أشعر بالذنب ...هل أنا فعلا مخطئة ؟؟؟؟

[norhane taha]

السلام عليكم

لقد أفدتني تعليقاتكم وردودكم على الموضوع


شكرا على كل ما نصحني ولو بقليل حتى ولو كان كلامه قاسي نوعا منا

لأنو يقول المثل : تبع الرأي لي يبكيك ماشي مع الراي يضحكك

شكرا لكل ما ساهم في نجاح الموقع وكل ما ساهم في تقديم المساعدة لكل مشكل من مشاكل الإجتماعية

[دروب التابعين]

روحي عاودي استخيري حتى للسبع مرات
-هو اذا كان عاقد عليك بمعنى راكي حلالو اهدري معاه ولكن ماتكثريش بزاف باش مايصراوش بروبلام
-نتيا قلتي بلي مش مقتنعه بيه من حقك انك ترفضي مش عايلتك هي لي تخير
-انا شربت المرار باش ما نروحش للواحد منيش مقتنعه بيه
اختي تحبي الصراحة لو كنت مكانك منروحش للانسان قبلت بيه عايلتي من اجل نفوذو ومنصبو
-عاودي استخيري وربي اذا كان فيه الشر يبعدو عليك واذا كان فيه الخير يبقى معاك
وربي يفرج عليك اختي
-فكري قبل ما تديري خطوة في حياتك وتحاوري مع عقلك وخلي عايلت بجيه مش هي لي تقرر في بلاصتك
-

[خاطرة الامل]

اختي اعرفي حاجة وحدة برك باللي امك راهي باغية مصلحتك هي بالتاكيد ماراهيش حاباتك تززوجي ومنبعد ترجعيلها مطلقة بعيد الشر
فهميها قوليلها ماكنتش مرتاحة معاه ولوكان كملت معاه كنت رح نطلق يعني من دركا احسن وبلا ماتخبي على باباك اصلا هو كان يهدر معاك بطريقة غير شرعية لانو مازال ما عقد بحجة الاوراق وفوق هدا يقلل الادب في الهدرة قوليلها بلي ربي اختارلك اللي فيه الخير وانو من الاول ماحبيتيهش برك على جالكم واعرفي حاجة مليح انتي اللي رح تعيشي حياتك كلها معاه وعليه مابني على باطل فهو باطل ياخي زعما مارضاش اختو تهدر مع خطيبها كيفاه يرضاها ليك يعني مايغارش عليك
و ماتنسايش اهم شي صلاة الاستخارة
ربي يجيب اللي فيه الخير

[assia81]

اختي لا تندمي ولا شيء انت قمتي بما انت مقتنعة به وان شاء الله سيرزقك بالزوج الذي تتمنيه الزواج ماشي بالسيف
لقد حصل معي تقريبا مثل قصتك تتمان خطبني شخص وبعدها طلب ان نتحدث بالهاتف لكي يتعرف علي ولكني رفضت لااننا ليس بيننا اي شيء ثم طلب مني ان نلتقي فرفضت وقلت اما ان تاتي الى البيت او كل يذهب في حال سبيله فنعتني بان راسي خشين ومنهمش وكنت احينا التقيه صدفة فيريد ان يحدثني حتى انه كان يناديني باسمي بكل وقاحة فاتركه واذهب وقلت حتى وان ياتي الى البيت سارفضه واليوم الحمد لله رزقني الله زوج فيه الموصفات التي كنت اتمناها ربما لسنا في نفس المستوى المادي او الدراسي ولكنه خير من الكثير من هو اطباء ودكاترة

[biti]

منيش حابة نصب الزيت على النار بصح الحمد لله على سلامتك منو وامك مع الوقت تفهمك

[دروب التابعين]

اختي لا تندمي ولا شيء انت قمتي بما انت مقتنعة به وان شاء الله سيرزقك بالزوج الذي تتمنيه الزواج ماشي بالسيف
لقد حصل معي تقريبا مثل قصتك تتمان خطبني شخص وبعدها طلب ان نتحدث بالهاتف لكي يتعرف علي ولكني رفضت لااننا ليس بيننا اي شيء ثم طلب مني ان نلتقي فرفضت وقلت اما ان تاتي الى البيت او كل يذهب في حال سبيله فنعتني بان راسي خشين ومنهمش وكنت احينا التقيه صدفة فيريد ان يحدثني حتى انه كان يناديني باسمي بكل وقاحة فاتركه واذهب وقلت حتى وان ياتي الى البيت سارفضه واليوم الحمد لله رزقني الله زوج فيه الموصفات التي كنت اتمناها ربما لسنا في نفس المستوى المادي او الدراسي ولكنه خير من الكثير من هو اطباء ودكاترة


ااااسيا واحد وثمانين مثال يحتذى به لي توقع في مشكل مشابه تدير كيما اخت ااسيا لانها فعلت الصواب بورك فيكي يالفحلة
http://www.djelfa.info/vb/images/icons/icon22.gifhttp://www.djelfa.info/vb/images/icons/icon22.gifhttp://www.djelfa.info/vb/images/icons/icon22.gifhttp://www.djelfa.info/vb/images/icons/17.gif

[knives55]

كان من ابسط واسهل لك واهلك انكي تقولي مكيش مستعد للزواج علاه حتي تخلي لحكاية تكبر

اختي اذ كان هذ انسان موش عاجبك حبسي ما تزوجيش وخلاص

اهدري مع يماك وبابك وفهميهم على تخلوا امور حتي تتعقد

انت شفتي انوا ماينسبكش خلاص حبسي

وربي يرزقك بزوج صالح

[سدرةالمنتهى]

يا اختي على حساب واش فهمت من القصة انت لعبتي بيه شغل قلتي اذا جا في الصواب نديه و اذا شفتي منو جاست صغيرة برك ندير بيه السبة و نبطل

