سأصبح اضحوكة لأني أريد عرسا بسيطا

[meryame03]

السلام عليكم

أشعر بضيق كبير لهذا أريدكم ان تشاركوني بآرائكم لعلي أستفيد منها

عرسي قريب إن شاءالله ،وإتفقت مع خطيبي أن لا نقيم عرسا كبيرا. بالنسبة لي أنا اريد حفلا بسيطا في منزلنا .

وبعد العشاء يحضر زوجي لأخذي لمنزلنا لكن الكثير لم يعجبهم هذا الأمر وأصبحوا يسخرون مني،رغم اني مقتنعة بما

افعله ولا تهمني المظاهرلكن أصبحت اتضايق من تعليقاتهم لي .

فكيف اسكتهم انتظر ردودكم؟

وشكرا مسبقا

[amel_star]

ارضاء الناس غاية لا تدرك
ديري لي انت مقتنعة به اما الناس خليهم يحكوا واش يحبوا
ياك عرسك انت
ما تشوفيش لهدرة الناس لي يشوف لها ما يعيشش كما يحب
ربي يفرحك

[chahrazad84]

مبروك عليك .....المهم تكوني مقتنعة وربي يهنيك ان شاء الله

[doha13]

انا عملت عرس كيما هاكا ومرانيش نادمة

[كلمة مني]

وعليكم السلام ورحمة الله وبركاته

أولا ألف مبروك عليكي

غاية الناس لا تدرك أختي أنا أيضا كان عرسي بسيط بسيط جدا والحمد لله كنت في قمة السعادة
المهم الهناء وراحة البال العرس البسيط يبارك فيه ربي
اتمنالك كل الهناء ستتزوجين وتتخلصين من تعليقاتهم التي لامعنى لها .
وفقكي الله أنت وزوجك .

[انانيس]

اولا مبروك علك اختي وربي يهنيك
فيما يخص العرس اكيد انك تديري الشي لي راكي مقتنعة به نتي ياختي حتى حنا مقبلون على عرس اخي ورايحين نديرو حاجة بسيطة
وبعيدة عن كل مظاهر الرقص والغناء الصاخب لانه هو اصر على ذلك صحيح انو الناس مستغربة الامر ولكن كل واحد يدير الشي لي يرتاحلو
يقولك غاية الناس لاتدرك
بارك الله فيك
ربي يهنيك اختي

[اللؤلؤة مريم]

أنت حرة هذا أمر يخصك و زوجك و صدقيني حتى لو أقمتم عرسا فالناس يصعب إرضائهم سيجدون شيئا يتحدثون عنه بإختصار إذا أنت مقتنعة بالأمر فلا تكترثي لما يقولونه عنك و مبروك مسبقا و ربي يهنيك

[أمّ عبد الودود]

هكذا كان عرس أخي
في البداية كان اقناعهم صعبا حتى أن هناك من لم يحضر
لكن بمجرد ما انتهى الأمر أصبح بعضهم يتمنون
لو فعلوا مثلنا
على بركة الله ولا تقلقي أبدا من ناحيتهم

[soso sirin]

الف مبروك و ربي يكملك بالخير ان شاء الله و يهنيك .العرس هذا تاعك و تاع راجلك نتوما راكم قابلين ديرو حاجة سامبل ماليكم راهم قابلين امالا يا اختي ديري واش يخرج عليكم برك الي عجبو يا اهلا وسهلا و الباب راح تفتحوه ليهم الي ماعجبوش الباب تاني راه مفتوح ليهم لهلا حضرو اصلا واش راح ديرو بالناس يهبلوكم غير بالهدرة الزايدة.انا من عندي يحضرو الناس الي يهموك و الغاشي لاخر حضورهم و لا غيابهم راه كيفكيف.ماتقنعي و لا تهدري حتا مع واحد ربي يسهل عليهم .الصح في الهنا و سوغتو انتي راكي مقتنعة بهذا الشي ماشي راه مفروض عليك.

