باركولي راني خرجت فائض

[hichemhad]

السلام عليكم و رحمة الله و بركاته

:dj_17:

كيف حالكم اخوتي :19:

الحمد لله بعد معانات دامت 15 يوم في المدرسة التطبيقية للنقل و المرور بتلمسان

خرجت فائض ;)

لعقوبة ليكم انشاء الله

[abdo19878]

انا ثاني خرجت فائض من المدرسة التبيقية للنقل و المرور

[BENKORICH27]

انا تاني من مدرسة اطارات المشاة ببلعلاس البركة ليك و ليا

[libanarim]

مبروك عليكم والعقوبة لينا إن شاء الله

[qoui2009]

لدي استفسار اريد الدهاب للتكتة غدا للحصول علي كاشي علي امر الاستدعاء لربما احصل علي تاجيل لغاية سبتمبر فكم يطول الامر وهل يسمح لي دخول للتكنة وهي قد اغلقة

[ATEF 23]

نا خرجت البارح من القليعة بسورسي 6 اشهر وعندي ملف طبي وما شافوهش خلاه و ما عيطوليش ندير كونتر فزيت و اليوم قالي صاحبي عيطوا عليك باه ادير كونتر فزيت واش راح ندير.هل استطيع دفع الملففي مكتب الخدمة الوطنية التابع له عاما انه في السورسي كتبولي تاجيل 6 اشهر لسبب صحي

[matadhor25]

السلام عليكم ورحمة الله وبركاته
انا ثاني خرجت فائض من المدرسة التطبيقية للمدرعات بباتنة دهبت أمس لمكتب التجنيد بقسنطينة طلب مني بطاقة التعريف +2صور +لوردابال+أمر التوجيه الدي يحمل عبارة "عنصر في حالة فائض " بعدها أنتضرت لحوالي ساعة وتم منحي بطاقة الإعفاء من الخدمة الوطنية تحمل عبارة "مؤهل لا يجند " مبروك للجميع وإن شاء الله الإعفاء للي مازال .

[ياسين ياسين]

يا خاوتي الفائض لا يعني الاعفاء افهموا كاين بزاف رجعوهم بسبب الفائض ولكن في الاخير لقاو ارواحهم سورسي برك

[tarek1987]

يا خاوتي الفائض لا يعني الاعفاء افهموا كاين بزاف رجعوهم بسبب الفائض ولكن في الاخير لقاو ارواحهم سورسي برك



خرجت فائض وتسلمت بطاقة الاعفاء والسبب مؤهل لا يجند والحمد لله
ولمعلوماتك كل من خرج فائض تسلم بطاقة الاعفاء والحالات التي ذكرتها لم تكن في اطار الفائض
سلام

[matadhor25]

حسب المدرسة التي كنت فيها الفائض اللي عطاوهم سورسي بـ 6 أشهر هم جماعة اللغات الأجنبية فقط أما البقية فكلها معفاة

[libanarim]

يا الخاوة هل كاين من المهندسين لي خرجو فائض ولا لا

[mustapha_ing]

نعم هناك مهندسين خرجوا فائض

[بيولوجي48]

مبروك عليكم

[mustapha_ing]

الله يبارك فيك خويا....لعقوبة لخاوتنا كامل

[youcef explosif]

مبروك عليك خويا أنا اليوم هزيت بطاقة الإعفاء -نفس الحالة تاعك-

[ATEF 23]

انا اليوم اديت امر التوجيه لمكتب الخدمة الوطنية بعنابة استنيت شويا وعيطلي رجعلي بطاقة التعريف برك قتلو ما يمدوليش ورقة تتبت باني عندي سورسي قالي لا
وسقسيتو نقدر ندفع الملف الطبي قالي تستنى لوردبال و تدي معاك الملف.واش رايكم يا جماعة هل صحيح لا استطيع دفع الملف ولا ليكيداني برك
والسورسي كيفماه ما يكاشيوليش حتى لسبتمبر

[hichemhad]

مبروك علينا و لعقوبة لخاوتنا لي مازال

[ساسوكي حليم]

أنا ثاني كنت في المدرسة التطبيقية للنقل والمرور بتلمسان والحمد لله مؤهل لا يجند اتمنى لخاوتنا لي مازالو انشاء الله يعطيولهم الروفورم

[djozef_19]

wa sshabi karjou mane lharache l3atade

[abdo87s]

ih ana khrejt mn harach hmd

[yacine-08]

كيف حصلتم على الاعفاء بسبب الفائض

هل اتيتم متأخيرن وبكم من يوم ؟

[hichemhad]