عاودي اقراي القصة اللي كتبتيها كنت تقولي ندير في السبة باش نبطل و هو مسكين ماعندو خبر و يعيطلك انت ماتريبونديش هو واش يدير في بالو بلي راكي تليكيدي فيه و تلعبي بيه و هو قلتي عندو 34 سنة يعني ماهوش صغير يلعب بمشاعرك
وزيد قلتي مانيش حابة نحكي معاك لو من النهار الاول مامديتيش رقمك بصح كي عطيتيهلو باينة حابة تحكي معه و الدليل قلتي كي نغلط نعاود نسسمح منو

جاني ولد الناس عادي انت اللي عقدتي الامور

و من حقها امك تزعف انت اللي ماخرجتيش فحلة من الاول و قلتي لالالالالالالالالالا مانيش قابلة علاش تحشمي في والديك كيماهاك ظرك باباك كي يسمع واش يقول
اختي هذا واش استنبطت من القصة اللي حكيتيها انت مانيش نمد في رايي الخاص

و ربي يجيبلك راجل على حساب واش راكي حابة

[مسلمة انا]

يا اختي على حساب واش فهمت من القصة انت لعبتي بيه شغل قلتي اذا جا في الصواب نديه و اذا شفتي منو جاست صغيرة برك ندير بيه السبة و نبطل

عاودي اقراي القصة اللي كتبتيها كنت تقولي ندير في السبة باش نبطل و هو مسكين ماعندو خبر و يعيطلك انت ماتريبونديش هو واش يدير في بالو بلي راكي تليكيدي فيه و تلعبي بيه و هو قلتي عندو 34 سنة يعني ماهوش صغير يلعب بمشاعرك
وزيد قلتي مانيش حابة نحكي معاك لو من النهار الاول مامديتيش رقمك بصح كي عطيتيهلو باينة حابة تحكي معه و الدليل قلتي كي نغلط نعاود نسسمح منو

جاني ولد الناس عادي انت اللي عقدتي الامور

و من حقها امك تزعف انت اللي ماخرجتيش فحلة من الاول و قلتي لالالالالالالالالالا مانيش قابلة علاش تحشمي في والديك كيماهاك ظرك باباك كي يسمع واش يقول
اختي هذا واش استنبطت من القصة اللي حكيتيها انت مانيش نمد في رايي الخاص

و ربي يجيبلك راجل على حساب واش راكي حابة


لالا هي قالت يماها هي اللي وافقت بلا علمها واعطاتهم كلمة بلا ماتخبرها وهي كملت برك باش ما تكسر كلمة يماها بصح هي في الاصل ماشي حاباتو




اختي صاحبة الموضوع زيدي استخيري وخمي مليح انتي ماعطيتيش كامل اسباب مقنعة حتى تخليك ترقضي هاذ الرجل

قلتي نحب واحد يعاوني في ديني وفي نقس الوقت ماقلتي والو في اخلاق الراجل اذا الراجل هذا يصلي صلاتو واخلاقو مليحة فمعذرة معندكش اي عذر باش ترفصي


وزيدي ديري في بالو قلتي انه دركي او شيئ من هذا واعلمي انه هذا النوع من الرجال لا يعاملون كبقية الناس هم والفوا اذا امروا ينطاعو خاصة اذا كان gراد طالع وماعندهمش المزاح بزاف الله غالب والفو هكذا وعندهم كلشيئ جد

[سدرةالمنتهى]

اختي مسلمة انا

الزواج فيه استشارة و ليس رضا الاشخاص

لا فرق بين التلاعب بالخطيب و ارضاء امها من دون رضاها هي يا اخت الذنب نفسه ...............
فمن شروط النكاح رضا المراة اولا و اخيرا
عمري ماسمعت نتزوج باش نرضي والديا استشيرهم نعم ليس لارضائهم
ايا و كي رضاتها علاش ماكملتش و من بعد خذلتها
يا اختي اطلبي السماح من ماماك و رضا الواليدن في مواقف ماشي مواقف الزواج

[norhane taha]

كان من ابسط واسهل لك واهلك انكي تقولي مكيش مستعد للزواج علاه حتي تخلي لحكاية تكبر

اختي اذ كان هذ انسان موش عاجبك حبسي ما تزوجيش وخلاص

اهدري مع يماك وبابك وفهميهم على تخلوا امور حتي تتعقد

انت شفتي انوا ماينسبكش خلاص حبسي

وربي يرزقك بزوج صالح







شكر لك أخي على ردك الطيب

مكنتش نقدر نقول لالالالالا خاطاش كان عليا تهديد وضغط من أهلي وأنا نحترم نرأيهم خافو عليا بكل بساطة مكنتش نقدر نقول كلمة لالالالا ونصبر لواش راح يصرا مع أنو ربي مع عالم بلي ما درت علاقة محرمة ولا نويت حتى وكان دخل حياتي شيء من غير حلال لي شرعو ربي سبحانو كنت نستنا ربي هو لي يسلكني لأنو شيء فوق طاقتي

[norhane taha]

يا اختي على حساب واش فهمت من القصة انت لعبتي بيه شغل قلتي اذا جا في الصواب نديه و اذا شفتي منو جاست صغيرة برك ندير بيه السبة و نبطل

عاودي اقراي القصة اللي كتبتيها كنت تقولي ندير في السبة باش نبطل و هو مسكين ماعندو خبر و يعيطلك انت ماتريبونديش هو واش يدير في بالو بلي راكي تليكيدي فيه و تلعبي بيه و هو قلتي عندو 34 سنة يعني ماهوش صغير يلعب بمشاعرك
وزيد قلتي مانيش حابة نحكي معاك لو من النهار الاول مامديتيش رقمك بصح كي عطيتيهلو باينة حابة تحكي معه و الدليل قلتي كي نغلط نعاود نسسمح منو

