ارجوكم ساعدوني

[قمر السلام]

السلام عليكم ورحمة الله وبركاته

انا جديدة هنا وهذا اول موضوع لدي وانا طرحته والله لاني واقعة في مشكلة وارجو ان تساعدوني ...
انا عمري 22 سنة مخطوبة منذ 4 اشهر وعقدت منذ 15 يوما ..
بكل صراحة عندي مشاكل عائلية كثيرة وكل ما امر بيه من مشاكل مع عائلتي اقول احيانا انني لا اريد ان اعيش حياة مليئة بالمشاكل مثلما تمر بها والدتي ولذالك تخاصمت مع خطيبي منذ 4 ايام لم يكلمني ولم اكلمه من عادته انه عندما نتخاصم يطول وهو زعفان .. واليوم بعثت له رسالة قلت له فيها انه الان ونحن مخطوبين مناش متفاهمين وقلبك قاسي عليا مالا مشكيتش رح نتفاهمو في المستقبل وكتبتلو تاني راني مليت بصح يا جماعة والله والله راني ندماااااااااااااااااااانة رجعلي اس ام اس وقالي ايه صح مناش رح نتفاهمو لخاطر انا حيلي ونتي نية والماء والنار عمرهم نا رح يتلاقاو قالي متزيديش تعيطيلي ولا تبعثيلي مساجات يرحم بوك


ارجوكم والله مكانش قصدي نقولو هاك عيطتلو ومهزش عليا وطفا تلفون وش ندير راني عاقدة درك ارجو من ذوي الخبرة يساعدوني راني في انتظار ردودكم

[knives55]

يعني انتهي امر رجل عندما يغضب يحتاج الى كثير ليعود الى رشده

وانت اكملتي عليه

زدي اصبري واحد 15 يوم وعدوي

[عنابة أبوها]

يا اختي قلتي انك عقدت يعني راه زوجك اطلبي منه سماح وخبريه انك كنت في حالة غضب ...........ويا اختي ماتبدايش حياتك بمشاكل ولوكانت تافهة كل شي حطيه من ورا ظهرك ودخلي بنية صافية وثقة متبادلة مع الصراحة في كل شيئ
واللي يصبر ينال
والراجل اكيد رد عليك المساج وهو غاضب رايح يروق ويفكر مليح
ومايكون غير الخير
اكثري من الاستغفار لانه يفرج الهموم والله يعينك أختي

[قمر السلام]

ربي يعيشكم على النصيحة رح نحاول ندير وش قلتو والله المستعان

[صالح القسنطيني]

السلام عليكم

قلت ان العقد قد تم و اذا كنت تقصدين العقد الشرعي فالرجل قد صار زوجا لك لك ما لكل الزوجات و حتما سيعود لك و لكنعليك بالحكمة و القل الراشد الراجح فالرجل (( شحال يكره المرأة الصامطة لي تخلط برك ))

[aouniak]

واش نقلك اختي لعزيزة اصبري 15يوم واذا معيتش احكي ماماك

[قمر السلام]

يا جماعة مرهوش يرفد عليا وبعتلي مساج غير صباح قالي انا نحوس على وحدة تحبني صح ندير معاها دار نتي تحبي غير روحك وتحبي تعيشي ؟؟؟؟ منيش عارفة من وين جاب هاد الكلام
دك راهو يخلع فيا ولا منو بالصح ديجا امي عاداتني وقالتلي نتي السبة ملقيتش شكون ينصحني راني ضايعة

[نورسين.داية]

لست أدري .....ممكن أنتي إستفزيته أم هو إستفزك ................

