حسبي الله ونعم الوكيل فيه..........

[ام سليمى]

السلام عليكن اخواتي ...الله وحده يعلم حالتي في هذه اللحظات ...اكتشفت مؤخرا ان زوجي يتحدث مع امراة في ال***** و وقد فتح حسابا جديدا في الفيس بوك لم اكن على علم به سابقا وقد اكتشفت ذلك من محض الصدفة ولديه الكثير من النساء في قائمة اصدقائه وعندما واجهته كذبني بكل عين وقحة وقال انه لا يتحدث الى اية امراة مع اني متاكدة من ذالك وهو الذي يصلي وكل عائلته واصدقاءه يحسدوننئ على خلقة ودينه طبعا لانهم مخدوعون فيه مثلما كنت انا ما يقتلني ويجعلني ابكي ليل نهار اننا تزوجنا عن حب وهو الان كلما تحدت معه في الامر يقول لي كرهتيني بالشك انتاعك وانت عارفة بلي نحبك وما عنديش اغلى منك وعندي منك اطفال خليك مالكلام هذا راكي تخربي في حياتك وال***** اصلا والفيس بوك راهم تعقاب وقت وخلاص والله ما عرفت كيفاش ندير معاه ارجوكم انا في حالة نفسية يعلم بيها بري سبحانو وحدو كرهتو وكرهت حتى الدار ما قدرتش نحكي لامي ولا لاخواتي حكيتلكم انتم فقط عسى تعطوني حل لمشكلتي الي خلاتني دايما مديقوتيا واحيانا نفكر فالطلاق ارجوكم ساعدوني رايحة نجن ...........حسيبي الله ونعم الوكيل فيه عيت منو نصحتو جبتهالو عن طريق الدين وقتلو غدوة تتحاسب على تصرفاتك وحدك وراها تخرج في بناتك بصح لا حياة لمن تنادي انتظر ردودكم بفارغ الصبر انصحوني لو كنتم مكاني واش ديرو هو يوح للسيبار وما يرجعش حتى ل2 واحيانا ل3 انتاع الليل وانا متاكدة انو يكون يحكي مع هذيك المراة .........اه واه لا اله الا الله حسبي ربي

[مراد12345]

في مثل هذه الأمور

لا بد أن تسألي نفسك

لماذا ينظر زوجك لأخريات ؟؟؟؟؟؟

هل هو النقص العاطفي او الجسدي ؟؟؟

أسأليه ماذا ينقصك .

[nari21]

الله يهديه ختي وهدو هوما الرجال يك انتي ماكيش مقصرة في حقو وقيمة بالروحك ودارك املا معندو حتى حق وحرم عليه اقلبيلو العقلية ولي متهتميش بيه بزاف سيي تربيه وتحسبيه على واش دار بطريقة حضرية وخطيك من الطلاق واش راح اديري كي تتطلقي وانتي بدارري ازمة وتفوفة انشاء الله

[سدرةالمنتهى]

يا اختي ربي معاك و صلي و تضرعي لله سبحانه و تعالى و انت ايضا راجعي نفسك و تصرفاتك ربما زوجك وجد فراغ عاطفي و اهتمام شكلك من جهته
حاولي ان تتزيني في منزلك و تطيبي و اعملي حالك انك تجاهلت الموضوع و غير ي الموضوع معه اساليه عن احوال عمله و خططي معه مستقبلك و مستقبل اولادك و ابحري معه بعيدا
حاولي ان تبحثي عن نقاط ضعفه في النساء اين تكمن اكيد تجديه في الكلام العاطفي و التغزل و التبرج و الماكياج و اللباس الفاتن هذا ماوجده في بنات الفيسبوك

ان شاء الله ربي يهديه و يرجع الى احضانك

[املي في ربي]

لا حول ولا قوة الا بالله.....اختاه اكثري الدعاء ثم الدعاء ثم الدعاء هو الدواء لهذا الداء ربي يهديه ان شاء الله و لا تفكري في الطلاق ابدا لا تنسي اطفالك ماذنبهم ؟؟؟؟
و في بعض الاحيان اجد بغض الردود التي تقول انه يجب هلى المرأة ان تبحث عما ينقصها حتى يرى زوجها غيرها ؟؟ و الله اتعجب دائما العيب في المرأة ابدا !!!!!
و الله كاين نساء ما شاء الله واش يديرو يقطعو ارواحهم باش الرجل لا يرى نساء أخريات ؟ يعني يحوسوا حجج للرجل باش يبرروا الخيانة
الله يهدينا و يهدي الجميع
ابتعدنا عن الدييييين كثيرا لهذا اصبحت الحياة لا تطاق....يارب تبثنا هلى دين الحق