جاني ولد الناس عادي انت اللي عقدتي الامور

و من حقها امك تزعف انت اللي ماخرجتيش فحلة من الاول و قلتي لالالالالالالالالالا مانيش قابلة علاش تحشمي في والديك كيماهاك ظرك باباك كي يسمع واش يقول
اختي هذا واش استنبطت من القصة اللي حكيتيها انت مانيش نمد في رايي الخاص

و ربي يجيبلك راجل على حساب واش راكي حابة



لالالا يا أختي سمحلي في هادي ظلمتني لأنو والله العظيم وربي شاهد ما لعبت به ولا حتى نويت ذاك شيء لأنو ربي ماكر وكيما نلعب راح يلعب بيا هو في يوم مي بطريقتو هو وعلبالك طريقة ربي ماشي كيما العبد

أولا ياك يقولو خطاب رطاب هو كان يعيط عليا ويسمعني كلام غير عادي سمحلي في هادي يا أختي ممكن نكون أنا مفهمتش مليح وممكن هو كان صح منيش نقولك أنا ملاك وهو ماشي مليح حاشا لله يا اختي

وبالنسبة لرقمي أختو هي لي أعطاتولو بحجة أوراق فهمتني وأصرت مي أنا مكنتش حابة لأنو مكانش بيني وبينو عقد شرعي هو كان من مفروض يتصل بخواتي وأهلي كنت حاسبة هادو أوراق شيء محرج مي من بعد عرفت أنو ان قادر يقولهم لخويا ولا بابا وإن حشم يقول لأختو وهي تتصل تقولي

أما مسألة فحلة ولالالالالا هاديك ربي عالم بظروف لي كنت فيها تعرفي نهار تكوني بين نارين أي كلمة تقوليها تخلصيها هكذا أنا كان صريلي كنت نستنا في ربي يرحمني ويسلكني وحمد لله

وكي واحد يتصل بيك ويخليلك ليزبال من إحترام تعاودي وتفهمي واش كاين تصوري كون طنشت واش تتفهم راح يكون عذري أقبح م نذنبي يعني كنت نتصرف كيما كان من مفروض ندير


ممكن مراحش تفهمي ظروفي حتى تنحطي في ظروفي وتتفهمي مليح رغم أنو منتمنهالكش مي ما يحس بجمرة غير لكواتو هذا واش نقولك

وشكرا أختي لردك

[norhane taha]

لالا هي قالت يماها هي اللي وافقت بلا علمها واعطاتهم كلمة بلا ماتخبرها وهي كملت برك باش ما تكسر كلمة يماها بصح هي في الاصل ماشي حاباتو




اختي صاحبة الموضوع زيدي استخيري وخمي مليح انتي ماعطيتيش كامل اسباب مقنعة حتى تخليك ترقضي هاذ الرجل

قلتي نحب واحد يعاوني في ديني وفي نقس الوقت ماقلتي والو في اخلاق الراجل اذا الراجل هذا يصلي صلاتو واخلاقو مليحة فمعذرة معندكش اي عذر باش ترفصي


وزيدي ديري في بالو قلتي انه دركي او شيئ من هذا واعلمي انه هذا النوع من الرجال لا يعاملون كبقية الناس هم والفوا اذا امروا ينطاعو خاصة اذا كان gراد طالع وماعندهمش المزاح بزاف الله غالب والفو هكذا وعندهم كلشيئ جد



شكرا لك اختي على ردك


والله يا أختي إستخرت بدل مرة 10 لكن كي نقعد نخمم في عشرة نلقا قلبي نافر منيش قادرة نكمل صراحة

تعرفي يا ختيتو نهار ناس جرب تقنعك بشي وأنت تكوني مترددة مع ذلك تقول ممكن نهار نجرب هذا الشيء قلبي يرتاح ويتهنا هكذاك أان صرالي كنت كل مرة نجرب نكون إيجابية لكن ظروف و كلام خلاني نزيد نحب نبعد كتر وكيما يقولو كل شيء بمكتوب

ودوك جات من عندو واش راح ندير أنا يا ختتيو ربي مكتبش ماشي معنتها هو إنسان ماشي مليح وأنا مليحة لا ممكن ربي لقا بلي منصلحوش لبعض دار السبة برك
هذا واش نقولك

يعين أمور فوق طاقتي

[norhane taha]

اختي مسلمة انا

الزواج فيه استشارة و ليس رضا الاشخاص

لا فرق بين التلاعب بالخطيب و ارضاء امها من دون رضاها هي يا اخت الذنب نفسه ...............
فمن شروط النكاح رضا المراة اولا و اخيرا
عمري ماسمعت نتزوج باش نرضي والديا استشيرهم نعم ليس لارضائهم
ايا و كي رضاتها علاش ماكملتش و من بعد خذلتها
يا اختي اطلبي السماح من ماماك و رضا الواليدن في مواقف ماشي مواقف الزواج




هي صح يا ختتيو مكانش نتزوج باش نرضي والديا لكن كاين شيء أنو لما إنسان يختار زوجة ولا زوج باش يبارك ربي يكون والديه راضيين عليه وموافقين على إختيارو فهمتني

انا قلت أنو كل شيء ترتب من غير علمي وهنا فرق نظن أسأت الفهم
أمي طلبت منهار سماح من غير ما تقوليلي خاطاش أمي ولو كنت حابة نزعفها كنت قلت لالالالالا لكن أنا أستنيت ربي هو لي يعاوني برضاه ويشرحلي صدري ليه ولا يبعدو عليا خاطاش أنا إنسانة ضعيفة ومنعرفش الخير وين

ولو مكنتش صح حاسة بذنب من جهتها وكنت كيما قلت نلعب ونحوس على أسباب مكنتش جيت وعرضت مشكلتي للأسف

