حابة تخدمي صدر كريستال؟؟ .... ادخلي

[نبيلة 81]

:dj_17: راني وفيت بوعدي لكل لي طلبو مني شرح لصدور الكريستال ... وسامحوني اذا تأخرت كنت غايبة


1- لازم يكون عندك حوالي 200 أو 250 غ من المكرمي (الكريستال / الديامو) + خيط + كروشي يكون رقيق
تبداي بخيط مزدوج و اعملي سلسلة قد القيس لي حابتيه .. أنا عادة ندير حوالي من 260 الى 290 عين حسب رقبتك

http://im41.gulfup.com/CmBRV.jpg

http://im39.gulfup.com/imwtT.jpg




2- اغلقي السلسلة و قطعي الخيط الثاني وكملي بخيط واحد

http://im38.gulfup.com/unWA5.jpg



3- دخلي حبة الكريستال في الكروشي

http://im39.gulfup.com/WppsU.jpg




4 - وزيدي دخلي الكروشي فالعين الثانية تاع السلسلة وجبديه داخل حبة الكريستال

http://im40.gulfup.com/78F9N.jpg





5- اجبدي الخيط مرة أخرة باه تغلقي على حبة الكريستال كيما موضح فالصورة

http://im40.gulfup.com/jePze.jpg


http://im38.gulfup.com/V33sa.jpg





6- زيدي الحبة الثانية وخلفي عين وحطي فالثانية و اخدمي بنفس الطريقة ... لي يدها مزيرة يجيوها العيون صغار تخلي 2 بين كل حبيتن باه ما يجيهاش مشبوح

http://im38.gulfup.com/yLmrC.jpg


http://im38.gulfup.com/nKSz6.jpg




7- كملي السلسلة حتى النهاية و لصقي الحبة الأخيرة فالخيط تاع الحبة لي بديتي بها

http://im40.gulfup.com/3DsBr.jpg




8 - وهاذي السلسلة كملت وشكلنا السطر الأول

http://im40.gulfup.com/5oIxZ.jpg




9- انتقلي للسطر الثاني وحطي حبة الكريستال بين الحبتين أي في المثلث لي يتشكل بيناتهم

http://im38.gulfup.com/220Zz.jpg



10- هنا فالسطر الثاني نزيدو 2 عين بين كل 2 حبات

http://im40.gulfup.com/g0cnc.jpg


ومن بعد فالسطر الثالث والرابع ديري زيدي عين بين كل حبة وأخرى
و زيدي فالسطر الخامس والسادس بين حبيتين عين و بين الحبيتين لي وراهم 2 عين
و هكذا ابقاي زيدي حتى فالسطر الأخير يكون عندك بين كل حبة وحبة 3 عيون
وعادة أنا ندير حوالي 11 سطر
وطبعا كل أخت و لاطاي تاعها تقدري ديري 9 أسطر أو 10 أو حتى 13 سطر

بالنسبة للمكرمي أو الكريستال كاين بأحجام وألوان وأشكال مختلفة و أنت وذوقك تخيري كيما تحبي

أهم حاجة ما تشبحيش يدك بزاف ارخفي قد ما تقدري هكذا ما يجيكش فاسد
والبداية ديما تكون صعيبة و ما تعرفيش تحكمي حبة المكرمي حاولي وكسري راسك حتى يوالف يدك
نتمنى تكونو فهمتوني و إذا كاين سؤال مانيش رايحة نبخل خواتاتي :mh31::mh31::mh31::mh31::mh31:

[ام الطيب]

السلام عليكم
بارك الله فيك
واصلي كل المراحل .........انشاء الله يثبت الموضوع
علاش محطيتيش الموضوع في قسم الكروشي

[marazf]

baraka ellaho fik khti 3la elifada w rabi yej3alha fimizane hassanatek
mawdou3 raye3 w mofid
tahiyati hbibti

[جيجلية]

موضوع رائع

نتمنى تواصلي الشرح وتورينا الموديل كيكمل

[بيلسان11]

بارك الله فيك ربي يعطيك ما تتمناي.

