل فعلا تحبونني يا ابنائي ام ان قسوتي جعلتني اكره مخلوق لكم لطالما احسست انكن تتمنون رحيلي وموتي حتى تعيشون بحرية

ودمعت عين ابي .....نعم بكى ذاك الجبل الصامد وهو يقول اليوم ليس ككل الايام بالنسبة لي اليوم عيد

لم يفهم احد مالذي اصاب ابي الا انا .....كنت ابكي بشدة لما رايت منظر دموعه وكل اسرتي كانت تقول ربي يطولنا في عمرك لا احد يتمنى موتك

تقول ومن ساعتها اصبحت المقربة لابي واصبح يحب الحديث معي بل وحتى مشورتي في بعض الامور وكانه اكتشف اسرته لاول مرة مثلما اكتشفت انا ابي لاول مرة

كنت اود ان اقول نفس الرأي
شكرا لك

[wiza19]

انا كتبت هذا الموضوع بعد ما منعني بابا مالخروج و كان عيد ميلادو قبل ي ومين من منعه لي...درتلو تاخت باهية لانو هو يحب بزاااف البارابول و الديموات درتهالو على شكل ديمو و زدت شريتلو طبسي تاع فخار لانو قال بلي سخف عليهم....و لكن للاسف .....منقولش ندمت اللي درتهالو مي انا حبيت نفرحو مي هو العكس حاب ديما يخليني نتحسر على اي حاجة مليحه نديرهالو....و هاذي هي لا تاغت اللي درتهالو...
http://img06.arabsh.com/uploads/image/2013/04/22/0c37434b66fa06.jpg

[* الحلم سكر *]

اختي نقلك حاجة واحدة كي يكون الوالد صعيب الناس من بعد تديرلك حرمة اكثر و يقولو كان مربيها ما يقولوش حارمها و و الله يعطوك قيمة اكثر و راح يجي نهار تشوفيها
البنات كفاو و وفاو لكن و الله يا اختي غير سوء تعبير و تصرف منو و أول ما تطيح بيك و لوكان يقيسك واحد راح تلقيه هو واقف معاك
حاولي اختي لعزيزة اصنعي فرحتك بعيدة على الحياة اللي تمنتيها مع والدك الله غالب هادي عقليتو ...
انتي ان شاء الله ليام الجاية تكون خير و ربي يهني اختي في زواجها و يسعدها بولادها و ربي يسهل ليك ان شاء الله

[wiza19]

شكرااااا بزاف على الردود. ..شكرا بزاف كي ريحتوني و نصحتوني بكلامكم....ربي يبقي الستر ان شاء الله.....

[نسائم الشوق]

ردي بالك تكرهي والدك
واعطيلو العذر لأنه يحبك بالطريقة الي هو شايفها تحافظ عليك


وربي يبارك لك في زوجك المستقبلي ويكون فيه الخير والبركة ,,

[ام ظافر]

جميلة تلك الحلوى كثيرا وفيها لمسة حبك له واضحة حتى لو عبرتي عن مشاعرك بالكره فهي عكس ما تحسين في اعماقك تجاهه والدليل انك لم تصنعي قالب حلوى والسلام بل تعبتي فيه حتى يخرج بالحلة التي ترضيه ويحبها اكثر
ستتغير الاحوال للاحسن باذن الله وتعيشين الحياة التي تحلمين بها مع زوجك فقط احسني الظن بالله

[ام دعاء ومارية]

http://sphotos-b.xx.fbcdn.net/hphotos-prn1/432353_10150706402854274_620160338_n.jpg

السلام عليكم ربي يهدي الجميع ان شاء الله

[wiza19]

جميلة تلك الحلوى كثيرا وفيها لمسة حبك له واضحة حتى لو عبرتي عن مشاعرك بالكره فهي عكس ما تحسين في اعماقك تجاهه والدليل انك لم تصنعي قالب حلوى والسلام بل تعبتي فيه حتى يخرج بالحلة التي ترضيه ويحبها اكثر
ستتغير الاحوال للاحسن باذن الله وتعيشين الحياة التي تحلمين بها مع زوجك فقط احسني الظن بالله
علاه يا ام ظافر كلامك حلو و قريب للقلب...صح الواحد كي يتقلق يحكي الحاجة اللي يحس بيها غير في ذيك اللحظة....اما الاحساس الحقيقي يبقى فالقلب و عمرو ما يتبدل....ربي يعزك و يحفظك ان شاء الله....

[wiza19]

http://sphotos-b.xx.fbcdn.net/hphotos-prn1/432353_10150706402854274_620160338_n.jpg

السلام عليكم ربي يهدي الجميع ان شاء الله

الحمد لله على كل شي و بارك الله فيكي ان شاء الله

[مريم الصابرة]

السلام عليكم اختي
إنت شفت من منظار حرمك من كل شي ما شفتيش من منظار إنو يخاف عليك وإنو الوقت راه صعيب وراه يشوف في لبنات صح كثرها معاك وبزاف وتعدى الحدود لكنها حدود أبوتو يا اختي لو الزمن يرجعلي بابا نموت تحت رجليه والله لما تولي ام راحا تعذري تصرفو وشوفي نهار تكوني راحا تتزوجي كيفاه تنزل الدمعة على حالك واش تميزي ما يحبكش كيما خاوتك او حرمك لا اختي إستغفري ربي وراكي قريب تتزوجي وديري دارك وتولي تجيه ضيفة وثم حب راجلك يعوضك ماشي 18 سنة وإنما كل الحياة برأي احمدي ربي وإستحملي ربي معاك وهذا باباك ربي يخليهولك موفقة

[منال 22]

راكي قريب تتزوجي و تتهناي منو وان شاء الله راجلك يعوضلك على كل شي فات عليك

[kaouther cha]

هو مهما يكون باباك كون جا ماكانش خلاص راكي تحسي بغيابو مي كبري قلبك و كوني صبورة ومبقالكش و تروحي للزوج نتاعك و ان شاء الله يرجعلك شوية
و ربي يصبرك في هذو الايام لي بقولك معاه يا اختي ويزة معندك واش راح اديري مي ماتعانديهش واربحي السماح من عندو خيرلك
والسلااام

[wiza19]

شكراااا ليكم واحدة بواحدة على الردود و النصائح....و ربي يهنينا كامل ان شاء الله

[أم الولدين]

سامحيني بصح مهما كان ابوووووك و ربي وصانا على الوالدين حنونة
** وصاحبهما في الدنيا معرووفا *** حتى وهما يعملونا فينا الشر ربما نعتقده كذلك
نفترض هذا لكن ديما نقابلوهم بالمعروف
وحقيقة كما يقول المثل هادو والدين يمضغونا وما يسرتوناش وربما تخوفه الزائد عليك جعله يتعامل معاك هكذا
ديما اختي ظني به الظن الحسن وراكي مقبلة على ازواج اطوي الصفحة الماضية و ان شاء الله تتزوجي وراح تشتاقيله
وتتغير نظرتك و تسحبي كلامك
ربي يرزقنا بر والدينا يارب و يقدرنا على رد جمايلهم ولو الشيئ القليل