على العموم شكرا على إنتباهك وردك

[سدرةالمنتهى]

لالالا يا أختي سمحلي في هادي ظلمتني لأنو والله العظيم وربي شاهد ما لعبت به ولا حتى نويت ذاك شيء لأنو ربي ماكر وكيما نلعب راح يلعب بيا هو في يوم مي بطريقتو هو وعلبالك طريقة ربي ماشي كيما العبد

أولا ياك يقولو خطاب رطاب هو كان يعيط عليا ويسمعني كلام غير عادي سمحلي في هادي يا أختي ممكن نكون أنا مفهمتش مليح وممكن هو كان صح منيش نقولك أنا ملاك وهو ماشي مليح حاشا لله يا اختي

وبالنسبة لرقمي أختو هي لي أعطاتولو بحجة أوراق فهمتني وأصرت مي أنا مكنتش حابة لأنو مكانش بيني وبينو عقد شرعي هو كان من مفروض يتصل بخواتي وأهلي كنت حاسبة هادو أوراق شيء محرج مي من بعد عرفت أنو ان قادر يقولهم لخويا ولا بابا وإن حشم يقول لأختو وهي تتصل تقولي

أما مسألة فحلة ولالالالالا هاديك ربي عالم بظروف لي كنت فيها تعرفي نهار تكوني بين نارين أي كلمة تقوليها تخلصيها هكذا أنا كان صريلي كنت نستنا في ربي يرحمني ويسلكني وحمد لله

وكي واحد يتصل بيك ويخليلك ليزبال من إحترام تعاودي وتفهمي واش كاين تصوري كون طنشت واش تتفهم راح يكون عذري أقبح م نذنبي يعني كنت نتصرف كيما كان من مفروض ندير


ممكن مراحش تفهمي ظروفي حتى تنحطي في ظروفي وتتفهمي مليح رغم أنو منتمنهالكش مي ما يحس بجمرة غير لكواتو هذا واش نقولك

وشكرا أختي لردك

اختي لم اقصد تجريحك او ظلمك فنحن عند قراءة مشكلة ما اكيد وراءها الف ظرف و ظرف لكن انا قلت لو خرجي لو صارحت امك انك لم ترتاحي له و لا يناسبك كزوج لك في المستقبل يعني نعم او لا و اذا فرضو عليك الزواج يصبح الامر حالة خاصة

ان شاء الله ربي يرزقك بالزوج الصالح و ذرية صالحة :dj_17:

[faty05]

ما نعرف يا أختي هو صح ماكانش عقد شرعي بصح كي حب يسقسيك على أوراق أو شئ من هذا القبيل كان مالازمش تكبريها و تجاوبيه على قد سؤالو يعني قضية نصف دقيقة أو دقيقة
و زيد ما كنتيش قابلة من الأول كنتي بكيتي و قلبتي الدار و قلتيلهم ماكيش راضية بالزواج هذا
وعلاه وصلتي روحك
نلومك انتي و الغلطة تاعك انتي من الأول ما كنتيش حازمة
الله يصلح أحوال وش نقولك

[norhane taha]

اختي لم اقصد تجريحك او ظلمك فنحن عند قراءة مشكلة ما اكيد وراءها الف ظرف و ظرف لكن انا قلت لو خرجي لو صارحت امك انك لم ترتاحي له و لا يناسبك كزوج لك في المستقبل يعني نعم او لا و اذا فرضو عليك الزواج يصبح الامر حالة خاصة

ان شاء الله ربي يرزقك بالزوج الصالح و ذرية صالحة :dj_17:



لا أختي ولا يهمك عادي نحن نتناقش وسعيدة جدا بكلامك وردك

هو نفرض عليا بكل بساطة ولقيت روحي منقدرش نقول لالالالا صراحة لأنو ثمن راح يكون غالي وعواقب وخيمة

[norhane taha]

ما نعرف يا أختي هو صح ماكانش عقد شرعي بصح كي حب يسقسيك على أوراق أو شئ من هذا القبيل كان مالازمش تكبريها و تجاوبيه على قد سؤالو يعني قضية نصف دقيقة أو دقيقة
و زيد ما كنتيش قابلة من الأول كنتي بكيتي و قلبتي الدار و قلتيلهم ماكيش راضية بالزواج هذا
وعلاه وصلتي روحك
نلومك انتي و الغلطة تاعك انتي من الأول ما كنتيش حازمة
الله يصلح أحوال وش نقولك



عارفة وعندك الحق أنو قضية أوراق لكن كان من مفروض يحكي مع أخي أو إذا حشم من أخي وبابا أختو تحكي معايا وتقولي مافيها والوا ومشكل أنو مكانش لبق معايا حتى يعني كي راني نحكي معاه من باب مزية ماشي لازم عليا على أقل كان يقدر هذا الشيء

مكنتش نقدر نواجه ونقول لالالالا ونقلب الدار لأنو ثمن راح يكون غالي كنت راح ندفع ثمن وراح نتعامل معاملة بنت لي غلطت غلطة كبيرة ولازم تنحبس

[soha1987]

انا تبالي نتي غلطتي وعلاه المسكين خطبك ويعيط على جال اوراق ماش حاجة اخرا وزيد الخطبة تاع التعارف ولا علاه عاملتي هكاك وكي ماخبرش والديك بلي بطل اعرفي بلي راو حابك تكوني زوجته وانتي ماعرفتيش تكسبيه حاولي معاه مرة اخرا وشوفي

[sarl02]

والله غير هو الي اداي دعوة الخير وارتاح منك ....يا اختي راه طارلك راجل وفحل ووضعية اجتماعية مريحة ودرتيلو قاع هاك؟؟؟وواش فيها كي حاب يتعرف بيك في فترة الخطوبة زعمة غير هنا بانلكم الحلال والحرام؟؟ ..ياخي راه اتقدملك مالباب ومن حقو باش اكلمك ويعرف هذه المخلوقة الي راه رايح يرتبط بيها مستقبلا وانت كان عندك حق الرفض في الاول فقط ياو ديجا راه طول معاك وساعفك فوق اللازم وذرك نورمالمو اخرج غفارة كي ربي سلكو من وحدة كيفك.

