مشكلتي هي ابي

[مشكلتي]

السلام عليكم

اليوم حبيت نحكيلكم على حاجة قاهرتني بزاف و هي الاب انتاعي

انا شاب جامعي سنة ثانية عمري 22 سنة عندي مشكلة في حياتي او اعتبرها مشكلة الا و هي ابي

اب لم ارى مثله في الكون . ما يصرف عليا ما يخليني نخدم و الله ما تفهم منوا والو و كي نقولوا اعطيني يقولي وينها لابورص انتاع الجامعة و الله يحب الراس هذا بالنسبة ليا انا اما بالنسبة للبيت منحكيوش كل يوم يدر مشكلة و اهمها الاكل ههههههههههههه حاجة تضحك

و مثال كنت رايح vacance و تديه معاك تندم لي تديه . الطريق complé و هو يعيط . ولاه مدرتش هكذا المهم يسمطلك الجاحة قبل ما ديرها . و احيانا يقولك مانديرش هاديك الحاجة او ما نمشيش معاك لهذيك البلاصة و apres كي تروح وحدك و متديه saye يقلب عليك الدار

مرة اخي جا عندو نسيبوا و عيط للاب انتاعي قالو " او جا نسيبي اراح تتعشا معانا " قالوا خلينا منوا و لوكان يسقسيك عليا قولوا راه غايب . اخي كذب و قالوا بعدها لغدوة عبطلوا قالوا لاه متعيطش و متعرضنيش للعسا مع نسيبك قالوا عبطتلك و هاك واش قتلي و هاك واش قتلي قالوا ايه قالوا لوكان حاولتني ول عازذت عيطتلي و الله تحير كبما نديروا معاه منسلكوا

و عندي اختي زوجها بالسيف عليها مع عائلة زعما عندهم الدراهم و بعد الزواج biensur يجيب المشاكل و لوكان مكانش المشاكل متمشيش الدنيا . المهم اختي هذي كل ميكون عندها مشكل بطبيعة الحال تعيطلنا و انروحوا لعندها و الاب انتاعي القافز واش يدير !!!!! طول يروح يديرلها محامي باه تطلق من راجلها و اختي كي يقولها الطلاق تقولوا هاذا مشكل ماشي تاع طلاق يولي يزعكها من الدار ويقولها خلاص ماني باباك ماكي بنتي يحوس يخليها ههههههه و مرة اخرى جات كي العادة للزيارة هي و راجلها و الله زهر لقيتوا يقولها طلقي منوا و انخدم بنتي و انديرلها و انديرلها و الله حرام عليه انا هنا حكيت مع اختي و قلتلها attention تسمعيلوا قاتلي يااااو راني عارفة يا خويا ههههههههه

و مثال اخر راني برا مع صحابي و نتلاقا معاه يبدا يجبد لصحابي حوايج خصوصية انتاع الدار و يقلبهم يضحكوا عليا

اييييييه مرة روحت vacance لولاية ساحلية هنا في الجزائر مع صحابي و ما عنديش المصروف ( الحمدالله كنت دبرت شوية مع عند خوتي و خواتاتي ) و لكن مقتلوش بلي عندي c'est non ميمدليش . المهم قتلوا راني رايح اعطيني كاش مصروف . و الله شوكاني عطاني 80 نلف ( 800DA) قتلوا هاذوا واش ندير بيه قالي لاه انت لي راك رايح تصرف على صحاب روخ روح و profité فيهم . و ما علينا روحت بالدراهم لي لميتهم معند دارنا . من بعد جا لعدنا و ابدا يهدر و يضحك الناس عليا و ما علينا
كي روحنا قالي لاه مكنت تقيم فيا توال صحابك قتلوا معنديش المصروف و تحوس عليا نقيمك و نشريلك و نعرضك سكت شوية و قالي و كيفاش درت قتلوا كنت نقولهم هاتوا كاش متسرفولي .هنا وينوض يعيط شح شح قوتلوا انت متدليش المصروف و اتزيد تقول شح شح منين نجيب انا نسرق قالي la bours وينراها المهم دايمن هو الصح و احنا الغالطين

نزيدكم هادي وعلاص parceque لوكان نقعد غير نحكي منخلصش ههههههههه

انا عندي واحد من لافامي شخصية جد جد مهمة في الدولة و دائما يجي بعندنا للدار و كي يسمع بيه جاي يعيطلوا و يقولوا " عليالك راني مسافر لتونس . راني رايح لفرنسا يعني ylikidi فيه نورمال و هاذا الشخص مرة قالي عليالي بكلشي على باباك واش راه يدير باه منجيش عندكم و الله انا حشمت و مت يالحشمة بعد لي قالهالي
و في هذا ليامات رحنا لعندوا للدار كانت عندو مناسبة المهم تما الاب انتاعي كان محتاج وحد service قالوا اهدرلي مع الوالي باه yafirilo المهم هذا الشخص فالوا راني متهاوش معاه ملي ثالهالوا و الاب انتاعي مشنف و في الطريق كي كنا مروحين هاذيك طريق درنا فيها 20 ساعة مسكتش طووووول

