يريدني زوجته رغم انني اكبره

[souzie]

خطا اسفة

شكرا

[ام مريومة]

مافيها حتى حاجة اختي بالعكس اتكلي على الله و خليهم يجو يخطبوك خصوصا اذا كان ولد فاميليا و انسان صالح و خدام ، و العمر عمرو مكان مانع للزواج خصوصا انو هو راضي بيك و حابك متصعبيهاش عليك كيما يقولو سهلها تسهل وربي يقدملك اللي فيه الخير

[maiar]

عادي اختي المهم مش فالسن كي يتصقصيو عليه و تلقاوه ولد ناس و متخلق و متربي و يعرف ربي هذاك هو المفيد بشرط لازم انت كي توافقي بقناعة بلي مش رايحة تكون هناك حساسية في حكاية السن صديقتي تزوجت مع زميل لنا و هو اقل منها بسنتين و عندهم طفلة ربي يجيب لي فيه الخير

[محمد جديدي التبسي]

راه وليد سفير لا تضيعي الفرصة :)
عادي فارق السن ليس مشكلة ما دام هو راضي المهم تكون أخلاقه جيدة ومن أسرة محافظة ..

[souzie]

راه وليد سفير لا تضيعي الفرصة :)
عادي فارق السن ليس مشكلة ما دام هو راضي المهم تكون أخلاقه جيدة ومن أسرة محافظة ..

هادي لي مدخلتليش فراسي وليد سفير يدي وحدة على قدها جاتني بزاغ و ان الله يكون من مكتوبي يا ربي

[محمد جديدي التبسي]

ربما رأى فيكِ البساطة والاحترام وحسن الخلق وهذا ما يُعجب الرجال
أما إذا رأيت فيهِ أنه لعوب وليس بذلك القدر من الاخلاق والاحترام فإياك أن تغرك أموال أبيه ... والله أعلم

[souzie]

ربما رأى فيكِ البساطة والاحترام وحسن الخلق وهذا ما يُعجب الرجال
أما إذا رأيت فيهِ أنه لعوب وليس بذلك القدر من الاخلاق والاحترام فإياك أن تغرك أموال أبيه ... والله أعلم

لالا و الله والو وليد فاميليا مخلص مي راني خايفة قالولي بلي كي يتطلع للخارج باش يكمل قرايتو راهو رايح يبدلك ويجبها اوروبيا و الله خفت

[مناد بوفلجة]

إذا طلبك للحلال ففارق السن غير مهم

فــ إهتمي بالأهم و ربي يوفقك

[مريم الصابرة]

السلام عليكم اختي
والله عادي بزاف كان هو قابل وراضي عادي جدا اختي وشنو عامين راكم من جيل واحد والله كاين متزوجين وبيناتهم سنوات طويلة وعادي جدا ما تتحسسي ما والو هذا نيتو صافية وغير شافك نوى الحلال خلاص أقبلي وما تظليش تتحسي للموضوع إتكلي على ربي وعادي جدا الف مبروك.

[jiji_"]

استخيري ربي سبحانو وربي يوفقك

[هدى الجيجلية]

إستعيني بالله
وإخطي خطوة إجابية
ولا تترددي
العمر لا يهم
المهم المفاهمة

[nibrasse76]

ابن سفير يكون مع باباه في الخارج ولا سفير جزائري في الجزائر ....كيفاش هاذي ؟؟

حكاية فيها غموض .... والسر عند بنت عمك .

[Dj BoBo]

عندي صديقي ذهب البارحة ليخطب فتاة أكبر منه بــ 4 سنوات

و هو مرتاح ماديا و عمله جد جد رائع

هذه قصة حقيقة و لست أختلقها

أكبر منه بــ 4 سنوات

[شخصية نرجسية]

سقسي عليه لكان انسان صالح ربي يسهل فارق العمر بسيط و الكبير الكبير بعقله و ربي يسهل

[lamita franjia]

اختي و الله فارق السن مايهم و عادي جدا الرسول ص تزوج بخديجة اكبر منو و زيدي لي راهم يوسوسو فيك و يقولولك يروح لاروبا يبدلك كون عينو يدي اوربية علاه حتى يجيك من الاول ليك انت خممي مليح بعقلك راهي الفرص مش كل يوم تتعاود و ماتسمعيش كلام عباد غايرين و مايحبولكش صلاحك و ربي هنيك و رانا نستناو في الجديد نتاعك خبرينا

[الإدريسي العلوي]

