واش ندير باش ندي 18؟ [الأرشيف] - منتديات الجلفة لكل الجزائريين و العرب

nourgirl1

2013-03-23, 19:10

السلام عليكم ورحمة الله تعالى و بركاته
حابة نسقسيكم حاجة و نتمنى تجاوبوني و خاصة اللي معدلهم ممتاز
انا اغلب مشواري الدراسي ندي 16 مرة برك اديت 17 العام اللي فات الفصل الثاني مع اني كل مرة نقول هاذي المرة ندي اكثر على حسب المجهود اللي ندير فيه
اذا اللي يدي معدلو 17 و لا18 يقولي واش السر وينصحني ماتبخلوش بالنصيحة :sdf::sdf::sdf:

mr_abdoo

2013-03-23, 19:14

المواد الادبية هوما الي يطلعو المعدل علا حساب الي يقراو معايا
انا خاطيني 18 ههههههههههه
والمواد الادبية خاطيني ديت 7 في التربية الاسلامية تحسب مش مسلم

سما الايام

2013-03-23, 19:14

اختي ممكن طلب انتي علميني شو اعمل مشان اخذ معدل مليح في الباااااااااااااااااك لا تبخلي علي بالنصائح

سارة1995

2013-03-23, 19:19

ههههههه سقسي جماعة لي تعبد لقراية انا منقراش خلاص معدلي يطلع 16 بالمواد الاساسية فقط اما الادبية غير 0000000

سارة1995

2013-03-23, 20:00

سلام
.
حاجة ساهلة لازمكــــ غيــــر :1::1::1::1:

http://img.alibaba.com/photo/200425127/clothes_brush.jpg

ومننساوشـــ للمدير كل صباحــ

http://www.coursesenfrance.com/components/com_virtuemart/shop_image/product/CHOCOLAT_MILKA_C_4f324f859fe39.jpg

ومبروكـــ عليكـــ :1::1::1:

هههههههههههههههههههههههههههههه exact:19::19::19:

sihem1095

2013-03-23, 20:38

الموضوع لا يحتاج لقدرات سحرية و لا وصفة طبية___كل ما عليك فعله هو الاجتهاد و المثابرة و تنظيم الوقت و الأهم من كل شيء لا بد من العزيمة و الارادة و توكلي على الله...وحاولي بألا تسمحي لأي شيء أن يلهيك عن دراستك ( انترنت,فايسبوك و غيرها من مواقع التواصل الاجتماعي,أصدقاء السوء...)

و في الختام __أدعو الله أن يوفقك أختاه و يحقق مناك
( أن عن نفسي معدلي دائما 17... الحمد لله على كل حال __لكني بطبعي كإنسانة دائما أشتهي أكثر (18 مثلا :) ) ...عموما من جد وجدّ و كيما نقولو حنا "اللي زرع شي يحصدو " )

تقبلي مروري المتواضع__أتمنى أن أكون قد أفدتك...
بالتوفيق !

bouchera-lili

2013-03-23, 20:46

والله انا ثاني كيفك ملي طلعت للليسي نسيت 18

RIMA95

2013-03-23, 20:50

قل للذي طلب المعالي قاعـداً لا مجد في الدنيا لغير العامــلِ

RIMA95

2013-03-23, 20:52

سلام
.
حاجة ساهلة لازمكــــ غيــــر :1::1::1::1:

http://img.alibaba.com/photo/200425127/clothes_brush.jpg

ومننساوشـــ للمدير كل صباحــ

http://www.coursesenfrance.com/components/com_virtuemart/shop_image/product/chocolat_milka_c_4f324f859fe39.jpg

ومبروكـــ عليكـــ :1::1::1:

هذي صرات صح السنة في قيسمنا هه مزية بدلوا الاستاذه ..............:19:

Hakou28

2013-03-23, 22:42

tamarine bzaf tamarin

lotfidk

2013-03-23, 22:58

ســـلاممم ،

حتــــى أنا مثلكـ وهااد الفصل جبت 16.92 ،

وجااميـ جبت 18 بصح كآينة حــاجة :

مدآمكـ حابة تجيبيـ 18 تجيبيييها !

issac noway

2013-03-24, 03:09

ربما لم يكن ذلك النقص في الفهم أو بسبب نقااط

ادعي الله سبحانه و تعالى و حافظو على الصلاة في وقتها و قراءة القران يعني تاجروو مع الله تعالى و انت في ربح الثواب و التوفيق في الدراسة عن تجربة كلما نبتعد عن الله كلما قلّت النقااط