المهم و الله راني استرحت شوية برك بمعنا راني حكيت 0.001% ملي راني عايشوا

حقا الاب انتاعي طبيب و اختصاصوا مليح جدا و لكن عندوا عقلية انتاع واحد جاهل

قولولي برك واش ندير معاه و الله احيانا نتمنالوا الموت و ربي يسمحليparceque المرار صح رانا عاشينوا معاه

[°•°• همس الخواطر •°•°]

ربي يهديه
لكن أنت يلزمك احترامه و حتى ولم يكن جيدا معك فهو يبقي والدك فهنالك أشخاص يتمنون أب و لم يجدوه
من خلال كلامك لاحظت أن والدك يحب أن يكون هو محور كل شىء يريدكم أن تهتموا به ربما أنتم لم تحسسوه بإهتمامكم به
هو يريد أن يكون هو الشخصية النافذة في البيت الكل يرجع إليه
حاول التقرب منه و تحسيسه بأنه مهم و سوف تلاحظ تغيره

[libanarim]

كان الله في عونك
رغم كل شيء يبقى والدك ووجب عليك إحترامه
نسأل الله له الهداية

[برشلونية]

نقولك حاجة ماكش انت برك في هذا المشكل اغلب الناس كيما انت ماعليك غير تصبر وماتعصيهش ودير واس يحب هو اكيد راه يبغيك وشنوا راه بلاك كي كان صغير بباه عاملو كيماهاك وتجيك في الصبر

[* الحلم سكر *]

راح نبدى من الأخير أخــي لوكان يتوفى والدك بعد عمر طويل راح تلق فراغ و راح تشتاق حتى الامور هادي لي درك مقلقاتك و من بعد صدقني راح تولي ضحكة و ذكريات
مسألة الاولياء سوء ترجمة للمشاعر لا اكثر لا اقل
كلنا تمنيناوالدينا يفهمونا و عاملونا على حساب واش احنا نشوفو لكن نقلك : فيما يخص بالذات الامور لي يحكيها عليك و تحشم بيك صدقني راه مازال يشوف فيك صغير
بالنسبة لاختك راه مرض عند الاولياء صاحبتي امها دايما تقلها طلقي زوجك و ارجعي و كي تقلها راني متهنيه علاه تقلها ايـــه أكــيد غابنك و انتي ساكتة ؟؟؟؟ راه خوف يترجموه بالعكس ان شاء الله تكون فهمتني

نـــقلك حــاجة بـــرك و لو راك راجل حـــرمة والدكم معاكم و هو حي و لو طباعو انت تشوفها غريبة و لا فراقو و الراحة بعيد عليه ؟؟؟؟
عندكم حل واحد ســـايـــسوه و وقت يكون مرتاح نــاقشوه باسلوب لين و لو بمزحة و بسط الامور ماكلاه تديها بحساسية

ربـــي مــعاك

[ندرومة49]

الحقيقة قصص رائعة مع والدك
والله لن تعرف قيمتها إلا حين الفراق

لازم والدك ودردش معاه في كل شيئ

حياتك معاك بهذه الطريقة لن تنساها للأبد

الله يحبب لك والدك هذا ما أقول

ولا تنسى شيئ

هو

عظم فضل الوالد عليك وبالطبع الأم كذلك

[imene12]

للأسف ولا واحد فينا عندو حق إختيار والديه ... و بالتالي تقبلهم كما هم و أحمد الله تعالى على كل حال.
ربي يهديه ان شاء الله

[محمد جديدي التبسي]

يبدو أن والدك عامللكم جو مليح رغم كل ما فيه من سلبيات
لا أدري كيف يمنعك من العمل وأي سلطة تسمح له بذلك ما دام هو لا يوفر لك ما تحتاجه فطبيعي أن تعمل
والدي يشبه والدك في كثير من الأمور خاصة ملاحظاته واستيائه من كل شيء لكن يُحب من يعمل ويسعى لقوت يومه ويعلمنا الاعتماد على النفس فوراء قسوته حب عميق ويكفي أنه بجانبي .. لذلك أخي حاول ان تحسن لوالدك ولا تنتظر منه مقابلا فيكفي أنه وفر لك ما تحتاجه وأنت في هذا السن.. ربي يجمعكم في الجنة ..

