مشروع حضاااااانة [الأرشيف] - منتديات الجلفة لكل الجزائريين و العرب

sillin

2013-03-27, 21:06

السلام عليكم
اخوتي من سيساعدني في فكرة مشروع حضانة
كيفاه نبدا واش هو تخصص لي لازم يكون باه نقدرندير حضانة شكون نسقسي
وهل يكون فيه روجيستر كومرسيال

من اين ابدأ............
ساعدوني من فضلكم حلمي اني ندير حضانة اطفال

samouna rourou

2013-03-27, 22:39

الله يكون في العون ربي يحققلك ما تتمناي

dabour1

2013-03-27, 22:45

أنا نعاونك بمخطط حضانة مجاننا باعتباري مهندس وزيد دعوة الخير....

sillin

2013-03-28, 18:41

شكرا بارك الله فيكم وربي يعطيكم ما تتمناو
هيا ياناس الخير عاونوي على وجه ربي معلاباليش شكون نسقسي

بقايا الم

2013-03-28, 18:47

السلام عليكم ورحمة الله و بركاته

المشروع ناجح لكن صعب اختي روحي la das سقسي رح يعطوك دفتر الشروط وهو تقريبا تعجيزي و يلزم تكون عندك خبرة 5 سنوات كمديرة روضة اطفال او 5 سنوات خبرة كمربية + شروط المكان توفر مساحة لعب و غرفة تمريض و تهوية و مساحة خاصة روحي و سقسي يزيدو يعطوك معلومات و لازم سجل تجاري لانو فالعاصمة هاد العام تقريبا 200 روضة تم غلقها لعدم توفر الشروط

الله يفتح عليك اختي و اسعاي و ان شاء الله ربي يفتح و يسهلك

sillin

2013-03-29, 19:49

ربي اعيشك اختي وبارك لله فيك وربي نولك واش في بالك
اذن في الشروط لازم يكون التخصص والخبرة 5 سنوات ؟؟؟؟؟؟؟

بقايا الم

2013-03-29, 21:44

ربي يحفظك اختي شكرا

نعم 5 سنوات هي شرط كخبرة من الافضل زيدي روحي و سقسي

:)

فرناس وهران

2013-03-29, 22:45

لم يتغير هذا الشرط لانني كنت اريد ىانشاء واحدة

mostefa11

2013-03-29, 23:27

الخبرة الخبرة الخبرة الخبرة الخبرة الخبرة الخبرة الخبرة قتلونا بهذه الكلمة

sillin

2013-03-30, 12:40

5 سنوات نبقى في الدارامالا واش هادا التعجيز حرام عليهم
واحد احب ادير حاجة يقولولو خبرة كون جات عندو خبرة او مايروحش يبحت عن مشروع واحد اخر

انا استفسر عن المشروع لانو كنت نعرف واحدة دايرة حضانة في apartement ومكانتش عندها خبرة وماكناتش مختصة في تربية
عندها المحل و السجل التجاري وفرات
واحنا كي جات لينا ولا ت فيها سيدي وسيدك......... اف

laouss

2013-03-30, 12:55

rebi alem khti mais ned3ilek rebi m3aya rebi yesahelek fe machrou3ek nchalah

فرناس وهران

2013-03-30, 17:34

سلام عليكم
اليك طريقة لكن يلزمها بعض الوقت من اجل ان تصبح الحضانة خاصة بك
لاداس تشترط خبرة 5 سنوات كمربية في روضة .
او ان يكون معلم او استاذ متقاعد
تقوم الاستاذة بطلب رحصة استغلال روضة اطفال و تقوم بانشاء الروضة
و تقوم انت بالعمل كمديرة او مسيرة للروضة خلال الخمس سنوات ثم تقوم بالتنازل عن الروضة و تقومي انت بتقديم رخصة روضة

sillin

2013-03-30, 19:01

rebi alem khti mais ned3ilek rebi m3aya rebi yesahelek fe machrou3ek nchalah

بارك الله فيك خويا وربي سهلنا جميعا

sillin

2013-03-30, 19:45

شكرا لك اخي فرناس
مامانا خممت نشوف كاش وحدة مختصة في تربية الاطفال ونكونو الحضانة مع بعض
لكن كيف وين راح نلقاها هنا المشكل؟
وزيد ماهو الاختصاص التي تكون دايرتو بالضبط ؟ وما معني معلمة متقاعدة اتقصد اي معلمة كانت في مدرسة
وما هي التخصصات التي يمكن ان تساعد في فتح الروضة
انا تخصصي علم الاجتماع

فرناس وهران

2013-03-30, 21:32

الاخت سيلين لم تفهمي الشرط الاول اختي
لا يشترط اي تخصص في انشاء حضانة
سوى: خبرة كمربية في حضانة فقط
هذا الشرط الوحيد التعجيزي الذي تفرضه لاداس اما من ناحية الاشياء الاخرى فهذا سهل من ناحية المكان و الحديقة الى غير ذلك.
اي لا يطلب اي تخصص سوى الخبرة 5 سنوات في حضانة.
اما الطريقة الثانية فهي تمنح رخصة الى المعلمين المتقاعدين فقط مهما كان نوع التعليم المهم انه عملت معلمة.
طبع بعد توفير الشرط الخاص بالمكان.

sillin

2013-03-31, 11:33

شكرا لك اخي ع التوضيح
تسمى نبقاو هكا مع التعجيز تاعهم

الحل الوحيد نشوف كاشوحدة تخدم في حضانة و عندها خبرة فوق 5 سنوات وتدير المشروع و انا شريكة معاها هههههههههه