[norhane taha]

انا تبالي نتي غلطتي وعلاه المسكين خطبك ويعيط على جال اوراق ماش حاجة اخرا وزيد الخطبة تاع التعارف ولا علاه عاملتي هكاك وكي ماخبرش والديك بلي بطل اعرفي بلي راو حابك تكوني زوجته وانتي ماعرفتيش تكسبيه حاولي معاه مرة اخرا وشوفي



السلام عليكم أختي شكرا على ردك الطيب

ممكن كيما قلت لكن شيء لي راني متأكدة منو 100/100 مكانش منها تحكي مع شخص مكانش عقد شرعي بينك وبينو في هادي منيش معاك صراحة لأنو راهو غريب عليك

لكن معليش نمشي معاك في الخط إذا صح يحكي علجال أوراق على أقل يكون لبق معايا ماشي يقلل من إحترامو
يعني يقدرلي هذا الشيء

ونروحو ونرجعو هذا رأيك وأنا نحترمو شكرا لك

[norhane taha]

والله غير هو الي اداي دعوة الخير وارتاح منك ....يا اختي راه طارلك راجل وفحل ووضعية اجتماعية مريحة ودرتيلو قاع هاك؟؟؟وواش فيها كي حاب يتعرف بيك في فترة الخطوبة زعمة غير هنا بانلكم الحلال والحرام؟؟ ..ياخي راه اتقدملك مالباب ومن حقو باش اكلمك ويعرف هذه المخلوقة الي راه رايح يرتبط بيها مستقبلا وانت كان عندك حق الرفض في الاول فقط ياو ديجا راه طول معاك وساعفك فوق اللازم وذرك نورمالمو اخرج غفارة كي ربي سلكو من وحدة كيفك.



كلامك ضحكني صراحة

لوكان ماشي حلال وحرام مكنتش نوصل لي رانمي فيه يا خو وحمد لله لأنو نعرف حلال وحرام كاين ناس متقدرش تميز بين حلالو حرام أصلا يشوفو تخلف وشيء غير طبيعي للأسف

روح دير بحث في النت وأعرف إذا حقو عكس أنا منقدرش نجاوبك أنت لي جاوبك روحك

مليح ممكن عندك الحق ولازم يخرج غفارة ما تعرف هادي دنيا هههههههههههههههههههه

ننصحك نصيحة أعرف دينك مليح مليح من بعد أحكي وإذا متعرفش ماشي مليح تقلل م نقيمة الناس لأنو هادي ماشي تصرف مليح وربي ميرضاش بظلم ياقول كلام فيه فايدة يا متحكيش كامل وتربح ذنوب

[sarl02]

كلامك ضحكني صراحة

لوكان ماشي حلال وحرام مكنتش نوصل لي رانمي فيه يا خو وحمد لله لأنو نعرف حلال وحرام كاين ناس متقدرش تميز بين حلالو حرام أصلا يشوفو تخلف وشيء غير طبيعي للأسف

روح دير بحث في النت وأعرف إذا حقو عكس أنا منقدرش نجاوبك أنت لي جاوبك روحك

مليح ممكن عندك الحق ولازم يخرج غفارة ما تعرف هادي دنيا هههههههههههههههههههه

ننصحك نصيحة أعرف دينك مليح مليح من بعد أحكي وإذا متعرفش ماشي مليح تقلل م نقيمة الناس لأنو هادي ماشي تصرف مليح وربي ميرضاش بظلم ياقول كلام فيه فايدة يا متحكيش كامل وتربح ذنوب

هاودي انا غاضني هذا المخلوق الي طاح بين يديك ...بغيتيني ما نهدرش ول؟؟ شوفي بنتي والله نصيحة ليك مالقلب امر الزواج بالذات مكتوب ربي بصح مرة اخرى ما تقبليش بواحد ماكيش مقتنعة بيه ارضاء لامك او اهلك وامبعد مسكين هو اخلص لانك تبداي اتشارشيلو باش اتليكيديه ....ها لالا ماشي هاك ها ديجا راكي طحتي في واحد ناس ملاح وباين عاقل وساعفك حتى للاخر وامبعد دارلك خاطرك وراح ....وروحي ان شاء الله موراك خضراء وقدامك خضراء .

[الإدريسي العلوي]

