زوجتي؟

[زويني]

السلام عليكم اخواني تزوجت منذ مايقارب الستة او السبعة اشهر لكن زوجتي لاتقوم بالاعمال المنزلية الا اذا طلبت منها ان ذالك وكانني اذفع لها مقابلا لذالك حاولت تغيير عقليتها لكنها ميالة للتفرج والنوم فقط.في ذهني فكرة تطليقها لكن الصبي الذي ننتظره يمنعني من ذالك فمالعمل ساعدوني؟

[amira19]

انصحها و قل لها انا انتظرت ان تكون زوجتي شاطرة و فحله و كل مرة اندهها نوضي ديري هاديك طيبيلي هاديك ضرك تفيق مع عمرها

قلها ما تخيبيليش ظني فيك و مانيش حابه تطيحي من عيني

[مراد12345]

المرأة ماكرة

لا بد من خداعها

تلك هي الطريقة الوحيدة

[ام نسمة]

اذن السبب واضح ربما حملت بعد الزواج بفترة قصيرة والوحام والحمل منعاها من القيام بذالك او اقصد انها تكاسلت بسبب هذا يا اخي اكسب ودها واتهلى فيها وشوف النتيجة ممكن سؤال ان اردت طبعا هل كنت تحبها قبل الزواج ام انه زواج تقليدي

[نورسين.داية]

أعتقد أنها مريضة .................و الله أعلم ....يعني الحمل ممكن أثر عليها ...ممكن ............لا تستعجل ..أخي

[khawlita.dz]

لا اعرف بالظبط و ليست لدى خبرة لافيدك
لكتى تدكرت قصة صديقة لى وكانت فتاة نشيطة و ربة بيت ممتازة وبعد حملها اصبحت تمضى جل و قتها فى النوم بسبب الحمل و قد اثر عليها هدا كثيرا و قد كانت تحكى لى انها لم تنتبه الا بعد ان انجبت ابنتها الاولى و تعافت وعادت الى طبيعتها ...فصارحها زوجها بانه سعيد لاتها عادت الى سابق عهدها فلما استفسرته لمادا قال هدا وضح لها...وانه لم يكن يريد ان يجرح مشاعرها
ارجح ان السبب هو ..الحمل............والله اعلم
واريد ام اسالك سؤوال بين قوسين هل هدا سبب كاف حتى تفكر بالطلاق وهل اصبح الطلاق وبنات الناس لعبة
الله يصلح احوالكم

[madoucha]

وهل الطلاق حل
هناك عدة حلول واذا عرف السبب بطل العجب اذا كان الكسل بسبب الحمل فيجب ان تعذرها والحمل امر شاق ومتعب حى نفسية المرا تتغير ومزاجها ايضا فيجب مراعاة ضروفها
اصبر عليها فالصبر حكمة

[مسلمة انا]

هذا ليس سببا للطلاق يا اخي هداك الله


اجعلها تتعود بالتدريج ربما لم تربى على حمل المسؤولية ...او كلمها بجد كيف تريد ان يكون البيت مرتبا ونظيفا
انهرها لكن لا تطلق يا اخي

[هدى الجيجلية]

السلام عليكم
اخي
لا تستعجل
في إتخاد القرار
الذي يهدم حياتك الاسرية
هذا بسبب الحمل
في ناس تجيهم على
كره ناس وبيتهم
لا تستعجل اخي

[wiza19]

يا خويا انا من رايي ما تتساهلش معاه و متخليش فكرة انو لوحم اللي خلاها تتفنين....مانيش نقلك اقسى عليها مي لازم تلظ عليها شوي و تهددها باه تفحال....لانو اليوم قتلك من لوحم غدوة تقلك مالزيادة بعدها تقلك مالتربية..... و هكذا توالف التفنيين....يا خويا لظ شوي برك باه متاثرش عليها وعلى الطفل و هاذي ماهيش سبة تاع طلاق....ربي يجيب الهنا ان شاء الله

[imene12]

فترة الحمل جد صعبة خصوصا مرحلة الوحم لأنه تحدث تغيرات نفسية و هرمونية و فيزيولوجية .. يمكن هي من النوع اللي يصبح ينام كثيرا و يتكاسل في هذه الفترة ... ارفق بها أخي

[الإدريسي العلوي]