〆 بٰٰاولو 乄

2013-03-24, 09:22

أحـــــــــــــــفظي مليــــــــــــح وركز في المواد ألي يطـــــــــلعو المعدل أن شالله تجيبيـــــــها وأن شالله 19 وعلاش لالا + بالنسبة لعضو ألي قالت ديت 7 في ترية إسلامية معنــــــــاتها ماهيش مسلمــــــة هههه

شذى الزهور

2013-03-24, 12:06

حنا استاذنا تاع العام الي فات كان يقولنا : تخدموا لل15 تدو 14 تخدمو ل16 تدو 15 لذلك قد ما كان المجهود تاعكم زيدوا و ديروا المستحيل ولكن بالتنظيم
ومرة جابو دكتور التنمية البشرية في الليسي دار محاظرة و قالنا : افضل سبيل للتفوق الثقة بالنفس تخطي الصعوبات و تنظيم الوقت

اميرة الادب

2013-03-24, 13:45

اذا حبيت تجيبي 18 ماهيش بعيدة .ركزي في المواد العلمية وافهميهم مليح وحلي التمارين . اما المواد الادبية وانت مكانش في الكلاسة تجيبي 19 شوي حفاظة برك واكيد المواد العلمية لنطلعو بيها عام الجاي يعني ركزي عليها. انا لول جبت 18 بصح هذا مشاكيتش تبالي 17.
ربي يوفقك وتجيبيها صدقيني ميش بعيدة.

اميرة الادب

2013-03-24, 13:47

سلام

.
حاجة ساهلة لازمكــــ غيــــر :1::1::1::1:

http://img.alibaba.com/photo/200425127/clothes_brush.jpg

ومننساوشـــ للمدير كل صباحــ

http://www.coursesenfrance.com/components/com_virtuemart/shop_image/product/chocolat_milka_c_4f324f859fe39.jpg

ومبروكـــ عليكـــ :1::1::1:

ماشي اكل غير لحوسو على الحرام يديروها. ربي يعافينا.

✿❀سًجّْـدًةْ خٌشٌـوُعٍـ ❀✿

2013-03-24, 15:15

والله اني احاول جاهدة لاصل هذا المعدل
ولكن بلا جدوى
17 ما نفوتهاش
صحيح نحمد ربي عليه ولكن احن ل 18 التي كانت لا تفارقني في المتوسط
وان شاء الله في الباكالوريا نتحصلوا عليها

رميساء خولة

2013-03-24, 15:17

ان شاء الله يارب تكون 18 في الباك

maya rosette

2013-03-25, 08:50

يجب أن تمري بمراحل و تضاعفي مجهوداتكي مثلا للتي تحصل على 17 يمكنها بمضاعنة مجهودها أن تحصل على 17.50 و من ثم 17.9 إلى أن تصل إلى 18 لايوجد مستحيل

متفائلة في زمن الياس

2013-03-25, 09:16

يجب أن تمري بمراحل و تضاعفي مجهوداتكي مثلا للتي تحصل على 17 يمكنها بمضاعنة مجهودها أن تحصل على 17.50 و من ثم 17.9 إلى أن تصل إلى 18 لايوجد مستحيل
كيما قلتي ايه عندك الحق كل شيء يجي بالجتهاد والارادة والرغبة المشتعلة

❀مَلِيْكَة❀

2013-03-25, 09:29

مليح عندو الحق

maya rosette

2013-03-25, 09:50

ساعدوني إخوتي و سأكون ممتنة لكم
http://www.djelfa.info/vb/showthread.php?t=1249183

nourgirl1

2013-03-25, 16:51

شكراااااااااااااااااااااااااااا لكم اخواتي الكريمات
والله افدتوني بزاااااااااااااااااف والمهم الاجتهاد شكرا على مروركن الطيب

mohamed_mido

2013-03-25, 16:58

أرســلي كـلمة.(حلـم)أو(dream)الـى الرقـم الموالـي
000018.22

DiSolator

2013-03-26, 09:24

السلام عليكم ورحمة الله تعالى وبركاته
حقيقة كل طالب و امكانياته و خصائصه
يعني هناك من يفهم الرياضيات فقط من الدرس و كذا هناك من يفهم المواد الاخرى من اوائل الدروس
و هناك من يجد صعوبات في ذلك
لكن اهم ما في الرياضيات والفيزياء و العلوم هي التمارين
الرياضيات=تطبيقات
اما بالنسبة لمواد الحفظ (و احيانا تدخل العلوم معاهم)فعليك بالقرآن
اذا بداتي بحفظ القرأن ستمتلكين قدرة هائلة على استقبال المعلومات و ممكن تحفظين اغلب الدرس من الوهلة الاولى
تقبلي تحياتي ....

