الفائض هل يعني الاعفاء

[mustapha_ing]

السلام عليكم......اخوتي كنت في م.ا.م بلعباس واعطوني امر توجه مكتوب فيه المعني يعتبر كفائض....
هل هو الاعفاء و هل يكون فوري ام حتى تكمل دفعتي الخدمة

[fatouh113]

يا أخي أنا تاني روحت لشرشال و تاني رهو فيها فائض غدا إنشاء الله تبان في مركز الخدمة الونية

[mustapha_ing]

ان شاء الله.....الاعفاء

[jallaljallal]

حسب معلوماتي الفائض يعطو لهم سورسي 6 أشهر.
والبقية لي في المدرسة ممكن يعطوهم الإعفاء.
أنت وزهرك أخي الكريم.
ربي يفرج علينا.

[mustapha_ing]

انا كنت في المدرسة خويا

[fatouh113]

أنا قعدت في المدرسة حولي 14 يوم

[mustapha_ing]

انا تاني قعدت 15 يوم حتى انهوا انتقاء 230 ط.ض.ا

[fatouh113]

حنى في 325 واحد حكموا 140 وخرجو حوالي 100 إنابت و الباقي سورسي وقالنا الكوموندو روحو مبروك عليكم مؤهل لا يجند

[mustapha_ing]

مبروك عليكم مؤهل لا يجند خويا لعزيز

[amine eco]

حنى في 325 واحد حكموا 140 وخرجو حوالي 100 إنابت و الباقي سورسي وقالنا الكوموندو روحو مبروك عليكم مؤهل لا يجند

ممكن توضحنا الامور اكثر .....اخي كريم

[fouad_bio1985]

أخي اذا كان السورسي ب 6 أشهر...فهذا يعني أنك لم تعفى أي في سبتمبر يزيد يجيك استدعاء.
و أذا كان ب 18 شهرا ..ف مبروك عليك...

[libanarim]

إن شاء الله الاعفاء، العقوبة لينا إن شاء الله

[mo.mohamed]

ان شاء الله يكون الاعفاء ربي يفرحكم ويفرج عليكم وعلينا ان شاء الله

[mustapha_ing]

ان شاء الله ربي يفرحنا كامل ويفرج على خاوتنا من هاذ الهم

[BENKORICH27]

انا كذلك كنت في مدرسة اطارات المشاة و اعطوني امر بالتوجيه(05-04-2013) و يعتبر فائض ويعني يعطونا سورسي 18 شهرا ثم بعد انتهاء المدة مؤهل لا يجند

[algeria1one]

وينتا اللتحقت خويا واش من نهار بالضبط

[fouzeeeeee]

انا روحت غير اليوم من المدرسة التطبيقية لسلاح المدرعات بباتنة و بقيت ثم 9 ايام حسب ما شفت المعنيين بالسورسي 6 اشهر مدوهلهم في المدرسة و خرجو قبلنا و مرجعورهمش روردابال و هوما اصحاب ليسانس لغات حنا ماحبوش يقولونا باه مل يتيحوش لمورال للناس لي لبسو لكومبا

[youcef explosif]

يا أخي مبروك علينا أنا تاني كيما نتا و قالنا الكولونال بفمو بلي مؤهل لا يجند و قالنا أديو معاكم شهادة ميلاد و 2 تصاور ممكن رايحين يعطوكم الكارط جون ديراكث .

[matadhor25]

السلام عليكم ورحمة الله
انا كنت في باتنة "المدرسة التطبيقية للمدرعات" وخرجت فائض بعد أن قضيت بها 15 يوما ، دهبت أمس لمكتب الخدمة الوطنية بقسنطينة فطلبو مني بطاقة التعريف+2صور+لوردابال+أمر التوجيه الدي يحمل عبارة "عنصر في حالة فائض" فطلب مني الإنتظار وبعد حوالي ساعة كانت المفاجأة السارة طلب مني الإمضاء على أحد الاوراق ثم منحو لي بطاقة الإعفاء من الخدمة الوطنية والتي تحمل عبارة "مؤهل لا يجند "
وجدت بعض الزملاء ممن كانو معي في باتنة والكل حصل على بطاقة الإعفاء وفي نفس اليوم والحمد لله ، فقط أشير للإخوة أن لايقلقو لإن إعفاء الفائض أكيد لكن يوجد إختلاف من مكتب خدمةلآخر في وقت منح بطاقات الإعفاء ، فقد إتصلت ببعض الأصدقاء ممن كانو معي بباتنة وكل واحد حسب مكتب الخدمة التابع إليه فمنهم من أعطوه إستدعاء لنيلها بعد 15 يوم ومنهم من أعطوه إستدعاء بعد 3 أشهر. المهم النتيجة واحدة وهي "إعفاء الفائض" والحمد لله

[mo.mohamed]

