نتائج مسابقة أمناء أقسام الضبط

[mouniramo]

سلام عليكم سمعت من صديق له مصادر من المحكمة أن نتائج مسابقة أمانة الضبط ستنشر في المحاكم يوم 28 أفريل حسب ماتم اخطار جميع المحاكم بذلك شخصيا قد ما فرحا بسرعة ظهور النتائج لعل يكون فيها خير وننجح الأ أنو ستغربت صراحة مسابقة كيما هاذي مع كثرة المترشحين تظهر النتائج في أقل من شهر خاصة أن عملية التصحيح ستتم كلها بالمدرسة الوطنية لكتابة الضبط شاركت في عديد مسابقات ماشفتش مسابقة كتابية وطنية تظهر نتائجها في شهر راني خايف غير واقيلا صح مسابقة شكلية

[ziane1986]

الناس كانو قاع يكوبو ,,,امالا يصحو ورق وحدا برك ياخويا نتائج كيف كيف ههههههههههههههههههههه

[التحنجير]

يا جماعة إذا كنتم تعتقدون أن النتائج ستكون لصالح أشخاص معينيين ،،،،،،،،،،،،فلا تشاركوا في المسابقات نهائيا
لا تقنطوا من رحمة الله ........................لا تزال القليل من الشفافية في المسابقات ونطمح أن نكون من تلك القلة

[مراد44]

الناس كانو قاع يكوبو ,,,امالا يصحو ورق وحدا برك ياخويا نتائج كيف كيف ههههههههههههههههههههه
هههه عند الحق خوياااا ان شاء الله ننجحوا كامل

[قطر النى]

اشك في ذلك

[nadette]

lلوكان يسربو النتائج زعما يلغوها؟

[بنت تاجنانت]

لالا راك غالط حتى مسابقة القضاة تتصحح في شهر ونعرف بزاف بنات نجحو والله لا معريفة لا والو
المعريف نادرا ماتكون وتقيس شخص ولا زوج مش النتائج كامل راح يدوهم صحاب المعريفة هاذا منطق ماكانش منو
حنا نتوكلو على ربي ونقولو ربي يوفقنا ولي فيه الخير ربي جايبو وربي يقول ورزقكم في السماء وما توعدون ماتقللو ررواحكم ما والو لانو رزق كل واحد فينا واحد ما يقدر يديه

[التحنجير]

بارك الله فيك ..................هذا هو التفاؤل الذي يجب أن نحيا به دوما

[mouniramo]

فيما يخص الأخت الكريمة التي ذكرت أن مسابقة القضاة تصحح في شهر هاذي مكاش منها مسابقة القضاة كل عام تكون في أواخر مارس والنتائج في بداية شهر جوان يعني شهرين ومعاها من وجهة نظري المسابقة الأكثر شفافية هي من ناحية التنظيم والنتائج عكس مسابقة الضبط اللي للأسف فيها كثير من التلاعبات وأبرز دليل واش صرا العام لي فات عندما تم تسريب النتائج وألغيت على هاذي يبقى أمر تصحيح النتائج في ظرف أقل من شهر يطرح نوع من الغموض

[CHARMONTE]

ان شاء الله فيها خير

[mouniramo]

حسب مصادر من المحكمة عملية التصحيح انطلقت اليوم الأحد وان شاء الله نكونو من الناجحين

[albert45]

ادا كتبلك ربي تنجح و الله غير الحلف الاطلسي بجبروتُ ما يوقفلك في الطريق