انا فتاة تعرفت قبل عدة اشهر على شخص بالصدفة عندما ذهبت لاحدى السفارات من اجل ابنت عمي و لانني لا اعرف سقسيت واحد قتلو وين جاي هادا مكتب امالا ورالي و انا مشفتوش حتى في وجهو املا كي كنت مع بنت عمي جا للمكتب و هدر مع بنت عمي و كي سقسيتها قتلها شكون هدا قاتلي وليد سفير وراهو حاب يدي رقم تاعك قتلاها لالا ورا سمانة دخلني رقم كي رفت قالي انا فلان قتلو واش راك تحوس قالي و الله غير عجبتيني وراني حاب نجيب دارنا يختبوك و انا لي قلقتني صغير عليا بعامين و علابالي بلي والديه ميقبلوش بغسك انا على قدي مي هوا قالي اهدرت مع دارنا قولي برك وينتا نجو مي مهيش جايا نتزوج براجل صغير عليا بعامين رايو عليا و ملاه تقولولي كلام يجرح و لا مكاش منها هاي حكاية
لا تفعلي،رجل لم يتكلف عناء السؤال عن خلقك ودينك،وطلب يدك للزواج من أول نظرة،هذا يقال له نزوة،فاحذري أن تندمي

[souzie]

ابن سفير يكون مع باباه في الخارج ولا سفير جزائري في الجزائر ....كيفاش هاذي ؟؟

حكاية فيها غموض .... والسر عند بنت عمك .
مكان ني غموض ني والو هو باباه سفير اهنا في الجزائر بمعنى مهوش جزائري و هما دوكا راهم ساكنين في الجزائر فهمت دوكا

[souzie]

اختي و الله فارق السن مايهم و عادي جدا الرسول ص تزوج بخديجة اكبر منو و زيدي لي راهم يوسوسو فيك و يقولولك يروح لاروبا يبدلك كون عينو يدي اوربية علاه حتى يجيك من الاول ليك انت خممي مليح بعقلك راهي الفرص مش كل يوم تتعاود و ماتسمعيش كلام عباد غايرين و مايحبولكش صلاحك و ربي هنيك و رانا نستناو في الجديد نتاعك خبرينا
صحيتي اختي ربي يخليك و يهنيك ان شاء الله الشهر الجاي راهم جايين يشوفوني و يا ربي يكون من مكتوبي

[fatimabo]

نورمال المهم هو كي عجبتيه وباغي لحلال شكرا لك .

[knives55]

انا نقولك الحل

ما تقبليش وهكذ تتهني من الموضوع

[سارةالتلمسانية]

شكون يلحق سيدنا محمد ودا السيدة خديجة تكبره باضعاف ماقلته حنونة وين راهو العيب وكان تجي واحد ضغير عليك انا نقولك توكلي على ربي وقوليله اجي يخطبك ومتديري حتى حاجة في بالك وانا عمتي داية واحد صغير عليها بعامين وعايشة معاه غاية ويحبها كثر من لي تحبه ونزيدلك وليد خالتي داي وحدة فايتاته ب عشرة سنوات وعايش معاها غايا وين راه البروبلام كيكون هو يحبك انا تساعفيني قولي واه والصح فيه هو اللي يبغيك

[التوليب الجميلة]

منقدرش نقولك اقبلي اختي انا وحدة اليوم رديت لخبر لواحد مقبلتش و هو انسان مليح بزاف م انا كبيرة عليه بعامين تانيك و تاني انتي صح كيما قال الاخ الادريسي العلوي ما سقسا ما والو جا يخطب و تاني نورمالمو تصلي الاستخارة م انتي مع الاول مترددة بصح ديجا حددتو شهر الجاي يجي يا اختي بلعقل هادا زواج ماشي وليد سفير برك و خلاص

[souzie]

منقدرش نقولك اقبلي اختي انا وحدة اليوم رديت لخبر لواحد مقبلتش و هو انسان مليح بزاف م انا كبيرة عليه بعامين تانيك و تاني انتي صح كيما قال الاخ الادريسي العلوي ما سقسا ما والو جا يخطب و تاني نورمالمو تصلي الاستخارة م انتي مع الاول مترددة بصح ديجا حددتو شهر الجاي يجي يا اختي بلعقل هادا زواج ماشي وليد سفير برك و خلاص
و الله ما خلعني بلي وليد سفير و كيما يقولو وجه الخروف معروف انا الحمد الله بنت عائلة و اصيلة وباين عليا هادا شي و قبل ديك سمانة لي يعيط فيها قاتلي بلي جارتنا جاو ساقساو عليك و الحمد الله وليد فاميليا و نوا الحلال من اللول ما بقاش يلعب

[التوليب الجميلة]