السلام عليكم ورحمة الله
انا كنت في باتنة "المدرسة التطبيقية للمدرعات" وخرجت فائض بعد أن قضيت بها 15 يوما ، دهبت أمس لمكتب الخدمة الوطنية بقسنطينة فطلبو مني بطاقة التعريف+2صور+لوردابال+أمر التوجيه الدي يحمل عبارة "عنصر في حالة فائض" فطلب مني الإنتظار وبعد حوالي ساعة كانت المفاجأة السارة طلب مني الإمضاء على أحد الاوراق ثم منحو لي بطاقة الإعفاء من الخدمة الوطنية والتي تحمل عبارة "مؤهل لا يجند "
وجدت بعض الزملاء ممن كانو معي في باتنة والكل حصل على بطاقة الإعفاء وفي نفس اليوم والحمد لله ، فقط أشير للإخوة أن لايقلقو لإن إعفاء الفائض أكيد لكن يوجد إختلاف من مكتب خدمةلآخر في وقت منح بطاقات الإعفاء ، فقد إتصلت ببعض الأصدقاء ممن كانو معي بباتنة وكل واحد حسب مكتب الخدمة التابع إليه فمنهم من أعطوه إستدعاء لنيلها بعد 15 يوم ومنهم من أعطوه إستدعاء بعد 3 أشهر. المهم النتيجة واحدة وهي "إعفاء الفائض" والحمد لله

مبروك عليكم اخي ليك ولجميع من تهنى من هاد المشكل تاع الخدمة الوطنية الله يخليك قلي برك رحت للثكنة مباشرة ولا لترنزيت وهل رحت في الوقت وهل لبستو الكومبا ونحيتوها ولا مالبستش.
بارك الله فيك

[tarek1987]

يعتبر الفائض اعفاء وقد تحصلت على البطاقة والحمد لله

[matadhor25]

[QUOTE=mo.mohamed;1052231130]مبروك عليكم اخي ليك ولجميع من تهنى من هاد المشكل تاع الخدمة الوطنية الله يخليك قلي برك رحت للثكنة مباشرة ولا لترنزيت وهل رحت في الوقت وهل لبستو الكومبا ونحيتوها ولا مالبستش.
بارك الله فيك


يبارك فيك خويا
أنا في الإستدعاء عيطولي 22/03/2013 بصح رحتلهم بتاريخ 25/03/2013 ، جزت عند الطبيب وحطلي instance وبقينا ننتظر أخدنا للمستشفى العسكري بقسنطينة من أجل الفحص المضاد لكن قيل لنا أنه لن يأخد بعدها أحد لقسنطينة لأن المدرسة بها فائض وعدد الدين "لبسو" أكثر مما تحتاجه المدرسة ، فتم وضعنا في الفائض وتم نزع الكومبا لحوالي 45 شخص كانو لابسين وتم وضعهم معنا في الفائض(المدرسة كانت تحتاج 174 شخص) بعدها أرجعوا لنا أمر الإستدعاء وبطاقة التعريف وأعطونا أمر بالتوجيه وطلبو منا أخدها لمكاتب التجنيد القريبة من مسكن كل واحد وحددوا لنا مهلة 48 ساعة لأخدها للمكتب .
يعني كل واحد روح لدارو ودفعها من بعد خلال يومين في المكتب الموجود على مستوى ولايته والحمد لله تم منحنا بطاقات الإعفاء.

[youcef explosif]

الحمد لله اليوم جبت بطاقة الإعفاء و ربي يسهل للجميع .

[mustapha_ing]

انا كنت في مدرسة اطارات المشاة ببلعباس
بقيت هناك 12 يوم
بطاقة مؤهل لا يجند مكتب الخدمة الوطنية بسعيدة ن\ع\2

[abdo19878]

انا كنت في مدرسة اطارات المشاة ببلعباس
بقيت هناك 12 يوم
بطاقة مؤهل لا يجند مكتب الخدمة الوطنية بسعيدة ن\ع\2

هل استخرجت البطاقة و لا مازال انا ثاني من سعيدة و قالولي ولي منا على 15 يوم و معاك 2 صور

[mustapha_ing]

لا لم استخرج البطاقة اعطوني استدعاء ليوم 28/04/2013 من اجل استخراجها

[yacine-08]

مبرووووووووووووووك عليكم

يعني التاخر لن يضمن لك الحصول على الاعفاء بسبب الفائض

[* عبد الجليل *]

الف مبروك المهم الواحد منا يتهنى منها وخلاص يضيع عام و 6 اشهر من حياته كارثة

[tarek1987]

جميع واحد كان فائض يمنح له بطاقة الاعفاء هذا ما حصل
مبروك للجميع والعاقبة للخدمة
وبالتوفيق للناس لي مازالت
تحياتي

[SRAOUI]

marouk 3alik khoya t3ich nassakssik f l'école ta3 la lat bel3abass kima dekhalto derto la viste ou non je veux dire kayen un medcin ou non parce que kont baghit déposé dossier médical galli wahad 3askri makach aucun médcin, merci d'avance

[SRAOUI]

mabrouk 3alik khoya t3ich nassakssik f l'école ta3 la lat bel3abass kima dekhalto derto la viste ou non je veux dire kayen un medcin ou non parce que kont baghit déposé dossier médical galli wahad 3askri thama makach aucun médcin rahom mission , merci d'avance

[mustapha_ing]

ALLAH YBAREK FIK KHOUYA....Oui kayen deux médecins f l'école ta3 bel abbes