[نبيلة 81]

السلام عليكم
بارك الله فيك
واصلي كل المراحل .........انشاء الله يثبت الموضوع
علاش محطيتيش الموضوع في قسم الكروشي






الله يبارك في أختي الكريمة
و الله ما جا في بالي نحطو في قسم الكروشي ... المهم رايحين يشوفوه الأخوات و ان شاء الله يستفيدو

[نبيلة 81]

baraka ellaho fik khti 3la elifada w rabi yej3alha fimizane hassanatek
mawdou3 raye3 w mofid
tahiyati hbibti



شكرا ليك اختي على الرحب والسعة

[نبيلة 81]

موضوع رائع

نتمنى تواصلي الشرح وتورينا الموديل كيكمل


أكيد رايحة نوريلكم كي يخلص

[نبيلة 81]

بارك الله فيك ربي يعطيك ما تتمناي.




يبارك فيكي أختي العزيزة ... نشا الله ربي يعطيني واش نتمنى:19: يااااااااااااااارب

[وليد مولودية]

شكرا اختي واصلي الشرح و اكيد راح نطبقوه ان شاء الله

[نسمة الورود]

ربي يجازيك كل خير

[zsalima]

يعطيك الصحة نبيلة على الشرح و ان شاء الله تكمليه وتلبسيه بالصحة والهنا
بصح بغيت نسقسيك هاديك الزيادة في العيون اللي بين حبات الكريستال واش خاصة غي بهاد المودال اللي راكي تخدميه ولا اي مودال آخر وأنا كنت باغية نخدم واحد في مجلة أنفال كريستال وهداك الباترون اللي حاطينه ما تبانش الزيادة كيما راكي تقولي
نتمنى تجاوبيني واسمحيلي اذا كترت عليك

[abir chemss]

هذا واش كنت نستنى ...يعطيك الصحة على التطبيق ..حبيت نسقسيك احنا الكريستال يبيعوه les grossistes في ساشيات تعمل 450 دج نشري منو و لا نشري تاع الميزان ........و انت استعملتي المتوسط و لا الكبير

[نبيلة 81]

يعطيك الصحة نبيلة على الشرح و ان شاء الله تكمليه وتلبسيه بالصحة والهنا
بصح بغيت نسقسيك هاديك الزيادة في العيون اللي بين حبات الكريستال واش خاصة غي بهاد المودال اللي راكي تخدميه ولا اي مودال آخر وأنا كنت باغية نخدم واحد في مجلة أنفال كريستال وهداك الباترون اللي حاطينه ما تبانش الزيادة كيما راكي تقولي
نتمنى تجاوبيني واسمحيلي اذا كترت عليك



يعيشك اختي
في مجلة أنفال يخدمو بطريقة غير لي نخدم بها أنا ...... المهم تقدري تطبقي الشكل تاع الصدر لي عجبك في مجلة أنفال بطريقتي أنا ....... الزيادة هاذيك باه يجيك الصدر مدور ويصلح للخياطة

لوكان تلاحظي فالمجلة تلقاي الحبات محطوطين بشكل أفقي أما أنا نخدمهم بشكل عمودي وهذا هو الفرق

[janino]

بارك الله فيك اختي نحاول نطبق الوقت مكانش خلاص

[نبيلة 81]

هذا واش كنت نستنى ...يعطيك الصحة على التطبيق ..حبيت نسقسيك احنا الكريستال يبيعوه les grossistes في ساشيات تعمل 450 دج نشري منو و لا نشري تاع الميزان ........و انت استعملتي المتوسط و لا الكبير



شوفي واش يخرج عليك من الناحية المادية ..
إذا كنتي تخدمي ليك برك اشري بالميزان من كل لون شوية و يكون المجموع حوالي 200 غ الى 250 غ
أما إذا كانت حرفتك اشري بالساشي خير يخرجلك وتقدري تتفاهمي مع مول الحانوت ينقصلك كي تكوني زبونة دائمة عندو
أنا عادة نستعمل الرقيق والمتوسط ... ويعجبني أكثر الرقيق على خاطر يجي خفيف (مع أنو يقلق شوية)
شوفي هذا

http://www.djelfa.info/vb/showthread.php?t=1252293

[نبيلة 81]

