كيفاش ندير قلاصاج تاع شوكولا مليح؟

[منعم هاجر]

رايحة نخدم قاطو لأختي عندها سوتنونس وحبيت ندير صابلي فيه قلاصاج تاع شوكولا لكن مايخرجليش مليح لقلاصاج يجي فيه بقع ومش ناعم حابة توروني طريقة مليحة باش يخرجلي ناعم ويبرق وياريت تقولولي وش هوه أحسن نوع تاع شوكولا نستعملو

[اية الرحمن1988]

السلام عليكم
أحتي أنا نخدم بالشيكولا نتاع القلاصاج عادي
تتباع قطع كبيرة
نذوبها في حمام مائي لازم تكون النار ناقصة ميش الماء يغلي
والصحن الفوق تذوب بشوي مباعد نهبطها ونضيفلها شوي برك حليب ونحرك بسرعة
ثم نرجع الصحن فوق البرمة ولا المرميطة كيما يقولو ناس اخرين
ونغطس فيها حبات القاطو ولا نحكم مغرف مثقوبة كبيرة ونحط فوقها الحبة
ونهز بالملعقة ونصب الشيكولا فوق الحبة تجي احسن
لكن البريق متجيش تبرق بزاف تجي عادي شابة
بصح ميش كيما نتاع التلفزيون :1:
راني درت قاطو صابلي بالشيكولا عن قريب نحطو

[منعم هاجر]

شكرا أختي آية الرحمن

[مريومة21]

السلام عليكم ورحمة الله
شوفي اختي انا درت ديك النهار قاطو تع صابلي ومن فوق القلاصاج تع الشوكولا المرة لولى درت كيما قالت الاخت وكي نشف جا شهب وميبرقش وجات الشيكولا من فوق يابسة وليت قريت في وحد الكتاب تع حلويات فرنسي دايرين بلي تسخني الماء مليح قريب من درجة الغليان وتحطي في اناء اخر سكر البودرة حوالي 200 غ والكاكاو حوالي ملعقتين هو على حسب حتى يصبح اسود واسكبي الماء الساخن مع التحريك بسرعة حتى يمتزج الخليط جيدا يصبح مثل القلاصاج العادي ويكون عاقد شوي حتى يجف مثل قوام القلاصاج اسمحيلي نسيت حاجة انا اضفتلوا شيكولا سوداء mina ذوبيها في حمام مائي واضيفيها للخليط واضيفي قليل من الزيت مقدار ملعقة صغيرة ونمزج الخليط جيدا حتى يتجانس واستعمليه ان شاء الله نكون افدتك

[naiilia]

انا انذوب الشكولا على حمام مائي مع اضافة القليل من الحليب مضاف اليه شكولا كاكاو سوداء اسمها اكسترا نوار extra noir اتجيك الشكولا سوداء وهاااايلة

[صريحة]

انا نقولك طريقتي مي تسحق شوية خدمة
جيبي حوالي 50 غ زبدة وذوبيها وفي اناء اخر ذوبي شيكولا على حمام مائي طبعا
خذي هاديك الزبدة وديريلها 2 مغارف كاكاو واضيفي هاديك الشيكولا مع 2 مغارف حليب دوكا ابدا تخلطي مليح وبسرعة كي تبداي راح اتشوفي الزبدة انفصلت على الشيكولا ماتخافيش زيدي خلطي مليح حتى تتجانس الشيكولا مع الزبدة وهكا ايجيك القلاساج يبرق من الزبدة واسود من الكااكاو وفيه بنة الشيكولا ويقطع يعني يكفي لحوالي 30 حبة

[ام عصام]

شوفي نعطيك فكرة مليحة انا صراحة سمعتها ولكن ما زال ما طبقتها حطي شيكولا دوب
وفي بلاصة لحليب اعملي شاربات تقيلة وحليها بيها راح تجيك تلمع باذن الله والا جربيها ونجي ادعلي بصالح الدرية وحطيها موضوع