مشكلة

[مشكلتي]

السلام عليكم
والله منعرف من نبدا المهم أنا خطبني واحد وهو من الأقارب وكل العائلة وافقت عليه بما فيهم أنا لكن كنت خايفة من البداية وقلت بلي نديرو حتى خطوة حتى نحكي معاه في التلفون ونعرف العقلية وكان رأي هو تاني من نفس رايي بديت نحكي معاه وكل مرة كنت نكتشف حوايج فيه بصح كي نحكي ليما تقلي كامل الرجال فيهم هاد العادات حتى بالأمس حدثت الطامة الكبرى كي زل لسانو وقالي أنا نسكر وكي قتلو من وينت هكا قالي هادو عامين مع العلم انا منعرفتش لأنو منحكيش معاه في الليل قتلو علاه مقتليش قالي محبيتش نخسر وحدة كيفك عجبتني عقليتك والله غير تشوكيت وراني غير نبكي لأنو والفت بزاف وبنيت معاه الأحلام



أدعو ربي معاكم يفرج علي في أقرب وقت

[مراد12345]

مادام أنه يشرب الخمر

فهو ليس برجل خلق ودين

ومنه توقفي من الآن

ولا تندمي على شيء

[RANIA 3]

يا أختي من رأيي أطلبي إليه أن يتوقف عن هذا الشيء فهو حرام و أخبريه أنه إن لم يتوقف فإنك سوف تتركينه فإذا تأكدت أنه لم يتوقف أخبري أهلك و اتركيه

[هند222]

تعرفي انك من الفتيات المحظوظات

والله المفروض تفرحي وتحمدي الله كثيرا
لأنك اكتشفت هذا الإنسان قبل بدا اي خطوة

وان كانت على الأحلام
فسامحني فهي مجرد احلام فقط لاغير

فليس هذا هو الزوج المناسب الذي تأتمنين معه على حياتك وعلى أولادك مستقبلا

تعرفي ان السكر اي شرب الخمر من الأشياء التي تؤدي الى أمور أخرى

وداعيني احكي لك هاته القصة

يقال انه في مرة من المرات امسكوا برجل فقالوا له اختر بين ثلاثة أمور : إما أن تشرب الخمر أو تزني أو تقتل
فإحتار في أمره

وقال يارب سامحني سأختار أبسط الأمور وهو شرب الخمر

فشرب الخمر وبعدها لعب الشيطان في راسه وزنى وبعدها قتل

فيا أختي الغالية
لالالالالالالالالالالالالا

تبكي بل قولي الحمد لله

وربي يرزقك الزوج الصالح باذن الله

[رميساء خولة]

راجعي روحك مليح قبل ماتدخلي في القفص الذهبي اللي ربما يتحول الى العكس

[الجزائرية الاصيلة]

انا نقولك اللي بدا في شي عمرو مايحبسو
الادمان معناها الادمان هذا عامين بزاف صعيبة باش ينحي العادة هاذي بل مستحيلة من المستحيلات

احمدي ربي واشكريه واصبري
ربي يصبرك ويهديه

[ميمنة الجزائر]

قولي لاهلك وهوما ينصحوك

[Tasnem]

أبقاي في الأحلام حتى تصفعك اليقظة بعد فوات الأوان.

[محبة عبد الرحمان]

يا اختي احمدي ربي انك ما تزوجتيش بيه و بعدها عرفتي الامر الحمد لله الي جات ذركا قبل ما توقع الفاس في الراس ربي يفرج عليك

[.kiki]

لا حول ولا قوة الّا بالله
يعني يا أختي من كامل عقلك تحزين؟ تخيّلي لو لم تكتشفي الأمر و تزوّجت به ثم يأتيك في آخر اليل و هو في حالة يرثى لها.. و الله أعلم ما قد يفعل بك و غائب عن وعيه...
الخمر أمّ الخبائث يا حبيبتي... يعني أنّ شارب الخمر يستطيع أن يفعل كلّ ماهو دون ذلك أو فوقه.. و الله المستعان