و الله ما خلعني بلي وليد سفير و كيما يقولو وجه الخروف معروف انا الحمد الله بنت عائلة و اصيلة وباين عليا هادا شي و قبل ديك سمانة لي يعيط فيها قاتلي بلي جارتنا جاو ساقساو عليك و الحمد الله وليد فاميليا و نوا الحلال من اللول ما بقاش يلعب

يا اختي خسارة عليك مقلتلكش مخلوعة ما كاش علابالي علاهادي قلتلك هكاك و اختي نقلك ربي يسهللكم ان شاء الله و ربي يوفقكم و ربي يجمعكم مع بعض

[فاتن 89]

مافيها حتى حاجة اختي بالعكس اتكلي على الله و خليهم يجو يخطبوك

[sali-sali]

سقسي عليه مليييييييح
وماتهدريش معاه بزاف..لانو ممكن يجيب الوقت..قوله ارواح للدار وادا ربي كاتب وعلاش لالا..ماهوش فرق كبير
وصلي استخارة

[souzie]

يا اختي خسارة عليك مقلتلكش مخلوعة ما كاش علابالي علاهادي قلتلك هكاك و اختي نقلك ربي يسهللكم ان شاء الله و ربي يوفقكم و ربي يجمعكم مع بعض
;و الله والو يا ختي سمحيلي بزاف و كيما يقولو سقسي مجرب و ما تسقسيش طبيب

[التوليب الجميلة]

;و الله والو يا ختي سمحيلي بزاف و كيما يقولو سقسي مجرب و ما تسقسيش طبيب

ما عندك علاش تطلبي سماح اختي و مرة اخرى ربي يسهللكم و يجمعكم ان شاء الله

[yacine-08]

الله يسهل ابن سفير

فرصة لا تتعوض

[faty05]

اذا ناس ملاح و لازم تسقسو عليه مليح مليح من بعد اطا رضيتي لا تترددي
و اذا راح للخارج رجلك على رجلو مالازمش تخليه يغترب وحده
ربي يهنيك و يسهلك

[omanis]

الله يسهل ابن سفير

فرصة لا تتعوض

اخي لا اوافقك الراي لانو
المنصب او المال لا يحققان في غالب الاحيان السعادة و هدا زواج يعني حياة تعيشها معاه
لا تغرك المظاهر و تكون الندامة
المهم اختي لازم تكوني واثقة من نفسك و تسالو جيدا على اهل الزوج يعني اسالي اكتر من واحد لكي ترين اختلاف الاراء
و ان كانت الاخبار مفرحة توكلي على الله

[ميمنة الجزائر]

ربي يسهلك لكن الاستخارة ثم الاستخارة قبل ما يهمك والو غير الخلق والدين

واللي يترجا مولاه ما يخيبوش

[ميسونا]

توكلي على ربي ةعليك على صلاه الاستخارة عامين مش فرق كبير توكلي على ربي بالصح بالحلال متمديلوش فرصة يخرج معاك وغيرو قبل الخطبة

[nouna l maghbouna]

ابن سفير او رئيس لا يهم المهم الاخلاق سقسي عليه مليح لا تغرك المظاهر
بالنسبة للعمر عادي جدا المهم تكونوا متفاهمين

(إذا جاءكم من ترضون دينه وخلقه فزوجوه)

وفقك الله

[خديجة13]

يا اختي هادي عضوية مشي غير انا لي نفتحها كاين اخواتاتي لي كبار عليا و كاين صحاباتي زوج حوسي عليهم راكي رايحة تلقايني كاتبة عليهم راني نشوف بلي راكي من اكبر متتبعين ههههه

لا انا من عادتي لما اقرا موضوع نروح نخرب في الملف تاع مولاه ..انا نقولك الفارق هذا ليس بمشكل اطلاقا نعرف كثير حالات كيفك و راهم عايشن لاباس عليهم حتى الناس لم ينتبهو لذلك ..لازم برك تنحي الحساسية هذي باش ماتبقايش في دوامة مستقبلا و عليك الاستخارة و السؤال جيدا عنه لا تغرك المظاهر كل شي يزول ما يبقى غير الصح و ربي يتمم بخير نشاء الله

[souzie]

لا انا من عادتي لما اقرا موضوع نروح نخرب في الملف تاع مولاه ..انا نقولك الفارق هذا ليس بمشكل اطلاقا نعرف كثير حالات كيفك و راهم عايشن لاباس عليهم حتى الناس لم ينتبهو لذلك ..لازم برك تنحي الحساسية هذي باش ماتبقايش في دوامة مستقبلا و عليك الاستخارة و السؤال جيدا عنه لا تغرك المظاهر كل شي يزول ما يبقى غير الصح و ربي يتمم بخير نشاء الله
لي طرحت موضوع صحبتي و دوكا راهو خاطبها ربي يكمللها