لكن وضعية اليوم هو عقد شرعي و مدني يعني أنتي في حكم زوجته .....لاحظي عزيزتي هو لو كان ينوي الفرقة ما منعه أن يفعل دلك الى غاية الساعة و تصرفه هذا الى غاية هذه الساعة دليل أنه متمسك بك

إن أخطأتي معه فعلا .....فعليكي طلب السماح
أما إن لم تخطئي ..........................................فإتركي الأمر على حاله ...................و دعيه وحده يتخد القرار .............و إذا طال الأمر أو لاحظتي تأجيلات بدون أسباب مقنعة عليكي انتي أن تتخدي القرار الحكيم ....لكن إحدري أن تخدشي كرامتك
.أنا هذا رأي

وفقكي الله أختي

[soha1987]

اختي ننصحك اهدري معاه وقوليلو يبينلك صحة كلامو بلاك غاضو الحال وماحبش يقول سايسيه برك درك يخرج واش في قلبو هادو هوما رجال اخر زمن

[قمر السلام]

بارك الله فيكم اخواتي رح نصبر ونتصرفبعقل ونشوف وربي يفرج

[انانيس]

"]ماعليك الا الصبر اذا تشوفي نفسك غلطتي معاه طلبي السماح لاعيب في ذلك
ربي ييسر امورك [/center[/color][/font][/size]]

[wafaa26]

اختي اذا انتي اللي غلطتي معاه لازم تطلبي السماح ماشي عيب باش ما تندميش و حاولي تبعتيلو sms تقوليلو ففيه بلللي ما راكيش دايرة على الهدرة انتاعو لانك عارفة بللي كي كتبها كان زعفان و راكي تسنايه حتى يروحلو الزعاف و ان شاء الله تكوني اتعلمتى اختي بللي الراجل كي يكون زعفان ما توصلي معاه لحتى نتيجة لازم حتى يكون راحلو الزعاف باش تقدري تتناقشي معاه بهدوء و ان شاء الله ربي يكمللكم بخير و نفرحو بيكم ........ماتنسايش تعرضينا للعرس برك

[assia81]

مانوع المشاكل التي تواجهونها انا لم افهم فانا وخطيبي ماديرين فاتحة منذ ثلاثة اشهر لم يحصل اي مشاكل بيناتنا
كل واحد في بلاصة واحد مايقر يقيس لخر ربما انا لي مانيش نورمال على كل اختي عليك ان تصبري على زوجك ولا تقولي له الا الكلام الطيب حتى وان غلط فيك ماتخافيش مايصرالك والو بل بالعكس جي النهار يتفكر معاملتك معه فيندم ويطلب السماح وتكوني قد ضربي عصفورين بحجر واحد رضيتي ربي وغيرتي زوجك الى الاحسن

[قمر السلام]

أختي وفاء اذا تصالحنا انشالله راكي معروضة مرحبا بيك

[قمر السلام]

اختي اسيا والله انا في مسيلة وهو في العاصمة نحكو غير تلفون بصح المشاكل مش عارفة كيفاش تجي هو ميعقبليش حتى شي حتى لو مش قصدي منو شي نلقاه بعد يومي ثلاثة يشنف شوية مش عارفة وليت نسايس فيه كي الطفل صغير رغم انو عاقدين الا اني دايما خايفة يروح ويخليني؟؟

[omanis]

يا جماعة مرهوش يرفد عليا وبعتلي مساج غير صباح قالي انا نحوس على وحدة تحبني صح ندير معاها دار نتي تحبي غير روحك وتحبي تعيشي ؟؟؟؟ منيش عارفة من وين جاب هاد الكلام
دك راهو يخلع فيا ولا منو بالصح ديجا امي عاداتني وقالتلي نتي السبة ملقيتش شكون ينصحني راني ضايعة

اختي السلام عليكم
حبيت نقولك على غرار هدا ارد بلي لازم تكون عندك شخصية قوية و ما تخافيش بزاف راهو غير يخوف فيك باش ما تزيديش تقوليلو هكدا كانو يعاقب فيك برك شغل يربي فيك
ان شاء الله زعفة و فايتة و ما تقلقيش روحك اصبري شوية و لكن لازم تبعتيلو ميساج ادا كنتي غالطة في حقو و اطلبي السماح عادي و هو كي يظربوه لحيوط يعاود يرجع ليك مشتاقة و بحب اكتر من الاول لانو ماشي معقول على جال سبب تافه تتفارقو و تخسرو حياتكم
كي قتلك اختي ما تخميش بزاف و لازم تتحلاي بالقوة و الصبر

[انغام المنى]

ابقاي مصرة على الاعتذار بلاك هو تاني قلقان وخليه يخمم مع روحو واكيد رايح يتفهمك وترجعو ملاح
ربي يهنيك