[املي في ربي]

لا حول ولا قوة الا بالله.....اختاه اكثري الدعاء ثم الدعاء ثم الدعاء هو الدواء لهذا الداء ربي يهديه ان شاء الله و لا تفكري في الطلاق ابدا لا تنسي اطفالك ماذنبهم ؟؟؟؟
و في بعض الاحيان اجد بغض الردود التي تقول انه يجب هلى المرأة ان تبحث عما ينقصها حتى يرى زوجها غيرها ؟؟ و الله اتعجب دائما العيب في المرأة ابدا !!!!!
و الله كاين نساء ما شاء الله واش يديرو يقطعو ارواحهم باش الرجل لا يرى نساء أخريات ؟ يعني يحوسوا حجج للرجل باش يبرروا الخيانة
الله يهدينا و يهدي الجميع
ابتعدنا عن الدييييين كثيرا لهذا اصبحت الحياة لا تطاق....يارب تبثنا هلى دين الحق

[ام سليمى]

اخواتي حبيت نرد على الاخت الي قالت اني ممكن منيش مهتمة بنفسي العكس والله انا جميلة ومهتمة بمظهري اكثر مما تتصوري وجامعية والحمد لله مهتمة بيه وبداري وباهلو لما يزوروني وكل العايلة تشهدلي بجمال الشكل والروح واش الي بدلو عليا الله اعلم وهذا الي زاد كمل عليا اني منيش منقصة عليه بحاجة ومرة على مرة نحاول نعمل حفلة بيني وبينو ونغير الروتين ولكن والو حاجة ما تبدلت والي زاد الطين بلة انو الطفلة الي يحكي معاها يقلها منيش متزوج

[omanis]

اختي ربي ان شاء الله يكون معاك في هده المحنة
ما كليك الا ان تكتري الدعاء كما قالت الاخت في الصلاة و صومي و ادعس كدلك مليح
حاولي ان تغيري من الروتين اللي في الدار و ديري جو او غيري من اللبس حاولي ان تشغليه بامور البيت
و المشكل تاع السيبار عاقبيه عليها و قوليلو لوكان تزيد تعاود تدخل على 2 تاع الليل و الله غير ندير لافاشات و تبقى في برى باش نوريلك
لازم تخوفيه باش ما يزيد يدير رايو
لانو الواحدة كي تكون ساهلة و عاقلة يلقى هو روحو و يدير رايو
حاولي تحكمي كاش اتو او دليل قاطع مادام راهو يكدبك باش تحرجيه
و ان شاء الله ما يزيد يعاود يمشي في هد الطريق المعوج الي ما عنده لا ساس لا راس راني ندعليك اختي

[اميرة07ميرا]

نقلك خليه على هواه حتان يتأكد بلي الشيء الي يدير فيه غالط
وتاني حوالي انك تكسبيه اكثر واكثر
وحاولي ترروحي معاه كاش بلاصة بدليلو الجو
وادعي ربي يرجعو لطريق الصواب وصايي
المهم عندك تتنازلي على زوجك لوحدة اخرى

[اريج16]

اياكي والطلاق لو تطلقتي ستخسيرن كل شيء حولي مع زوج بالتي هي احسن حولي دير حوايج يخليه يستنى غير الوقت لي يرجع فيه للدار ويققل من سهراتو البرى وحولي تخفي من كللامك معاه عن شكوكك تبلي معض الرجال يحكو في الفيس لكن ليس يعني يقيم معهم علقات الفيس والنت الانسان يدمن عليها مش شرط للكلام مع الغير انا عني دحساب ومدمنى على الففيسبوك كن منحبش نحكي ياسر فيه نلعب ونشاهد جديد فقط
الطلاق هو اخر شيء تفكري فيه ولا تخربي بيتك لو تطلقتي سوف تسهلين الامر على الطامعات في زوجك وكم هن كثيرات

[soha1987]

واش هادا رجال اخر زمان ماكفاوهمش نساهم طارو حتى لنتاع النت يالطيف ربي يكون معاك

[sarl02]

هاودي انت الصح وانت العمدة تاع الدار ما اتعمريش راسك بالنت والتقرعيج هذا .

[biti]

اياك و الطلاق و عليك بالدعاء و الاستغفار فرج الله همك و رده لك ردا جميلا

[nibrasse76]

كاين ناس هكذا مش وجه نعمة ... ما تعجبهم غير حاجة الناس ...ربي اعطاهم احسن الاشياء فالدنيا ..لكنه رفع القناعة من قلوبهم ...عليك بالصبر والدعاء والاهتمام باولادك وانتهى .

