طلبوا منه ما مجموعه 60 مليون مهر !

[msam3i2010]

السلام عليكم،

كلمت منذ أيام صديقي من احد الولايات بالشرق الجزائري لابارك له زواجه القريب.. فرد علي بأنه قد فسخ خطبته لأن أهل العروس طلبوا منه ما مجموعه 60 مليون مهر العروسة و اقسم بأنه لن يتزوج ابدا..

بطبيعة الحال و بما انني عازب و الحمد لله، لم استطيع ان اقول شيء.. و لي صديق آخر و بعدما سمع بهذه القصة، غير رأيه في الزواج و قال لي ان مال الذي ادخره للزواج سيشتري به سيارة و يرتاح..

و امام عجزي عن الرد اترك لكم اخواني و اخواتي حرية الرد على هذا الحدث..

[صابرين أنا]

ماهذا ولت البنت سلعة تشترى وتباع
الله يهديهم سبحان الله

[aminerag]

[CENTER][SIZE=6]انا اخي واحد مرة خطب وحدة وطلبو منو 20 مليون مهر رفض

وهو الان في السن 38 سنة ولا يريد الزواج اموال كلها راحت في التحواس مخلا حتى بلاد واشترى سيارة logan

[* الحلم سكر *]

بالشرق الزواج كارثة ...
نقلك وضع عايشينو و صار عادة الشرط 10 ملايين و فوق + حاجة ذهب ب 50 مليون عادي ؟؟؟؟؟؟
و الحجة عند الأهـل يقلك كيما الناس الكل و عند البنت تقلك لوكان نفوت و نحس بيه يقلك ما عندهاش قيمة ؟؟؟؟
و الـــكارثة اللي تخــاف ربي و مسـاعف الراجل يقولولك زعـــما علاه واش بيها ؟؟؟؟؟؟؟

المهم عن تجربة أخي و في ظل نفس الظروف راح يخطب و قلها أنا ماعنديش خدام جديد تقبلو بيا بظروفي ما نعطيكش شرط كيما ره بالملايين و ما تجيبيلي والو نبداو مساعفين بعضانا و الا لا؟
هي و هوما بصراحة فاميلا بمعنى الكلمة قالولي على بركة الله
نهار العرس ادالها الحمد الله لي ماكانتش متوقعاتو و خير من اي واحدة تتشرط ** كان برك حاب يعرف عقليتها ** علابالو دارنا ماراحش يخلوه و بارك ليهم ربي حياتهم و راهم بطفلة و طفل ما شاء الله

* كاين صح بنات تخاف من ردة الفعل لا يقولي علاه ما اشرطتش امالا ؟؟؟؟؟؟؟
* و كاين الطمع نساها قيمتها و لي ماراهيش سلعة للبيع ؟؟؟؟؟؟؟؟
* و كاين رجال يموتو على اللي تعجزهم ....؟؟؟؟؟

و يبقى الاختيار هو الأساس لا عادة لا حجة

و أكيد لي يخاف ربي كيما يشوف لولدو يشوف لولد الناس و الكذب نتاع اليام لولا رانا نشوفو نتاءجو الله يرضى على ناس زمان ما تشرطي عليا ما تجيبيلي الراجل بكلمتو و المرا بحرمتها
آســـفة على الاطالة و لوكان تشوفو لواقع ما تسكتوش ..................
ســــــلام

[sali-sali]

كون هدا صاحبك اعرف شتا يختار و بنت فاميليا والله مايشرطو عليه بزاف ...المهم يهنيها
ممكن سوء اختيار منه

لكن اصبحت حجة اغلب الشباب هي المهرالدي يقدمه..ويقولك حلفت مانتزوجش
لي يحب ياسس حياة زوجية....و يكمل حياته يعرف يختار و اصلا تكون نيته في الزواج
اما لي حاب زواج وخلاص يلقى ديما الاسباب

[mostariyaya]

والله غريب وعجيب النساء موجودات خاصة بنات الفميلا والله عجب الجزائر واسعة وشاسعة حيرتني أخي:confused::confused::confused:

[نورسين.داية]

هو الإنسان الذي يفكر بعقلية إقناع الغير ...على انه قادر ماديا ..............فهذا هو مصيره للأسف


إذ لا يكلف الله نفسا إلا وسعها لا أعتقد أنها قيلت عبثا ................................