nourgirl1

2013-03-26, 17:38

شكرااااااااااااااااااااااااااااااااااااااااااااااا اااااااااااا جزاكم الله الف خير يا رب اعنا على تحقيق احلامنا

systeme inconnu

2013-03-27, 09:15

اذا بداتي بحفظ القرأن ستمتلكين قدرة هائلة على استقبال المعلومات و ممكن تحفظين اغلب الدرس من الوهلة الاولى
تقبلي تحياتي ..اشاطرك في الراي disolator

قابضة على الجمر

2013-03-27, 09:49

انا الحمد لله هذا الفصل جبت 18.39 و الاول 17.73 و تاكدي ان السر هو الثقة في الله اذا دعوت الله ان يحققك مبتغاك من المؤكد انك ستستحين من الله كيف تطلبين و لا تقدمين و هذا ما يجعلك تجتهدين اكثر في العبادة اولا ثم الدراسة و تاكدي انه لا يوجد مستحيل
و لكن اذا دعوت الله و لم تاخذي ما اردتي فتاكدي انه لاخير فيه
وفقنا الله واياكي لم يحبه و يرضاه

{ توبة }

2013-03-27, 10:12

اذا كنت حابة تجيبي هذا المعدل ان شاء الله تقدري مدام عندك امكانيات
لابد عليك اختي بالمثابرة و الاجتهاد حل التمارين
و لازم طول العام تقراي مشي غير قبل الفروض و الاختبارات
نظن الليكور في المواد العلمية رح يعاونوك مليح
طبعا بالاضافة الى الكتب الخارجية
و متنسايش المحافظة على الصلوات و قراءة القرآن
و ربي يوفقك ان شاء الله

abderraouf515

2013-03-27, 13:32

سلاااااااااااااااااااااااام
الاصرار و المثابرة والثقة بالنفس هي المفتاح ولا يوجد اي لغز

nourgirl1

2013-03-27, 18:50

شكرررررررررررررررررررررررررا جزاكم اللله الف خير وجعلها الله في ميزان حسناتكم

nariman mimi

2013-03-27, 19:33

بلييييييييز راني ملي طلعت الي النهائي نسيت 16 قولي واش ندير جوبوني ارجوكم

*basma*

2013-03-27, 19:53

https://encrypted-tbn1.gstatic.com/images?q=tbn:ANd9GcQwv5n1IIkcFjE2vRnOw5iJvwRP2-jrHznvQjZjUkVMSs7UU_om
https://encrypted-tbn1.gstatic.com/images?q=tbn:ANd9GcQKw8OWcvVoqHKzhrRjzcDXT4syrufDM oQy0C5EfzOHC2M3F7SS

ميرا97

2013-03-28, 14:54

[هذا الفصل الاولى تاعنا في الليسي 18.74 الله يبارك تلميذة مجتهدة
دايما نحطها في راسي ونقرا نقول بالاك بالاك كاش نهار نفوتها حاليا معدلي 15
وهكذا راني في تقدم ان شاء الله
ودايما نحب نكسب تقدير واحترام الاساتذة تاعي وهو اسمى هدف ليا
وكذلك التكريمات تحفزني
وهكا برك يا اختي

fares_sms

2013-03-28, 16:41

ana jamais dit 18 , toujour bin 10 et 11 et 12... hakda wo ne9ol hamdolah

nourgirl1

2013-06-28, 20:25

شكرا اخوتي بارك الله فيك
مع الاسف ماجبتش 18 في التاني جبت 16و التالت تاني كيف كيف مع الاسف مي نشكركم كامل على النصائح انتاوعكم و واش نقول غير الحمد لله

THE GREAT GIRL

2013-06-28, 23:14

السلام عليكم و رحمة الله و بركاته

كيف حالك عزيزتي نور الهدى للاسف لن نلتقي مجددا الا بعد اسبوع كااااااامل ..... انا ملي طلعت الثانوية جامي اديت معدل 18 و لكن نقدر نقلك باختصار العزيمة على فعل شيء ما تجعلك قادرة على فعل ذلك مهما بدا مستحيلا.....