السلام عليكم:
إليك الوصفة السحرية
أخبرها أنك ستأتي لها بضرة
وانظر إلى النتيجة

[النجمة القطبية]

يا اخى معروف ان حالات الحمل تختلف من امراة لاخرى
كل واحدة وكيف تكون الاعراض عندها حسب وضع الجنين
وهناك بعض الحالات التى يغلب عليها النوم والخمول اسال الكبار وراح تعرف
اعرف حالات كثيرة هكذا يغلب عليها النعاس الشديد والاجهاد
اما سبحان الله التفكير فى الطلاق بسم الله :confused:
ثم تتساءلون لماذا البنات يرفضون الزواج ولماذا يرفعون المهور ولماذا ولماذا
هاو الجواب لماذا واحدة حامل وحتى قبل محاولة فهم المشكلة او البحث عن الاسباب اول ما يفكر فيه ابغض الحلال

[* الحلم سكر *]

يا خويا انا من رايي ما تتساهلش معاه و متخليش فكرة انو لوحم اللي خلاها تتفنين....مانيش نقلك اقسى عليها مي لازم تلظ عليها شوي و تهددها باه تفحال....لانو اليوم قتلك من لوحم غدوة تقلك مالزيادة بعدها تقلك مالتربية..... و هكذا توالف التفنيين....يا خويا لظ شوي برك باه متاثرش عليها وعلى الطفل و هاذي ماهيش سبة تاع طلاق....ربي يجيب الهنا ان شاء الله

يا اختي مع علمي انو هذا رايك الشخصي و ماهوش من حقي نتدخل لكن حبيت نبهك انو الله اعلم بظروف الغير يعني يا ليت تعاودي تقراي كلامك و توقعي هذا الزوج واش راح يفهم و يقتنع ؟ يعني انا مثلا تبادر لذهني انها حجة من الوحم و و و ......
الله اعلم هو وحدو قادر يتفكر كيفاه كانت قبل الحمل و بالضافة اللي عندو قريبة عدات بنفس المرحلة راح يفهم ... أنا اختي معروف فحلة و خفيفة و ما تقعدش بلا خدمة الدار لكن نهار حملت و خاصة الاول و الله كأنها واحدة أخرى و سبحان الله راهي اعراض الحمل تختلف من واحدة الاخرى ...
بعد الانجاب بمدة بعدما ارتاحت و تأقلمت مع وضعها * لي اكيد لمرا ماشي سهلة كانت حياة و تغيرت 180 درجة * و الله الحمد الله كامل عايلتو هـو يحكو عليها و على فحولتها و كيفاه قايمة بالدار و العايلة الكل
الصبر على المرا ماشي لا عيب لا حرام على العكس مرحلة و تفوت ان شاء الله و ربي يوفقكم خويا

[سامية حكيم]

ان ابغض الحلال عند الله الطلاق على حسب خبرتي يكون الحمل هو السبب والله اعلم انت اصبر عليها شويا واهدرمعاها من حين الى آخرممكن تتغير والله الموفق

[albert45]

لا تتسرع أخي و ابحث في الاسباب التي يُرجح حسب علمي أنها الحمل و كبر بالك شوي عليها

[وفاء...]

السلام عليكم
لا تتسرع يا اخي فاتخاذ قرار الطلاق فما سينجم عنه اكبر مما تعانيه الان
كما انها تعاني فقط من اعراض الحمل التي تمر بها غالبا كل النساء
كبر خاطرك و ساعفها تى و ان تطلب الامر انك تندها تقضيلك واش تحتاج
و هذه الروابط قد تفيدك كثيرا في ايجاد اجوبة لاسئلتك
http://vb.arabseyes.com/t51456.html

او

http://arabia.babycenter.com/%D8%A3%D8%A8%D8%B1%D8%B2-10-%D8%B9%D9%84%D8%A7%D9%85%D8%A7%D8%AA-%D8%B9%D9%84%D9%89-%D8%A7%D9%84%D8%AD%D9%85%D9%84#section5

ربي يوفق بيناتكم انشاء الله
سلام

[ميمنة الجزائر]

ربما راهي مع الحمل بصح قوللها وعيها كل يوم


فقط قلها رايحين نسكنو مع يما لا كملتي هكذا برك وتشوف كيفاه تولي تشعلللللللل

ربي يهنيكم بالاك تفكر في الطلاق بالشوية برك

[wiza19]