السلام عليكم ورحمة الله تعالى وبركاته
قرأت كثير من مشاكل الناس وهذا ما شجعني على عرض مشكلتي
ككل فتاة كنت أحلم بزوج صالح الذي يعنني على حياة وعلى طاعة الله عز وجل بدرجة أولى لم يكن يهمني مرموق أو الغناالفاحش المهم يسر الحال ورضا التام لأنه هذا الأخير سيمنحني القناعة والقوة في تحمل كل شيء
تقدم إلي الكثير تارة أرفض وتارة أرفض وهكذا والعمر يمضي حتى أنني صرت أكره موضوع الزواج إطلاقا لما أتذكر خطبة ورؤية شرعية وأعصاب مشدودة وكوني لحد الأن لم أعثر على الذي أتمناه
أتقدم إلي شخص هو دركي لكن منصبه عالي عمره 34 سنة هو إنسان يبدو طيب وذو أخلاق جيدة وكذلك بإعتباري وصلت لدرجة ملل وخوفا من عنوسة لكثرة رفضي لكن أمام أهلي كان يبدو فرصة لا تعوض وأكون مجنون إن رفضته كل أهلي تشاركو في إقناعي لكن بدون جدوى لم أرتاح له ولم أشعر أن هذا الذي سيكون زوجا لي إضطرت أمي أن توافق وترتب كل شيء من غير علمي انا أقدر لها هذا تصرف لأنها خافت عليا ولما كانوا أهلي يسألوني عنه الناس كانت تنبهر به هذا سيكون زوج أختك عين كانت فرصة كبيرة مع أني أكنت أستصغر أمر لاني كنت أبحث عن الرضا والقناعة والدين بدرجة أولى
كانت أمور تحقيق تجري بسرعة طلب من أمي أن يتكلم معي بخصوص أوراق لكن رفضت أنا لأنه غريب عني جربت أخته إتصال بي وإقناعي وأصرت لم أستطع أن أخجلها تظاهرت بقبول وقلت في نفسي لما أكلمه سوف اشرح وجهة نظري سيفهم أمر لا أريد مكالمته في الهتاف قبل عقد شرعي لأنه غريب عني هو لم يعجبه الأمر وكان يردد : حاب نتفق معاك بخصوص أوراق ماشي حاجة خرا قتلو أنا تقدر تقول لأخي أو أبي يتصل به أبوك أو أختك تقول لأمي قال نحشم من خوك منقدرش وتظاهرت بتفهم أمر لأني لم أقتنع صراحة قلت له أعرف ماهي أوراق لأن أختي متزوجة بدركي ثار في وجهي وقال لي : أمالا نقولك روحي لختك تقولك واش توجدي أوراق صراحة تصدمت من رد فعلو وحاولت مسايرته لأني رأيته قد أنفعل المهم وه وقالي صح كون عندي أختي منقبلش تحكي مع واحد خاطبها وفهم الأمر كيما ظنيت بعد وقت نتلقا مع أختو تحكمي وتقولي خويا تقلق هذاك نهار منك كي محبيتيش تحكي معاه صراحة تصدمت قلت أنا قالي إيه عندك الحق من بعد راح أشكى ليها حسيت منافق
بعد أيام تصل بيا وجهتو بأمر قالي قلت وخلاص والنساء واعرين وكذا وكذا كلام باش يراضيني قلت يمكن صح عندو الحق لكن بقيت نتبع فيه وفي كلامو
ضل يتصل بي من أجل ملف وأنا كنت أموت كل يوم لا أستطيع الرفض خوفا من أهلي وأمي وكيف لي أن أعيش مع شخص لست مقتنعة به قلت في نفسي لعل الله سيقلب قلبي ومن جهة مستغربة لأني لا أرى موضوع مثل باقي الناس كأنه فرصة لا تعوض وحياة سعيدة مع رجل ذو نفوذ حاولت تظاهر لعل الله يرحمني لأنه قال في كتابه بسم الله الرحمن الرحيم : وعسى أن تكرهوا شيئا وهو خير لكم . صدق الله العظيم
طلبت منه تأجيل الزواج لأني لا أستطيع تجهيز نفسي خلال 4 أشهر رفض بشدة وصرت أحاول وأصر بدون جدوى لأن قارارته حازم جدا جدا كنت أحكي لأمي كل شيء وهي من كانت تشجعني وتقولي لي غير بلعقل وتفاهمي أنت معاه ماشي مشكل لكن كنا إلى أن وصلنا بنا الأمر لأن يتهمني ويقولي لي بحرف واحد : راكي بديتي تخليني نقول عليك أنت ناقصة فهامة كي جيت نرد دخل بابا قتلو دقيقة ثار في وجهي وقالي أنت دايما تقطعني في وسط كلام قتلو أبي جا قالي أوك كوبا
قلت لأختي شوفي واش قالي قاتلي وعلاش خليتيه يقولك هذا كامل قتلها هذا كلو لأني خايفة نقول لأمي منحكيش معاه تقوليراكي تلقاي في السبايب وهو مهوش يقول في حاجة غلط راهو يتفق معاك على ملفات قتلها كاين أبي و خواتي علاش أنا
بعتلو ميساج وقتلو إذا إكتشفت أنو أنا ناقصة فهامة تقدر تبطل وأنا كنت نحكي معاك من ورا بابا وعذرتك لكن أنت ما حترمتني ما درتلي قدر متزيدش تعطلي راهو بابا قدامك بعتلي ميساج وقالي إذا مكيش قابلة تقدري تحبسي وجدال مهوش مليح ونعرف ربي مليح نعرف كلامو قالي أنا كي كنت نتصل كنت نتصل علجال أوراق ماشي شيء تاني المهم مرديتش عليه قاتلي أمي أنت غلطت وأنت معرفتيش تمشي كي وزنت أمور قلتيمكن هو حس برفضي على هذيك تصرف هكذاك وأم تعرف بنتها يعني عندها الحق رحت إتصلت به وطلبت من والسماح قتلو كنت مريضة بقولون ومقلقة فهمتو وجهة نظري وقتلو بلي منحبش واحد يعاملني بخشونة ونحب نتشارك معاه في كل شيء وأان صح غلطت وسمحلي قايل كلنان غلطو و وتصالحنا ورجعت أمور مي بقا يتصل بيا لعذر أوراق وكنت نقول لأختي والله حرام لي راهو يحكي معايا قاتلي فهميه قتلو محبش يفهم يقعد يقولي أوراق وكي نفهمو يقولي كلام غير محترم ويعيط عليا مكانش منها أوراق يا أختي مهوش مريحني الحال قاتلي كي يتصل بيك قوليلو مشغولة من بعد نعاودلك ومتعوديش قعدت نقولو هكذا لكن مكانش يقبل عذري يسكت كأنو مهوش مقتنع كي نقولو معجبكش كلامي يقولي خلاص مكنتيش على راحتك وحد أيام عاودلي باش يسقسني على أوراق في ليل مقدرتش نرد لأنو ليل وتان كان دارنا فيها ضياف اول وحد 10 مرات مكانش عندي كريدي نعاودلو غداو من ذالك الصباح لأنو هو كان قالي عندي فراغ من 12.00 حتى 13.20 بعتلو ميساج من عند أمي نقولو عاودلي باش نشرحلو بلي البارح كنت مشغولة محبش يعاودلي قلت حمد لله راهي فيه لكن أختي كأنو بدات تدي نظره عليه وحتى أنا كنت في كل مرة كي يتصل بيا نحس روحي ربي مهوش يشوف فيا وحتى أنا كنت نحس روحي نموت في كل لحظة لأنو كل إجراءات راهي تمشي رغما عني