ما يديش بزاف وقت .. لي تكون متعودة على الكروشي تقدر تكملو في ساعتين الى 3 ساعات
تقدري تخدمي ولو كل يوم سطر واحد

[بنت مسلمة]

يعطيك الصحة على المجهود بارك الله فيك على الاهتمام

[sarsoura.emo]

مشكورة اختي جزاك الله خيرا واااااااو 444444444444444444

[المسلمة21]

بارك الله فيك و الله حبيت نتعلمو ربي يجازيك كل خير

[zsalima]

شكرا نبيلة اللي جاوبتيني والله يعاونك وعندك كي تكمليه ما تنسيش توريهلنا

[شوشو145]

اختي الله ينولك اللي في بالك
انا عندي مجلة انفال حاولت نطبق الطريقة قلقتني
بصح بشرحك انشالله ننجح وبارك الله فيك على الافادة

[ميرا 48]

جزاك الله خيرا
شكرا لك

[لمسة من الماضي]

الله يبارك

يعطيك الصحة كنت نحوس على ورشة من هذا النوع

لكن حبيت نسقسيك

يمكن نخدم بالخيط على 2 ؟؟؟ لخطرش منعرفش نتحكم في الخيط على 1

واش رايك ؟؟؟؟

و حبات الكريستال 250 غ من كل نوع ؟؟؟؟؟؟؟؟؟؟ يعني لحبت دير 3 الوان كم تشري

[نبيلة 81]

الله يبارك

يعطيك الصحة كنت نحوس على ورشة من هذا النوع

لكن حبيت نسقسيك

يمكن نخدم بالخيط على 2 ؟؟؟ لخطرش منعرفش نتحكم في الخيط على 1

واش رايك ؟؟؟؟

و حبات الكريستال 250 غ من كل نوع ؟؟؟؟؟؟؟؟؟؟ يعني لحبت دير 3 الوان كم تشري



يبارك فيكي أختي

تقدري تخدمي بالخيط على 2 طبعا كيما تحبي لكن ما تشبحيش يدك بزاف باه ما يجيكش يابس
وبالنسبة للكريستال 250 غ الكمية الاجمالية يعني كي تخدمي ب 3 ألوان تشري من كل لون حوالي 30 غ
وربي يوفقك

[نبيلة 81]

شكرا نبيلة اللي جاوبتيني والله يعاونك وعندك كي تكمليه ما تنسيش توريهلنا



العفو أختي
نشا الله كي نكملو رايحة نحطولكم تشوفوه

[oum abderrahman]

الله يبارك

يعطيك الصحة

[mouna04]

ربي يجازيك و يجعلو في ميزان حسناتك

[hayat-48]

جزاك كل الخير بارك الله فيك

[وردة المنتديات]

هايل يعطيك الصحه
حبيت نسقسيك تستعملي الكريستال على حسب لون القماش ؟؟
وكفاش تخيطي الصدر على القماش ماشي صعيب ؟

[نبيلة 81]

هايل يعطيك الصحه
حبيت نسقسيك تستعملي الكريستال على حسب لون القماش ؟؟
وكفاش تخيطي الصدر على القماش ماشي صعيب ؟

أكيد الكريستال حسب لون القماش


وبالنسبة للخياطة تخيطيه على الحاشية لي راكي تشوفي فيها باستعمال المشينة أو بيدك ما رايحش يبان

الخياطة تاعو ساهلة ماهلة

[وردة المنتديات]

أكيد الكريستال حسب لون القماش


وبالنسبة للخياطة تخيطيه على الحاشية لي راكي تشوفي فيها باستعمال المشينة أو بيدك ما رايحش يبان

الخياطة تاعو ساهلة ماهلة

بارك الله فيك اختي سؤال اخير وش الفرق بين كي نخدموالصدر كامل ونحطو الكريستال بالابره
كما داراتواخت هنا في المنتدى وكما الي خدمتيه انتي وايهما اسهل ؟؟
:mh31:

[نبيلة 81]

بارك الله فيك اختي سؤال اخير وش الفرق بين كي نخدموالصدر كامل ونحطو الكريستال بالابره
كما داراتواخت هنا في المنتدى وكما الي خدمتيه انتي وايهما اسهل ؟؟
:mh31:


الحقيقة أنا ما شفتش لي خدمتو هاذ الأخت وعلى هذا ما نقدرش نحكم

ويظهرلي الطريقة لي نخمد بها أكثر سهولة وعملية

[وردة المنتديات]

الحقيقة أنا ما شفتش لي خدمتو هاذ الأخت وعلى هذا ما نقدرش نحكم

ويظهرلي الطريقة لي نخمد بها أكثر سهولة وعملية

الاخت خدمت الصدر وامبعد لصقت الكريستال بالابره والخيط
على العموم جزاكي الله خيرا اختي وان شاء الله نزيدو نشوفو اعمالك الرائعه بالتوفيق :mh31:

[dina mi]

اختي نبيلة تعيشي زيدي وضحيلي اكتر فهمت البداية من بعد قلتيلي في السطر الخامس والسادس ندير 3 عيون بين كل حبة وحبة ومن بعد في السطور الاخرين نكمل نزيد العيون ولا نبقى ندير غير 3 عيون تعيشي اختي وكي نكمل الصدر باه نعدل الرقبة

[dina mi]

علبالي كترت عليك اختي نتمنى تجاوبيني والله راني حابة نخدم واحد بصح كل مرة نكملو ونعاود نفتحو ما يجيش مدور

[majdoulina]

و الله غي هايييييييييل

[ام امجد و انفال]

شكرا شكرا شكرا شكرااااااااااااااااااااااااااااااااااااا

[نبيلة 81]

اختي نبيلة تعيشي زيدي وضحيلي اكتر فهمت البداية من بعد قلتيلي في السطر الخامس والسادس ندير 3 عيون بين كل حبة وحبة ومن بعد في السطور الاخرين نكمل نزيد العيون ولا نبقى ندير غير 3 عيون تعيشي اختي وكي نكمل الصدر باه نعدل الرقبة


لالا ماكان حتى مشكل أختي الحبيبة واسمحيلي كي ما زربتش رديت عليك :mh92:

أنا ماقلتش في السطر الخامس والسادس ندير 3 عيون بين كل حبة وحبة... إنما قلت أنك تبقاي تزيدي فالعيون حتى فالسطر الأخير يكون عندك بين كل حبة وحبة 3 عيون
مثلا :

ديري فالسطر 2 و 3 عين بين كل حبة وأخرى
فالسطر 4 و 5 زيدي بين حبة وأخرى عين وبين الحبة الموالية 2 عين
فالسطر 6 و7 زيدي 2 عين بين كل حبة وأخرى
فالسطر 8 و9 زيدي بين حبة وحبة 2 عين و بين الحبةلي وراها 3 عيون
فالسطر 10 و 11 زيدي 3 عيون بين حبة وحبة
وهكذا يجيك مدور
يعني وزعي الزيادة تاع العيون على السطور كيما تحبي المهم تكون بطريقة منتظمة
وما تنسايش ارخفي يدك وأنت تخدمي

[omomouad]

اختي نبيلة الله يعطيك الصحة على الشرح الوافي بارك الله فيك
وبغيت نسقسيك اختي :انا بديت في صدر وتبعت خطواتك لكن كي كملت السطر الاول لاحظت انه يتلوى عل نفسه فهل هذا طبيعي وراح يتسرح بعدما ندير بقية الاسطر ولا لا؟
ارجو الاجابة باسرع فرصة باش نكمله ومانخددمش ونعهاود نحله
وهاهو كي خرجلي السطر الاول
ان لم تستطع الاخت نبيلة تجاوبني هل من الممكن ان تجيبني احدى الاخوات المختصة او اللاتي حاولن صنعه
وجزاكن الله خيرا
http://im31.gulfup.com/4qXPd.jpg (http://www.gulfup.com/?CpECBO)

http://im31.gulfup.com/8kf0E.jpg (http://www.gulfup.com/?CSSoHR)