والله يا خاوتي بالاك يكون كلامي قاسي مي فكرو مليح تلقاوه منطقي...انا كيما قلت لظ قلت اصبر كيما قلت هدد قلت اتفهم....على بالي الحمل يغير من تصرفات المراة مي والله انا قتلو يشد شوي عليها باه ما توالفش تكون هكذا.... رانا كامل نعرفو بللي المراة اذا دللها زوجها بزاف رايحه توالف الدلال و تطلق رحها انا انصحتو هكذا في جال المراة لاني مانيش حابتها تكون نسخة من نساء بزاف توحمو و دلوهم رجالهم و راحت فيهم عادة و ولف انو يدلو و يتفنينو و طفرت فيهم....ان شاء الله تكونو فهمتوني....ربي يجيب الخير ان شاء الله و ربي سلكها بخير وعلى خير و يتربى في عزكم ان شاء الله....

[شاملة لينة]

السلام عليكم:
إليك الوصفة السحرية
أخبرها أنك ستأتي لها بضرة
وانظر إلى النتيجة


وصفة فعالة بامتياز

[عبد الله 22]

السلام عليكم يأخي ضع في جيبك حجرة كبير شوي كل يوم لمدة 10 ايام وسترى القلقل الذي ستعيشه، بعدها أحكم على زوجتك

[لحن الفرح]

السلام عليكم:
إليك الوصفة السحرية
أخبرها أنك ستأتي لها بضرة
وانظر إلى النتيجة


السلام عليكم استغفر الله تقبلها لاختك اخي الكريم
من المفروض تلين القلوب وتدعوا للصلح بين الزوجين ولا تخرب البيوت ربي يهديك

[nebbacheanis]

*=== (( ما يلفظ من قول إلا لديه رقيب عتيد )) ===*

[شاملة لينة]

[quote=لحن الفرح;1052278655]السلام عليكم استغفر الله تقبلها لاختك اخي الكريم
من المفروض تلين القلوب وتدعوا للصلح بين الزوجين ولا تخرب البيوت ربي يهديك [
تعدد الزوجات حلال لا نختاج التعقيب عليه بالاستغفار فهو ليس ذنبا.
وكلام الأخ الادريسي كان من باب المزاح.......

[imane bela]

ya khouya rebi yahdik nchallah
ana bent 3ami ki kanet en ceinte hawzet radjelha medar psq jaha elw7am 3lih welat ter9od bzf w matahmelch mm po tahder m3a radjelha
alr sa3efha elwham machi sahel w zid hada mezyoudha elewel alr tewel balek m3aha w dir hsabek beli ezwadj engagement ya3ni lazem tkoun 9ed elmasouliya machi 3ladjal chwiya tfenyin tahdem darek w ediya3 hyat elmakhlou9a
rebi yahdik w yeslah hwalkom nchallah

[ايمان نور الجزائر]

السلام عليكم
ان كانت تفعل ذلك قبل الحمل فهو كسل منها وخمول وقلة اهتمام
اما ان تغيرت بعد الحمل...فهو اكيد نتيجة الوحم وهنا ليس بيدك شيء
اما ان كانت هي عادتها ...فقم بتهديدها بطريقة غير مباشرة باش تفهم روحها
مثلا جيبلها قصص وقولها صاحبي الفلاني مرتو ما تخدمش الشغل ...وراه مقلق من هاذ الشيء
وراه ناوي يعاود يتزوج ...وحنا نصحناه وقلنالو يصبر بالاك يتعدل حالها ونتي واش رايك؟
او قولها صاحبي الفلاني ديما زاهي بويسك رتو شاطرة ويظل يشكر فيها.......
لازملها شوية غيرة برك واكيد انها ستتغير

[oosaisdo]

سهل يا اخي قلها انك مريضة قليلا ومتعبة لذلك سأجلب من تساعدك في أعمال المنزل وتكون اصغر منك وسترى كيف ستصبح بعدها ههههههههههههه

[zaki4]

انت الذي اخترتها .
اما الان تريد تطليقها-كفاك- ومن قال لك تزوجها.
حاول نصحها ثم صارحها فان ابت
فحاول ابعاد كل مايؤدي الى خمولها

[كلمة مني]