ارجعي الى عقلك و اختاري ما يرضي ربّك..
اللهم تب عليه و أصلحه و اهده و اهد به و ثبّتع هلى سواء السبيل.
و انت يا أختي أسأل الله أن يصلح أحوالك و يقدّر لك الخير حيث كان ثمّ يرضيك به.
أنصحك أن لا تتحدثي لا معه و لا مع غيره في المستقبل بعد الآن..
الهاتف هذه الفتنة العظيمة التي خرّبت بيوتا كثيرة.. و الله المستعان

وفّقك الله و أرشدك لما فيه الخير و الصلاح

[sali-sali]

هو راح صارحك و خبرك انو يشرب الخمر
انت انصحيه وقوله ادا راك حاب تكمل معايا يلزم تحبسه...واقعدي تنصحي فيه و لازم تقنعيه انو هدا شي حرام ومكان منه حتى فايدة
ادا هداه ربي وحبسه...عادي كملي معاه
ماسمعش لكلامك اخطيك منه

[nasma belle]

لا يغرنك كلامه ووعوده اكيد باش تبقاي معاه رايح يقلك نقبل بكل شؤوطك وانت الامل نتاعي ووووووو من هذا الكلام ولكن الحقيقة عكس ذلك لانه ربما يتوقف عن الشرب شهر او سنة وممكن تكون نفسو ضعيفة ومع اول خلاف بينكم يرجع للشرب وكي تحكي معاه يقلك راكي كنت عارفة بلي نشرب
اختي انت في غنى عنه تتحطم احلامك الان وانت على البر احسن من انها تتحطم وانت عندو وممكن يكون بينكم اولاد واش ذنبهم انهم يعيشو في جو مشحون واب سكير وووو خمي مليح مع روحك
واياك انو تفكري انك ممكن تقدري تصلحي فيه ا

[بثينة 24]

حبيبتي انا صديقتي عام وهي مخطوبة قرب عرسها بقالو شهرين فالاخير فاقت به يتعاطى المخذرات من غير تردد بطلت عليه وهي متزوجة الان والحمد لله.خمي مليح وراكي عندك الزهر بزاف.

[kamel76]

البكا تاع الصح مشي ضرك ، البكا تاع الصح كي تتزوجي بواحد سكير . الله يفرج عليك

[همسة طفلة]

حطي عقلك في راسك نقولو انك نصحتيه و تخطيتي الامر من يضمن لكي بعد الزواج ان يضل معكي او انه سيتوقف عن شرب الخمر


اختي اتركيه و لا تكلميه و بما انه يشرب الخمر فهو ليس برجل دين

[يوسف برياني]

اختاه

عليك تقديم له نصائح وارشادات لتجنب هذه الافة الخطيرة
وان كان حقا يحبك سوف يبتعد عنها

ربي يفرج عليك ويسعدك في الدنيا والاخرة

[meriem hanin]

حاولي نتصحيه
و خيرك اختي لازم تخبري اهلك هوما يعاونوك و يمدولك الراي الصواب

[صالح القسنطيني]

السلام عليكم

و الخمر ام الخبائث

لا خير لك فيه فابتعدي عنه و عن تلك العلاقة و رضاء ربك خير لك في دنياك و دينك

و ابتداعك عنه لا يمنع من الدعاء له بالهداية

فاللهم انا نسالك العفو و العافية لنا و لكل مبتلى

[امينة 1991]

خيريه بينك وبين السم الي راه يشربو

[هدايةقبل النهاية]

قرأت كثير من ردود الاخوة والحمد لله مداخلاتهم موفقة ولا اجد ما اقول
ولكن للاضافة والقرار الاخير لكي هو ان تتركيه فلا تضيعي حياتك ومستقبلك على شخص مثله حتى ولو وعدك بالتوقف. قد يكون شخصا طيبا ولكن لا تشفقي على شخص عصى الله. واحتسبي واسألي الله ان يعوضك برجل احسن منه

[mahdi-19]

اسأليه أن يترك شرب الخمر و يتوب الى الله توبة صادقة و كان الله في عونك