[omomouad]

ياااااااااااااااا اخوات ارجوكن جاوبوني

[amel amri]

http://t1.gstatic.com/images?q=tbn:ANd9GcRjyMniX0HBF-l11p_iDOB1Msg3u47eWFyoTgN-N2dNU-pEqaJm1Q

[ابتسام18]

يعطييييييييييييك الصحة.........ربي يخليلك يدييييييييييك........الشااااااااطرة

[أم سيرين1]

يعطيك الصحة حبيبتي ربي يرزقك ما تتمناي و يرزقك الفردوس الاعلى على هاد الشرح الرائع البسيط و المميز
+احلى تقيييم غاليتي

[وليد مولودية]

بارك الله فيك

ربي يجازيك بكل خير

[sousou abs]

wa3er chwiya

[أم عبد الرحيم2]

بارك الله فيك حبيبتي و يجعله في ميزان حسناتك

[نبيلة 81]

اختي نبيلة الله يعطيك الصحة على الشرح الوافي بارك الله فيك
وبغيت نسقسيك اختي :انا بديت في صدر وتبعت خطواتك لكن كي كملت السطر الاول لاحظت انه يتلوى عل نفسه فهل هذا طبيعي وراح يتسرح بعدما ندير بقية الاسطر ولا لا؟
ارجو الاجابة باسرع فرصة باش نكمله ومانخددمش ونعهاود نحله
وهاهو كي خرجلي السطر الاول
ان لم تستطع الاخت نبيلة تجاوبني هل من الممكن ان تجيبني احدى الاخوات المختصة او اللاتي حاولن صنعه
وجزاكن الله خيرا
http://im31.gulfup.com/4qxpd.jpg (http://www.gulfup.com/?cpecbo)

http://im31.gulfup.com/8kf0e.jpg (http://www.gulfup.com/?cssohr)


أختي سمحيلي لأني ما جاوبتكش لأني ماكنتش ندخل

المهم راه يجيك ملتوي لأنك في الغالب تشبحي يدك وأنت تظفري ، خلي كل حبة تدي حقها من الخيط لأن لو شبحتي الخيط على الحبة تاع الكريستال رايحة تتبرم
وثانيا السطر الأول يكون ملوي شوية حتى تخدمي باقي الأسطر رايح يتسقم
ملاحظة: انتبهي لما تغلقي السطر الأول و تلصقيه مع بعضو لازم تتأكدي أنو ماهوش مبروم وتكون حبات الكريستال كلها على جهة وحدة هذا باه ما يجيكش الصدر فاسد

[لمسة من الماضي]

ممكن تقول لي كم حبة كريستال استعملت في السطر الواحد اختى نبيلة

و انا الحبات مجاوني واقفين و انما نايمين شوية هل هذا نورمال ؟؟؟؟

راني نخدم و نعاود اختى نبيلة لانه مجانيش مدور

ما العمل ؟؟؟؟؟؟؟؟؟؟؟؟

[رانية15]

بارك الله فيك اختى على السرح الرائع

[wafarim]

:dj_17::dj_17: روعة كنت ابحث على صدر من هذا النوع شكراااااااااااا

[wafarim]

بصراحة خرجلك روووووووووووووووعة
راني حابة نجربو
كنت شفت طريقة وهناك استعملو الابرة
ما الفرق بينهما

[nour48eddine]

السلام عليكم
الرجاء أخي الكريمة أن تبعثي لنا بالجديد في مجال صدور الكريستال خاصة و أنا مبتدئة في هذا المجال و لك مني جزيل الشكر

[karimaladjel]

موضوع رائع

نتمنى تواصلي الشرح وتورينا الموديل كيكمل

[نبيلة 81]

