طريقة صنع خبز الشعير [الأرشيف] - منتديات الجلفة لكل الجزائريين و العرب

مشاهدة النسخة كاملة : طريقة صنع خبز الشعير

ام ملاك.

2013-03-30, 17:31

السلام عليكم
يالبنات اللي تقدر تعاوني كيفاش ندير خبز الشعير مطلوع ولا كسرة و ولا اي نوع منو تفيدني ولها الف شكر
اللي تعرف تخدمو تعطيني الوصفة بالتدقيق الممل حابة نخدمو قلت لراجلي يشريلي باش مانتبهدلش قدامو :1:
راني مريضة شوية الكولون ومانقدرش نستغنى على الخبز امالا حبيت نبدلو بنتاع الشعير قالولي مفيد بزاف للكولون
راني نستنر في الشاطرة اللي تعطيهولي
شكرا مسبقا

omaymen

2013-03-30, 17:43

ان شاء الله اللي تعرف تدخل تفيدك مونية
الله يشفيك من كل شئ يؤذيك
زريعة البسباس مفيدةبزاف للكولون جربيها بلاك تصيبي عليها ان شاء الله

ام ملاك.

2013-03-30, 19:03

يعطيك الصحة اختي ام ايمن
والله جربت كل شي وهاد اليامات رحت للطبيبة مداتلي الدوا راني معاه مي مزال مابداش يبان في
وحبيت ثاني ندير ريجيم قلت نضرب عصفورين بحجرة واحدة

ام ملاك.

2013-03-30, 21:03

وين راكم يالبنات ؟؟؟؟؟؟؟؟؟؟؟؟

sofiane2075

2013-03-30, 21:37

sofiane2075

2013-03-30, 21:42

هادو روابط نتمنى يفيدوك

http://www.djelfa.info/vb/showthread.php?t=775305

http://www.djelfa.info/vb/showthread.php?t=1101939

http://www.djelfa.info/vb/showthread.php?t=1104798

ام راضية

2013-03-30, 21:51

ربي يشفيك حبيبتي مونيا اليك طريقتي وان شاء الله تعجبك
http://www.djelfa.info/vb/showthread.php?t=1101939
طريقته موجودة في الرد رقم6

ام ملاك.

2013-03-30, 23:36

السلام عليكم و رحمة الله و بركاته

اولا ربي يشغيك ان شاء الله اما فيما يخص خبز الشعير ماكنتش تديرو لاني من العاصمة و ماكانش مطاحن عندنا و لما تزوجت في الشرق تعلمت شوية من عجوزتي الله يرحمها لازم تغلي الماء و تبليه مع الملح طبعا و تخليه يرتاح اي ادا درتيه الصباح طيبيه العشية و ادا شمختيه العشية خلية يبات و لما تجي تطيبيه بسيه بالزيت شوية و اعجنيه و شكلي قرص من الاحسن يكونو صغار حتى توالفس لان هادي اصعب مرخلة و سحني الطاجين مليح و طيبي بلا ماتحركيها ختى تحسي طابت لانها تتفتت

هادو روابط نتمنى يفيدوك

http://www.djelfa.info/vb/showthread.php?t=775305

http://www.djelfa.info/vb/showthread.php?t=1101939

http://www.djelfa.info/vb/showthread.php?t=1104798

ربي يشفيك حبيبتي مونيا اليك طريقتي وان شاء الله تعجبك
http://www.djelfa.info/vb/showthread.php?t=1101939
طريقته موجودة في الرد رقم6
يعيعطيكم الصحة درك نشوفهم ونجرب ونصور واللي تنجحلي نحطها في المنتدى ان شالله

wala

2013-03-31, 00:27

اللام عليكم خبز الشعير استعمليه عادى والسر خليه يتشمخ مليح رطل سميد شعير ملعقة كبيرة خميرة الخبز الملح حسب الدوق ونص فنجان زيت شمخيها بماء ساخن نوعا ما حتى تصبح جارية شوية ضعيها داخل علبة او صاشى طريقة الوهرانية ربي يحفضها وخلطى مرة مرة رونيها صباح لعشية طيبيها ضيفى الاء ادا جاتك يابسة اخبزيها سمك 1 سم طيبيها فى طاجين ثقيل اى تع المتقبة وتجى روعة تقدرى تزوديها بالفرينة السانوج كيما الخبز عادى

ام ملاك.

2013-03-31, 08:29

شكرا اختي الاء ان شالله نجربها ونردلك بالخبر

ام لقمان02

2013-03-31, 08:41

حبيبتى راه عندنى نفس المشكل انا كذلك اعاني الامرين من الكلون ران عايش فى القرشالة نديره فطير او نحمسه ونخلطه مع الياروت
رب يشفيك ان شاء الله

ام ملاك.

2013-03-31, 09:36

حبيبتى راه عندنى نفس المشكل انا كذلك اعاني الامرين من الكلون ران عايش فى القرشالة نديره فطير او نحمسه ونخلطه مع الياروت
رب يشفيك ان شاء الله
الله يشفيك حنونة رانا كيفكيف
مافهمتش كيفاش تحمصيه اشرحيلي مليح
والفطير نتاعك كيفاش تديريه؟ بالشرح الممل

ام لقمان02

2013-03-31, 19:00

سلام اختي شوفى احكمى القرشالة ودريه في مقلاة ثقيله وحمسيه كى تبرد فرغى عليه الياروت وبصحتك

بالنسبة للفطير ندير القرشلة عبر بول فردى نزيد عليه 2 مغارف زيت الزيتون نزيد ملح شوى سكر ونلمه بالماء ونخبزه فوق ساشى لانها تتفتت ونقلبه في طاجين الحديد تاع الخبز ونطيبه على الجهتين

ام ملاك.

2013-04-03, 10:21

يعطيك الصحة اختي ام لقمان
نسقسيك ياك القرشالة هو الشعير؟