مطلوعي تفضلو بصحتكم [الأرشيف] - منتديات الجلفة لكل الجزائريين و العرب

مشاهدة النسخة كاملة : مطلوعي تفضلو بصحتكم

ام نسمة

2013-03-25, 12:42

مرحبا صراحة انا كنت اكبر فاشلة في تحضير المطلوع لكن اصريت اني نتعلم ............................ياما قست عجين مع الخبز اليابس .........لكن نجحت في الاخير جربت العجين في الكيس المبلل وهي فكرة ناجحة واليوم درت تاع الدليك والخبيط يعني خلطت مقدارين فرينة مع مقدار سميد رطب تاع البغرير ومغرف زيت وملح ومغرف كبيرة خمارة ذوبتها في شوية ماء وسكر وعجت مليح مليح حتى بدات العجينة تتطرطق بين صباعي غطيتها وخليتها تريح 15 د ثم بلا ما نعجن رفدتها وبديت نخبط فيها في الجفنة مليح مليح وعاودت عجت وكررت العملية مرة اخرى ومن بعد قرصتها وخمرتها لمدة 35 دقيقة لا اكثر لا اقل وفي فرن ساخن طيبتها وهاهي النتيجة وصدقوني كي تصبح تقعد طرية كما هي واللباب اتاعها خفيف مرة ومنفوش .............يعي تقدرو تباركولي وهاد الليامات راح نعمل خبز مطلوع ومزوق من فوق بشرائح الزيتون المالح اتمنى نكون وفيت الشرح لاخواتي اللي راهم يعانو من المشكل اللي عانيت منه انا قبل http://www.alm5zn.com/upfiles/e3K07949.jpg

lamiak1

2013-03-25, 12:55

يعطيك الصحة علي المثابرة بالصح المطلوع يطيب في الطاجين مش في الفرن بالك راكي تهدري علي خبز الدار

ام نسمة

2013-03-25, 13:10

يعطيك الصحة علي المثابرة بالصح المطلوع يطيب في الطاجين مش في الفرن بالك راكي تهدري علي خبز الدار

حنا كامل الخبز اللي نعجنوه في الدار سوا طاب في الكوشة ولا على الطاجين نسموه المطلوع

كوزينة هديل

2013-03-25, 13:24

شكرا لكي أختي على الشرح تسلمي

*بيتي مملكتي*

2013-03-25, 14:25

ماشاء الله يعطيك الصحة ممتازة

الأمنيات

2013-03-25, 14:42

http://www.amiraa.com/bsh/uploads/images/amiraa1bbdb1f700.gif

lamiak1

2013-03-25, 14:42

المطلوع جا يشهي و يبان بنين المهم الشرح كان مفهوم

أنواار الإيماان

2013-03-25, 14:51

يعطيك الصحة

dahbia2009

2013-03-25, 15:21

يعطيك الصحة يالفحلة

feuilleblanche17

2013-03-25, 15:36

هايل بصحتكم

ام نسمة

2013-03-25, 18:10

شكرا لكن على الاطراء خياتي

المستغفرة

2013-03-25, 18:30

شكرا لكي على الشرح. حنا نقولولو خبز الكوشة
وليطيب في الطاجين فوق الطابونة مطلوع
شكرا

ام نسمة

2013-03-25, 20:01

شكرا لكي على الشرح. حنا نقولولو خبز الكوشة
وليطيب في الطاجين فوق الطابونة مطلوع
شكرا

اشكرا اختي انا كامل الخبز اللي ينصنع في الدار انقوله مطلوع

jackin

2013-03-25, 20:22

الله يبارك
ما شاء الله