مرضت بزاف بزاف لأنو بإعتبار موقف لي راني فيه منيش راضية به ونستنا في رجمة ربي وإضطرت أمي تديني عند طبيب كي رحت الصباح كنت في طريق يتصل بيا مقدرتش نرد كنت مع أمي وكنت في طريق أصر من بعد بعتلي ميساج وقالي وقتاش رحتي مع باباك عند مقرديالنا مقدرتش نرد معنديش كريدي وتان في طريق ومريضة من بعد قالي في ميساج راني نستنا في إجابة نحتاجها
عاودلي مرة ثالثة نفس شيء أمي قدامي رغم أنو راهي عارفة بلي نحكي معاه أصلا منقدرش ندير حاجة من غير علمها لكن إحترام ماشي جاية من بعد عاودلي بعتلي ميساج قالي ردي عليا في ميساج إذا مكيش قادرة تحكي مع أن وبعتلو ميساج من قبل من عندو أمي وقتلو أنا فلانة ووصلو ميساج لكن زعما ماشي كيما تحب أنت من بعد أمي راحت تشوف موعدنا عيطلي رديت عليه قالي واش هذا وقعد عيط وراكي تتمسخري ما تفهمي ما تعذري بطلي هادي خشونة رأس تاعك صراحة إنصدمت من بعد قتلو كنت مع أمي على هذيك مقدرتش نرد عليك قالي لا كون رفدت ورديتي عادي ياك علبالها سكت لأنو كانت قاعة فيها ناس بزاف من بعد قتلو منيش فيا لدار راني عند طبيب مرضت بقولون قالي هذاك نهار حكمك وزاد اليوم قتلو إيه قالي وعلاش مقتليش بلي عندك قولون تصدمت صراحة وقعد يعيط م نبعد قتلو علاش نقولك قايل علاش ؟؟ تعجب زعما
كوبا من بعد قتلو صح ورجعت للدار وأنا حابة نطرطق من كلامو وواش قالي
بعد يوم عيطتلو كوبالي م نبعد عاودلي قتلو واش يك هذاك نهار تحكي وكيفاش تقولي قولون علاش مقتليش صراحة وأان كنت في قمة غضب يعني حكيت معاه بلهجة عالية قتلو وتقولي علاش متحكيش معايا قدام يماك واش راك حاسب أحنا مناش فاميليا صح علبالها مي ماشي نحيك قدامها إحترام وتقولي خشينة راس واش هذا كامل علاش هذا كلو إذا حاب تبطل وراهم مسيفين عليك قولي وأنا نروح نقول قتلو ديما تقولي كلام ونسكت ونقول معليش هذاك نهار غلطت وطلبت منك السماح لالال يا ولد الناس إذا بقت هكذا كل واحد في طريق أحسن
وكبر شجار بيني وبينو من غير حتى ما يعتذر كأنو عندو الحق من بعد من كلامو فهمت كأنو مهوش غلط ومراحش يعترف بغلطو يحب ديما هو عندو الحق حسيت روحي حشرة قدامو وحسيتو ذلني بمنصب تاعو صراحة وذل أهلي قتلو ما حشمت لا من خواتي ولا أمي ولا بابا ولا حتى واحد قتلو باباك ما شاء الله الكل يشكر فيه ويماك طلعت لفمي تعرفي أمي مليح وحتى أختك علاش هذا كلو منك قتلو تفهمت وضع وقعدت نحكي معاك من ورا أهلي مي أنت ديما عندك الحق من نبعد قايل حبسي عندك خلاص رايح نكوبي تبقاي على خير تجاهل بكل برود حتى صدقت أنو غلطت أنا من بعد قتلو لا راني نحكي قالي خلاص روحي أنا راني غالط وقعد يقولي تصلت بيك علجال ملف ماشي علجال حاجة خرا من بعد قالي خلاص بطلت ربي مكتبش بيناتنا كل واحد في طريق كوبيت في وجهو حسيت روحي طايرة من فرحة لأنو حسيت أن وربي نصرني صراحة كأنو جبل كان فوق ظهري وإنزاح
رحت قلت لأمي زعفت زعاف كبير حتى وصل أمر متحكيش معايا حسيت بذب وندمت وقلت يا ريتيني ما تصلت ولا حسابتو رغم أنو لما تصلت رحت طلبت رأيها مدرتش شيء من غير علمها وحتى هي ساندتني وعرفت أنو هذا شيء غلط لي دارو غاضتني أمي كأنو حسيتها غاب أملها فيا مع أنو ماشي ذنبي
وعندنا أسبوع على هذا الحال من غير ما يخير أبي أنو بطل ولا حتى رد فعل وحتى أمي مقدرتش تقول لأبي وخواتي قتلها أنا منيش خايفة منو وحتى ولو يرجع مراحش نرجعلو

لكن حاسة بذنب إتجاه أمي كأنو من كتر ما توجعت حتى ظنيت أنو أنا مسؤولة على لي صرا كلو