[سعاذ]

السلام عليكم
اولا الف مبروك ربي يهنيك ان شاء الله
شوفي اختى الهدرة فيها فيها ديريه كبير ديريه صغير هما لازم يهدرو لوكان ميهدروش من فمهم ريحين ينطقو من جنابهم
وانت متمديلهمش وذنيك ديري حجا لي تخرج عليك ماشي لي تخرج عليهم ذوك يهدرو شويا و منبعد ينساو
خاطر ماشي صح في عرس كبير او صغير المهم في هناء و راحة البال وهذو لحوايج مريحينش يوفرهوملك هما لوكان تسمعيلهم
دمتم في رعاية الله و حفظه

[قفص النسيان]

الف مبروك ليك
ارضاء الناس غاية لاتدرك راجع نفسك وارض ربك ولاتهتم بعدها لمن كرهك اوحبك
هادي حاجة تعود ليك وشكرااااااااااااا

[tateb]

مبروك عليكم
ارضاء الناس غايه لا تدرك

[houcine17000]

الف مبروك
الله يبارك لكم أمثالك قليلون في هذا الوقت
نتمنى لك كل التوفيق

[هدى الجيجلية]

السلام عليكم
اختي
مبروك اعليك
إن شاء الله الذرية الصالحة يارب
والله إقتراحك جميل جدا وبسيط
إفعلي رايك ولا أيهمك أي حد

[دروب التابعين]

اختي ربي يباركلك في زواجكي وكي تروحي ضركا فالترونسبور للبيتك واحد مادخله
سمعتي ديري وش يقلك راسك والناس قوليلهم غنو كيما تحبو المهم تبني دارك ومستقبلك ولي يهدروا هذوك خشب جهنم لانو المؤمن ما ياذيش خوه والناس لي تهدر وتقطع ماعندهاش ضمير روحي ربي يسهلك ان شاء الله
ديري وش تحبي واحد مادخلوش فيك

[سهيلة2013]

ماتحوسيش على الناس

[عبد الرؤوف24]

ارضاء الناس غاية لاتدرك افعلى ماترينه مناسب والناس وسوف يتكلمون اسبوع سنة ...
المهم ارضاء الله

[مسلم سني]

السلام عليكم
الصراحة أعجبتني أفكارك البساطة أنا شخصيا أفضلها
الناس تتكلم وتتكلم وتسكت
ابق على رأيك وحققي ما ترغبين فيه حتى وإن واجهت صعوبة في إقناعهم
ألف مبروك
أتمنى لك كل خير
احترماتي

[mitrochka]

بارك الله فيك أختي
تعرفين الآن ما يِرقني ان أعراسنا صارت مليئة بالتبذير و الرياء و المظاهر
لا تسمعي كلام أحد و نفذي ما تفكرين به

[لكحل بلال]

كون غير نلقا مرا ديرلي هكيك ،،

لا عليك نعم العرس ونعم البركة فيه بإذن الله ،،

[knives55]

الناس هدفهم تحطيم غيرهم وزيد الغيرة هي لتولد هذ الشيئ

يعني لما يكثر عليك الحديث هذ دليل على لن الناس يغرون منك الى ابعد الحدود

بمعني انت افضل منهم 100 الف مرة ولهذ يردون تحطيمك بهذه العبارة الساخرة

لا تبالي واصلي على فكرتك فل يصرفوا عليك فلس واحد

هم يردون عرس كبير فقط ليعرضوا انفسهم فيهم

[bibicha]

اولا بالبركة عليك و ربي يهنيك و ههههه اسمحيلي و الله فكرتيني في روحي انا كنت كيفك و بزاف ناس استهزاو بيا و طيحو من قيمتي لكن درت واش كنت متمنية فطور طميت فيه العائلة بالرغم من اني وحيدة اهلي و زوجي قوتلو ما نديرش العرس و كيما كان الحال و صدقيني مارانيش مندمة الناس صح يدبرو عليك و ديري جهدك باش ترضيهم و ما يرضاوش المهم فيك نتي و راجلك و يا عزيزتي الملاين لي تحطيهم في الصالة و التصديرة انفعي بيهم روحك ولا تولي بيهم دويرتك و عاوني راجلك و زيد كي ترجعي فالدين مكانش لي يشوف ليك حاجة وحدواخرى والله الناس بزاف لي تمناو يديرو عرس كيما انا الله يسعدك و يهنيك

[abdelmalekmhdf]

السلام عليكم

أشعر بضيق كبير لهذا أريدكم ان تشاركوني بآرائكم لعلي أستفيد منها

عرسي قريب إن شاءالله ،وإتفقت مع خطيبي أن لا نقيم عرسا كبيرا. بالنسبة لي أنا اريد حفلا بسيطا في منزلنا .