تقبلوا مروري فرح

nourgirl1

2013-06-29, 11:16

و عليكم السلام و رحمة الله تعالى و بركاته
اختي فرح يسعدني مرورك بل مرورك يشرفني اختي الغالية اشتقت اليك منذ الان............اصدقك القول العزيمة اساس النجاح
مجددا مرورك اسعدني

srh

2013-06-30, 11:39

و الله نفس المشكل انا تاني حصلت في 17 كامل مشواري الدراسي وانا نديها حصلت على 18 مرة في السنة الاولى متوسط ومرتين في السنة الرابعة متوسط وفي البيام ديت 17بفاصلة كبيرة و ملحقتش 18 اما كي طلعت لليسي نسيت كامل 18 اعلى معدل ديتو 17.85....هده قصتي مع 18.ايلا لقيتي الحل لل تخلص من التابعة تاع 17 ما تنساينيش

nourgirl1

2013-06-30, 17:52

ههههههههههههه ان شا الله يا ربي مي الله يبارك راكي 44444444 يعني معدلك احسن من معدلي وان شا الله الامتياز نجيبوها في الباك بسمو نظن بللي 18 راهي حاشمة منا برك راهي ان شا الله تنحي الحشمة في الباك وتطل علينا هدا ماكان ههههههههههههه ماتخافيش

اريجو

2013-07-02, 19:46

انا ايضا منذ ان اصبحت في الثانوية لم اتحصل على 18 بالنسبة لي ان الاستاذ له دور في ذلك فمثلا: لدي استاذ في الرياضيات لاافهم عليه ابدا فماذا افعل ؟
لكن انصحك ان تتابعي استاذك اثناء الشرح وان تضعي هدفا امامك هو الحصول على هذا المعدل الذي ترغبين فيه

حاملة القران سمية

2013-07-02, 20:04

بارك الله فيكم جميعا افدتموني شكرا لكم

جيهان عاشقة الفيزياء

2013-07-02, 20:08

متبكيش يالميمــة❀ هذي دنيا حزينــــــة
لحزان كاينة ديمـااا❀وحنا شحال بكيــــن
متبكيش يالميمـــة❀علاش هكا تبكي فينا
معليش ننسى لي فاات ❀ نوعدك بتبسيمـــة
رائعة
اختي وان اود مثلك معدل18

بيْـدباَ

2013-07-03, 14:49

اغلبنا يريد هذا المعدل لكن بالدعاءوالمثابرة و الاجتهاد و خااصة تنظيم الوقت و عدم ارهاق النفس يمكن الحصول عليه.ان شاء الله لكي و لنا

srh

2013-07-03, 19:35

الرميصاء1237

2013-07-04, 00:31

كلنا نملك نفس القدرات وليس هناك فرق بين هذا وذاك
كل ما في الأمر أنه يجب عليك أن تعطي لكل مادة حقها من المراجعة
أي لا تجعلي مراجعتك تعتمد على أولويات أي لاتهملي المواد الادبية
فالكثير من التلاميذ يظنون بأن اخذ علامات عالية في المواد ذات المعامل العالي كفيلة برفع قيمةالمعدل
وبقوة الارادة والتوكل على الله يمكن تحقيق ما نريد واكثر

Just.Girl~

2013-07-04, 21:37

هههه انا في سالف الايام كنت نخدم ل 15 ندي 13 ودرك وليت نخدم ل 13 راني ندي 10 الله يجيب الخير

nourgirl1

2013-07-07, 12:03

السلام عليكم و رحمة الله تعالى و بر كاته
انا اتفق معك اختي الرميصاء فانا اعتمدت فقط على المواد العلمية و هذا لم يكن بالشيء الواجب فعله كلامك كله صحيح
اما بالنسبة لاختي just girl اقول لك لا تفقدي الامل و كونو واثقة بنفسك و اجتهدي و ان شا الله ستنالي و ربي يوفقك اختي

delano

2013-07-07, 12:10

المواد الأدبية

أنا كي كنت في الـليسي نجيب غير في المواد العلمية و يهبطوني ديما المواد الأدبية

عمري لا ديت أكثر من 12 فيهم

أقري المواد الأدبية كيما المواد العلمية

Aya Bouguerra

2013-07-07, 14:23

أنا نركز غير على لقراية في القسم أما في الدار نقرا غير في وقت الامتحانات لكن في القسم و لا حركة نبقى غير مع الأستاذ و ديما نتحصل على معدل 17 و 18