[comptable18]

سبحان الله و لا حول ولا قوة إلا بالله
الزواج غالي والزنا رخيص
!!!!!!!!!!!!!!!!!!!!!!!!!!!!!!!!!!!!!!!!!!!

[libanarim]

دعك منها ، عوضك الله خيرا

[/زهرة عصفور الجنة/]

ليست حجة منه لكي يعزف عن الزواج .الطيبون للطيبات ان شاء الله سيجد ببنت تؤمن بأن اقلهن مهرا أكثرهن بركة

[tateb]

يا بنات اسمعوا قول الرسول الكريم و افهموه
خيركن اقلكن مهرا
يا بنات افهموا ان الزواج نعمه و ستر يسروا و لا تعسروا

[thawizat]

لا حول ولا قوة إلى بالله
أصبح إكمال نصف الدين عند بعض الناس مشروعا تجاريا

[imene12]

بالفعل الزواج في الشرق الجزائري أصبح قريب من المستحيل " إلا من رحم ربي"

[خليل قيصر]

اذا كانت مرأة صالحة تستحق اكثر هو الغالط الذي هرب ولم يستطع ان يكون في المستوى ثم هل يستطيع عاقل الصبر على الزواج
انا شخصيا متزوج واب 5اطفال وزوجتي عاملة ومرتاح لكني افكر بجدية في زوجة ثانية ولما لا المرأة هي افيون الرجل

[nono hydrau]

كارثــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــة

[chic.lady]

" أقلهن مهورا أكثرهن بركة "
كيما رانا نشوفو ولاو يطلبو بزاف في المهور فولاو كاين مشاكل لا تعد ولا تحصى
ربي يهدينا

[خليل قيصر]

المهر الرخيص يجعل الرجل يبدل كيفما شاء النساء صدقوني نحن الرجال نحب صنف من المخلوقات التي تهوى عيشة الذل

[julien2013]

الطمع يخصر الطبع

[msam3i2010]

عضو مبـدع
http://www.djelfa.info/vb/images/dj1.gifhttp://www.djelfa.info/vb/images/dj1.gifhttp://www.djelfa.info/vb/images/dj1.gifhttp://www.djelfa.info/vb/images/dj1.gif


http://www.djelfa.info/vb/customavatars/avatar435691_1.gif (http://www.djelfa.info/vb/member.php?u=435691)
المهر الرخيص يجعل الرجل يبدل كيفما شاء النساء صدقوني نحن الرجال نحب صنف من المخلوقات التي تهوى عيشة الذل



يقول صلى الله عليه و سلم : اكثر النساء بركة اقلهن مهورا .... و انت تقول العكس !!!

صح زمن غريب !!

[naiilia]

هاذون راهم يطردوا فيه بطريقة غبية جعلت بنتهم تبدوا وكأنها سلعة

[hananelove]

ربي يهديكم يا رجال المرا ماراهيش سلعة mais كي تمدلها مهر غالي تفكر 100 مرة اقبل ما تشوف مع وحدة خلافها

[سرور12]