وبعد العشاء يحضر زوجي لأخذي لمنزلنا لكن الكثير لم يعجبهم هذا الأمر وأصبحوا يسخرون مني،رغم اني مقتنعة بما

افعله ولا تهمني المظاهرلكن أصبحت اتضايق من تعليقاتهم لي .

فكيف اسكتهم انتظر ردودكم؟

وشكرا مسبقا


اختي بداية احييك على هذا القرار. انا اقول لك اذا كنت مقتنعة بقرارك فلا تكترثي لكلام النس. و الله لو اقمت مادبة كبيرة في العرس لتكلم النس. الناس تتكلم في كل الاحوال. تخيلي لو اقمت هذا العرس بطريقة بسيطة ربما سوف يؤثر قرارك في كثيرات و بذلك قت تحيين سنة سنة قد اندثرت. تخيلي لو ان الجميع فكرن تفكيرك هل سيعاني الازواج من تكاليف الزواج. امضي اختي فو الله اني لارفع القبعة تحية لشجاعتك. فانا اول مؤيديك

ربي يباركلك في زوجك و اهلك.

[أمة الجبّار]

السلام على من اتبع الهدى
أوّلا مبروك عليك أختي الكريمة
ثانيا الحمد لله تعالى هناك من تفكر مثلي ظننت أنّي الوحيدة، فكلما يأتي الحديث عن عرس أو هكذا شيئ و لمّا يأتي دوري لإبداء رأيي أقول لا غناء لا " زفة" لا " تبذير"....، في الأول كانوا يضحكون عليّ لكن الآن اقتنع الجميع بأفكاري لدرجة أنهم يقولون أنّك يجب تتزوجي بـ " أخينا"......
الله المستعان أختي و ما دمت متفاهمة مع زوجك فلا داعي للقلق و لا تكرري " أصبح يضيق صدري" و الله العظيم الصدر لا يضيق إلاّ بالمعاصي

مبروك مرّة أخرى و بالتوفيق

[عبد الرؤوف24]

اختى لم يعجبنى العنوان لمل لاتقولين ***سوف اصبح قدوة حسنة لانى اريد عرسا بسيطا***
كما يوجد اناس سلبيين يوجد من هم ايجابييين ...

[فاتن 89]

مبروك عليكم
ارضاء الناس غايه لا تدرك

[صريحة]

ختي والله غير عندك الحق راهم بزاف اللي يديروا هكا ومتبدليش رايك اللي انتي مقتنعة بيه انتي وراجلك في خاطر الناس
حنا الحمد لله راهي ولات عادة خلاص وهادي حاجة مليحة ليجان تاوعنا راهم هكا يديروا عشاء للاحباب امبعد يروحوا يجيبولوا مرتوا وخلاص والبراكة في القليل وهكا اموال الصالة والحفافة والعرس تتمتعي بيهم انتي وراجلك احسن ماتصرفوهم امبعد تبقاو في الضيق والدين

[سمو امير الكلمات]

أولا ألف مبرووك ربي يهنيكم ويجعل ويقوي أواصر المودة والمحبة بينكما ويرزقكما ذرية الصالحة آمين يا رب

ثانيا رضا الناس غاية لا تدرك وكل واحد يدير قيس جيبو أما إذا درنا على هدرت الناس الناس لساناتها مزبرة ديري عشاء في بيتكم ولا في فندق 5 نجوم تهدر تهدر

ديري لي يخرج عليك المهم الواحد يطلب الهناء فقط ألف مبروك وربي يبارك هذا الزواج

[منهاج]

السلام عيكم

بالبركة عليك وان شاء الله تتهناي مع زوجك كي يكتب المكتوب ان شاء الله نفس فكرتك نطبقها وانا نقول هكدا من زمان