السلام عليكم
والله يا أختي لو كتبت قصتك
لأصبحت رواية
على كل حال
أخطأت إذ لم تستخيري الله
فأول شيء يجب على المسلم
هو استخارة الله ثم مشورة
أهل الشورى والعلم
قال الله:
يا أيها الذين آمنوا اتقوا الله
وقولوا قولا سديدا
يصلح لكم أعمالكم
فعليك بالتوبة والاستغفار والتقوى
والدعاء
فإن الله سيفتح عليك أبوابا
لم تكوني تحسبين لها حسابا
فتوكلي على الله
ووفقك الله

[norhane taha]

هاودي انا غاضني هذا المخلوق الي طاح بين يديك ...بغيتيني ما نهدرش ول؟؟ شوفي بنتي والله نصيحة ليك مالقلب امر الزواج بالذات مكتوب ربي بصح مرة اخرى ما تقبليش بواحد ماكيش مقتنعة بيه ارضاء لامك او اهلك وامبعد مسكين هو اخلص لانك تبداي اتشارشيلو باش اتليكيديه ....ها لالا ماشي هاك ها ديجا راكي طحتي في واحد ناس ملاح وباين عاقل وساعفك حتى للاخر وامبعد دارلك خاطرك وراح ....وروحي ان شاء الله موراك خضراء وقدامك خضراء .



يا خو هذا السيد مخطرتوش بإرادتي راني نقولك فجأة لقيت روحي خطيبتو يعني أهلي رتبو أمر من غير علمي أقرا قصة مليح وصراو ضغوط أنو كون نقول لالالالالا راح نخلصها غالية

لالالالا يا خو متخافش نخاف ربي أنا وظلم صعب لأنو لي يظلم ينظلم بظلم ربي سبحانو ماشي ظلم العبد وربي ماكر يعني نهار ينزل قضاؤو راهو حق عليك وديجا يكون رحمك حتى في عقاب

[norhane taha]

السلام عليكم
والله يا أختي لو كتبت قصتك
لأصبحت رواية
على كل حال
أخطأت إذ لم تستخيري الله
فأول شيء يجب على المسلم
هو استخارة الله ثم مشورة
أهل الشورى والعلم
قال الله:
يا أيها الذين آمنوا اتقوا الله
وقولوا قولا سديدا
يصلح لكم أعمالكم
فعليك بالتوبة والاستغفار والتقوى
والدعاء
فإن الله سيفتح عليك أبوابا
لم تكوني تحسبين لها حسابا
فتوكلي على الله
ووفقك الله






والله يا أختي إستخرت بدل المرة 10 وكل يوم أستخير
شكرا على ردك الطيب

[سدرةالمنتهى]

اختي هل اعلنت فسخ الخطبة و امك هل تتكلم معك او لا ؟

لكن لم تقولي ماه الظروف التي حتمت عليك ان تقولي نعم بدل لالالالا

[biti]

راهي تقلكم ظروف حتمت عليها و زيد حبيت نفهم واش هذه الاوراق لي يعيطلك على جالها قاع هاك وزيد كل مرة يرفع صوتو و يزعف راكي خطيبتو مشي عامل عندو اذا اليوم هاك بعد الزواج واش يدير و بالنسبة للاعضاء لي قالو لعبت بيه نفرض انو كانت قابلة و من بعد بدلت رايها يعني تاني لعبت بيه الخطبة ممكن التراجع فيها عادي هاذا ماشي زواج و ميهمش المركز تاعو هي رايح تتزوج بالراجل مشي بالمنصب ربي يعوضك خير منو

[انانيس]

من خلال قصتك تبين لي ان هذا الشخص متسرع نوعا ما في كلامه
لست اعلم في بعض الاحيان الانسنا لايشعر باي راحة تجاه شخص معين وربما تلك التصرفات تزيد الهوة بين الطرفين مما تجعل العيش مستحيلا اما بخصوص والدتك هي من باب خوفها عليك ارادت ان تتزوجي بهذا الشخص ولكن هناك رب رازق ولم ينقطع الخير والرزق بعد هذا ادعي الله في صلاتك واكيد ان والدتك ستتفهم الامر برور الوقت
حاولي ان تتحدثي اليها بلين وبقدر عقلها انه ان ننفصل الان افضل من ان اعود مطلقة لاقدر الله
اختاه ربي يكون معاك ويرزقك الزوج الصالح عاجلا غير اجل .

[mitrochka]

ربي يجيبلك ولد لحلال أختي

[شاملة لينة]

الرجل الذي يدق الباب.. ويعلن رغبته في الحلال لا يعامل بهذه الطريقة.. بل يحترم ويقدر حتى وإن لم يكن مناسبا....
بعدها تسخير الفتاة ونستشير.....
أما أنت فأراك أهنته وهو أدرك ذلك.
الرجل الذي ينوي الحلال لا يعامل كفأر تجارب.

[جسور المحبة]

يا اختي مدامك مش قابلة بيه ما تسمعي لحتى واحد رانا كامل مرينا بهذ التجربة لكن تبعي قلبك واستخيري لانو لما تزوجيه ونتي مش قابلة غدوا اهاك يروحو لدارهم وتبقاي غير نتي وراجلك ووقتها مراح يحس بيك حتى واحد ونتي لي تتجملي مسؤوليتك وحدك وحدك وممكن اهلك يقولولك علاه قبلتي من لول ويرجعو المشكل فيك نتي

[nebbacheanis]

ما يلفظ من قول إلا لديه رقيب عتيد

[RANIA32]

اختي عليك بصلاة الاستخارة

[azhars]

مادام ماراكيش مرتاحتلو ماشي بالسيف وهذا النوع من الناس يجي متسلط بزاف راه يتعامل معاك علم فينفذ ونتي ماكيش تخدمي عندو
وماكيش من النوع لي يحب سيطرة الرجل خير كي تفارقتو ونتوما على البر وهي كلشي بالمكتوب وهذو سبايبب برك