ممكن تقول لي كم حبة كريستال استعملت في السطر الواحد اختى نبيلة

و انا الحبات مجاوني واقفين و انما نايمين شوية هل هذا نورمال ؟؟؟؟

راني نخدم و نعاود اختى نبيلة لانه مجانيش مدور

ما العمل ؟؟؟؟؟؟؟؟؟؟؟؟





سامحيني بزاااااااااااااف لأني ما جاوبتكش

الحبات تكون حوالي 80 حبة وكل وحدة لاطاي تاعها

أما الحبات لي ماجاوكش واقفين فممكن لأنك تشبحي الخيط بزاف عليهم لازم تخلي الخيك مرخوف شوية بقدة الطول تاع الحبة ... يعني لوكان تشبحي الخيط عليها بزاف رايحة ترقديها وما يكونش عندها المكان باه جيك واقفة

وباه يجيك مدور لازمك تزيدي العيون في كل سطر تماما كيما "لي ناب" أذا ما تزيديش العيون رايح يجيك مكبس السطر الأول قد الأخير .. حاولي تركزي مع الشرح وديري وعاودي حتى تنجحي

أنا أول مرة خدمتو فتحتو حوالي 4 أو 5 مرات حتى جاني مليح

[نبيلة 81]

بصراحة خرجلك روووووووووووووووعة
راني حابة نجربو
كنت شفت طريقة وهناك استعملو الابرة
ما الفرق بينهما


شكرا ليك أختي هذا من حسن ذوقك

تاع الابرة ما شفتوش وكل وحدة وطريقتها وانت اتبعي لي تساعدك وتقدري تطبقيها

[لمسة من الماضي]

تسلمي اختى نبيلة

لقد نجحت بعد عدة محاولات

فما رايك ؟؟؟؟؟

http://www.djelfa.info/vb/showthread.php?t=1502782

[سمراء الدنيا]

بارك الله فيك اختي
موضوع مميز

[نبيلة 81]

تسلمي اختى نبيلة

لقد نجحت بعد عدة محاولات

فما رايك ؟؟؟؟؟

http://www.djelfa.info/vb/showthread.php?t=1502782


يعطيك الصحة أختي وأخيرا نجحتي بفضل تصميمك وتحديك وهكذا تقدري ترسمي فيه الاشكال لي حبيتي وكل ما خدمت واحد تزيدي تكتسبي مهارة وخبرة و اتقان
موفقة ان شاء الله

ونشا الله فالقريب نحطلكم نوع آخر بالديامو الرقيق

[منال 15]

بارك الله فيكي رووووووووعه

[صرخة الحرية]

السلام عليكم
بارك الله فيك

[نبيلة 81]

الله يبارك فيكم جميعا

[فاطمة23]

بارك الله فيك اختي والله يجازيك على كل عمل خير
نحاول نطبق لكن حابة نعرف كيفاش نخير رقم كروشي على حساب الخيط مانعرفش هل كروشي رقيق مع الخيط رقيق والخشين مع كروشي بحجم خشين ولا كيفاش
ونزيد نطلب منك طلب كاش ماعندك باترون تع فراشة كبيرة تركب في الظهر
وبارك الله فيك
مشكورة حبيبتي

[كاميلياس]

يعطيك الصحة شباب بزاف راح نحاول نطبقوا شكرا

[أم عبد الرحيم1]

يسلموووووووووووووووووووووووو

[أم فاطيمة]

شكرا الاخت نبيلة
الله يخليك تقصدي بالزيادة نديرو وحدة سلسلو و لا واش تقصدي

[ام جوادوياسين]

بارك الله فيكم

[نبيلة 81]

بارك الله فيك اختي والله يجازيك على كل عمل خير
نحاول نطبق لكن حابة نعرف كيفاش نخير رقم كروشي على حساب الخيط مانعرفش هل كروشي رقيق مع الخيط رقيق والخشين مع كروشي بحجم خشين ولا كيفاش
ونزيد نطلب منك طلب كاش ماعندك باترون تع فراشة كبيرة تركب في الظهر
وبارك الله فيك
مشكورة حبيبتي