عَنْ مُحَمَّدِ بْنِ سِيرِينَ عَنْ أَبِى الْعَجْفَاءِ السُّلَمِىِّ قَالَ سَمِعْتُ عُمَرَ بْنَ الْخَطَّابِ رَضِىَ اللَّهُ عَنْهُ يَقُولُ :" إِيَّاكُمْ وَالْمُغَالاَةِ فِى مُهُورِ النِّسَاءِ فَإِنَّهَا لَوْ كَانَتْ تَقْوَى عِنْدَ اللَّهِ أَوْ مَكْرُمَةً عِنْدَ النَّاسِ لَكَانَ رَسُولُ اللَّهِ -صلى الله عليه وسلم- أَوْلاَكُمْ بِهَا مَا نَكَحَ رَسُولُ اللَّهِ -صلى الله عليه وسلم- شَيْئًا مِنْ نِسَائِهِ وَلاَ أَنْكَحَ وَاحِدَةً مِنْ بَنَاتِهِ بِأَكْثَرِ مِنِ اثْنَىْ عَشَرَةَ أُوقِيَّةً وَهِىَ أَرْبَعُمِائَةِ دِرْهَمٍ وَثَمَانُونَ دِرْهَمًا وَإِنَّ أَحَدَهُمْ لَيُغَالِى بِمَهْرِ امْرَأَتِهِ حَتَّى يَبْقَى عَدَاوَةً فِى نَفْسِهِ فَيَقُولُ : لَقَدْ كُلِّفْتُ لَكِ عَلَقَ الْقِرْبَةِ "

[سرور12]

ربي يهديكم يا رجال المرا ماراهيش سلعة mais كي تمدلها مهر غالي تفكر 100 مرة اقبل ما تشوف مع وحدة خلافها
لي يحب يخون يخون الحاجة هاذي ماتمنعوش

[لمياء كوكو]

ربي يهدي ناس كيما هكا يعني مهر 60 مليون علاه واش صرا


راح يشري طاكسي و لا راح يجيب سلعة



و أنا نوجه نصيحة لجميع العائلات المغرورة نعم المغرورة
كلما قل المهر زادت البركة



واش بيكم ياناس



علاه تحبو السوارد هكا



ربي يهدي ماخلق

[zaherrr]

اوه واه 60 ؟؟؟؟؟؟ مرحبااااا للعنوسة والعزوبية

[msam3i2010]

انا قلتلوا هناك ربي منهم ... هذوك عايلة تع شر ... بعد ايام رجع ليا و قالي عندك الحق، رني زدت سألت عليهم و قالولي عليهم هدرة كبيرة

لهذا انا نقول لكل شاب حاب يتزوج ، اذا طلبو منك المحال فهذه رسالة من الله انهم عايلة تع شر و لي فيه الخير يشري راجل قبل الدراهم

[knives55]

يا اخي هذ هو المشكل الذي عاد يهرب رجال من زواج

وانا واحد منهم لا استطيع تفكير في زاوج نهائيا يعني عاد مشكل معضلة هذ الزمان

مصاريف تصل الى 60 و 80 مليون علاه عليا راني نلقي في دراهم في زبل

والله شقاء 5 سنوات من العمل نلوحها على جال مراة والله كان نهبل ومانديرها

لوكان نعرف هي مفتاحي الى جنة واش راح نقولك نعم

سيارة افضل من المراة هذ واش عدة نشوف


وخليهم يبروا ما يقنعك لا بنات فيمليا ولا هم يحزنون كلهم عقلية وحدة هات درهم

مهم يمصوا راجل شعب جيعان كل عادة فيهم هذ العادة

انا نقولك اخطيك كلنا رانا نخمموا ما نتزوجوش مكش غير انت ولا صاحبك

خليهم يبروا حنا جيبوا نساء يوا لكان من اسكيموا بصح هما يو انقولي ما يقبلش بيهم

[abdelmalekmhdf]

و في الاخير نتحدث عن مشكل العنوسة. بالله عليكم من المسؤول عن عزوف الشباب عن الزواح. من هو المسؤول عن بقاء بناتنا بدون زواج. انه نكليف الخاطب مالا يطيق .دون الحديث عن توفير السكن و غيره

[ناشدة السؤدد]

حسب الحالة الاجتماعية للخاطب و لأهل المخطوبة
صارت تحدد قيمة المهر

فلو لم يرفع رأسه و نظر بشكل مستقيم أو أسفل
لما رفعوا المهر
و الله ولي التوفيق

[lilou f lilou a]

هههههههههههه موسطاشات بــ 60 مليون