[محمد جديدي التبسي]

ربي يكون معاك أختي ويصبرك
حاولي تنصحيه بالتي هي أحسن وانزعي فكرة الطلاق من رأسك
أكثري من الدعاء
ربي يفتح عليك ويهدي زوجك لما فيه الخير

[norazal]

الله يكون معاك و ربي يهدي زوجك

[حمدا لله كثير]

gh jrl
ماشي تقصير منك اختي

الله يهديه راهوا كي الادمان نتاع التدخين و و توابعه

و علا بيها انا ماندخلهمش قاع وسائل التواصل الا اجتماعي بل الانعزالي لانهم يعزلوا الواحد ماشي يولي اجتماعي و نساوئهم اكتر


الا اذا اتصلت صديقة لي و قالت لي نتحدت و العكس

ان شاء الله يفرج عليكي و علي حبيبتي تاني الله يهديهم الرجال هادوا

و يهدينا

adv ; ghq

[بين الحقيقة و السراب]

و عليكم السّلام و رحمة الله

أكثر ما أدهشني :


هو يوح للسيبار وما يرجعش حتى ل2 واحيانا ل3 انتاع الليل وانا متاكدة انو يكون يحكي مع هذيك المراة .........اه واه لا اله الا الله حسبي ربي

سواء كان يحكي معها أومع غيرها أو حتّى لعذر آخر فهل من المعقول أن يسهر لهذا الحدّ خارج البيت !!!

"النّت" هو الآخر بات أحد العوامل الهامّة المهدّمــــــة للأسر ..

الله يهدينا و يهديه

[انانيس]

اختاه اصبري ووادعي الله كثيرا
لا تفكري ابدا في الطلاق انا متاكدة انو يوما سيتذكر مافعله له ولكن ينبغي ان تعامليه بالحسنى لانو سيحس بتانيب الضمير فكيف لشخص يعامل الاحسان يقابل بالاساءة
اختاه تاكدي انو يلهو مع فتيات للاسف همهم الوحيد تكوين علاقات
تاكدي انه سيعود لك يوما طالبا المغفرة
ربي يكون معاك ويصبرك ويهنيك حاولي تتغلبي على مشكلتك بالصبر والصلاة والدعاء ماتخليهاش تاتر عليك لدرجة تهملي نفسك وتسوء نفسيتك اكثر
ربي يفرج عليك اختي

[sarah1424]

في مثل هذه الأمور

لا بد أن تسألي نفسك

لماذا ينظر زوجك لأخريات ؟؟؟؟؟؟

هل هو النقص العاطفي او الجسدي ؟؟؟

أسأليه ماذا ينقصك .
سلام اخي
لازم نكونو واقعين
علا تسالها هي هاذ الاسئلة هو المخطئ في حقها وفي حق ذاته
هاذو زوجين وهذي مرتو وبيناتهم عشرة اذا خصاتو حاجة محتاج حاجة حس بتقصير يصارحها ويطلب منها احتياجو
ويحاولو يتفاهمو
واذا ملقاش حل وغلطت في حقو رغم اني والله من كلامها حسيتها مقهورة واذا قصرت في حقو وملقاش حل معاها
يقلها انا محتاج زوجة ثانية من حقو اذا كانت ضالماتو رغم اني متاكدة واحساسي يقلي ميخصو والو
مش يروح يعيش المراهقة في مقهى الانترنت ويخلي زوجتو في الدار مقهورة

[وفية لزوجي]

اختي والله لراني حاسة بيك بصح واش ديري هادوهوما الرجال يا اختي عامليه كانو ابنك وراه يدير فهاد الشي وكيما تحاول اي ام ترد وليدها للطريق الصحيح بكل حب واخلاص حاولي مع راجلك
راح نقولك عن تجربة صديقتي المقربة وعشت معاها القصة من البداية حتى النهاية
كانت بيناتهم من قبل قصة حب طويلة واكتشفت انو يخونها بصح في الهاتف واش دارت.......قالت حاجة واكدت عليها.عمر ما نخلي خيري لغيري ...وقررت انو ما تسمحش فيه وانسات حاجة سموها الطلاق وبدات تعامله عادي ماشي برود لي يخليه يهرب للاخرى لا كلي ما كين والو بصح نقصت الحوار والضحك معاه (والله ما ساهلة تضحكي وقلبك محروق) و كترت من الدعاء والصلاة وخاصة صلاة الاستخارة في الليل و اتلهات في روحها وفي ولادها وكملت حياتها وهو راح وولى غير ليها ورجع يطلب السماح ....مين يكون هو برا نتي صلي وصلي حتى يدخل ودعيله انا راني ندعيلك من كل قلبي انو ربي يطفي النار لي في قلبك ويهديلك راجلك ويخليلك اولادك يا اختي الدنيا قصيرة والدنيا ما دايماش انتي ديريها مليحة لوكان حتى هو يكمل عواجه نتي تلقي باش تلاقي مولاك بانك كنتي نعم الزوجة ونقولك مين راه يقول ما رانيش ندير هاد الشي معناه راه خايف استخيلي لوكان يواجهك ويقولك واه راني نبغي وحدة اخرى وانتي طرطقي ايا واش ديري الله لا يقدر اختي خممي مليح و حاولي تربحي مولاك نفسك واولادك وربي عمره ما يننساك