كيف حصلتم على الاعفاء بسبب الفائض

هل اتيتم متأخيرن وبكم من يوم ؟

انا ذهبت يوم 25/03/2013 تأخرت 3 ايام فقط لان تاريخ الالتحاق كان 22/03/2013

و لحسن حظي لما دخلت للمدرسة قالو لي بانه يوجد فائض

نتا و زهرك اخي انا كنت رايح باش نفوت ما كنتش داير في راسي بلي نخرج ريفورم

و حسب ما قاله لنا قائد المدرسة ان هذا الاكتضاض الكبير لم يسبق ان حدث من قبل و لم يتوقعوه ابداا

حتى ان المدرسة اغلقت ابوابها مبكرا قبل دخول شهر افريل نظرا للازدحام الكبير


و لقد جندو 111 شخص الاوائل و اغلبهم كانت استدعائتهم بتاريخ 15/03/2013

و الباقي كاين لي خرج اينابت و كاين سورسي 6 اشهر

اما الاغلبية الساحقة التي تتجاوز 220 شخص خرجوا كلهم ريفورم

الحمد لله

[youcef explosif]

انا ذهبت يوم 25/03/2013 تأخرت 3 ايام فقط لان تاريخ الالتحاق كان 22/03/2013

و لحسن حظي لما دخلت للمدرسة قالو لي بانه يوجد فائض

نتا و زهرك اخي انا كنت رايح باش نفوت ما كنتش داير في راسي بلي نخرج ريفورم

و حسب ما قاله لنا قائد المدرسة ان هذا الاكتضاض الكبير لم يسبق ان حدث من قبل و لم يتوقعوه ابداا

حتى ان المدرسة اغلقت ابوابها مبكرا قبل دخول شهر افريل نظرا للازدحام الكبير


و لقد جندو 111 شخص الاوائل و اغلبهم كانت استدعائتهم بتاريخ 15/03/2013

و الباقي كاين لي خرج اينابت و كاين سورسي 6 اشهر

اما الاغلبية الساحقة التي تتجاوز 220 شخص خرجوا كلهم ريفورم

الحمد لله




أنا نفس الحالة تاعك لكن في بجاية رحت يوم 28 مارس و لقيت 315 شخص لابس الكومبا و هو العدد النهائي و لكن يوم 29 رتبونا حنا السيفيل بالطول و لبسوا الجماعة الطوال و خرجو من العسكر لي لابسين لي قصار شوية و زيد صحاب العرف، و كي جات لاكوميسيون لبسوا 33 واحد من المتطوعيين (يعني لي جابو لوردر دالبال بلا ماتخرجلهم) في بلاصت لي لابلسين و مدايرين النظارات تاع نقص النظر و تقفلت لاليست .
الحمد لله وفقني ربي وخرجت و إن شاء الله لجميع لي مازال مايفوتش و يدي الكارط جون .

[nad 17]

يا جماعة حبيت نسقسيكم يا جماعة لي خرجتو فائض روحتو مع اللولين و لا مع اللخرين؟؟

[youcef explosif]

يا جماعة حبيت نسقسيكم يا جماعة لي خرجتو فائض روحتو مع اللولين و لا مع اللخرين؟؟

مخلطين كاين لي دخل النهار اللخر لبس و كاين لي جا مع اللولين وما لبسش هذا ماش شرط يحكمو عليه نتا و مكتوبك.

[SRAOUI]

bel barka 3alik kho

[SRAOUI]

bel baraka likom la3kouba lina

[poiuytrezamlkjh]

مبروك علينا خويا حتى احنا في المعتمدية فالبليدة و خرج فائض منها مي صفاوهم على حساب السن و الشهادة و الحالة الشخصية يعني الاكثرية خيرو اللي قراو تسيير و اقتصاد محاسبة و المهندسين كاين اللي لابسين و خرجوهم مي الفائض تاع هاذ العام غير مسبوق

[kapilos]

ya latif 3la cfti w plate forme el mohim el hamdolleh talgona réforme l3koba lkhawetna inapte bah yakhrjo

[sam32]

كل الي فراها بصحتهم نحاو على رواحتهم هم و ثقل كبير
ادعولنا برك الي مزالو خاصة خريجي 2010 و ما فوق 30 سنة ‏

[yassine.inf]

مبروك عليكم والعقوبة لينا إن شاء الله

[youcef explosif]

إن شاء الله ربي يسهل للجميع .

[hichemhad]

آميــــــــــــــــــــــــــــــــــــــــن يا رب

بالتوفيــــــــــــــق للجميـــع