السلام عليكم اخواني تزوجت منذ مايقارب الستة او السبعة اشهر لكن زوجتي لاتقوم بالاعمال المنزلية الا اذا طلبت منها ان ذالك وكانني اذفع لها مقابلا لذالك حاولت تغيير عقليتها لكنها ميالة للتفرج والنوم فقط.في ذهني فكرة تطليقها لكن الصبي الذي ننتظره يمنعني من ذالك فمالعمل ساعدوني؟

وعليكم السلام ورحمة الله وبركاته
أخي الكريم لا تتسرع وكن حكيما ، ممكن الوحم هو لي أثر فيها لاتوجد إمرأة متزوجة لا تقوم بالأعمال المنزلية صدقني الوحم يأثر على المرأة بشكل كبير والوحم ليس بالسهل فهو عبارة عن مرض
أنت تقول بأنها طبيعية ولكنها ليست كذلك
الوحم يأثر على الحامل نفسيا تصبح كالمجنونة :confused: أول شيئ تكره زوجها والبيت و الرائحةو الطعام وإلى آخره
الوحم من عند الله وهو نعمة من عنده سبحانه عن نفسي رأيت الوحم أصعب من الولادة

إصبر معاها ولا تظلمها
والسلام عليكم ورحمة الله وبركاته

[yousra14]

ارحموا من في الا رض يرحمكم من في السماء

[همسة مشاعر]

اخي ادا كانت حامل غير متقلق روحك حتى تزيد وترتاح وترجع نورمال درك ترجع تخدم زوجها مكانش وحدة متحبش تخدم زوجها

[الجواهر]

يا خويا انا من رايي ما تتساهلش معاه و متخليش فكرة انو لوحم اللي خلاها تتفنين....مانيش نقلك اقسى عليها مي لازم تلظ عليها شوي و تهددها باه تفحال....لانو اليوم قتلك من لوحم غدوة تقلك مالزيادة بعدها تقلك مالتربية..... و هكذا توالف التفنيين....يا خويا لظ شوي برك باه متاثرش عليها وعلى الطفل و هاذي ماهيش سبة تاع طلاق....ربي يجيب الهنا ان شاء الله

انت حماتها بلا منازع :1:
انت تتحدثين عن طلاق ..عن ابغض الحلال عند الله بسبب اعمال البيت و المرأة تمر بفترة حمل ...لست متزوجة و لكن اختي انجبت و كانت تسقط مغشية عليها من شدة التعب ..لو كانت امراة اخرى لقلت تلعب فيها برك و لكنها اختي و اعلم صدقها
فلم تهاجمينها و انت لا تعرفين ظروفها ؟

[نجمة ساطعة]

لا انصح بالطلاق ابدا و لكن انتظر بعد الولادة اذا لم تتغير حاول بشتى الطرق نصحها

[زويني]

اذن السبب واضح ربما حملت بعد الزواج بفترة قصيرة والوحام والحمل منعاها من القيام بذالك او اقصد انها تكاسلت بسبب هذا يا اخي اكسب ودها واتهلى فيها وشوف النتيجة ممكن سؤال ان اردت طبعا هل كنت تحبها قبل الزواج ام انه زواج تقليدي
حامل بعد الزواج مباشرة واحبها وانا من اختارها

[زويني]

السلام عليكم يأخي ضع في جيبك حجرة كبير شوي كل يوم لمدة 10 ايام وسترى القلقل الذي ستعيشه، بعدها أحكم على زوجتك

شششششششششششششششششششكرا فهمت القصد ير حم والديك

[maramelmess]

اخي الكريم اصبر عليها انا كيكت حامل كونت كماهييا سواسوا كان بزاف يغلبنى التعب و الرقاد مي داري كونتشفها مكنت تشبه لوالو مي الحمد لله راجلي كان متفهم حالتي و هو كان يقولي معلش راكي بل الحمل كي تولدى ربي يعمل التاويل و الهدا الشئ هوا لي خلاه يكبر في عيني و يزيد حبي ليه دوك الحمد لله كي و لدة و رفت صحتي كي. ما بكري داري كل يوم تولول و زوجي كيما تفهم حالتي وليتلو مشي غير نعم الزوجة لحاجة لي يطلبها و يتمناها نديرهالو مما كي دلي حاجا تزافني غير علاجال هدوك ليمات لصبر فيهم علي يا نجوزهالو متخربش دارك بيديك و لله لحمل بزاف واعر ربي يسلكها بخيرو يرزقكم بدرية الصالحا و يهنيكوم