[مسلمة انا]

اللي يقول تزيني وشوفي واش خاص راجلك
للاسف كثير من الرجال يخنون زوجاتهم ولو كن ملكات جمال
فلا تزيدو الاخت هما على همها

العيب ليس في النساء بل في القلوب التي لم تعد تلبس ثوب العفاف والوفاء

لاحول ولا قوة الا بالله

[ام سليمى]

السلام عليكم اخواتي واخوتي ...اشكركم جزيل الشكر على اهتمامكم بمشكلتي ..و على نصائحكم التي اراحتني ولو قليلا وكل ما ارجوه منكم ان تدعوا لي في ظهر الغيب لان دعوة المسلم لاخيه المسلم مستجابة ولكم مثلها وعسى ربي لا يذوقكم الي ذقتو انا ويريح بالكم جميعا والحمد لله على كل حال

[هبة الله 26]

السلام علكم ورجمة الله وبركاته
احتي الفاضلة المشكلة التي تعانين منها انتشرت بكثرة واصبحت آفة للاسف الشديد وهذه من مضاهر سلبيات التكنولوجيا لكن بودي ان اقول لك
ان الرجل في بعض الاحيان وفي عمر معين ياتيه نوع من التمرد ويتلذذ بالحرام وذلك لاسباب كثيرة متداحلة في بعضها منها السن.احتكاكه ببعض اصدقاء السوء...اوحتي تقصير منك لذا عليك التدقيق في الاسباب ودراستها ثم البخث عن المشكلة وكما يقولون اذا عرف السبب بطل العجب
لذا انصحك بعدم مهاجمته بالكلام والعناد لان هذا يزيد من تعقيد الامور
اجتهدي تنالي فالاجتهاد ليس في العلم فقط .ادعي الله ان يهديه ولا تدعي عليه
اسال الله ان يفرج همك عاجلا غير اجل

[nebbacheanis]

ما يلفظ من قول إلا لديه رقيب عتيد )

[ام نسمة]

دئما اول مرة تكون هكا دورك اتوالفي كما انا وماكان حتى اسباب طبعهم داير هكا وخلاص وحسيت بيك كي قلتي كامل الناس مخدوعين فيه كما انا تاني انا الوحيدة اللي عارفة حقيقتو والناس كامل حاسبينو الملاك الطاهر انا تاني خطرة خطرة ندخل للشات نقرعج شوية ونخلاص تخيلي نجيبلك ضحكة انا اول مرة هبلت من راسي وانا كنت معاه صادقة ونية وما ندير والو ورا ظهرو وكي واجهتو و كرهتلو حياتو باش يمدلي المود باص ديالو ونشوف كل شي بعيني كي عطاهالي بردت ومت بالضحك ونسيت كلشي علاش ............................كلمة السر تاع حسابو كان اسمي قالي هكا باش تعصري مخك وما تتوقعيهاش ما لقيت مانقول

[طيبة نفس]

ربي يهديهم كاين الرجال العجب ما يعمرلهم عينيهم فرج الله همك شوفي هذا الموضوع والله العجب راه صاري ماتعرفيش شكون تلومي لبنات ولا الرجال http://www.djelfa.info/vb/showthread.php?p=1052283642&posted=1#post1052283642

[سَـآجدة]

بعد السلام و التحية

كل واحد وكيلو ربي

و على الاغلب فإن صاحب الفايسبوك يريد غلقه و هذا بسبب مشاكل عدة و احد هذه المشاكل ما حدث لك
الفيس بوك لة دور في إثارة الفتن , والحماس , والمشاكل ..



ان لم يكن في زوجك خير فأرجو ان تبتعدي عنه لكن هذاى مستبعد جدا لأن ربما هناك شيء فيك لا يعجبه حاولي تغييره