سامحيني بزاااااااااااااااف تأخرت فالجواب
بالنسبة للكروشي من الأحسن يكون رقيق باه يدخل في حبة الكريستال بسهولة خاطر لوكان يكون خشين ما يدخلش
أما بانسبة لباترون الفراشة ما عنديش

[نبيلة 81]

شكرا الاخت نبيلة
الله يخليك تقصدي بالزيادة نديرو وحدة سلسلو و لا واش تقصدي


يعيشك أختي وسامحيني على التأخر

نقصد نزيد ماي وحدة أو حلقة وحدة وليس سلسلة

السلسلة هي مجموعة من لي ماي أو العيون بالدارجة

[nataliealg]

:dj_17::dj_17::dj_17::dj_17: راني وفيت بوعدي لكل لي طلبو مني شرح لصدور الكريستال ... وسامحوني اذا تأخرت كنت غايبة


1- لازم يكون عندك حوالي 200 أو 250 غ من المكرمي (الكريستال / الديامو) + خيط + كروشي يكون رقيق
تبداي بخيط مزدوج و اعملي سلسلة قد القيس لي حابتيه .. أنا عادة ندير حوالي من 260 الى 290 عين حسب رقبتك

http://im41.gulfup.com/CmBRV.jpg

http://im39.gulfup.com/imwtT.jpg




2- اغلقي السلسلة و قطعي الخيط الثاني وكملي بخيط واحد

http://im38.gulfup.com/unWA5.jpg



3- دخلي حبة الكريستال في الكروشي

http://im39.gulfup.com/WppsU.jpg




4 - وزيدي دخلي الكروشي فالعين الثانية تاع السلسلة وجبديه داخل حبة الكريستال

http://im40.gulfup.com/78F9N.jpg





5- اجبدي الخيط مرة أخرة باه تغلقي على حبة الكريستال كيما موضح فالصورة

http://im40.gulfup.com/jePze.jpg


http://im38.gulfup.com/V33sa.jpg





6- زيدي الحبة الثانية وخلفي عين وحطي فالثانية و اخدمي بنفس الطريقة ... لي يدها مزيرة يجيوها العيون صغار تخلي 2 بين كل حبيتن باه ما يجيهاش مشبوح

http://im38.gulfup.com/yLmrC.jpg


http://im38.gulfup.com/nKSz6.jpg




7- كملي السلسلة حتى النهاية و لصقي الحبة الأخيرة فالخيط تاع الحبة لي بديتي بها

http://im40.gulfup.com/3DsBr.jpg




8 - وهاذي السلسلة كملت وشكلنا السطر الأول

http://im40.gulfup.com/5oIxZ.jpg




9- انتقلي للسطر الثاني وحطي حبة الكريستال بين الحبتين أي في المثلث لي يتشكل بيناتهم

http://im38.gulfup.com/220Zz.jpg



10- هنا فالسطر الثاني نزيدو 2 عين بين كل 2 حبات

http://im40.gulfup.com/g0cnc.jpg


ومن بعد فالسطر الثالث والرابع ديري زيدي عين بين كل حبة وأخرى
و زيدي فالسطر الخامس والسادس بين حبيتين عين و بين الحبيتين لي وراهم 2 عين
و هكذا ابقاي زيدي حتى فالسطر الأخير يكون عندك بين كل حبة وحبة 3 عيون
وعادة أنا ندير حوالي 11 سطر
وطبعا كل أخت و لاطاي تاعها تقدري ديري 9 أسطر أو 10 أو حتى 13 سطر

بالنسبة للمكرمي أو الكريستال كاين بأحجام وألوان وأشكال مختلفة و أنت وذوقك تخيري كيما تحبي

أهم حاجة ما تشبحيش يدك بزاف ارخفي قد ما تقدري هكذا ما يجيكش فاسد
والبداية ديما تكون صعيبة و ما تعرفيش تحكمي حبة المكرمي حاولي وكسري راسك حتى يوالف يدك
نتمنى تكونو فهمتوني و إذا كاين سؤال مانيش رايحة نبخل خواتاتي :mh31::mh31::mh31::mh31::mh31:

[nacerjalal]

الصور لا تظهر