لا تتصل بي مرة أخرى

[hansali_33]

إنسان خاطب كلما يتشاجران وهذا عادي أي خاطبين يتشاجرن و يتصالحان خطيبته تقول له ًلا تتصل بي مرة أخرى ً كررتها العديد من المرات وفي المرة الأخيرة غضب منها ليس على سبب المشاجرة بل على هذه الجملة ً لا تتصل بي مرة أخرى ً فطلب منها أن تتصل أمها بأمه لتعلمها بفسخ الخطبة حتى يجربها و حتى لا ذنب عليه فهل هو على صواب وماذا يفعل معها؟

[hansali_33]

إنسان خاطب كلما يتشاجران وهذا عادي أي خاطبين يتشاجرن و يتصالحان خطيبته تقول له ًلا تتصل بي مرة أخرى ً كررتها العديد من المرات وفي المرة الأخيرة غضب منها ليس على سبب المشاجرة بل على هذه الجملة ً لا تتصل بي مرة أخرى ً فطلب منها أن تتصل أمها بأمه لتعلمها بفسخ الخطبة حتى يجربها و حتى لا ذنب عليه فهل هو على صواب وماذا يفعل معها؟

[مريم الصابرة]

السلام عليكم اخي نظن الحكايات هذو يخصوك إنت
المهم معليناش شوف خويا هذا زواج راك تلعب إنت وهي هي تقولك ما تعيطش وإنت تقولها قولي ليماك تهدر مع يمى باه يخوّفها هذا لعب الذراري خويا هذا زواج ومسؤولية ورايحين ديرو دار وأولاد هذا اللعب خلاص المرا دايما تقول كلمة ما تعيطليش والرجال يحلف ويتصحّف ما نعيطش نصف ساعة يعيط هذو مشاكل كالملح فالأكل لازمين وإنت كلمة ونفسخو هنا ثاني راك تتمسخر أيا إديها لدارك وبركانا من اللعب قد ما طوّلو الخطبة الحالة تزيد وأطلب السماح على كلمة نفسخو الخطبة كان ما راكش ناوي تفسخ تتمسخر برك وفهمها كلمة ما تزيدش تعيطلي نورمالمو تقولهالك ما تعيطليش لأنو ما راهيش مرتك شرعا لكن إحنا رجعت عادية عيط وتفاهمو ربي يهديك إنت وهي

[مسلمة وافتخر17]

الرجال مابقاو رجال ونساء ماهم نساء
وصراحة سبب تغيير النساء لقلة رجولة الرجال

[white-heart]

n'importe quoi!! ezewaj fe9ad 9i****h hata reja3 la3b aw? arewah we fessakh?

[comptable18]

الرجال مابقاو رجال ونساء ماهم نساء
وصراحة سبب تغيير النساء لقلة رجولة الرجال
والله راكي حكيتي واش في قلبي

[الدر المكنون]

ربي يهديكم في زوج انا نشوف بلي مازلتو صغار على مسؤولية الزواج ولا واحد فيكم يتغاضى و يحط من روحو

ومشاكلكم اتعلمو تحلوهم وحدكم بعيد على والديكم هوما زوجو كم باش يتهناو منكم وانتوما حابين ترفعولهم الضغط من ذرك في فترة الخطوبة وكي تزوجو واش اديروا ولا اديرو مصارعة حرة

[ناشدة السؤدد]

لا تتصل بها كي لا تكثر المشاكل

[دلوعة أبيها]

البورتابل هو السبب
والتعطال في الدخول كل ماواين تطوال المدة تاع العرس يكثرو المشاكل
ربي يصلح عرسان وعرايس هاذ الوقت وقت اخوف