[خاطرة الامل]

في النهاية هذا والدك
ولن تشعر بقيمته الا عندها تفقده انا فقدت والدي قبل 20 سنة واتمنى لو كان بيننا لاضعه بين رموش عيني
المهم قد تكون طباع والدك صعبة ولكن حدثه بالتي هي احسن وانك كبرت و احتياجاتك كثرت وان لم يستطع توفيرها فانت تستطيع العمل وان توفر ما تريده فانت لا يجب ان تعود في كل مرة الى اهلك ليساعدوك بالمال فقد كبرت

[مريم الصابرة]

السلام عليكم اخي
هههههههههههه والله ضحكني والدك هايل يضحك وهذو التصرفات لو بعيد الشر يموت راح تبكي عليهم وتتوحشهم يا اخي هذا باباك مهماك انت عقليتو الله غالب هو داير هكذا واش دير إنت راك موالفو وخوتاتك ثاني والله لو نحكيلك على يمى تقريا تشبهلو ههههههههههه مي نحبها ونموت عليها ونولي نضحك كي دير امور هكذا ونكلخلها وندي واش نحب
إنت خويا هذا باباك والدليل راك تضحك على تصرفاتو عارفهم غير عاديين
إبروفيتي وعيش افضل وقت مع باباك نهار يغيب راح تتوحشهم هذي من باب تجربة

[wafa16]

hhhhhhhhhhhhhhhhh t9oul rak tahder 3la papa sob7an allah w nafs la7kayat
ana tani 3andi khouya etudiant machi 7ab ykhalih yekhdem 9alou thala fi 9raytek mais tani maya3tihch drahem
w ki ya3tih 7aja 9liiiiiiiiiiiiiiiiiiiiiiiiiiiiiiiiiila
w khatra tani ra7 voyage 3tah 600da hhhhhhhhhhhhhh
heureusement mama selkatou
w la meme chose m3a s7abou des fois ybahdlou ya7ki 3fayes ta3 dar 9odam les amie ta3na
wela dir 7aja w mat9olouch ynod y3ayet w wa7ed maysektou
7na walefnah wellina neda7ko 3la had les histoires
mais wellah ghir y7abek w balak toufoula ta3ou jazet s3iba 3lih lmala ytebe9 3likom wach chaf
les papa ga3 haka surtou li trabaw f tezyar w l'autorite ta3 waldihom w khawethom
nta lazem twalef w tet3alem matez3afch 3la had l omor loukan yrib tebki 3lih e dem
sa3ef babak w dirlou khatro

[انانيس]

اخي والله حالك كحال الكثيرين لاتنسى ان الكثير من الاولياء يتذمرون من تصرفات الابناء بنفس الطريقة والاسلوب
افهمك كثيرا ولكن عليك بالصبر اخي هذا هو سلاحك وسترى بمرور السنين ان كل هذه المواقف ستصطبغ بالطرافة لتضحك عليها مستقبلا الكثير ماعليك سوى بالصبر فهو يبقى والدك
اتمنى لك التوفيق

[chic.lady]

لوكان نقوللك أخي ملي كان في المتوسطة بدا يخدم على روحو مع أننو لاباس بينا
لكن عود نفسو أنو يصرف على روحو
و كان دائما يخدم و يقرا و الآن راه عندو دكتوراه من الخارج، و هاذا الشيء كامل جاء من عزيمتو
فاسبر على والدك حتى هو عندو نفقات كثيرة و ربي يوفقك و تتخرج ان شاء الله و تصيب خدمة مليحة و تعوض نفسك على كل ما فاتك :)

[mostariyaya]

عليك بالصبر

[سنة4]

ربي يهديه ان شاء الله المهم طول بالك انت معاه وماتعاندوش

[أحمد بوفاريك]

نصيحتي لك هي أن تصبر
و أنا واثق أن أباك لديه خصال حميدة لم تذكرها
و تذكر قول الله تعالى:" وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إِلَيَّ ثُمَّ إِلَيَّ مَرْجِعُكُمْ فَأُنَبِّئُكُمْ بِمَا كُنتُمْ تَعْمَلُونَ". [لقمان:15]
فصاحب أباك بالمعروف و اتبع سبيل الله.

[أحمد بوفاريك]

***********

[سارة غفران]

السلام عليكم كان الله فى عونك لطاعة والدك اضن ان والدك يحتاج الى بعض الاهتمام من قبلكم عامله باحسان الى اخر يوم لما تصبح وتتحمل المسؤولية ستدرك بعض الامور تجهلها الان اللهم ارحم والدى كما ربيانى صغيرا