[السيدة كرمين]

سبعة أشهر زواج و المفترض أن زوجتك حامل
وهذا أمر تعرفه معضم النساء فتكون حالتها النفسية و الصحية
لا تسمح بذلك ، حاول لما هي تقوم لأعمال المنزلية تكون
معها مش شرط يد بيد 100 /100 لكن ساعدها
هذا أمر اختبرته بنفسي فمثلا في رمضان الماضي كنت أنام
طوال اليوم فلا أعمال منزلية ولا عبادة -أ صلي فقط -
وكان زوجي يكتفي بشق الفطر و الذهاب للمسجد
وبعد عودته من التراويح نكون حضرت الفطور
وهذا جميل سأحمله طول عمري له

لا تتسرع واصبر بعد الولادة بفترة


ربي يقدر الخير

[bibicha]

اخي انا نحكيلك حكايتي ربما تعتبر منها و تفهم زوجتك
الوحم حاجة صعيبة بزاف ز عن تجربة لانو المرأة خاصة و اذا رفدت من الاول راح تجيها صعيبة هم توالف المعيشة الجديدة و هم التغير الهرموني لي دارهولها الحمل و بعد مرور الوقت تبدا تثقال و تكون ديها تعبانة راح تقول ايه وعلاش؟جرب نهار برك اربط 5 كيلو في كرشك و امشي بيهم النهار طول و فليل ارقد على الجنب و صباح ارواح جاوبنا اذا قدرت تنوض من مكانك و ترفد خاجة طايحة قدامك اظافة الى انها حاجة والو تتعبها و هذا راجع الى انو دورتها الدموية تخدم ضعف ليها و للجنين في نفس الوقت
و زيد الحالة النفسية تلعب دور كبير المرأة الحامل ترجع انسانة حساسة بزاف و خاجة والو تقيسها و تبكيها انا ننصحك حاول ساعفها ما بقاش قد الي فات و ياك نتزوجو باش نرجعو انسان واحد و نوقفو مع بعضانا فالحلوة و المرة بالاك زوجتك الكريمة ما راهيش تقوم بأشغال المنزل لكن نضن فيها صوالح ايجابية الانسان يغطي بيهم هاذ السلبيات حتي تولد ان شاء الله
و بالنسبة للناس لي قالو زوج عليها و و و خاصة البنات حابة نقولكم ما تجاوبوش بلا ما تكونو جربتو و ان شاء الله يجي نهار وين تحملو و ارواحو شاركونا حكاياتكم

[sali-sali]

السلام عليك
اخي اصبر لانها مريضة وحامل
ولا انت حاول تساعدها و تنبها انها تقوم بالاعمال المنزلية
الا الطلاق وخاصة انها حامل ماتفكرش فيه في الوقت الحالي

[rosa allia]

أعرف قصة مشابهة تقريبا لقصتك بدأت بالتقريب مثل حكايتك لكن الآن تلك المرأة تمادت بالفعل وأصبح منزلها لا يطاق بالمعنى "غامل" وراجلها يسايس فيها ويصبر لكنهم الآن في وضع لا يحسدون عليه الأولاد دائما مرضى وانعدام كلي للنظافة والترتيب في المنزل
المغزى: غير زير السنتورة وأربطها من ذرك وحذاري أنك تتساهل معاها في أمور النظافة وترتيب شؤون البيت لأن ناس بكري قالو:" اللي حر حر والخدمة ما تضر"
حاسبها وعاتبها دائما قولها أنا نحب البيت يكون نظيف ومرتب باش نلقى راحتي وماتسكتش خلاص
والله راني ننصح فيك كيما خويا على خاطر شفت بعيني حكاية هكا بدات ولحد الآن مازالو هك ربي يهديها برك.

[شروق الاسلام12]

نقلك يا خويا انا راني حامل وصح طاح عليا التفنين والتعب والشهور الاولى غير ناعسة ونحب نرقد تحسب في الحمل ساهل راه مش ساهل تحب تكون أب تحمل
ربي سبحانه يقلك حملته أمه وهنا على وهن ربي يعطيك العقل